Монгол Улсын Засгийн газар ХБНГУ-ын Ханнс-Зайделийн сантай эрх зүйн болон захиргааны салбарт албан ёсоор хамтран ажиллаж эхэлсний 20 жилийн ойн хүрээнд Монгол Улсын Их Хурлын Хууль зүйн байнгын хороо, Хууль зүйн яам, ХБНГУ-ын Ханнс-Зайделийн сангаас хамтран зохион байгуулж буй “Эрх зүйт төр-Эрхэм зорилго” сэдэвт олон улсын онол-практикийн бага хурал Төрийн ордонд болж байна. Онол-практикийн бага хурлыг Монгол Улсын Үндсэн хуулийн цэцийн дарга Ж.Амарсанаа нээж, нэгдсэн хуралдааныг удирдав. Хуралд оролцогчдод хандсан Монгол Улсын Ерөнхийлөгчийн мэндчилгээг Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр уншиж танилцуулсны дараа Улсын Их Хурлын Хууль зүйн байнгын хорооны дарга Д.Ганбат, Хууль зүйн сайд Д.Дорлигжав нар мэндчилгээ дэвшүүллээ.
Хууль зүйн байнгын хорооны дарга Д.Ганбат хэлсэн үгэндээ, Ханнс-Зайделийн сан нь Монгол Улсын Засгийн газартай 1995 онд эрх зүйн болон захиргааны салбарт дэмжлэг туслалцаа үзүүлэх, зөвлөлгөө өгөх тухай хэлэлцээр байгуулснаар 20 жилийн хамтын ажиллагааны хүрээнд олон төсөл хөтөлбөр хэрэгжүүлж, тодорхой үр дүнд хүрсэн . Тухайлбал, Монгол Улсад анх удаа Захиргааны хэргийн шүүх байгуулах, Захиргааны хэрэг хянан шийдвэрлэх тухай хууль боловсруулан батлуулахад дэмжлэг, туслалцаа үзүүлсэн. Мөн 2002 онд Улсын Их Хурлаас баталсан Эрүүгийн болон Эрүүгийн байцаан шийтгэх хуулийг шинэчлэн боловсруулахад үнэтэй хувь нэмэр оруулсныг онцлон тэмдэглэлээ.
Мөн ХБНГУ-аас Монгол Улсад суугаа Онц бөгөөд Бүрэн эрхт Элчин сайд Г.Тийдеманн болон ХБНГУ-ын Ханнс-Зайделийн сангийн тэргүүн, Төрийн сайд асан, профессор, хатагтай У.Мэннле нар мэндчилгээ дэвшүүлж үг хэлсэн юм.
“Эрх зүйт төр-Эрхэм зорилго” олон улсын онол, практикийн бага хурал нь Төрийн ордны “Б” танхимд Захиргааны эрх зүй ба “А” танхимд Эрүүгийн эрх зүй салбар хуралдаануудаар үргэлжилж байна.
Онол-практикийн бага хурлын дараа 20 гаруй жилийн тэртээгээс ийнхүү тасралтгүй хэрэгжиж, тодорхой үр дүнд хүрсэн хамтын ажиллагааг цаашид үргэлжлүүлэх тухай хэлэлцээрийг үзэглэх ёслолын ажиллагаа өнөөдөр Хууль зүйн яаманд болох юм.
Хэлэлцээрт Монгол Улсын Засгийн газрыг төлөөлж Хууль зүйн сайд Д.Дорлигжав, Ханнс-Зайделийн санг төлөөлж тус сангийн тэргүүн, хатагтай У.Мэннле нар гарын үсэг зурна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Номын үзэсгэлэн, шинэ номын нээлт, номын клубын гишүүдийн уулзалт, зохиолчдын гарын үсэгтэй худалдаа, зохиолчидтой хийх уулзалттай “Номын баяр” Чингэсийн талбайд болно. 
Тэгвэл та энэхүү сайн үйлсийн аянд нэгдээрэй! Та зөвхөн хувцасаа авчирч өгөхөд л хангалттай. Нийслэлийн дүүрэг бүрт 500-2500 амьжиргааны баталгаажих түвшингээс доогуур орлоготой өрхийн, хувцас хунараа дутагдаж буй хүүхдүүд байна. 
УИХ-ын чуулганы өнөөдрийн үдээс хойших хуралдаан эхэллээ. Хуралдаанаар УИХ-ын гишүүн С.Бямбацогтоос Эдийн засгийн ил тод байдлыг хангах тухай болон Эдийн засгийн өршөөлийн тухай хуулийн талаар Хууль зүйн сайдад тавьсан асуулгын хариуг сонсож байна. Гишүүд уг асуудалтай холбогдуулан нэгэнт эдийн засгийн өршөөлийн тухай хуулийг батлах гэж байгаа бол хурдан батлах ёстой гэдгийг онцолж байна. Мөн хуулийг батлахгүй удсантай холбоотойгоор аж ахуйн нэгжүүдийн дунд хүлээлт үүсч, татварын орлого буурсан гэх асуудлыг хөндлөө. Хууль зүйн сайд Д.Дорлигжав Эдийн засгийн ил тод байдлыг дэмжих, Эдийн засгийн өршөөлийн тухай хуулийн төсөл хэлэлцэхэд зарим аж ахуйн нэгжүүдийн нэр дурдагдах тул хаалттай хэлэлцүүлнэ үү гэсэн горимын санал гаргасан.
УИХ-ын даргын 2015 оны 101 дүгээр захирамжаар байгуулагдсан “Таван толгойн нүүрсний ордыг хөгжүүлэх талаар авах арга хэмжээний тухай” Улсын Их Хурлын тогтоолын төсөл, Таван толгойн ордыг хөгжүүлэхтэй холбоотой хөрөнгө оруулалтын гэрээ болон хавсралт гэрээнүүдийг Монгол Улсын Их Хурлаар хэлэлцэх эсэхийг шийдвэрлэх талаар дүгнэлт гаргах үүрэг бүхий ажлын хэсгийн гишүүд Тавантолгойн ордыг ашиглах Хамтын ажиллагааны гэрээ, Хөрөнгө оруулалтын гэрээ, Төмөр замын концессын гэрээтэй холбоотой асуудлаар Эрдэс баялгийн мэргэжлийн зөвлөлийн санал, мөн Балгасны улаан нуурын усыг үйлдвэрлэлийн зориулалтаар ашиглахтай холбоотой асуудлаар Байгаль орчин, ногоон хөгжил, аялал жуулчлалын сайдын байр суурийг сонсох санал дэвшүүлж, эдгээр асуудалтай холбогдох саналаа ажлын хэсэгт ирүүлэх хүсэлтийг Засгийн газрын гишүүн, Уул уурхайн сайд Р.Жигжид, Засгийн газрын гишүүн, Байгаль орчин, ногоон хөгжил, аялал жуулчлалын сайд Д.Оюунхорол нарт хүргүүллээ.
Монголын Үндэсний Худалдаа Аж Үйлдвэрийн Танхим үүсгэн байгуулагдсаны 55 жилийн ойн арга хэмжээг угтан тус МҮХАҮТанхимын гишүүн байгууллагуудын ажилтан, албан хаагчдын эрүүл, идэвхтэй амьдралын хэв маягийг дэмжих, спортын талбарт шударгаар өрсөлдөж бизнесийн байгууллагуудын сагсан бөмбөгийн шилдэг багийг шалгаруулах, байгууллагуудын харилцан ойлголцол, хамтын ажиллагааг өргөжүүлэх зорилготой “BUSINESS LEAGUE” сагсан бөмбөгийн шилжин явах цомын төлөөх тэмцээнийг анх удаа зохион байгуулах гэж байна. 
БСШУЯ, Монголын Урлагийн зөвлөл, СУИС-иас зохион байгуулах БҮТЭЭЛЧ ҮЙЛДВЭРЛЭЛИЙН ОЛОН УЛСЫН ЧУУЛГАН–ны хүрээнд болж буй сургалт семинарт дэлхийн бүтээлч үйлдвэрлэлийн ертөнцөд танигдсан, энэ салбарт үгийг нь хүлээдэг нэр хүндтэй судлаач, профессор, багш нар хүрэлцэн ирж лекц уншиж хичээл заасан юм.
Улсын драмын эрдмийн театр 6-р сарын хөтөлбөрөө танилцуулж байна