Куба, АНУ-ын хооронд 50 гаруй жилийн дараа дахин далайн тээвэр хийгдэхээр гэрээ зурагдлаа. АНУ 1960 онд Кубаын эсрэг худалдааны хориг тавьсны дараа хоёр орны хооронд далайн тээврийн үйлчилгээ зогссон аж. АНУ-ын засгийн газар одоо хоригоо цуцалж, далайн тээврийн үйлчилгээ эрхэлдэг дөрвөн компанид лиценз олгосон байна. Үүний зэрэгцээ АНУ-ын Нью-Йорк хотоос Куба руу онгоцоор нислэг үйлдэх тухай мэдэгджээ.
АНУ Кубатай хагас зууны турш тасарсан харилцаагаа сэргээх алхмыг өнгөрсөн арванхоёрдугаар сард хийснээс хойш хоёр орны хооронд олон гэрээ хэлцэл яригдаж эхлээд буй.
Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2015.05.06.Лхагва гараг/ хуралдаан 10 цаг 05 минутад гишүүдийн ирц бүрдсэнээр эхэлж, Хөдөлмөрийн аюулгүй байдал, эрүүл ахуйн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг үргэлжлүүлэн хэлэлцэв. 
Германы хойд хэсэгт торнадо дэгдэж, их хэмжээний хохирол учруулжээ. Торнадо шуурганы улмаас нэг хүн амь үрэгдэж, 30 хүн гэмтэж бэртсэн аж. Германы Бютцов хотноо хүчтэй хар шуурганд автомашинууд 70 метр орчим зайд шидэгдэж, байшин барилгын дээвэр хууларчээ. Шуурганы үеэр Бютцов хотын онцгой байдлын албаныхан олон зуун дуудлагад дарагдсан байна.
Өчигдөр Улаанбаатар хотын Замын цагдаагийн газрын Мэдээлэл шуурхай удирдлагын хэлтэс нийт 376 дуудлага мэдээ мэдээлэл хүлээн авснаас зам тээврийн ослын 276 дуудлага бүртгэгдсэн байна. Үүнээс Хөдөлгөөний аюулгүй байдлын журмын эсрэг гэмт хэрэг 17 бүртгэгдэж 17 хүн хүнд хөнгөн гэмтсэн байна. Зам тээврийн осолд долоон хүүхэд өртсөнөөс сургуулийн өмнөх насны нэг, сургуулийн насны зургаан хүүхэд байжээ. Мөн согтуугаар тээврийн хэрэгсэл жолоодсон 80 жолоочийг илрүүлж гарч болзошгүй осол хэргээс урьдчилан сэргийлж ажилласан байна. 
“Save the Children” буяны байгууллага эх хүүхдэд ээлтэй орнуудын чансааг гаргасан тухай өөрийн сайтаар мэдээлэв.
УЕПГ-ын дарга М.Энх-Амгалан тушаал гаргаж зарим хэргийг нутаг дэвсгэрийн харьяалал харгалзахгүйгээр Нийслэлийн прокурорт хянаж, шийдвэрлэж байхаар өөрчилсөн байна. 
Анх 1998 онд зохион байгуулж байсан Азийн зүүн бүсийн эрэгтэйчүүдийн гар бөмбөгийн аварга шалгаруулах тэмцээн энэ сарын 10- 16-нд Буянт-Ухаа Спортын ордонд болно. Азийн зүүн бүсэд найман үндэсний холбоо харьяалагддаг бөгөөд энэ удаагийн тэмцээнд бүгд орно хэмээн мэдүүлгээ өгөөд байгаа аж. Өмнө нь хоёр ч удаа манай улсад зохиогдож байсан тэмцээнийг 2012 оноос эхлэн эрэгтэй, эмэгтэй төрлүүдийг тусад нь зохион байгуулж байхаар шийдвэрлэснээр 2012 онд БНХАУ-д, 2014 онд Хонконгт эмэгтэйчүүдийн, 2013 онд Тайваньд эрэгтэйчүүдийн гэсэн төрлөөр аваргуудаа шалгаруулж байжээ.
АНУ-ын Бригам Янгийн их сургуулийн “Вайнд симфони” үлээвэр найрал хөгжмийн оркестр Монголд сонгодог урлаг сонирхогч, судлаач, хөгжмийн шүүмжлэгч, иргэд, олон нийтэд зориулан хоёр өдөр тоглохоор Улаанбаатарт иржээ. Азийн орнуудаар аялан тоглож буй уг оркестр Дональд Петерсоны удирддага дор өнөөдөр, маргааш Монголын үзэгчдэд зориулан “Тусгаар тогтнолын ордон”-д уран бүтээлээ толилуулах юм. Энэ нь “Найрсаг Улаанбаатар” арга хэмжээний хүрээнд явагдаж байгаа үйл ажиллагаатай давхцаж буйгаараа онцлог юм байна.
“Ухаарч амьдрах хорвоо”, “Насны намар” гээд сэтгалд хоногшсон дуунуудаараа сонсогчдын хүндлэлийг хүлээсэн гавьяат жүжигчин, “солгой” нэрээрээ алдаршсан дуучин Н.Төмөрхуягийн анхны тоглолт энэ сарын 10-нд “UB palace”-ын тоглолтын танхимд болно
Халдварт өвчин судлалын үндэсний төвөөс ирүүлсэн мэдээгээр өнөөдрийн байдлаар Улаанбаатар хот болон 14 аймагт Улаанбурхан өвчний сэжигтэй 2974 тохиолдол, үүнээс лабораториор батлагдсан 388 тохиолдол бүртгэгдсэн байна.