Авлигатай тэмцэх газрын ажлын хэсэг Барилгын хөгжлийн төв төрийн өмчит аж ахуйн тооцоот үйлдвэрийн газрын чиг үүргийг судлан үзэх, иргэдэд үзүүлэх үйлчилгээний ил тод, нээлттэй байдалтай танилцах зорилгоор тус төвд ажилласан юм. Тус төвийн үйл ажиллагааны үндсэн чиг үүргийн хүрээнд тусгай зөвшөөрөл олгох асуудлаар баримт бичгийг хүлээн авах, хяналт хийх чиг үүргийг хэрэгжүүлэхтэй холбоотой үйлчилгээ үзүүлэхдээ иргэдээс 20 мянган төгрөгийн хураамж авч буйг үндэслэлгүй гэж үзэж, уг төлбөр хураамжийг авахтай холбогдох шийдвэрийг хүчингүй болгуулахаар Авлигатай тэмцэх газраас албан бичиг хүргүүлсэн.
Уг албан бичгийн хүрээнд иргэдээс дээрх хураамжийг авахад мөрдөж байсан “Архивын сан хөмрөгөөс баримт ашиглах, лавлагаа мэдээлэл олгох, хүлээн авах журам, Барилгын архиваас лавлагаа олгох үнэ тариф”-ыг Барилгын хөгжлийн төвийн захирлын 2015 оны 5 дугаар сарын 13-ны өдрийн А/128 дугаар тушаалаар хүчингүй болгож, энэ өдрөөс эхлэн Архивын ерөнхий газрын даргын 2007 оны 03 дугаар тушаалаар батлагдсан “Төрийн архивын баримт ашиглалтын нийтлэг журам”, “Төрийн архиваас үзүүлэх төлбөрт үйлчилгээний үнийн тариф”-ыг мөрдөж ажиллахаар болсон байна.
Увс аймгийн прокурорын газраас Улсын бүртгэлийн эрх бүрх бүхий албан тушаалтны явуулсан захиргааны хэрэг бүртгэлтийн ажиллагаа хууль, тогтоомжид нийцэж байгаа эсэхийг шалгасан байна. 
Нийслэлийн орон нутгийн хөгжлийн сангийн хөрөнгөөр 2015 онд хэрэгжүүлэх хөрөнгө оруулалтын төсөл, арга хэмжээний тодотгосон жагсаалтыг баталлаа.
Жорж Бушийн дүү Жэб Буш Ерөнхийлөгчийн сонгуульд өрсөлдөнө АНУ-ын Флорида мужийн экс захирагч Жэб Буш Невада мужид хэвлэлийнхэнтэй чөлөөт ярилцлага хийсэн. Тэрбээр энэ үеэр 2016 оны Ерөнхийлөгчийн сонгуульд өрсөлдөхөөр бэлдэж буй тухайгаа ам алджээ. Сэтгүүлч түүнээс ах Жорж Бушаасаа ямар талаараа өөр вэ хэмээн асуухад Жэб Буш “Би 2016 оны Ерөнхийлөгчийн сонгуульд хүч үзнэ. Ялалт байгуулбал өндөр хурдтай, тогтвортой эдийн засгийн өсөлтийн төлөө, илүү олон хүнийг аз жаргалтай амьдруулахын төлөө ажиллана. Өмнөх Ерөнхийлөгчдөөс өөр байх болно” хэмээжээ. Гэхдээ тэрбээр 2016 оны сонгуульд өрсөлдөх эсэхээ бүрэн шийдээгүй гэдгээ илэрхийлсэн байна. 
Жэб Буш “Би сонгуульд өрсөлдөх талаараа олон хүнтэй зөвлөлдөх шаардлагатай. Тиймээс ч хурдан хугацаанд шийдвэр гаргах болно. Хүмүүс намайг дэмжиж байгаагаа илэрхийлсээр байна” гэжээ. “Нью-Йорк таймс” сонинд бичсэнээр 2016 оны Ерөнхийлөгчийн сонгуульд өрсөлдөхөө албан ёсоор зарлаагүй Жэб Буш сэтгүүлчидтэй уулзалт хийхдээ “хэрэв” гэх үгийг орхиж ярьсан байна. Тиймээс тэрбээр Висконсин мужийн захирагч Уокер, Нью-Жерси мужийн захирагч Кристи нарын хуурмаг багийг хуулав. Тэд улс төрийн үйл ажиллагааны комисс байгуулж, их хэмжээний хөрөнгө мөнгө цуглуулж, Америк даяар лекц уншин яваа атлаа өдгөөг хүртэл Ерөнхийлөгчийн сонгуульд нэр дэвшигч гэх дуудлагаас татгалзсаар байгаа хэмээн Нью-Йоркийн хэвлэлд онцолжээ.
Дөрвөн настай охин О-г төрсөн эцэг Т.Цогт, хойд эх Г.Маралмаа нар нь зодож, амь насыг нь хөнөөсөн харамсалтай хэрэгт Дүүргийн нэгдүгээр прокурорын газраас яллах дүгнэлт үйлдэж, шүүхэд шилжүүлсэн билээ. Тэдэнд холбогдох хэргийн шүүх хурал энэ сарын 21-нд Дүүргийн эрүүгийн хэргийн нэгдүгээр шүүхэд болох юм.
Монгол Улсын Ерөнхий сайд Ч.Сайханбилэгийн урилгаар Бүгд Найрамдах Энэтхэг Улсын Ерөнхий сайд Нарендра Моди 2015 оны 5 дугаар сарын 16-18-ны өдрүүдэд Монгол Улсад төрийн айлчлал хийх юм.
Улсын Их Хурлын даргын дэргэдэх Зөвлөлийн 2015.05.15-ны өдрийн хурлаар батлав.
Зэвсэгт хүчний марш, тактикийн аварга салаа, тасаг, оны мэргэжлийн аварга офицер, ахлагч шалгаруулах тэмцээн жил бүр болдог уламжлалтай. Жилээс жилд өрсөлдөөн ширүүсч, тамирчдын чадвар чансаа нэмэгдэж байдгаараа энэ тэмцээний гол онцлог нь юм. Энэ жилийн тэмцээний нээлт өнөөдөр/2015.05.15/ Зэвсэгт хүчний 311 дүгээр ангид боллоо.
Монгол Улсын “Автотээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хууль”-ийн дагуу автотээврийн болон өөрөө явагч хэрэгслийг эзэмшиж байгаа хувь хүн, хуулийн этгээд албан татвар төлдөг. Хуульд хувь хүн автотээврийн болон өөрөө явагч хэрэгслийн албан татварыг жилд нэг удаа тухайн жилийн зургадугаар сарын 01-ний дотор төлөх үүрэгтэй бол албан байгууллага, аж ахуйн нэгж эхний хагас жилээр албан татварыг төлөх ба жилийн албан татварыг урьдчилан төлөх боломжтой гэж заасан байдаг.
Монгол Улсын Ерөнхий сайд Ч.Сайханбилэг УИХ-ын чуулганы нэгдсэн хуралдаанд хийсэн мэдээллийнхээ эхэнд “УИХ-ын 2015 оны 2 дугаар сарын 41 дүгээр тогтоолоор баталсан “Эдийн засгийн хүндрэлээс гарах хөтөлбөр”-ийг хэрэгжүүлэхээр Засгийн газар эрчимтэй ажиллаж байна” гэж хэллээ. Мөн Монгол Улсын Засгийн газраас УИХ-д өргөн мэдүүлсэн болон хэлэлцэх шатанд явж буй 44 хуулийн төслийн хэлэлцүүлгийг урагшлуулах, цаг алдахгүй шийдвэрлэх шаардлагатай байгааг онцоллоо.