Чөлөөт бөхийн хүрээнийхэн, дасгалжуулагчид, холбооны зарим албан тушаалтнууд санал нэгдэн “Монголын чөлөөт бөхийн холбоо /МЧБХ/-г шинэчлэн зохион байгуулах Түр хороо” байгуулжээ. Тэд маргааш “Монгол ньюс” мэдээллийн төвд 12.00 цагаас мэдээлэл хийх аж.
Энэ үеэр МЧБХ-той холбоотой зарим баримтыг дэлгэж, холбооны хэвийн үйл ажиллагаа алдагдаж, тамирчин, дасгалжуулагчдын тэмцээн, уралдаанд оролцох эрх, боломжийг зөрчиж байгаа зэрэг бусад асуудлыг хөндөн мэдээлэл хийх юм байна. Хэвлэлийн бага хурлын дараа Түр хорооны гишүүд МЧБХ-нд Шаардах бичиг хүргүүлэхээр болжээ.
Хүүхдийн баярыг энэ жил Хүй долоон худагт тэмдэглэхээр болжээ. Ирэх зургаадугаар сарын 1 буюу олон улсын хүүхдийн эрхийг хамгаалах өдрийг хотоос зайдуу цэвэр агаарт, машин тэрэгнээс хол, айх айдасгүй орчинд тэмдэглэхээр Монгол наадам цогцолборынхон бэлтгэл ажилдаа орсон байна. Баярын өдрийг угтан тавдугаар сарын 30, 31-нд Хүүхдийн урлагийн тоглолт, унадаг дугуйн уралдаан, өсвөрийн сур харваачдын тэмцээн, сагсан бөмбөгийн тэмцээн, багачуудын бөхийн барилдаан, амьтны хүрээлэн, нохой тэжээгчийн цуглаан зэрэг арга хэмжээг зохион байгуулахаар болжээ.
Эбола вируст халдварын дэгдэлт зогссоныг Дэлхийн Эрүүл мэндийн байгууллагаас албан ёсоор зарлажээ. 
Таван хүүхдийн эх, 56 настай иргэнийг тэтгэвэртэй гарахын өмнө ажлын газрын удирдлагууд нь хилс хэрэгт гүтгэж хорих ялд унагасан талаарх мэдээлэл сошиал ертөнцөд хүчтэй тарсан. Мэдээж гэр бүлийнхээ нэр хүндийг бодсондоо, хэрэг арай ч ийм дээрээ тулахгүй байх гэж итгэсэндээ үр хүүхдүүд нь шүүхийн шийдвэр гартал хэргийг олон нийтэд ил гаргахгүйгээр хүлээцтэй байсан. Гэвч эцэстээ үнэн ялалгүй өвчтэй ээжийг нь төмөр торны цаана суулгасанд маш их гомдолтой байгаа үр хүүхдүүд нь хэвлэл мэдээллийн хэрэгсэлд хандаж эхэлсэн билээ. 
Мод тарих өдөр өнгөрлөө. Сүүлийн үед монголчууд модыг бүхий л төрөл зүйлээр нь, хэдэн саяар нь тарьж байна. Энэ сайн хэрэг. Бүр тодруулбал арван жилийн өмнөөс мод тарих их ажлыг эхлүүлж, таван жилийн өмнө тухайлсан өдөр зааж өгсөн. Тиймдээ ч хавар, намрын мод тарих өдрүүдэд гурван саяулаа л тарьц, суулгац болж бужигнацгаах болжээ. Энэ өдөр хувь хүмүүс, байгаль орчны төлөөх байгууллага гэхээсээ илүүтэй төрийн байгууллагууд, улс төрийн бүлэглэлүүд энэ үйлсэд ихээр хамрагдах нь бий. Мод тарихдаа хүртэл улстөржиж уулын ар, амыг нам намаараа хуваан авч байгаа ч буянтай үйлс болохоор сайхан л харагдах юм. Харин нэг зүйлийг асуухад жилд тарьж буй хоёр сая орчим модноос ургасан нь хэд байна вэ. Ойн төгөл болж ургасан нь хаана байна вэ. 
Хэлний ангийн оюутнууд саяхансалхинд гарлаа. Богд уулын Жаргалантынамныдээшээ уул мод руу нь гарсангүй.Байгаль хамгаалагчаас нь зөвшөөрөл аваад тэгшхэн талд нь таван цаг болоод буцлаа.Агаар салхинд гарангааамралтын өдөр ордогхичээлээ арай өөр байдлаар явуулсан хэрэг.Гадаад багш нарыг урьж, нэг ёсондоо оюутнуудаа ярианы дадлага хийлгэх зорилгоор багш нарынх нь удирдлага дор энэ өдрийн хичээлийг ийнзохион байгуулав.Буцах замдаа талаар нэг цацсан хогтой газар дайралдахыг хараадцэвэрлэе гэдэгсанаачилга оюутнуудаас гарсныг бусад нь дэмжлээ.Ингээд хог цэвэрлэх үйл ажиллагаа явж байталдээд талын модтой амнаас утаа нүүгэлтэж эхэллээ. Ташхайн аманд түймэр гарсан нь тэр. Гэтэл цагаан жийптэй нөхөр давхиж ирээд “Газар авахаас нь өмнө очоод унтраачихъя. Ийм олон оюутан байгаа юм чинь дороо” гэв. Тэгэхэд нь багш“Эх орон шатаж байхад хойш суух юм алга л даа. Гэхдээ эрэгтэй оюутан цөөн.Эмэгтэй голдуу хүүхдүүд байна. Иймээ тиймээ юм болбол оюутнуудаа хариуцаад явж байгаа бид дараа нь асуудалд орохгүй байгаа” хэмээв. Нөгөө эр “Цаана чинь эх орон шатаж байхад та нар ингэж болохгүй”гэж ирээд л загнах маягтай.Тиймээс тэнд байсан эрчүүд явж түймэр унтраах юм болов. Тэгтэл өнөө эрийн машин дотроос эхнэр нь бололтой хүүхэн “Онцгойгийнхон ирчихлээ гэнэ ээ” хэмээн түүнийг дуудсан тул яаран одлоо.Сураг сонсох нь ээ,эх орон шатах нь гээд цээжээ дэлдээд байсан эх оронч маань түймэрт өртөж болзошгүй нэг амралтын газрын эзэн нь байсан тухайхүмүүс жиг жуг хийхийг сонсов. Үнэндээ Монголд ийм лэх орончид дээр дооргүй олширч дээ гэдэг бодол төрж байлаа. 
Нийслэлийн хэмжээнд Улаанбурхан өвчин Багахангай дүүргээс бусад дүүрэгт дэгдээд байна. 
“Өдрийн сонин”-ы мягмар гаригийн дугаар 20 нүүрээр хэвлэгдлээ. Манай сонины нийтлэлийн бодлогыг тодорхойлдог III нүүрт “Таван толгойн нүүрсийг үнэд хүргэх гарц” нийтлэл гарлаа. “Нүүрсээ угааж, боловсруулж, өндөр стандартыг нь хангаж байж Хятадын зах зээл дээр гайгүй үнээр борлуулах нь тодорхой болсон энэ үед бидэнд нэг л гарц байна. Тэр нь дэлхийд хүлээн зөвшөөрөгдсөн том компаниудтай түншилж, чанартай нүүрсийг эцсийн хэрэглэгчдэд нь дажгүй үнээр зарах…”. Үргэлжлэлийг III нүүрнээс уншина уу. 
Бүгд Найрамдах Энэтхэг Улсын Ерөнхий сайд Нарендра Моди Монгол Улсад төрийн айлчлал хийх юм байна. Тэрээр энэ сарын 17-ны 12.00 цагаас Монгол Улсын Их Хурлын чуулганы нэгдсэн хуралдаанд үг хэлэх юм байна. Тиймээс УИХ-ын хүндэтгэлийн хуралдаан зарлан хуралдуулахаар Монгол Улсын Их Хурлын дарга З.Энхболд захирамж гаргажээ.