Өнөөдрийн байдлаар 115.6 мянган га-д үр тариа,үүнээс 112.7 мянган га-д улаанбуудай, 1.8 мянган га-д төмс,0.8 мянган га-д хүнсний ногоо, 1.4 мянган га-д малын тэжээл, 10.4 мянган га-д тосны ургамал, нийтдээ 130.2 мянган га-д тариалалт хийж 32.5 хувийн явцтай байна.
Үүнээс үр тарианы тариалалт 35.2 хувьтай яваа бол төмс, хүнсний ногооны тариалалт9.9-13.5 хувьтайбайгаа юм.
Тариалалтын явц Хөвсгөл, Хэнтий, Орхон, Булган, Өвөрхангай аймгуудад48.4-76.7 хувьтайбайгаабол Сэлэнгэ, Төв, Дорнод аймгуудад33.4 -34.7 хувьтай, бусад аймгуудад 25.0-28.3 хувьтай явагдаж байна.
Тариалалтын явцыг өнгөрсөн оны мөн үетэй харьцуулахад үр тариа 8.0 хувиар илүү байгаа бол төмс, хүсний ногооны тариалалт өнгөрсөн оны мөн үеийн түвшинд байна.
Хаврын тариалалтад зориулан ТЭДС-гаас 189 аж ахуйн нэгж, иргэнд 3.8 мянган тонн буудайн үрийг 20 хувийн, Улсын нөөцийн салбараас 4.0 мянган тонн буудайн үрийг30 хувийн урьдчилгаатайгааролгож, үрийн хангамжийг бүрдүүлсэн . Харин 445 аж ахуйн нэгж, иргэнд 1740 тонн шатахууныг 50 хувийн, 324 аж ахуйн нэгж, иргэнд 67.9 тонн ургамал хамгаалалын бодис, 1.0 мянган тонн эрдэс бордоог 30 хувийн урьдчилгаатай олгож, дэмжлэг үзүүлжээ.
Өнөөдрийн байдлаар улсын хэмжээнд төллөвөл зохих эх малын 70.8 хувь буюу 15.2 сая эх мал төллөж, 14.9 сая төл үүнээс 36.6 мянган ботго, 206.8 мянган унага, 528.3 мянган тугал, 7519.7 мянган хурга, 6586.0 мянган ишиг хүлээн аваад байна. 
Азийн зүүн бүсийн волейболын аварга шалгаруулах тэмцээн “Буянт-Ухаа” спортын ордонд болж, өнөөдөр өндөрлөх гэж байна. Сая Монгол-БНСУ-ын багийн хооронд хүрэл медалийн төлөөх тоглолт боллоо. БНСУ-ын баг 25:21, 25:20, 25:19 гэсэн онооны харьцаагаар хожиж хүрэл медалийн болзол хангав. Одоо 16 цагаас аваргын төлөөх тоглолт Япон-Тайванийн багийн хооронд болно. 
Төрөөс ойн талаар баримтлах бодлого батлах тухай УИХ-ын тогтоол батлагдсантай холбогдуулан Байгаль орчин, хүнс, хөдөө аж ахуйн байнгын хорооны дарга Су. Батболд, Байгаль орчин, ногоон хөгжил, аялал жуулчлалын сайд Д.Оюунхорол нар өнөөдөр мэдээлэл хийв. 
Монгол улсын аварга шалгаруулах кикбоксын тэмцээн энэ ням гаригт эхлэх гэж байна. Тэмцээн энэ сарын 21-ний өдрийг хүртэл үргэлжлэх бөгөөд өсвөр үе, залуучууд, насанд хүрэгчдийн ангиллаар муат, тай, кикбокс төрлөөр болно. Өсвөр үе, залуучууд болон насанд хүрэгчид гэсэн гурван ангилалд 36, 46, 51, 54, 57 кг-ын жингүүдэд болохыг зохион байгуулагчид хэлж байна. Мөн муатай боксын насанд хүрэгчдийн тэмцээн эрэгтэйчүүдийн 57 , 60, 63.5, 67, 71, 75 кг-ын жингүүдэд болох бол эмэгтэйчүүд 48, 54, 60 кг гэсэн жингүүдэд тус тус өрсөлдөнө.
Дархан-Уул аймгийн Шарын гол суманд хоёр настай охиныг ээж нь байнга зоддог гэнэ. Бүр гэрээсээ хөөж гаргаад хаалгаа дотроос нь түгжчихдэг байна. Хөөрхий охинхаранхуй,хүйтэн орцонд ямар ч хувцасгүй нүцгэн зогсож, хэн нэгнээс аврал эрэн уйлдаг тухай эх сурвалжууд дурдаж байна. Хүүхдээ яаж ч чанга уйлсан ээж нь гэртээ оруулдаггүй гэнэ. Хажуу айлын хүмүүс хаалгыг нь тогшиж хүүхдээ гэртээ оруул гэхээр “Та нарт хүүхдээ яах нь хамаагүй. Хуцалгүй гэртээ орж унт” гээд хаалгаа тайлж өгдөггүй гэнэ. Энэ талаар сумын цагдаад мэдэгдэж дуудлага өгдөг аж. Цагдаа нар ирээд хүүхдээ зодсон Булганаа гэх эмэгтэйд шаардлага тавихаар мөн л хаалганы цаанаас элдвээр хэлж доромжилдог байна. Аргаа барсан цагдаа нар хөөрхий охиныг ээжийнх ньхамаатны айлд хүргэж өгдөг ажээ.
Нийслэлийн иргэдэд цахимаар газар өмчлүүлэх ажлын гуравдугаар ээлж өнөөдөр 12.20 цагт дуусч цахим бүртгэлийн системийг хааснаар газар өмчлөх эрх авсан иргэдийн нэрсийг тодрууллаа. Энэ удаагийн газар олголтоор нийслэлийн 11 байршилд 11665 иргэнд газар өмчлүүлэхээр зарласнаас 15 хоногийн хугацаанд 164 мянга гаруй өргөдөл цахим системд иргэд ирүүлсэн байна. Өнөөдөр цахим бүртгэлийг хааж, газар өмчлөхөөр бүртгүүлсэн иргэдээс автоматаар сонголт хийснээр 11665 иргэн шинээр газар өмчлөх эрхтэй болж байгаа юм.
Монгол Улсын Ерөнхий сайд Ч.Сайханбилэгийн урилгаар Бүгд Найрамдах Энэтхэг Улсын Ерөнхий сайд Нарендра Моди 2015 оны тавдугаар сарын 16-18-ны өдрүүдэд Монгол Улсад төрийн айлчлал хийх юм.
Шинэчлэлийн Засгийн газар байгуулагдахад УИХ-ын гишүүн Х.Тэмүүжин хуулийн салбарт томоохон шинэчлэл хийнэ гэж Хууль зүйн сайдаар томилогдож байсан. Хуулийн байгууллагын эрх зүйн шинэтгэлийн хүрээнд олон ч ажлуудыг эхэлсэн байдаг. Тухайлбал, Гэрч хохирогчийг хамгаалах, Тахарын албаны, Шүүгчийн эрх зүйн байдлын тухай, Цагдаагийн албаны тухай гэх мэт олон хуулийг шинэчлэн найруулж батлуулсан. Энэ хүрээнд Тахарын алба, Зохион байгуулалттай гэмт хэрэгтэй тэмцэх газар, Гэмт хэргийг илрүүлэхэд дэмжлэг үзүүлэх газар гэх мэт олонгазар шинэ нэршилтэйгээр бий болж, хуулийн салбар шинэ бүтэц зохион байгуулалтын горимд шилжсэн. Хуулийн шинэтгэлийн хүрээнд хийгдсэн үйл явдлуудаас болж нэг хэсэгтээ л тус салбарынхны юу нь хаанаа байгаа нь мэдэгдэхээ больж, ажилчид нь “Хуулийн салбарт шинэтгэл хийх хэрэгтэй, цаг нь болсон хэдий ч зарим хуулийн заалт шийдвэрүүдийг таатай хүлээж аваагүй. Хэзээ энэ шинэчлэл нь дуусах юм бол” гэж залхсан байдалтайгаар бүтэн жилийг өнгөрөөсөн юм. Шинэтгэлийн учир начир одоо л нэг юм олдож, ямар газар нь хаанаа байгааг иргэд мэдэж эхэлмэгц дахиад л өөрчлөлт бүтэц зохион байгуулалтын ажлыг Хууль зүйн сайд Д.Дорлигжав хийж эхэллээ. Тэрбээр Зохион байгуулалттай гэмт хэрэгтэй тэмцэх газрыг хоёр хувааж, Эрүүгийн цагдаагийн газар, Улсын мөрдөн байцаах газар хоёрыг салгах шийдвэр гаргасан байна. Зохион байгуулалттай гэмт хэрэгтэй тэмцэх газрын дарга, хурандаа Ц.Батсүх, ЦЕГ-ын дэд дарга, ЦЕГ-ын Гэмт хэрэгтэй тэмцэх газрын хоёрдугаар хэлтсийн дарга, хурандаа Ц.Ням-Очир Дотоод хяналт шалгалт, аюулгүй байдал хариуцсан дэд дарга болсон бол Дэмжлэг үзүүлэх асуудал хариуцсан дэд даргаар Замын цагдаагийн газрын даргаар ажиллаж байсан хурандаа Ж.Буянбатыг томилжээ.
