Ардчилсан намд дүрмийн, хариуцлагын, боловсон хүчний шинэчлэл хийхийг уриалсан “Ардчилсан намын шинэчлэлийн хөдөлгөөн” шинээр байгуулагдсан байна. Тус хөдөлгөөнийхөн өнөөдөр анхдугаар зөвлөгөөнөө хийж буй юм.
Анхдугаар зөвлөгөөнд нийслэлийн есөн дүүрэг, 21 аймгийн Ардчилсан намын хорооны болон ҮЗХ-ны гишүүд, дэмжигчид оролцож, нийгэм, эдийн засаг, улстөрийн талаар илтгэл тавьж хэлэлцэж байна.
Бид төрийн түшээ биш түгжээ болсон улстөрчдөөс салах цаг болсон. Ерөнхий сайд, УИХ-ын дарга хоёр нь бие биенээ үгүйсгэсэн мэдэгдлийг ээлж дараалан хийх боллоо. Монгол төрийн хар хайрцагны бодлого, тогтвортой байдал, залгамж чанар алдагдаж шинээр томилогдсон сайдууд өмнө сайдынхаа хийснийг үгүйсгэх байдал газар авлаа. АН-д хариуцлагын шинэчлэл зоригтой хийцгээе. Бидэнд үндсэн дүрмийн шинэчлэл, нээлттэй, ил тод байдал, тэгш боломж, хүний нөөцийн шинэчлэл хэрэгтэй байна гэж тэд мэдэгдлээ. Зөвлөгөөнөөс Ардчилсан намын нийт гишүүд дэмжигчдэд хандан уриалга гаргаж, намын удирдлагууддаа шаардлага хүргүүлэх аж.
Ардчилсан намын Шинэчлэлийн хөдөлгөөний зохицуулагч Р. Шинэгэрэлээс дараах асуултад хариулт авлаа.
-Намын нийт гишүүдэд хандан уриалга гаргана. Мөн хөдөлгөөн байгуулсны зорилго юу вэ. Энэ талаар тодруулахгүй юу?
-Ардчилсан намд олон жил бугшсан асуудлуудыг задлах, бодлогын болон дүрмийн тодорхой шинэчлэл хийх цаг болсон. Сонгуульд дэвшүүлсэн мөрийн хөтөлбөрийнхөө хэрэгжилтийг хангаж, улс төрийн соёлоор бусаддаа үлгэрлэдэг, улс орноо тогтвортой хөгжлөөр манлайлж чадахуйц улстөрийн институт болж шинэчлэгдэхийг өнөөгийн нийгэм биднээс шаардаж байгаа. Тийм учраас Үндэсний зөвлөлдөх хорооны хурал, намын их хурлаа зарлаж, намын үндсэн дүрмээ яаралтай шинэчлэе. Хүний нөөцийн бодлого, намын санхүүжилтээ ил тод, нээлттэй, болгоё. Популизмыг биш судалгаатай, гарц шийдэлтэй, шинжлэх ухаанч, бүтээлч санаачлагуудыг дэмжиж, бодлогын шинэчлэл хийе. Бид Ардчилсан намыг улстөрийн мэргэшсэн институт болгон хөгжүүлэхийн тулд үндсэн дүрэмд эрс шинэчлэл хийх хэрэгтэй гэж үзэн бодлогын асуудлуудаар эрдэмтэн судлаачидтай хамтран ажиллаж байна.
-Ардчилсан намд бодлогын шинэчлэл үгүйлэгдэж байгаа гэдгийг та хэлсэн. Үүний тулд ҮЗХ-оо, Их хурлыг хуралдуулахыг хүсэж байна. Хэдэн сард Их хурал зарлахыг шаардаж байна вэ?
– Намынхаа удирдлагуудад Ардчилсан нам ээлжит бус их хурлыг ирэх зургадугаар сард зарлан хуралдуулаач гэсэн шаардлага хүргүүлнэ. Өнөөдөр Ардчилсан нам олон фракцад хуваагдсан. Байгуулсан Засгийн газраа өөрсдөө огцруулсан, 1996 оных шиг түүх давтагдсан гээд яривал их зүйл бий. Энэ нь улс орны эдийн засаг, нийгмийн бодлогын тасралтгүй залгамж халаанд асууудал үүсгэж байна. Ийм учраас Ардчилсан намын залуучууд үзэл бодлоороо нэгдэн энэ хөдөлгөөнийг байгуулсан.
-Хөдөлгөөнд хэнчээн залуус нэгдсэн бэ?
-Хөдөлгөөний идэвхитэй үйл ажиллагаанд 45 гишүүн оролцож байгаа, үйл ажиллагааг дэмжихээ илэрхийлж 109 залуу нэрээ ирүүлсэн.
Тариалангийн тухай хуулийн шинэчилсэн найруулгын төслийн үзэл баримтлалын төслийг хэлэлцээд Засгийн газрын гишүүдээс гаргасан саналыг тусган дэмжихээр тогтлоо.
Өмнөговь аймгийн Баян-Овоо сумын нутаг Зайрмагтайн талд үйлдвэрлэл, технологийн парк байгуулах хүсэлт гаргаж, холбогдох хуулийн шаардлага хангасан “Тавантолгой транс” ХХК-д үйл ажиллагаа эрхлэх тусгай зөвшөөрлийг таван жилийн хугацаатай олгохоор шийдвэрлэлээ. Тусгай зөвшөөрөл эзэмшигчтэй гэрээ байгуулах, хэрэгжилтийг хангуулах, биелэлтэд нь хяналт тавих, дүгнэлт гаргаж ажиллахыг Аж үйлдвэрийн сайд Д.Эрдэнэбатад даалгалаа. 
Байгууллагын архив, албан хэрэг хөтлөлт, төрийн байгууллагын ажлын зохион байгуулалтын улсын үзлэгийг энэ оны ес, аравдугаар сард зохион байгуулна. Үүгээр тухайн байгууллагын үйл ажиллагааны түвшинг тогтоож, цаашид авах арга хэмжээний чиглэлийг тодорхойлж, Засгийн газарт оруулж шийдвэрлүүлж иржээ. Мөн албан хэрэг хөтлөлттэй холбоотой хууль тогтоомжийн хэрэгжилтийг хангах талаар төрийн байгууллагын удирдлага, аймаг, нийслэлийн Засаг дарга нарт чиглэл өгч, хэрэгжилтэд нь хяналт тавьж ажилладаг байна. 
Нийгмийн даатгалын тухай хуульд нэмэлт, өөрчлөлт оруулах тухай хуулийн төслийг хэлэлцэн дэмжиж, Засгийн газрын гишүүдийн гаргасан саналыг тусган, хуулийн төслийг УИХ-д өргөн мэдүүлэхээр тогтлоо.
Баян-Өлгий аймгийн Бугат сумын 3 дугаар багийн нутаг “Их булан” гэдэг газар А /15 настай, эрэгтэй/, Х /15 настай, эрэгтэй/ нар “Ховд” голын усанд осолдсон тухай дуудлагыг 2015.05.17-ны өдрийн 11:55 цагт хүлээн авч тус аймгийн Онцгой байдлын газрын 15 албан хаагч, 2 автомашин, 2 завь, орон нутгийн 65 иргэн, 18 автомашин, нийт 80 хүн, 22 техник хэрэгсэлтэйгээр эрэн хайх ажиллагааг зохион байгуулж байна.
Сэлэнгэ аймгийн Засаг даргын Тамгийн газар, Хүн амын хөгжил, нийгмийн хамгааллын яамны харьяа Сэргээн засалт хөгжлийн төвөөс хамтран Сэлэнгэ аймгийн хөгжлийн бэрхшээлтэй иргэдийн “Бидний оролцоо” сэдэвт зөвлөгөөнийг өнгөрсөн 7 хоногт зохион байгууллаа. 
“АСЕМ: Монгол Улс – Сэргээгдэх эрчим хүчний өлгий нутаг” олон улсын хурал 2015 оны тавдугаар сарын 22-23-ны өдрүүдэд Улаанбаатар хотод болох гэж байгаатай холбогдуулан өнөөдөр Гадаад хэргийн Яаман дээр Эрчим хүчний дэд сайд Ө.Пүрэвбаатар хэвлэлийн бага хурал хийлээ. 
Өмнөговь аймгийн Цогтцэций, Хөвсгөлийн Тариалан, Сүхбаатарын Эрдэнэцагаан, Дорнодын Баян-Уул, Завханы Тэс суманд шинээр гал унтраах, аврах анги байгуулсантай холбоотойгоор шаардагдах зардлыг Монгол Улсын Шадар сайдын төсвийн багцаас гаргахаар шийдвэрлэлээ. 2016 оноос эхлэн холбогдох зардлыг жил бүрийн улсын төсөвт тусган санхүүжүүлэхийг Шадар сайд У.Хүрэлсүх, Сангийн сайд Ж.Эрдэнэбат нарт даалгалаа. 
Эдийн засаг хүндрэлтэй байгаа энэ үед төсвийн орлогын нөхцөл байдлыг харгалзаж, 2015 онд Баянхошуу-Өвдөгийн хилийн боомтыг долоо хоногийн бүх өдөр мөн нийтээр тэмдэглэх баярын өдрүүдэд ажиллуулахаар энэ оны нэгдүгээр сард шийдвэрлэсэн.