Монгол Улсын Ардын багш, Гавьяат дасгалжуулагч, Зууны манлай шүүгч, Сөүлийн Олимпийн “Алтан шүгэл” шагналт Адуучийн Басхүү Дэлхийн бөхийн алдартнуудын “Алдрын танхим”-д Монгол улсаас анх удаа өргөмжлөгдөн заларсан тухай бид өмнө мэдээлсэн билээ.
Олон улсын бөхийн төрлүүдийн нэгдсэн холбоо (FILA)-ны албан ёсны хүндэтгэлийн арга хэмжээ нь өнгөрсөн оны 9 дүгээр сард Узбекстан улсын Ташкент хотноо Дэлхийн аварга шалгаруулах тэмцээний өмнө болсон бөгөөд энэ үед таван тивийн алдартнуудад гардуулах ёстой байсан шагнал буюу батламжийг тус улсын гааль дээр саатуулж оруулаагүй учир уг шагнал нь АНУ руу буцсан байна. Харин саяхан АНУ-ын Лос Анжелос хотноо болсон чөлөөт бөхийн Дэлхийн цомын тэмцээнд оролцсон манай улсын баг тамирчдаар тус дэлхийн “Алдрын танхим”-ийн шагнал буюу батламжийг ирүүлжээ.
Монголын чөлөөт бөхийн спортын хөгжлийн төлөө тамирчин, дасгалжуулагч, шүүгч, удирдах ажилтан гэсэн дөрвөлсөн замаар цуцалтгүй хөдөлмөрлөн сэтгэл зүрхээ зориулж, үнэтэй хувь нэмэр оруулсан хүн бол яах аргагүй А.Басхүү мөнөөс мөн. Монголд төдийгүй дэлхийд танигдсан А.Басхүүгийн гавьяа, зүтгэлийг дэлхийн бөхийн холбоо дахин үнэлэн алдар цуугаа мандуулсан оддын хамтаар их хүндэтгэлийн шагналаа хүртээсэн юм.
Манай улсын алдарт дасгалжуулагч, чөлөөт бөхийн нэрт зүтгэлтэн, шилдэг шүүгч А.Басхүү нь уг шагналаа Олимпийн 3, дэлхийн 4 удаагийн аварга Артур Таймазов (Узбекстан),Олимпийн аварга, дэлхийн 4 удаагийн аварга Расул Хадем Олимпийн аварга, дэлхийн 3 удаагийн аварга Павел Пинигин (ОХУ), олон арван Олимп, дэлхийн аваргуудыг төрүүлсэн домогт дасгалжуулагч Георгий Мендашвили нарын зэрэг алдартнуудтай хамт хүртсэн билээ.
Энэхүү үйл явдал нь зөвхөн А.Басхүү төдийгүй манай чөлөөт бөхийнхний хувьд их хүндэтгэл, том шагнал агаад Монголын чөлөөт бөхийн хамт олныг үнэлж байгаа нь үнэхээр бахархалтай сайхан үйлс юм.
Монгол улсын арслан цолтнуудад хүндэтгэл үзүүлэх барилдаан 25 дахь удаагаа амжилттай болон өндөрлөлөө. Өнөөдрийн барилдаанд улсын арслан Н.Батсуурь, Д.Азжаргал, П.Бүрэнтөгс, улсын гарьд И.Доржсамбуу, улсын заан Б.Батмөнх, Б.Соронзонболд тэргүүтэй 224 хүчтэн зодоглосноос залуу арслан П.Бүрэнтөгс түрүүлж, улсын харцага Ө.Даваабаатар үзүүрлэлээ. Харин их шөвөгт улсын арслан Н.Батсуурь, улсын харцага Б.Пүрэвсайхан нар шалгарлаа.
Монгол Улсад байнгын ажиллагаатай парламент байгуулагдсаны 25 жилийн ойг тэмдэглэн өнгөрүүлэх хүрээнд Монгол Улсын Их Хуралд ажлаа шууд хариуцан тайлагнадаг байгууллагуудын дунд “УИХ-ын цом 2015” шилжин явах цомын төлөөх урлаг, спортын арга хэмжээ үргэлжилж байна. Улсын Их Хурлын Тамгын газраас зохион байгуулж буй тус арга хэмжээний хүрээнд өнөөдөр биллиардын тэмцээн болж байна. Биллиардын тэмцээнд Улсын Их Хурлын Тамгын газар, Үндэсний аудитын газар, Үндэсний статистикийн хороо, Санхүүгийн зохицуулах хороо, Хүний эрхийн үндэсний комисс, Сонгуулийн ерөнхий хороо, Монголбанк, Төрийн албаны зөвлөл, Авлигатай тэмцэх газар гэсэн 9 байгууллагын 18 тамирчин оролцож байна. Багийн тамирчид эрэгтэй, эмэгтэй төрлөөр өрсөлдөж ялагчаа тодруулах юм. 
ОХУ-д ажлын айлчлал хийсэн Монгол Улсын Ерөнхийлөгч Ц.Элбэгдорж эх орондоо ирлээ. Тэрээр ОХУ-ын Ерөнхийлөгч В.Путины урилгаар тус улсад ажлын айлчлал хийж, Москвад болсон Ялалтын 70 жилийн ойн арга хэмжээнд оролцсон юм.
Төв аймгийн Засаг дарга, Засаг даргын Тамгын газар, Дэлхийн Зөн Монгол Олон улсын байгууллагын Төв орон нутгийн хөгжлийн хөтөлбөрийн дэмжлэгтэйгээр “Сувилагч, тусгай мэргэжилтний анхдугаар чуулган” Зуунмод хотноо боллоо.
Бүгд Найрамдах Болгар Улсын Ерөнхийлөгч Росен Плевнелиев 5 дугаар сарын 10-13-нд Монгол Улсад төрийн айлчлал хийхээр өнөөдөр хүрэлцэн ирлээ. Олон Улсын нисэх онгоцны “Чингис хаан” буудалд эрхэм Ерөнхийлөгчийг Монгол Улсын Гадаад хэргийн сайд Л.Пүрэвсүрэн, Монгол Улсаас Болгар Улсад суугаа Онц бөгөөд Бүрэн эрхт Элчин сайд Л.Дүгэржав, албаны бусад хүмүүс угтан авав.
“Ази-Фарма” ХХК, БНСАУ-ын “YUHAN Corporation” –тай хамтран “Нярайн амьсгалын цочмог дутмагшилын хамшинжийн үед Сурфактантыг хэрэглэсэн Солонгос улсын туршлага”, “Сурфактант эмчилгээний өнгөрсөн, одоо, ирээдүй”сэдэвт сургалтзохион байгууллаа. Сургалтанд “Нийслэлийн өргөө”, “Нийслэлийн хүрээ”, “Нийслэлийн амгалан” амаржих газрууд болон ЭХЭМҮТ, “Гурван гал”, “Бид танд төлөө”,” Хатагтай” зэрэг улсын болон хувийн амаржих газруудаас 70 гаруй нярайнэмч нар хамрагджээ. “Ази-Фарма” ХХК БНСУ-ын “YUHAN CORPORATION”-тай хамтран ажиллаж амьсгалын цочмог дутмагшилт хамшинж бүхий дутуу нярайн эмчилгээнд хэрэглэдэг “NEWFACTAN”-сурфактантыг Монгол улсад оруулж ирээд байна. 
Улаанбаатар хот, Өвөрхангай, Өмнөговь, Дархан-Уул, Дорноговь, Хөвсгөл, Булган, Завхан, Төв, Хэнтий аймагт нийт 3990 сэжигтэй тохиолдол бүртгэгдэж, 422 хүн лабораторийн шинжилгээгээр, 301 хүн эпидемиологийн холбогдол, эмнэлзүйн шинж тэмдгээр тус тус батлагджээ. 
Монгол Улсын Засгийн газрын XXVI ээлжит хуралдаан ирэх даваа гарагт буюу 2015 оны тавдугаар сарын 11-ний 16.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэх аж.
Манай оронд хаврын улиралд байгалийн голомтот халдварт өвчлөл гарах эрсдэл өндөр байдаг. Өнөөдрийн байдлаар улсын хэмжээнд хачигт халдварын 162 тохиолдол бүртгэгдээд байгаагаас 70 хувь нь сургуулийн насны хүүхдүүд хазуулсан тохиолдол бүртгэгджээ. Мөн галзуу өвчний гаралт 18 аймгийн 91 суманд бүртгэгдэж, 147 голомтод 222 мал амьтан өвчилсний 40,5 хувь нь үхэр, 31,9 хувь нь нохой, үнэг, чоно байжээ. Харин боом өвчнөөр 3 аймгийн 9 суманд 15 мал өвчилсөн байна.