Азийн залуучуудын зөвлөлийн 13 дугаар Ерөнхий ассемблей энэ сарын 18-21-ний хооронд Монгол Улсад зохион байгуулагдаж байна. Чуулганы хүрээнд өнөөдөр Хөрөнгө оруулагч бизнес эрхлэгч залуучуудын форум боллоо. Уг форумд гадаад, дотоодын нийлсэн 200 орчим бизнес эрхлэгч залуучууд оролцсон юм. Бизнес эрхлэгч залуучууд Ази, тэр дундаа Монгол Улсад хөрөнгө оруулах боломж, тулгамдсан асуудал, тэдгээрийг шийдэх арга замыг хэлэлцэж байгаа нь форумын онцлог гэж зохион байгуулагчид нь хэлж байна.
Форумд оролцогчид банк санхүү, хөдөө аж ахуй, мэдээлэл технологи, аялал жуулчлал, барилга, худалдаа үйлчилгээ, хөнгөн үйлдвэр, жижиг дунд үйлдвэр зэрэг найман салбарын бизнес хөгжил, хамтын ажиллагааны талаар хэлэлцлээ.
Хэлэлцүүлгийн дүнд Азийн бүс нутгийн хэмжээнд хөрөнгө оруулалт, бизнесийн стратегиудыг өөрийн улсын залуу бизнес эрхлэгчдийн өмнө нээж өгөх, бизнес эрхлэгч залуучуудын харилцаа холбоог хөгжүүлэх сүлжээ үүсгэх, мэдлэгэ туршлага солилцох, чадамжийг нэмэгдүүлэх, Монголын зах зээлийн өнөөгийн байдал, бизнес боломжууд болон залуу бизнес эрхлэгчдийн төслүүдийг танилцуулсан юм.
Азийн залуучуудын зөвлөлийн 13 дугаар Ерөнхий ассемблейг Засгийн газар, Хүн амын хөгжил Нийгмийн хамгааллын яам, Азийн залуучуудын зөвлөл, Монголын залуучуудын холбоотой хамтран зохион байгуулж байгаа юм
Хятадын эдийн засгийн мэдээг хүлээн зэсийн үнэ мягмар гаригийн биржийн арилжаагаар өссөн байв. Долдугаар сарын фьючерсийнх нь үнэ Comex бирж дээр 0,14% —иар өсөн фунт нь (0,45 килограмм орчим) 2,91 доллараар арилжаалагдсан байна.
Монгол Эмиратын бизнес эрхлэгчдийн уулзалт Дубай хотын Худалдаа, аж үйлдвэрийн танхимд боллоо. Арабын Нэгдсэн Эмират улсад ажлын айлчлал хийж буй Монгол Улсын Ерөнхий сайд Ч.Сайханбилэг тус уулалтад оролцлоо.
Цагдаагийн ерөнхий газрын Тусгай ажиллагааны газар байгуулагдсаны 25 жилийн ойн хүрээнд алба хаагчдын өдөр тутмын хүнд хүчир, тэсвэр хатуужил шаардсан бэлтгэлийг олон нийтэд таниулах зорилгоор анх удаа нээлттэй зохион байгууллаа. “Хүрэн берет” нь олон улсад Тусгай албадын алба хаагчдын ур чадвар, ажилласан жил, тэсвэр хатуужил, эр зоригийн илэрхийлэл бөгөөд энэ бүх шалгуурыг хангаж, сайтар бэлтгэгдсэн алба хаагч өмсөх эрхтэйгээрээ тусгай албаны бахархал болж чадсан юм. Цагдаагийн байгууллага уг шалгалтыг 1998 оноос хойш уламжлал болгон зохион байгуулж ирсэн.
Энэ сарын 17-ноос 23-ны өдрүүдэд “Найрсаг Улаанбаатар” хөтөлбөрийн хүрээнд “Гэгээн муза” наадам зохион байгуулагдаж байгаа билээ. Наадмын ерөнхий зохион байгуулагчаар “Гэгээн муза” академи ажиллаж буй бол хамтран зохион байгуулагчаар Нийслэлийн Засаг Даргын Тамгын Газар, Боловсрол Соёл Шинжлэх Ухааны Яам, Улсын Драмын Эрдмийн Театр, дэмжигч байгууллагаар Засгийн газрын хэрэгжүүлэгч агентлаг, Хүүхдийн Төлөө Үндэсний Газар, Улсын Хүүхэлдэйн Театр, Монголын Урлагийн Залуучуудын Холбоо зэрэг байгууллагууд ажиллаж байна. Улаан хивсний ёслолын ажиллагаа энэ сарын 23-ны 15:00 цагт, Академийн шагнал гардуулах ажиллагаа 16:00 цагт тус тус болох юм. Энэ жилийн “Гэгээн Муза”-д нэр дэвшиж буй бүтээл, уран бүтээлчдийг танилцуулж байна.
Улсын хэмжээнд улаанбурхан өвчний сэжигтэй 6391 тохиолдол бүртгэгджээ. Тодруулж хэлбэл Улаанбаатар хотын Сонгинохайрхан, Баянзүрх, Баянгол, Чингэлтэй, Сүхбаатар, Хан-Уул, Багануур, Налайх дүүрэг, Өвөрхангай, Өмнөговь, Дархан-Уул, Дорноговь, Хөвсгөл, Булган, Сэлэнгэ, Баянхонгор, Завхан, Дундговь, Говь-Алтай, Баянхонгор, Хэнтий, Баян-Өлгий аймагт 508 хүн лабораторийн шинжилгээгээр, 752 хүн эмнэлзүйн шинж тэмдгээр халдвар авсан нь батлагдсан байна. Улаан бурханы вакцинжуулалт улсын хэмжээнд үргэлжилж байгаа. Улсын хэмжээнд улаанбурхан өвчний эсрэг нэмэлт дархлаажуулалтад 110.925 хүүхэд хамрагдаад байгаа юм. Энэ нь нийт хүүхдийн 30 хувь аж. Улаан бурханы дархлаажуулалт энэ сарын 25 хүртэл үргэлжилнэ.
”Оюутолгой”-н гүний уурхайн ажлыг эхлэхээр тохиролцлоо
Сүүлийн үед сошиал ертөнцөд олны хүндэтгэлийг ихэд хүлээгээд байгаа залуу бол хөтлөгч Б.Тамир. Эхнэр Болормаа нь маш ховор тохиолддог ясны хорт хавдартай нь оношлогдож эмчлүүлж байгаа юм. Бүсгүйг аврах мөнгийг цуглуулах хандивын тоглолтыг ангийн хамт олон, найз нөхөд нь зохион байгуулахаар болсон билээ. Энэ сарын 20-ны өдөр буюу өнөөдөр Улаанбаатар палас-д 19:00 цагаас “Хайрын хүч” тоглолт болох гэж байна. Энэ тоглолтонд “Эмоци” продакшн, BX, Баярцэцэг, Наагий, Баярцэнгэл, Бичүү, Амина, Мөнхбат&Үүрээ, “L guards”, “Салхи”, 3 бүдүүн, “Outlaw”, “Мөнхийн реп”, “Нэгэн зүгт”, “Take off”, “Fire”, “Sync”, “Motive”, “Улаан туг” бүжгийн хамтлагууд болон дуучдаас С.Амармандах, Сэлэнгэ, Бобо, Анхаа Халиун, Хишигдалай, Жавхлантөгс, Зоригт, Gee, Цэцээ, Дандий зэрэг уран бүтээлчид оролцох юм. 
Сүүлийн үед мал, амьтны галзуу өвчин ихээр гарч байна. Тухайлбал, Булган, Говь-Алтай зэрэг аймагт галзуу үнэг айлын хот руу орж ирсэн хоёр ч тохиолдол гарчээ.