Month: May 2015

Categories
мэдээ нийгэм

Ажил дээрээ эрч хүчээ сэлбэх супер 10 арга

Ажил дээрээ ядарч байна уу? Гурван аяга кофе уухын оронд дараах 10 алхмыг мөрдөхийг хичээгээрэй.
Та магадгүй энэ талаар маш олон нийтлэл уншсан байж болох юм. Ажлын байрны бүтээмж нэмэгдэхэд ажил эрхлэлт буурдаг цаг үе ч бий. Энэ үед цөөн хүн ажилтай үлддэг учраас тэд илүү шаргуу, олон цагаар ажиллах шаардлагатай болдог. Олон хүмүүс ядрахаараа кофе ууж, эрч хүчний ундаа сорж суудагт гайхах юм алга.
Хоногийн 24 цагт та бүтээлч байх шаардлагатай ч өндөр эрч хүчтэй бас аз жаргалтай байх ёстой. Өөрөөр хэлбэл та өөрийгөө доройтуулсаар байх юм бол уйтгар гунигтай, уур уцаартай, харамч нэгэн болж хувирна.

Ажлын шаардлага хүмүүсийг завгүй болгож, заримдаа энгийн мартагдсан зүйлс ч тэднийг эрч хүчтэй болгодог. Та эрч хүчээ нэмэгдүүлэх дараах аргуудыг дагаж мөрдөөд үзээрэй. Эрч хүчээ нэмэгдүүлэхийн тулд тамхи татах эсвэл кофе уух хэрэггүй.

1. Өдрийг дасгалаар эхэл
Их хэмжээний дасгал хийх нь таныг ядраана гэж та магадгүй бодож байж болох ч үнэндээ тухайн өдөрт шаардлагатай цусыг шахах эхний алхам болж өгдөг. Мөн өглөөний цайгаа сайн ууж, өдрийн цэнэгээ авахаа бүү мартаарай.

2. 20 минут дугхий
Та ажил дээрээ хамтран ажиллагсаддаа унтаж байгаагаа харуулахыг хүсэхгүй байгаа нь мэдээж. Гэхдээ судалгаагаар багахан хугацаагаар дугхийх нь өдрийн турш биеэ сэргээхэд тусалдаг болохыг тогтоосон байна. Миний мэддэг нэг байгууллага ажилчдад зориулсан дугхийх өрөөг тохижуулж, автомат массажны сандалнуудыг суурилуулсан байдаг.

3. Хувийн бүх атаа жөтөөгөө арилга
Бидний сэтгэл хөдлөл цүнхтэй адил. Оруулахыг нь оруулаад гаргахыг нь өдөртөө гарга. Хамтран ажиллагчдаа уурлах эсвэл танай ажлаас хол хэн нэгэнд уурлах нь эрч хүчийг сорж үгүй хийж байдаг. Бид ихэнхдээ мэдрэмжүүдээ үл тоомсорлож чадна гэж боддог боловч зүгээр л баг зүүгээд тэдгээрийн төлөө эрч хүч, энергиэ зарцуулж, алдаад байдаг. Та өөрийнхөө бүх атаа жөтөө, уур бухимдлаа жагсааж бичээд тэднийг алга болтол шийдвэрлэх цаг гарга. Тун удахгүй та хэн нэгэн таны хоногийн 24 цаг дээр хэдэн минут нэмчихсэн юм шиг л санагдах болно.

4. 15 минутын инээд, хошигнол хийх завсарлага ав
Инээд бол төрөлхийн эрч хүчийг нэмэгдүүлдэг зүйл. Инээднээс ялгарах эндорфин таньд дасгал суургуулилалт хийсэн юм шиг л сайн нөлөө үзүүлэх болно. Инээд, наргиантай байх зүйлд оролц эсвэл Yuotube-ээр хөгжилтэй бичлэг ч үзэж болно шүү дээ. Хамтран ажиллагч хэн нэгэнтэй хамт хөгжилтэй зүйл хий. Та эргэн тойрныхоо уур амьсгалыг гэрэлтүүлэх бөгөөд хүн бүр өдрийн үлдсэн цагийг сайхнаар мэдрэхэд туслах болно. Үүнийг үдийн цайны дараа 2 цаг 30 минутын үед хийвэл сайн.

5. 15 минут алх
Заримдаа та зүгээр л гарах хэрэгтэй болдог. Цаг агаар халуун, хүйтэн, бороотой эсэхээс үл хамааран ширээ сандлаасаа босоод алх. Алхах нь таны бие махбод, оюун санааг залуужуулахад тусалдаг. Смартфоноо ч орхи. Сунгалтын дасгал хий, амьсгал ав. Тэгээд гадагш гараад алхах нь таныг сэрүүцүүлж, сэргээх болно.

6. Өдрийн цайны цагаар ямар нэг хөгжилтэй зүйл унш
Ажлаас бага зэрэг хөндийрөх нь оюун санаагаа цэвэрлэж, эрч хүчээ сэлбэхэд сайн нөлөө үзүүлдэг. Өдрийн цайны цагаар богино өгүүллэгүүд унших нь миний хийх дуртай зүйл. Тэдгээр өгүүллэгүүд хөгжилтэй байх албагүй ч цайны цагаар нэгийг уншиж дуусгах нь өөртөө итгэх итгэлийг нэмэгдүүлэх, ажлын өдөртэй “тэмцэх”-эд туслах болно.Марк Твэйн эсвэл Рюдярд Киплинг гэх мэт сонгодог зохиолчдын бүтээлийг ч уншиж болно. Ингэснээр өөрийнхөө цаг завийг үр дүнтэй өнгөрүүлэх зүйл хийж байгаа мэт сэтгэгдэл төрөх болно.

7. Босс эсвэл хамтран ажиллагчтайгаа үүссэн зөрчил, маргааныг шийдвэрлэ
Зөрчил, маргаан таны анхаарал төвлөрлийг “идэж” маш хурдан ядраадаг гэдгийг бодох хэрэгтэй. Нэг газраа саатаж, гацах хэрэггүй. Тулгарсан асуудлуудыг даван туулж шийдвэрлэ. Хэрэв та нээлттэй, уян зөөлөн сэтгэлтэй, эелдэг бол асуудлыг тааламжтайгаар шийдвэрлэхэд илүү хялбар байх болно.

8. Хамтран ажиллагчдаа зориулж ямар нэг сайхан зүйл хий
Эрч хүч хүнээс хүнд хялбархан дамждаг. Энэ арга маш олон түвшинд тусалдаг. Хэн нэгний тухай бодох, хэн нэгэнд бэлэг өгөх, талархлаа илэрхийлэх нь эрч хүчийг нэмэгдүүлдэг. Энэ аргыг өдөр бүр ашиглаж, гайхалтай мэдрэмжийг мэдрээрэй.

9. Сайн найзыгаа дуудаад 15 минут чалч
Дотны сайн найзтайгаа цагийг өнгөрөөхөөс илүү сайхан зүйл надад байдаггүй. Богино хугацаанд уулзсан ч бай, тухайн өдөр тохиолдсон бүтэлгүйтлийг арилгах боломж ч бай дотны найзтайгаа уулзах нь таны эрч хүчийг сэлбэж, “хэцүү өдөртэй” тулалдахад шаардагдах дэмжлэгийг үзүүлэх болно. Энэ аргын давуу тал нь танай найзад ч бас ижил нөлөө үзүүлнэ.

10. Ажилдаа дуртай эсэхээ баталгаажуул
Хэрэв та хийж байгаа ажлаа үзэн яддаг бол миний өгч байгаа ямар ч зөвлөгөө, ямар ч кафейн таны эрч хүчийг нэмэгдүүлж, сэтгэл гутралтай ажлын өдрүүдийг тань арилгаж чадахгүй шүү дээ. Таньд ямар зүйл хийх нь таалагддагийг олж мэдэхэд анхаарал хандуул. Өөрийгөө болон өөрийнхөө эргэн тойронд байгаа хүн бүрийг ч бас уйтгар, гунигтай болгох хэрэггүй. Амьдрал богинохон, та өдөр бүрийг аз жаргалтай өнгөрөөхөөр ирсэн шүү дээ.

Categories
мэдээ цаг-үе

Г.Дэнзэн юу ярив

ЗГХЭГ-ын дэд дарга асан Г.Дэнзэнг АТГ-ынхан баривчилсан. Тэрбээр баривчлагдахаасаа өмнө буюу Германаас ирээд хэвлэлд ярилцлага өгсөн байдаг. Юу ярьсныг нь тоймлон хүргэе.

Би бол сөрөг хүчний хөрөнгөтэй залуусын “зохиосон” дүр

Өөрийг нь оргон зайлсан гэх ярианы тухай тэрбээр “Үйл ажиллагаа нь эрс сайжирч, олборлолт борлуулалт нь хэд дахин нэмэгдсэн төрийн өмчит “Эрдэнэс-Тавантолгой” компанийг төрийн луйварчид баллаж дуусгахаас нь өмнө аварч хувийн хэвшилд шилжүүлье гэдэг “найруулгатай” жүжиг ид өрнөж байгаа. Энэ жүжгээ амжилттай болгохын тулд хуучин муу дүрээ сэргээж ашиглаж байгаа л төдий юм. Үнэндээ би “ардчилал”-ыг муухай харагдуулахын тулд сөрөг хүчний хөрөнгөтэй залуусын “зохиож” бий болгосон зохиомол дүр. Энэ дүрийг “Шинэчлэл”-ийн Засгийн газрыг огцруулахдаа амжилттай ашигласан “ах” нар одоо ээлжит хулгай дээрээ дахин ашиглах гэж оролдож байгаа нь үнэхээр зэвүүцэм санагдаж байна. Өнөөдөр намайг золигт гарган бохир улс төр хийж байгаа “ах” нараас 27, 28-тайдаа та нарыг хувьсгал хийж байхад чинь өмнөх үе чинь ингэж зүхэж золиослож байсан уу гэх мэт олон зүйл асуумаар л байдаг. Бухимдал гэж илэрхийлэхэд ч багадмаар хэцүү цаг үеүдийг туулж байна. Бид залуу гэр бүл, хүүхдүүд өсч том болж байна. Огт хамаагүй зүйлсээс болж хүн бүрийн харцанд зэмлүүлж амьдарсаар байх уу гээд олон бухимдмаар зүйл байна даа. Маш их зүйлийг тайвнаар хүлээж аван хүлээцтэй хандахыг л хичээх юм” гэжээ.

Н.Алтанхуяг манай хадам аав биш

Харин Ерөнхий сайд асан Н.Алтанхуягтай яаж холбогдсон талаараа “Н.Алтанхуяг даргатай 2007 оноос хамт ажиллаж байгаа.УИХ дахь АН-ын бүлэгт зөвлөхөөр ажиллаж байхдаа сургуулиа дөнгөж төгссөн намайг багшаар минь дамжуулан дуудаж уулзаад, “Надад гурван бодлого байна. Энэ бодлогыг бодоход чи туслах хэрэгтэй байна” гэсэн юм. Бид хоёрын танилцсан түүх энэ. Эхнийх нь бодлого төрийн албан хаагчийн цалинг 500 мянган төгрөг болгох тухай байсан. Нөгөө хоёр нь Оюутолгой, Тавантолгой дээр тооцоо бодож, математик загвар боловсруулах байсан. Бодох нь ээ, хэрэглээний математикч болохоор надад хандсан нь тэр байж. Энэ чиглэлээр мэргэшсэн болохоор тэр гурван бодлогыг нь бодъё, чадна гэсэн. Тэгээд математик загварыг нь боловсруулахаар болсон. Ингээд би УИХ дахь АН-ын бүлгийн ажилтан болсон. Ингэж явсаар 2008 оны сонгуультай золгосон. Сонгуулийн дараа би ажлуудаа дуусгаж, тодорхой үр дүнд хүрчихсэн байсан. Тэгэхэд Н.Алтанхуяг дарга намайг үнэлсэн юм болов уу, 2008-2012 онд хамтарсан Засгийн газарт Тэргүүн шадар сайдаар ажиллахдаа зөвлөх, дараа нь ахлах зөвлөхөөрөө ажиллуулсан” гэжээ. Харин эхнэрийнхээ тухайд “Намайг тэргүүн шадар сайдын ахлах зөвлөхөөр ажиллаж байх үед буюу 2011 онд гадаадад сургууль төгссөн боловсролтой нэг бүсгүй Н.Алтанхуяг даргын зөвлөхөөр ажилласан. Залуу хүмүүс танилцсан, үерхсэн, нэг нэгэндээ татагдсан. Бусад залуусын адил л бид хоёр учирсан.Н.Алтанхуяг дарга манай хадам аав биш. Би дүүгийнх нь охинтой ингэж хамт ажиллаж байхдаа дотносож танилцаад гэр бүл болсон. Тэр үед Н.Алтанхуяг даргын хамаатан гэж мэдээгүй. Найз охин маань ч хэлээгүй. Дараа нь мэдсэн. Ер нь бол даргатайгаа хамаатан болж болохгүй гэсэн хууль байхгүй биз дээ. Гэхдээ Н.Алтанхуяг дарга бид хоёр хамаатан боллоо гээд өмнөх харилцаа огт өөрчлөгдөөгүй. Ажил хэргээ зөвшилцдөг, ярилцдаг, заадаг, зөвлөдөг яг ямар байсан тэр янзаараа л үргэлжилсэн” гэсэн байна.

Цахим хурал, “11 11” төвийг санаачилсан

ЗГХЭГ-ын дэд даргын суудалд очсон талаараа “2008-2012 оны хамтарсан Засгийн газрын үед Хэрэг эрхлэх газарт манай ажиллаж байсан гурав, дөрөвхөн хүний нэг нь би. Тийм болоод л ЗГХЭГ-ын дэд даргаар томилсон байх. ЗГХЭГ-ын дэд дарга болчихоод үндсэн хоёр функц хариуцаж ажилласан. Яахав залуу хүний эрч хүчээр шинэ, шинэлэг зүйлс хийчихье гэж нэлээд оролдсон. Хийсэн, эхлүүлсэн шинэлэг ажлууд маань ч одоо үргэлжлээд явж байгаа байх. Жишээ нь, орон нутгийн хөрөнгө оруулалт хариуцсан хүн Баян-Өлгий аймгаас онгоц, байр, хоолны мөнгө гээд өчнөөн зардал гаргаж 1000 гаруй км туулан байж Улаанбаатарт ирдэг. Тэгээд аймгийнхаа асуудлыг шийдүүлэх гэж Сангийн яамны нэг хэлтсийн даргын үүд сахидаг. Хугацаа, мөнгө үрсэн энэ тогтолцоог өөрчилж, “Цахим хурал” бий болгосон. Миний санаачилсан бас нэг ажил бол “11 11” төв” гэж ярьжээ.

“Дуусаагүй обьектын зөрчлийг зарласнаар өөр дээрээ гал дуудсан”

Тэр ингэж ярьжээ. Тодруулбал, “2012 оны есдүгээр сард ЗГХЭГ-ын дэд даргаар томилогдсоны дараахан Ерөнхий сайд Н.Алтанхуяг Ховд, Увс, Баян-Өлгий аймагт ажилласан. Энэ хугацаанд аймгийн удирдлагуудаас ч, иргэдээс ч гарч байсан гол санал нь нэг зүйл дээр их төвлөрдөг байсан л даа. Тэр нь дуусаагүй объект. Тиймээс хотод буцаж ирээд дуусаагүй барилгын жагсаалтыг улсын хэмжээнд гаргаж үзэхэд тухайн үед 133 объект байсан. Тэр бүгдэд шалгалт оруулаад үзэхэд маш олон зөрчил илэрсэн. 2009 онд төсөвт өртөг нь 800 сая төгрөгөөр эхэлсэн сургуулийн барилга дараа жил нь дуусдаггүй. Дараа жил нь дахиад л ямар нэгэн шалтгаанаар төсөвт өртөг нь нэмэгддэг. Замын ажлуудыг хэлж болж байна. Дуусаагүй хэрнээ жил бүр үнийн дүн нь өсөөд явдаг том зөрчил байсан. Бас нэг нь тендерт ялсан компаниуд нь ажлаа хийж дуусдаггүй мөртлөө санхүүжилтээ аваад байдаг зөрчил. Барилгынхаа 30 хувийг л барьсан хэрнээ Сангийн яамнаас яагаад ч юм 70 хувийн санхүүжилт авчихдаг. Тэгээд барилгаа гүйцээдэггүй. Үүнийгөөрчилж, цэгцэлье гэж шийдсэн учраас зарласан. Хожмоо “Авлигажсан төсөв” гэж зарладгийн үндэс нь ч энэ л дээ. Дуусаагүй объектийн энэ зөрчлийг зарласан нь над руу маш том гал дуудсан гэж одоо боддог юм” гэсэн байна.

“Н.Алтанхуяг гэдэг хүнийг муухай харагдуулах гэсэн зохиомол хэрэг байсан”

“Эрдэнэс-Тавантолгой” компанийн ТУЗ-ийн дарга байхдаа их хэмжээний мөнгө завшсан, эхнэрийнхээ нэр дээрх “Говь повер” компаниар дамжуулж 17 тэрбумын тендер авсан гэдэг шуугианы тухай ийм тайлбар хийжээ. “Эрдэнэс-Тавантолгой”-н ТУЗ-ийн даргын ажлыг долоон сар орчим хугацаанд л хашсан. Энэ хугацаанд 17 тэрбум байтугай нэг ч төгрөгийн тендер аваагүй гэдгээ хатуу мэдэгдье. Нэг л өглөө тийм сенсаац мэдээ сайтуудаар тарсан.Ёстой юу ч мэдэхгүй байхад л над руу дайралтууд ирж эхэлсэн. Зогсоо зайгүй, тасралтгүй гүтгээд унахаар хүн эхэндээ “пааниг”-т ордог юм билээ. Юу болоод байгааг ч ойлгохоо байсан. Өөрөө тайлбарлая гэхээр хүмүүс хүлээж авахгүй байсан. Бүх л сонин хэвлэлээр “Н.Алтанхуягийн хүргэн Дэнзэн бол муу хүн” гэсэн зохион байгуулалттай PR явчихсан. Манай эхнэр хүүхдээ гаргачихсан, нярай биетэй гэртээ байсан үе.

Юун тендер, юун Тавантолгой вэ. Тэгээд ч тэр компанийн Уянга нь “Ж” овогтой. Манай эхнэр Г овогтой. Ер нь бол Дэнзэн гэдэг хүнтэй яаж энэ бүхнийг холбох вэ гэж бүх талаас нь судалсан байдаг юм билээ.

Ерөөсөө л Н.Алтанхуяг гэдэг хүнийг муухай харагдуулах гэсэн зохиомол хэрэг энэ байсан. Эхлээд Г.Дэнзэн, тэгээд Л.Гансүх зөвлөх гээд Н.Алтанхуяг даргыг тойрсон хүмүүс рүү дайралтууд явсан. Өөрөөр хэлбэл, тухайн үеийн Ерөнхий сайд Н.Алтанхуягийг огцруулахын тулд, “Шинэчлэл”-ийн Засгийн газрыг унагахын тулд зохион байгуулалттайгаар нэр хүндийг нь унагах гэж дайрсан. Жишээ нь, тэр үед “Г.Дэнзэн муу хүн” гэж нэг ч удаа дайраагүй ш дээ. Дандаа л “Ерөнхий сайдын хүргэн Дэнзэн бол муу хүн” гэж дайрсан байдаг юм. Эхлээд хэвлэлээр гутаан доромжилж, энэ үнэхээр муу хүн юм байна гэсэн ойлголт ард түмэнд төрүүлж байгаад л огцруулдаг юм байна лээ. Тэгээд тасралтгүй хэвлэлээр дайрсан ш дээ, над руу. Бас тэр үед нь Ерөнхийлөгчийн сонгууль хүртэл давхацчихсан. Тэгж л би том улс төрийн золиос болсон хүн” гэсэн байна.

“Я.Батсуурь захирал сайн ажилласан”

Харин “Эрдэнэс Таван толгой” компанийн тухай “Анх намайг энэ компанид очиход үнэхээр хүндрэлтэй нөхцөлүүд угтсан. 350 сая ам.долларын зээл аваад ард иргэддээ тараачихсан, компанийн санхүүгийн байдал маш хүнд. Тэгээд яаж босгох вэ гэж бодсон. Ер нь бол зардал хэмнэхээс ажлаа эхэлсэн. Яагаад гэхээр маш үрэлгэн гэмээр зардлууд “Эрдэнэс-Тавантолгой”-д байсан. Хоёр гадаад захиралтай, тэд жилдээ 300 сая төгрөгийн цалинтай, сарын зургаан сая, жилдээ 72 сая төгрөгөөр Зайсанд орон сууц хөлсөлж амьдардаг байсан. Ингээд зогсохгүй эхнэр, хүүхэдтэйгээ жилд 2-3 удаа гадаадад зорчих зардлыг нь даадаг гэрээтэй байсан юм. Иймэрхүү гаж тогтолцоог нь өөрчилсөн. Тэгээд ч ТУЗ-ийн шийдвэр гэдэг хамтынх байдаг, ганц Г.Дэнзэнгийнх биш” гээд Я.Батсуурь захирлыг баривчилсан явдлыг гайхдагаа хэлжээ. Цааш нь “Эрдэнэс-Тавантолгой”-н гүйцэтгэх захирлаар ажиллаж байсан Я.Батсуурь, түүний хамт олон үнэхээр сайн ажилласан. Компанийг зөв түвшинд аваачиж ажиллахын төлөө их хүчин чармайлт гаргаж “Эрдэнэс-Тавантолгой”-н үйл ажиллагааг ахицтай, бодитоор сайжруулж чадсан хүн. Хүмүүс Тавантолгойг их амархан төсөл юм шиг ойлгодог. Тийм болоод л бүгд ярьдаг биз. Гэтэл үнэхээр хүнд ш дээ. Гадаад захирлууд нь 300 саяын цалин авч байхад жирийн уурхайчин нь сарын 600 мянган төгрөгийн л цалинтай ажилладаг” хэмээн ярьжээ.

“Буруугүй гэдгээ баримтаар нотолно”

Тэгвэл ажлаа өгчихсөн,Н.Алтанхуяг огцорчихсон байхад яагаад АТГ өөрөөр нь оролдоод байгаа тухай ярихдаа “ТӨК-ийг үнэгүйдүүлж бүлэглэлийнхээ мэдэлд авах гэсэн явцуу шуналтай хүмүүсийн явуургүй арга. Муу нэртэй Дэнзэнтэй холбож байгаад бүхнийг амжуулъя гэсэн башир арга. Тэрэндээ Я.Батсуурь захирлыг хутгах гэж оролдсон гэж харж байна. Үүний баталгаа нь тухайн үед ч, одоо ч АТГ-аас намайг шалгасан зүйл нэг ч байхгүй байгаад юм. Огт хэрэг хийгээгүй хүнийг шууд гүтгээд шоронд хийх хэмжээний зориг тэднээс арай л гарахгүй байх. Үнэн миний талд учраас би зоригтой байгаа. АТГ намайг огт шалгаагүй хэрнээ шалгаж байгаа мэтээр зарладаг, хэвлэлийн бага хурал хийдэг. Хэрэг хийсэн бол би 2013 ондоо л явдаг газар руу нь явах байсан биз. Германаас ирснээс хойш намайг дуудаж шалгаагүй. Угаасаа хийсэн хэрэггүй хүнийг яаж дуудаж байцаах юм” гээд ойрын ирээдүйд тавьсан зорилгоо хэлжээ. “Үнэн учрыг илчилж, бохир улс төрийн золиос болсноо нотолмоор байна. Холбогдох байгууллагуудад нь хандана. Би буруугүй гэдгээ баримтаар удахгүй нотлох болно. Мөн залуу хүний хувьд өөрийгөө хөгжүүлэх талаар том зорилго тавиад байгаа. “Тони Блэйр” санд ажилласан жил гаруй хугацаандаа нэг зүйлийг хатуу ойлгосон. Хүн төрөлхтний хөгжилд шинэ хувьсал явагдаж байна. Хүнд үйлдвэрлэл, байгалийн баялаг бус өндөр технологи, шинжлэх ухаанд суурилсан шинэ эдийн засгийн загварчлал боловсрогдож байна. Үүнд зориулж эх орондоо хэрэгтэй, хэрэгцээтэй хүн болохын тулд тасралтгүй өөрийгөө хөгжүүлэхээр хичээж суралцаж байна даа. Ер нь бидний үе буюу шинэ үеийнхэн өөр амбийцтай байгаасай гэж хүсч байгаа. Дотоод улс төр тойрсон бохир арга барилд автан нэг нэгнээ барьж хэмлээд эхэлбэл цаашдаа өнөөгийн энэ байдал ахин хэчнээн жил үргэлжилж, үр хүүхдэдээ ийм л нийгмээ өвлүүлсээр байх уу гээд олон зүйлийг эргэцүүлж бодох ёстой цаг үе юм. Гучтай залуус компьютерийнхээ ард гайхамшиг бүтээж дэлхийн хэмжээний баялаг бүтээж байхад, бид нэгнээ улс төрийн зорилготой бохир шүлсээр будаж суух нь зөв үү гэхчилэн эмзэглэмээр зүйл олон байна” хэмээсэн юм.

АТГ-ЫНХАН Г.ДЭНЗЭНГ ГЭРЭЭС НЬ ХҮЧ ХЭРЭГЛЭН БАРИВЧИЛЛАА

-Гэрт нь үзлэг хийж хамаг эд зүйлсийг нь онгичсон байна-

ЗГХЭГ-ын дэд дарга асан Г.Дэнзэнг АТГ-аас өчигдөр 13.00 цагийн орчим баривчиллаа. АТГ-ынханГ.Дэнзэнгийн гэрт очсон байна. Гэрийнх нь хаалгыг тогшихоор ньтүүний эхнэр хаалгаа тайлж өгтөл АТГ-ын мөрдөн байцаагч нар угз татан дэлгээд бөөнөөрөө ороод ирсэн гэнэ. Тэгснээ гэрт нь үзлэг хийх прокурорын зөвшөөрлийг үзүүлэн гэрийнх нь эд зүйлсийг онгичжээ. Ор, дэр, гал тогоо, хувцасны шүүгээ, авдар сав гээд л байгаа бүхнийг нь уудалж, үзэж болох бүх зүйлсийг нь онгичсон байна. Мөн бичиг баримт хадгалж байсан хавтаснуудыг ньнэг нэгээр нь салгаж бүрэн нэгжлэг хийжээ.Г.Дэнзэнгийнхүүхэд АТГ-ынхнаас айн уйлж, эхнэр нь гэрийн эд зүйлсийг онгичин гаргаж хаяж байгааг эсэргүүцэн1937 оны хэлмэгдүүлэлтийн үеийн үйл явдал шиг дүр зурагхөвөрсөн тухай гэрчүүд ярьж байна. Ингээд АТГ-ынхан хайсан зүйлээ олоогүй бололтой нэгжлэгээ зогсоогоод Г.Дэнзэнд хувцсыг нь өмсүүлэн шууд албадан баривчилжээ. 14:00 цагийн үед АТГ-т Г.Дэнзэнг аваачсан байна. Харин өчигдөр 20:00 цагийн орчимд прокурорын зөвшөөрлөөр 14 хоног саатуулах албан бичиг үзүүлэн Цагдан хорих 461 дүгээр анги руу ачсан байна.

Арга ядаад АТГ-ын үүдний өрөөнөөс үйлчлүүлэгчийнхээ нэрийг дуудаж хашгирлаа

Энэ талаар түүний өмгөөлөгч Д.Содномдоржтой холбогдож цөөн асуултад хариулт авлаа.

-Г.Дэнзэнг АТГ-ынхан хууль зөрчиж албадан баривчилсан байна. Энэ талаар тодруулахгүй юу?

-Миний үйлчлүүлэгч Г.Дэнзэнг АТГ-ын алба хаагчид хууль бусаар албадан саатуулаад байна. Өмгөөлөгчид нь огт мэдэгдэлгүй гэрт нь дайрч орооднэгжлэг хийж, эхнэр, хүүхдийг нь айлгаад албадан баривчилсан байгаа юм. Өмнө нь нэг ч удаа АТГ-аас дуудаагүй мөртлөө шууд ингэж албадан баривчилж өмгөөлөгчгүй мэдүүлэг авах эрх байхгүй. Энэ бол хууль зөрчсөн асуудал. Тэд яаж байцаалт авч байгааг одоо болтол мэдээгүй байна. Магадгүй эрүү шүүлт тулгаж байхыг үгүйсгэх аргагүй. Үйлчлүүлэгчийгээ баривчлагдсан гэдгийг сонсоод АТГ-т ирсэн. Гэвч намайг дотогш нэвтрүүлсэнгүй. Хаана ямар өрөөнд байгааг нь мэдэж чадаагүй. Ямар мөрдөн байцаагч албадан байцаалт авч байгааг ч мэдэх боломж байсангүй. Эрүүгийн байцаан шийтгэх хуулийн 41-д өмгөөлөгч үйлчлүүлэгчтэйгээ хаана, хэдийд ч уулзах эрхтэй гээд заачихсан байдаг. Үүнийг АТГ-ынхан шууд зөрчиж байна. “Үйлчлүүлэгчээ хаана байцаалт авч байгааг мэдмээр байна.Хуулийн дагуу уулзмаар байна” гэх хүсэлтийг АТГ-ын бүх удирдлагуудад тавьсан. Гэвч миний хүсэлтийг хүлээжавсангүй. Арга ядаад АТГ-ын үүдний өрөөнөөс үйлчлүүлэгчийнхээ нэрийг дуудаж хашгирлаа. Мөн телевиз дуудаж ярилцлага өгсөн. Тэгсэн “Чи яасан их хэл амтай юм. Чамайг цагдаад шалгуулна гээд хоёр мөрдөн байцаагч өрөө рүүгээ чирч оруулах гэж оролдлоо. Юу гэсэн үг вэ. Хуулийн байгууллага ингэж авирлаж болохгүй биз дээ. Эрүүгийн хуулинд 35, 36 дугаар зүйл ангид сэжигтэн өмгөөлөгчтэйгөө уулзах эрхтэй, өмгөөлөгчтэйгөө байцаалт өгөх эрхтэй гээд тодорхой заачихсан байхад АТГ-ынхан ингэж авирлаж байна.

-Тантай огт уулзуулалгүй цагдан хорих анги руу ачаад явчихсанюм уу?

-Одоо болтол хаана байгааг нь мэдэж чадаагүй байна. Сураг сонсох нь цагдан хорих төв рүү ачаад явсан гэсэн мэдээлэл байна. АТГ-ынхан улс төржиж байгаагийн нэг илрэл гэж үзэж болохоор байна.Тэд хүний эрх, хууль журмыг уландаа гишгэж байна гэв.

“Үнэн миний талд учраас би зоригтой байгаа”

Г.Дэнзэн Эрдэнэс Таван толгойн ТУЗ-ийн даргаар ажиллаж байхдаа эхнэрийнхээ нэр дээр байдаг“Говь повер” компанид эвлэрлийн гэрээний үндсэн дээр 4.6 тэрбум төгрөг шилжүүлсэн хэрэгт шалгагдаж байгаа юм. Дээрх хэрэгт шалгагдаж байгаа талаараа зарим хэвлэл мэдээллийн хэрэгсэлд дэлгэрэнгүй ярилцлага өгсөн. “Би бохир улс төрийн золиос болсноо нотлох болно” гэсэн гарчигтай нийтлэгдсэн ярилцлагадаа “Говь повер” компани руу мөнгө шилжүүлсэн талаар“Нэг л өглөө тийм сенсаац мэдээ сайтуудаар гарч ирсэн. Ёстой юу ч мэдээгүй, юу ч мэдэхгүй байхад л над руу дайралтууд ирж эхэлсэн л дээ. Зогсоо зайгүй, тасралтгүй гүтгээд унахаар хүн эхэндээ “пааниг”-т ордог юм билээ. Юу болоод байгааг ч ойлгохоо байсан. Өөрөө тайлбарлая гэхээр хүмүүс хүлээж авахгүй байсан. Манай эхнэр хүүхдээ гаргачихсан, нярай биетэй гэртээ байсан үе. Юун тендер, юун Тавантолгой вэ. Тэгээд ч тэр компанийн Уянга нь “Ж” овогтой байсан. Манай эхнэр бол Г.Уянга. Би тэгээд ч тэр компанитай холбогдъё гэж бодоогүй. Аягүй бол асууж сураглавал ахиад холбоно биз гэж бодсон. Ер нь бол Дэнзэн гэдэг хүнтэй яаж энэ бүхнийг холбох вэ гэж бүх талаас нь судалсан байдаг юм билээ. Жишээ нь, Уянга гэдэг нэр гарангуут эхнэр нь болгоод л, “Говь повер” гэдэг компани гэнгүүт Г.Дэнзэн Дорноговийнх гэж холбоод л. Ийм л байсан ш дээ. Намайг огт шалгаагүй хэрнээ шалгаж байгаа мэтээр зарладаг, хэвлэлийн бага хурал хийдэг. Хэрэг хийсэн бол би 2013 ондоо л явдаг газар руу нь явах байсан биз. Би дээр хэлсэнчлэн энэ бол ТӨК-ийг үнэгүйдүүлж бүлэглэлийнхээ мэдэлд авах гэсэн явцуу шуналтай хүмүүсийн явуургүй арга. Муу нэртэй Дэнзэнтэй холбож байгаад бүхнийг амжуулъя гэсэн башир арга. Тэрэндээ Я.Батсуурь захирлыг хутгах гэж оролдсон гэж харж байна. Үүний баталгаа нь тухайн үед ч, одоо ч АТГ-аас намайг шалгасан зүйл нэг ч байхгүй байгаад юм. Огт хэрэг хийгээгүй хүнийг шууд гүтгээд шоронд хийх хэмжээний зориг тэднээс арай л гарахгүй байх. Үнэн миний талд учраас би зоригтой байгаа” гэсэн ярилцлага өгсөн.

Түүнийг АТГ-ынхан хэвлэл мэдээллийн хэрэгслээр үнэн бодит нотлох баримтыг дэлгэж эхлэнгүүт баривчиллаа. Үнэний шүүгч нь хүн өөрөө байдаг.Дэнзэн өөрийнхөө буруугүй хэлмэгдүүлж байгааг мэдэж байгаа учраас АТГ-ын эсрэг хүчтэй дуугарчээ. Үүнийг нь АТГ-ынхан айхавтар реакцтай хүлээн авч байгаа нь энэ бололтой.

Э.Хүрэлбаатар

Categories
мэдээ цаг-үе

“Нано шатахуун”-ыг Монгол Улс нийтээрээ хэрэглэх төрийн тогтоол гарчээ

-Улаанбаатар хотын автомашинаас үүдэлтэй агаарын бохирдлыг “Нано шатахуун” 98 хувь хүртэл бууруулна-

АНУ-ын Калифорни мужийн Силикон Валлей-д үйл ажиллагаа явуулдаг H2OIL корпорацийн гүйцэтгэх захирал Бэн Сонг, Маркетингийн захирал Бернис Сонг нар Монголд айлчлан ирээд байна. Тэд өнөөдөр болох “Газрын тос-2015” эрдэм шинжилгээний бага хуралд оролцохоор Газрын тосны газрын урилгаар иржээ. H2OIL-ийн удирдлагууд өчигдөр хэвлэлийн бага хурал хийж энэ тухай болонМонголд хэрэглээнд нэвтэрсэн бүтээгдэхүүнийхээ талаар мэдээлэл өгсөн юм. Жолооч нарын сүүлийн үед хэрэглэх болсон нано шатахууныгтус корпорацийнбүтээгдэхүүнээр баяжуулж хийдэг аж. H2OILкорпорацийн шатахуун зарцуулалтыг бууруулж, эдийн засгийн хэмнэлт үзүүлээд зогсохгүй автомашинаас үүдэлтэй хорт хий, утаа тортогжилтыг бууруулдаг дэвшилтэт бүтээгдэхүүнийг “Жим Вэйл Монголия интернейшэнл” компани албан ёсны онцгой эрхтэйгээр борлуулаад гурван жил болжээ.

Монголд хэрэглэж буй“F2-21 eeFuel” гэсэн нэртэй шингэн нано нэмэлтбүтээгдэхүүн бүх төрлийн нүүрс ус төрөгчийн шатахуунд буюу бензин, дизель, мазут, газ, био түлшинд зориулагджээ. Агаарын бохирдол бууруулдаг, шатахууны хэрэглээнд хэмнэлт гаргадаг нь олон улсад нотлогдсон бүтээгдэхүүн гэж тэд онцолж байв. H2OIL-ийнхувьд байгальд ээлтэй бүтээгдэхүүн үйлдвэрлэдгээрээ дэлхийд танигдсан корпораци юм байна. Сүүлд гэхэд л “Форбес” сэтгүүлээс тус корпорацийг байгальд ээлтэй бүтээгдэхүүн үйлдвэрлэдэг хорин компанийн дөрөвдүгээр байранд шалгаруулжээ.

Бернис Сонг: Шүүлтүүр сайн байхад л нано шатахууны үр дүн шууд мэдрэгдэнэ

Хэвлэлийн хурлын үеэр Н2OIL корпорацийн маркетингийн захирал Бернис Сонгоос зарим зүйлийг тодрууллаа.

-ОХУ-ын шатахуун түгээх станцуудын 70 хувь нь танай бүтээгдэхүүнээр баяжуулсан шатахууныг худалдаалж байна. Нано шатахууныг хойд хөршөөс гадна ямар улсууд өргөн хэрэглэж байна вэ?

-Оросоос гадна Хятад, Сингапур, Малайз, Тайвань, Голланд, Япон, Англи, Итали, Беларусь зэрэг 40 гаруй улс төрийн бодлогын хэмжээнд дэмжиж, өргөнөөр хэрэглэдэг. Агаарын бохирдлыг бууруулахад хувь нэмрээ оруулж буй бүтээгдэхүүн гэдгийг НҮБ хүлээн зөвшөөрснийгдурдахдаа таатай байна. НҮБ-аас манай корпорацийг ингэж үнэлж,албан ёсны арга хэмжээнүүддээ урьж оролцуулж байсан.

-Танай бүтээгдэхүүнийг импортолдог “Жим Вэйл Монголия Интернейшэнл” компанийн талаар сэтгэгдлээ хуваалцаач?

-“Жим Вэйл МонголияИнтернейшэнл” компанитай гурван жилийн турш хамтран ажиллаж байна. Манай албан ёсны дистрибьютер компани байгаа юм. Сая гэрээнийхээ хугацааг гурван жилээр сунгалаа. Ирээдүйд хамтран ажиллах өндөр сонирхолтой байгаа.

-Нано шатахуун манай улсын хувьд шинэ хэрэглээнд орно. Нано шатахуун хэрэглэдэг, хэрэглэхийг хүсч байгаа жолооч нарт үйлдвэрлэгчдийн зүгээс өгөх зөвлөгөө байна уу?

-Манай бүтээгдэхүүнийг хэрэглэхэд маш энгийн, хялбархан. Шатахуунтай холиод баяжуулчихад л үр дүн нь мэдрэгдэнэ. Албан ёсны дистрибьютер компаниасаа нэг мэдээлэл авсан. Монголд насжилт өндөртэй тээврийн хэрэгсэл олон байдаг гэж тэд хэлж байна. Насжилт өндөртэй тээврийн хэрэгслүүдийн хувьд нано шатахууны үр дүнг мэдрэхийн тулд шатахууныхаа шүүлтүүрийг цэвэрлэх хэрэгтэй. Шинийг авч тавибал бүр сайн. Ингэсний эцэст нано шатахууныг тогтмол хэрэглэж эхэлбэл бүтээгдэхүүний үр дүн шууд мэдрэгдэнэ. Бусад тээврийн хэрэгслийн хувьд энгийн шатахуунтай холихгүйгээрхэрэглэвэл бүтээгдэхүүний үзүүлэлтэд байгаа үр дүнг хангалттай мэдэрч чадна. Манай бүтээгдэхүүн агаарын бохирдлыг багасгаж, хэрэглээний хэмнэлт гаргадаг нь олон улсад хийсэн туршилтаар нотлогдсон. Дэлхийн хэмжээнд 25 тэрбум км замд туршсаны эцэст ийм үр дүн гарсан. Монголд хийсэн 38 мянга гаруй км замд туршсан судалгаагаар ч энэ үр дүн нь нотлогдсон.

Б.Хишигжаргал: Нано шатахуун хэрэглээг 30 хувь хүртэл хэмнэж байгааг туршилтаар нотолсон

“Жим вэйл Монголия интернейшэнл” компанийн гүйцэтгэх захирал Б.Хишигжаргалтай ярилцлаа.

-Танай компанийн импортолдог нано шингэнээр баяжуулсан шатахуун агаарын бохирдлыг багасгаж, хэмнэлт гаргадаг нь олны анхаарлыг татаж байгаа. Хэрэглээнд яг ямар хэмнэлт гаргаж байгааг тодорхой тоогоор хэлэх боломжтой юу?

-Бидний импортолдог нано бүтээгдэхүүнүүд олон зорилго, зориулалттай бүтээгдсэн. Онцолж хэлэх үндсэн хоёр үзүүлэлт бий. Шатахуун хэмнэхээс гадна хорт хий, утаа тортогжилт бууруулдаг. Үнэхээр ийм үр дүнтэй гэдгийг олон улсын өндөр зэрэглэлийн нэр хүндтэй байгууллагууд баталгаажуулсан байдаг л даа.25 тэрбум км зам дээр туршигдаж байжчанар баталгаажсан гэхээр хэр сайн бүтээгдэхүүн гэдэг нь харагдах байх. Дэлхийд батлагдсан чанарыг бид Монголд шууд авчирч нутагшуулаагүй. Өөрсдөө ч гэсэн туршилт, судалгаа хийсэн. Олон улсын хэмжээнд нотлогдсон үр дүнгүүд бидний хийсэн туршилтуудаар батлагдсан. Манай импортолдог бүтээгдэхүүн шатахууны хэрэглээг 8-28 хувь хэмнэдэг. Энэ бололон улсын туршилтаар баталсан үр дүн. Монголд 5.5-30.1 хувь хүртэл хэмнэж байгааг туршилтаар нотоллоо.

-Утааг бууруулах, агаарын бохирдлыг багасгах үр нөлөө нь Монголд хэр байна вэ?

-Агаарын бохирдол бууруулах тал дээр хорт бодисын хэмжээ буюу тортогжилтыг 98 хувь хүртэл бууруулна гэсэн олон улсын туршилт, нотолгоо бий. Тортогжилт гэхэд л Монголд 70 гаруй хувиар буурсан дүн гарсан.Хорт бодисуудын тодорхой үзүүлэлтүүдийг буулгасныг мөн тодорхой судалгаа, туршилтаар нотолсон. Энэ олон судалгаа, туршилтын дүгнэлтийгүндэслэн БОНХАЖЯ 2014 онд Нано шатахууныг байгаль орчинд ээлтэй гэдгийг баталгаажуулж “Ногоон бүтээгдэхүүн” гэрчилгээ олгосон.Монголд хийсэн туршилт судалгааны үзүүлэлт олон улсын лабораториудынхтай яг таарсан. Машин техникт эвдрэл үүсгэх нөлөөгүй гэсэн дүгнэлт ч гараад байна. Ингэж нотолсон учраас нано шатахууны хэрэглээг төрөөс дэмжиж байгаа.

-Нано шатахуунаар зах зээлийг бүрэн хангах боломж бий юу?

-Төрийн байгууллагууд нано шатахууныг их олон өнцгөөс судалж, бие даасан болон хамтарсан туршилт хийгээд үнэхээрийн чанартай бөгөөд утаа бууруулдаг гэдгийг баталж,Агаарын Бохирдлыг Бууруулах Үндэсний Хороо 09 дүгээр тогтоол гаргаж, Монгол Улсад үе шаттайгаар нэвтрүүлэх шийдвэр гаргасан.Үе шаттай нэвтрүүлэх шийдвэрийг нефть импортлогчид маань нано шатахууныг эдийн засгийн хэмнэлт үзүүлдэг, шатахуун зарцуулалтыг бууруулдаг үзүүлэлтүүдийг хүлээн зөвшөөрөөд зах зээл дээр нэвтрүүлж байна. Монгол 1000 гаруй шатахуун түгээх станцтай. Улаанбаатарын хэмжээнд гэхэд л 208 шатахуун түгээх станц бий. Нийслэлийн станцуудад гэхэд нано шатахууны хэрэглээг бүсчилсэн байдлаар нэвтрүүлье гэсэн төлөвлөгөө гаргаад төрийн байгууллагуудтай хамтран ажиллаж байна. Энэ ондоо багтаж хотын төвийн бүсийн станцуудаар нано шатахууныг бүрэн түгээж эхэлье, дараа жил нь хотын дунд хэсгийн бүсэд байрладаг станцууд руу хандъя гэх мэтээр төлөвлөгөө гаргаж ажиллаж байж үр дүнд хүрнэ. Эцсийн шатанд нефтийн компаниудаас санал авсны дараа энэ төлөвлөгөө амьдрал дээр хэрэгжих боломжтой болно.

-Нано шатахууныг ямар газрууд хэрэглэгчдэд түгээж байгаа вэ?

-“НИК”, “Петровис”, “Шунхлай”, “Сод Монгол”-той хамтран ажиллаж байна. Бусад шатахуун түгээх станцуудад хамтран ажиллах саналаа хүргүүлсэн. Уул уурхайн яам, Газрын Тосны Газраас чиглэлүүд нь очсон байгаа.Удахгүй дараагийн шатны алхамдаа орно.

Ц.Билиг

Categories
мэдээ нийгэм

Ажил дээрээ албан тушаал ахих 7 арга зам

Хүн бүр л ажилдаа ахих хүч чадалтай байдаг. Гэхдээ зөв зүйлийг зөв үед нь хийж байх хэрэгтэй.

Хүн бүр л сайн ажиллаж байгаагаа таниулахыг хүсч, албан тушаал ахиж, орлогоо нэмэгдүүлж, байгууллагаа урагшлуулах чадвартай юм. Гэхдээ тэр зам мөр үргэлж тэгш дардан байдаггүй. Заримдаа бид өөрөө өөрсдийнхөө амжилтын замд саад болдог.

Сайн мэдээ гэвэл ажил дээрээ албан тушаал ахихын тулд та тодорхой зүйлсийг хийх боломжтой. Зохиолч Бонни Маркус “Албан тушаал ахих дүрэм” номондоо ажил дээрээ албан тушаал ахихад шаардагдах арга зам, стратегиудын талаар тодорхойлсон байдаг. Маркус “Та албан тушаал ахиж, хөл дээрээ зогсоход дасан зохицоход бэлэн байх хэрэгтэй” гэдгийг дурджээ.

Ажил дээрээ албан тушаал ахихын тулд дараах батлагдсан 7 аргыг хэрэгжүүлэхийг хичээн, албан тушаалаа ахиулаарай.

1. Томоохон төслүүдийг сайн дураар хэрэгжүүлэх

Сургуулийн багш нар сурагчдаа хичээлд нь сууж, гараа өргөн асуулт асуухад дуртай байдаг. Боссууд ажилчдаа томоохон төслүүдийг хэрэгжүүлж, хүнд хэцүү ажилд сайн дураараа ажиллуулахыг хүсдэг.

Та ямар нэг зүйлийг сайн хийсэн бол албан тушаал ахиж, цалин орлогоо нэмэгдүүлж, сайшаал, магтаал хүртэнэ гэсэн үг

2. Хурал уулзалтанд санал бодлоо илэрхийл

Бизнесийн хурал бол цэцэг навчийг хатаах газар биш. Ажлаа хий, өөрийнхөө асуудлыг танин мэд, үзэл бодлоо даргатайгаа ганцаарчлан болон багийнхаа гишүүддээ илэрхийл. Анхааралтай бай. Хэтрүүлэх хэрэггүй. Бусдад ч бас ярих боломж өг.

3. Сайн ажилла

Шаргуу ажиллах нь бас хангалттай биш. Гэхдээ ухаалаг ажилласнаар таны үр дүн сайжрах болно.

4. Амжилтаа тэмдэглэ

Хүнлэг чанар гэдэг бол сайн сайхан чанар. Та компаний төлөө сайн зүйлийг хийсэн ганц хүн гэдгийг дарга тань мэдэж байгаа үед даруу байх хэрэггүй. Магтаал сайшаалыг хүлээн ав.

5. Өөрийнхөө асуудал, зорилго, туршлагаа харуул.

Хэрэв та ажилтай холбоотой асуудалд туршлагатай бол өөрийн гэсэн хувийн брэндийг бий болгож, гадаад ертөнцөд сурталчил. Өөрийнхөө туршлагатай, мэргэжсэн аль ч чиглэлээр блог, твиттер хөтөлж, хүмүүсийн хүрээллийг бий болго. Энэ нь таны ажил олгогчдоо оруулах үнэ цэнийг нэмэгдүүлэх бөгөөд илүү их боломжууд гарч ирнэ гэсэн үг.

6. Салбарын болон албан тушаалтай холбоотой үйл ажиллагаанд үгээ хэл.

Та өөрийн брэндийг бий болгож, салбарын болон албан тушаалтай холбоотой үйл ажиллагаанд оролцож,өөрийгөө харуулах хэрэгтэй. Жил бүр салбар бүрт хурал чуулган болж, хүчирхэг мэдлэг, туршлагатай илтгэгчдээр дутагдаж байдаг. Жишээ нь, хүний нөөц, маркетингийн мэргэжилтнүүд чадах чинээгээрээ өөрсдийн гэсэн хурал зохион байгуулж, эсвэл хуралд оролцох боломжтой.

7. Нийгмийн сайн дурын ажил хий.

Та орон нутгийн ашгийн бус болон бусад нийгмийн байгууллагад сайн дурын ажил хийснээр бусдад туслах боломжтой төдийгүй нийгэмд нөлөө бүхий хүмүүстэй уулзаж, харилцаа холбоогоо сайжруулах боломжтой болдог.

Categories
мэдээ улс-төр

УИХ-ын шинэ долоо хоногийн үйл ажиллагааны хуваарь

Улсын Их Хурлын даргын дэргэдэх Зөвлөлийн 2015.05.15-ны өдрийн хурлаар батлав.

2015 ОНЫ 05 ДУГААР САРЫН 18-ААС 22-НЫ ӨДРҮҮДЭД НАМ, ЭВСЛИЙН БҮЛЭГ, АЖЛЫН ХЭСЭГ, БАЙНГЫН БОЛОН ДЭД ХОРОО, ЧУУЛГАНЫ НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

05 дугаар сарын 18-ны Даваа гарагт:

  • Улсын Их Хурал дахь Ардчилсан намын бүлгийн хуралдаан “А” танхимд;
  • Улсын Их Хурал дахь Монгол ардын намын бүлгийн хуралдаан “Б” танхимд;
  • Улсын Их Хурал дахь “МАХН-МҮАН-ын Шударга ёс” эвслийн бүлгийн хуралдаан “В” танхимд.

ХОЁР.АЖЛЫН ХЭСГИЙН ХУРАЛДААН:

05 дугаар сарын 18-ны Даваа гарагт:

  • Хяналтын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын дэд хэсгийн хуралдаан 10.00 цагаас 334 тоот өрөөнд;
  • Газрын тосны тухай хууль тогтоомж, бүтээгдэхүүн хуваах гэрээний хэрэгжилтийн талаар иргэд, аж ахуйн нэгжүүдээс ирүүлсэн өргөдлийн дагуу хяналт шалгалт хийж, Байнгын хорооны хуралдаанаар хэлэлцүүлэхэд бэлтгэх үүрэг бүхий Өргөдлийн байнгын хорооны ажлын хэсгийн хуралдаан 11.00 цагаас 312 тоот өрөөнд;
  • Замын хөдөлгөөний аюулгүй байдлын тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 13.00 цагаас 334 тоот өрөөнд;
  • “Төрөөс аж үйлдвэрийн талаар баримтлах бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “В” танхимд;
  • Төсвийн тогтвортой байдлын тухай хуульд нэмэлт оруулах тухай хуулийн төслийг хэлэлцүүлэгт бэлтгэх үүрэг бүхий Төсвийн байнгын хорооны ажлын хэсгийн хуралдаан 14.00 цагаас “Г” танхимд;
  • “Төрөөс тэтгэврийн шинэчлэлийн талаар баримтлах бодлого” батлах тухай Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 15.00 цагаас “Б” танхимд;
  • Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 15.00 цагаас 334 тоот өрөөнд;
  • Ойн тухай хуульд нэмэлт, өөрчлөлт оруулах тухай болон холбогдох бусад хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 16.00 цагаас “В” танхимд;
  • “Эдийн засаг, нийгмийг 2016 онд хөгжүүлэх үндсэн чиглэл батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 16.30 цагаас “Г” танхимд.

05 дугаар сарын 19-ний Мягмар гарагт:

  • Азийн Залуучуудын Зөвлөлийн XIII Ерөнхий Ассамблейн VIP зочид, төлөөлөгчид Монгол Улсын Их Хурлын даргатай хийх уулзалт 08.00-09.00 цагт “А” танхимд;
  • Хотыг дахин хөгжүүлэх тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 10.00 цагаас “В” танхимд;
  • “Боловсролын тухай хууль тогтоомжийн хэрэгжилт” сэдэвт Өргөдлийн байнгын хорооны хэлэлцүүлэг 10.00 цагаас “Б” танхимд;
  • Нийтийн сонсголын тухай хуулийн төслийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 14.00 цагаас 334 тоот өрөөнд;
  • Татварын хууль тогтоомжид нэмэлт, өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Төсвийн байнгын хорооны ажлын хэсгийн хуралдаан 14.00 цагаас “А” танхимд;
  • “Эдийн засаг, нийгмийг 2016 онд хөгжүүлэх үндсэн чиглэл батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 15.00 цагаас “Г” танхимд;
  • Ирээдүйн өв сангийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 16.00 цагаас 211 тоот өрөөнд;
  • Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуулийн төсөл болон “Засгийн газрын 2016-2018 оны өрийн удирдлагын стратегийг батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Төсвийн байнгын хорооны ажлын хэсгийн хуралдаан Төсвийн байнгын хорооны хуралдааны дараа “Г” танхимд.

05 дугаар сарын 20-ны Лхагва гарагт:

  • Хөгжлийн бодлого төлөвлөлтийн тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын дэд хэсгийн хуралдаан 10.00 цагаас 334 тоот өрөөнд;
  • “Төрөөс аж үйлдвэрийн талаар баримтлах бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “В” танхимд;
  • “Сонгуулийн санхүүжилтийн шинэчлэлт” сэдэвт хэлэлцүүлэг 14.00 цагаас “А” танхимд;
  • “Монгол Улсын Төрийн цэргийн бодлогын үндсийг батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Аюулгүй байдал, гадаад бодлогын байнгын хорооны ажлын дэд хэсгийн хуралдаан 14.00 цагаас “Г” танхимд;
  • Захиргааны ерөнхий болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 15.00 цагаас 334 тоот өрөөнд.

05 дугаар сарын 22-ны Баасан гарагт:

  • Хууль зүйн байнгын хороо, Хууль зүйн яам болон Ханнс-Зайделийн сантай хамтран зохион байгуулж буй “Эрх зүйт төр-Эрхэм зорилго” олон улсын онол, практикийн бага хурал 09.00 цагаас “Б” танхимд нээлт, “А” танхимд салбар хуралдаан.

ГУРАВ. БАЙНГЫН ХОРООНЫ ХУРАЛДААН:

05 дугаар сарын 19-ний Мягмар гарагт:

1.Хууль зүйн байнгын хорооны хуралдаан 09.00 цагаас “А” танхимд:

Хэлэлцэх асуудал:

2.Төсвийн байнгын хорооны хуралдаан 09.00 цагаас “В” танхимд:

Хэлэлцэх асуудал:

05 дугаар сарын 20-ны Лхагва гарагт:

1.Эдийн засгийн байнгын хорооны хуралдаан 09.00 цагаас “Б” танхимд:

Хэлэлцэх асуудал:

2.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Б” танхимд:

Хэлэлцэх асуудал:

3.Мянганы хөгжлийн зорилтууд болон ядуурлыг бууруулах асуудлын дэд хорооны хуралдаан Нийгмийн бодлого, боловсрол, соёл, шинжлэх ухааны байнгын хорооны хуралдааны дараа “Б” танхимд:

Хэлэлцэх асуудал:

  • Хөгжлийн бодлого төлөвлөлтийн тухай хуулийн төслийн талаарх танилцуулга.

ДӨРӨВ.ЧУУЛГАНЫ НЭГДСЭН ХУРАЛДААН:

Categories
мэдээ спорт

Нацү башёд түрүүлсэн Тэрүнофүжи Г.Ган-Эрдэнэ гэж хэн бэ

Японы мэргэжлийн сүмо бөхийн Нацү башёд Тэрүнофүжи Г.Ган-Эрдэнэ түрүүлж, Эзэн хааны цомыг анх удаагаа хүртлээ. Түүний хувьд өнөөдөр маэгаширагийн 6-с барилдаж буй Аойяматайг давж, 12 даваатайгаар башёг өндөрлүүлэв. Энэ өдөр их аварга Хакүхо Харүмафүжид унаснаар нэмэлт барилдаан гараагүй юм. Харүмафүжи ийнхүү залуу дүүгээ эзэн хааны цомыг авахад туслав. Башёгийн 14 дэх өдөр буюу их аварга Хакүхо М.Даваажаргал озэки Кисэносатод ялагдсан бол Тэрүнофүжи сэкивакэ Миёогирюүг давснаар тэд адил 11 даваатай болоод байсан юм. Хоёр бөхийн хувьд хоёул өчигдөр учраагаа давах бол нэмэлт барилдаан гарах байлаа. Гэвч Тэрүнофүжи Г.Ган-Эрдэнэ учраа бөхөө давж, Хакүхо Харүмафүжид унаснаар түрүү бөх нэмэлт барилдаангүйгээр тодров. Түүний хувьд эзэн хааны цомыг хүртэж буй Монголын зургаа дахь бөхөөр тодорч улмаар озэки цол хүртэх болзлоо хангаж байна. Энэ жил 24 настай Г.Ган-Эрдэнэ мэргэжлийн сүмод орсноосоо хойш 16 башёгийн дараа буюу 2014 оны есдүгээр сард анх дээд зиндаанд барилдаж эхэлжээ. Тэрээр мэргэжлийн сүмогийн дээд зиндаанд барилдаж буй Монголын 20 дахь сүмоч юм. Тэрүнофүжи Ган-Эрдэнийн аавыг Гантулга, ээжийг Оюун-Эрдэнэ гэдэг. Г.Ган-Эрдэнэ айлын гурван хүүхэдтэй айлын дундах нь бөгөөд тэрээр нэг эгч, нэг эмэгтэй дүүтэй ажээ. Д.Гантулга гуай Увс аймгийн Наранбулаг сумын хүн. Харин түүний ээж Ж.Оюун-Эрдэнэ Төв аймгийнх бөгөөд тэднийх бөхийн удамтай аж. Г.Ган-Эрдэнэ 1991 онд Дарханы нэгдсэн эмнэлэгт төржээ. Өдгөө Ган-Эрдэнийн аавынх Улаанбаатар хотноо амьдардаг байна. Айлын ганц хүү гэж эрх өссөн тэрээр багын л биеэрхүү хүүхэд байжээ. Мэргэжлийн сүмогийн 68, 69, 70, 71 дэх аваргууд Монголоос төрсөн бөгөөд тэдний гурав нь өдгөө барилдаж байна. Харин Тэрүнофүжи Г.Ган-Эрдэнийг дараагийн аварга хэмээн Японы хэвлэлүүд онцолж эхэлжээ.

Categories
мэдээ нийгэм

Дэд станцад гал гарснаар нийслэлчүүд амралтын өдрөөрөө цахилгаангүй байлаа

Өчигдөр өглөөнөөс үд өнгөртөл нийслэлчүүд цахил­гаангүй байлаа. Гэрлэн дохио ажиллахгүй жолооч нар бухим­даж, амралтынхаа өдөр ус цахилгаангүй өнжих нь гэсэн иргэд уурлан “Улаан­баатар цахилгаан түгээх сүлжээ” ТӨХК (УБЦТС)-ын дуудлагын 7004-7004 утас руу залгаж байлаа. Гэвч дууд­лагын утас нь ажиллахгүй байсан нь иргэдийг улам бүр бухимдуулсан юм. Төвийн бүсийн цахилгаан 13.00 цаг орчимд ирсэн бол хотын захын хорооллууд цахил­гаангүй хэвээр байна. Ямар учраас цахилгаан тасарсан талаар Нийслэлийн онцгой байдлын газрын хэвлэлийн төлөөлөгчөөс тодруулахад “Улиастайд байдаг “Улаан­баатар” дэд станцад гал гар­сан. Гал унтраах баг ажиллаж галыг бүрэн унтраасан. Галын шалтгаан, нөхцөлийг тод­руулаагүй байна” гэсэн юм.

Харин УБЦТС-аас тодруу­лахад “220/110/35 кВ-ын Улаанбаатар дэд станцад 8:50 цагийн орчимд гэмтэл гарсны улмаас нийслэлийн хэмжээнд цахилгаан эрчим хүчний томоохон тасралт гарсан. Тус компаниас дэд станцын тоноглолд гарсан гэмтлийг засахаар ажиллаж байгаа бол Диспетчерийн үндэсний төвөөс системийн хэвийн үйл ажиллагааг хангах ажлыг хариуцаж байна. Оройн 17.00 цагийн байдлаар хотын ихэнх хэрэглэгчдийн цахилгаан эрчим хүчний хэрэглээ сэргэсэн. ХаринТолгойт, Их наран, Нисэх, Дэнжийн мянга, Тасган, Хайлааст, Таван буудал, Төв аймгийн Баян, Баянцагаан, Баянжаргалан сумыг цахил­гаан эрчим хүчээр түр хязгаарлаад байна” гэлээ.

Өөр эх сурвалж “Цахилгаан стан­цуудын тоног төхөөрөмж хуучирсан, элэгдлээсээ шалтгаа­лаад ачаалал даахаа больсон. Шинэчилж солих гэхээр санхүүгийн боломж байхгүй. Цахилгааны үнийг төрөөс барьчихсан учраас засвар үйлчилгээ хийх, сэл­бэг хэрэгсэл авах боломж байдаггүй. Цаашид ч ийм доголдол олон гарахыг үгүйсгэхгүй. Өнөөдрийн хувьд фаз хоорондын богино залгаа үүссэнээс гал гарсан” гэдэг мэдээллийг өглөө.

Ц.ӨРНӨХ

Categories
мэдээ спорт

Аварга Г.Эрхэмбаяр цолныхоо хүндэтгэлд түрүүллээ

Монгол улсад нисэх хүчин үүсэн байгуулагдсаны 90 жилийн ой, Монгол усын аварга цолонд хүндэтгэл үзүүлэх улс, аймгийн алдар цолтой 224 бөхийн барилдаан амжилттай, өргөн дэлгэр болж өндөрлөлөө. Барилдаанд улсын аварга Г.Эрхэмбаяр, улсын арслан Н.Батсуурь, улсын гарьд Д.Рагчаа, И.Доржсамбуу, Б.Гончигдамба, улсын заан Ч.Санжаадамба, Б.Соронзонболд, улсын харцага Ө.Бат-Орших, Т.Өсөх-Ирээдүй, Д.Батболд, Ц.Содномдорж, Б.Пүрэвсайхан, улсын өсөх идэр начин Р.Пүрэвдагва тэргүүтэй хүчтэнүүд зодоглосон юм. Бөхийн өргөөний хойморт МҮБХ-ны тэргүүн Р.Нямдорж, Дархан аварга Х.Баянмөнх, дархан аварга Г.Өсөхбаяр, дархан аварга А.Сүхбат, улсын залуу аварга С.Мөнхбат нар болон ИНЕГ-ын удирдлагууд тухалжээ.

Барилдаанд улсын аварга Г.Эрхэмбаяр түрүүлж, улсын харцага Ц.Содномдорж үзүүрлэв. Их шөвөгт улсын гарьд Б.Гончигдамба, улсын заан Б.Соронзонболд нар шалгарлаа.

Улсын өсөх идэр начин Ц.Лхагвасүрэн бэлтгэл тун сайн байгаагаа харуулж, дунд шөвөгт шалгарсан агаад тэрээр хоёрын даваанд а.н М.Нямбаатар, гурвын даваанд а.а Т.Сүрэнжавыг, дөрөвт у.н Ч.Цогбаярыг, тавд у.г Д.Рагчааг тус тус давж зургаагийн даваанд у.г Б.Гончигдамбад өвдөг шороодсон юм. Зургаагийн даваанд заан Соронзонболд харцага Пүрэвсайханыг амалж, холоос тун даацтай тохож давсан нь үзэгчдийг ёстой л уулга алдуулсан барилдаан байв. Соронзонболд зааны аймгийн арслан байх үеийнх нь сайхан барилдаан дахин давтагдах шиг л санагдав.

Гурвын даваанд у.х Ө.Бат-Орших у.х Б.Пүрэвсайханыг амалсан нь тун чиг аатай амлалт байлаа. Наадмаар тав, зургаагийн даваанд тунан таарч мэдэх залуу харцагатай дөмөгхөн барилдаад үзье гэж Бат-Орших харцага бодсон болов уу. Бат-Орших хөөж, Пүрэвсайхан зугтаж тун ширүүн эхэлсэн барилдаан тэгсгээд тогтож, бүр даваа дуустал тэд хаялцсангүй. Хэн хэн нь хүч шавхан, шавхан үзсэний эцэст Пүрэвсайхан давхар шуудагнаас түрж хөөн давсан юм. Мөн энэ даваанд заан Ч.Санжаадамба а.а А.Саруулсайханаас даагаа амжилттай нэхэв. Заан саяхны нэг барилдаан дээр А.Саруулсайханд унасан байсан юм. Харин дөрвийн даваанд Санжаадамба а.а О.Хангайтай оноолт таарч 2-3 удаа барьц сонголцсоны эцэст Хангай давсан билээ.

Хөвсгөлийн а.н Б.Даваа-Очир хоёрын даваанд у.х Т.Өсөх-Ирээдүйг “залчихав”. Бүр өөрийнх нь мэхээр хутгаад шүү. Дараагийн даваанд Б.Даваа-Очир у.н Д.Цогзолдоржийг бас л урамтай хаяна лээ. Мөн Таван-Ханы Ширчинхүү хоёрын даваанд гарьд Рагчаатай бүр барьц сонголцох хүртлээ тун сайн үзсэн дээ.

Энэ өдөр зодоглосон бөхчүүдийн хамгийн ахмад нь И.Доржсамбуу гарьд байв. 40 аль хэдийн гарсан насандаа олон дүү залуустай сайхан барилдаж гурав даваад дөрвийн даваанд а.з Л.Батзоригт хөмрүүлэн өвдөг шороодсон юм. 10 жилийн өмнө болсон Нисэх хүчний түүхт 80 жилийн ойн барилдаанд И.Доржсамбуу гарьд заан цолтойдоо түрүүлж, гарьд Д.Рагчаа харцага цолтойдоо үзүүрлэж байжээ.

ИНЕГ-ын хамт олон барилдаанд хүрэлцэн ирсэн аварга цолтнууддаа хүндэтгэл үзүүлж гарын бэлгээ гардуулсан бол мөн нутаг усныхан, шавь нар нь, дэвжээний бөхчүүд нь, ах дүү, найз нөхөд нь гээд олон хүн аварга цолтнууддад хүндэтгэл үзүүлж байв.

Мөн ИНЕГ -аас олон жил нисэх хүчинд алба хаахын зэрэгцээ үндэсний бөхөөр амжиллтай барилдаж, төрийнхөө их баяр наадамд 5 удаа үзүүрлэсэн хурц арслан Д.Мөнх-Эрдэнэдээ хүндэтгэл үзүүллээ.

Жил бүрийн аварга цолтны барилдааныг тохиолдуулан даян аварга Н.Жамъянгийн охин Ж.Насантогтох, хүргэн Ц.Гэлэгжамц нар аавынхаа нэрэмжит шагналыг сайн барилдсан залуу хүчтэн гардуулдаг уламжлалтай. Энэ жилийн тус шагналын эзнээр Булган аймгийн харъяат а.н Д.Пүрэвдорж тодров. Тэрээр гурвын даваанд у.н Ш.Уламбаярыг, дөрөвт у.а Н.Батсуурийг өвдөг шороодуулан тавын даваанд заан Соронзонболдод унасан юм.

Харин уоан барилдаан аварга Ц.Бээжингийн нэрэмжит шагналыг у.г Б.Гончигдамбад аваргын хүү, охин хоёр гардуулав.

С.Бадам

Гурвын даваа

1.Г.Эрхэмбаяр у.а –Т.Занданбат а.а

2.Н.Батсуурь у.а –Ч.Энхзаяа а.з

3.Д.Рагчаа у.г–Ц.Эрхэмбаяр а.х

4.И.Доржсамбуу у.г–Б.Батхуяг а.а

5.Б.Гончигдамба у.г–П.Батсүх а.н.н

6.Ч.Санжаадамба у.з–А.Саруулсайхан а.а

7.Б.Соронзонболд у.з–Б.Ганболд а.а

8.Ө.Бат-Орших у.х –Б.Пүрэвсайхан у.х

9.Д.Батболд у.х–Б.Мижидсүрэн а.а

10.Ц.Содномдорж у.х–Д.Тангад а.а

11.А.Бямбажав у.х–Ж.Алтаншагай а.а

12.Ц.Лхагвасүрэн у.н–Т.Сүрэнжав а.а

13.Ш.Уламбаяр у.н –Д.Пүрэвдорж а.н

14.Р.Пүрэвдагва у.н–Д.Бат-Эрдэнэ а.х

15.Д.Цогзолдорж у.н –Б.Даваа-Очир а.н

16.Л.Гантулга у.н–С.Ерөөлт а.а

17.Н.Батзаяа у.н –Н.Баярбаатар а.н

18.Б.Заяамандах у.н –Д.Буянт а.з

19.Б.Амарзаяа у.н–Л.Цэрэнтогтох у.н

20.Ч.Цогбаяр у.н–Ш.Шинэбаяр а.х.а

21.Т.Баасанхүү у.н–М.Эркебулан а.а

22.Ч.Батчулуун у.н–Н.Эрдэнэчулуун а.а

23.Л.Лха-Очир у.н–Э.Ванданцэрэн а.а

24.Н.Жаргалбаяр а.х.а –Л.Батзориг а.з

25.Б.Одгэрэл а.х.а–Б.Чимэдвандан а.а

26.О.Гантулга а.х.а–Б.Ганхуяг а.а

27.М.Бадарч а.а –Б.Эрдэнэхүү а.а

28.Б.Баатарцол а.а –О.Хангай а.а

Дөрвийн даваа

1.Г.Эрхэмбаяр у.а–Б.Даваа-Очир а.н

2.Н.Батсуурь у.а –Д.Пүрэвдорж а.н

3.Д.Рагчаа у.г–Д.Буянт а.з

4.И.Доржсамбуу у.г –Л.Батзориг а.з

5.Б.Гончигдамба у.г–Б.Эрдэнэхүү а.а

6.Ч.Санжаадамба у.з –О.Хангай а.а

7.Б.Соронзонболд у.з–О.Гантулга а.х.а

8.Д.Батболд у.х –Б.Одгэрэл а.х.а

9.Ц.Содномдорж у.х–Л.Лха-Очир а.а

10.Б.Пүрэвсайхан у.х –Ч.Батчулуун у.н

11.А.Бямбажав у.х –Т.Баасанхүү у.н

12.Ц.Лхагвасүрэн у.н–Ч.Цогбаяр у.н

13.Р.Пүрэвдагва у.н–Б.Амарзаяа у.н

14.Л.Гантулга у.н –Н.Батзаяа у.н

Тавын даваа

1.Г.Эрхэмбаяр у.а–Б.Одгэрэл а.х.а

2.Д.Рагчаа у.г –Ц.Лхагвасүрэн у.н

3.Б.Гончигдамба у.г–Л.Батзориг а.з

4.Б.Соронзонболд у.з–Д.Пүрэвдорж а.н

5.Ц.Содномдорж у.х –О.Хангай а.а

6.Б.Пүрэвсайхан у.х–Н.Батзаяа у.н

7.Р.Пүрэвдагва у.н–Т.Баасанхүү у.н

Зургаагийн даваа

1.Г.Эрхэмбаяр у.а–гоц мөргөв

2.Б.Гончигдамба у.г–Ц.Лхагвасүрэн у.н

3.Б.Соронзонболд у.з–Б.Пүрэвсайхан у.х

4.Ц.Содномдорж у.х–Р.Пүрэвдагва у.н

Долоогийн даваа

1.Г.Эрхэмбаяр у.а–Б.Соронзонболд у.з

2.Б.Гончигдамба у.г –Ц.Содномдорж у.х

Наймын даваа

1.Г.Эрхэмбаяр у.а–Ц.Содномдорж у.х

/түрүүлсэн/ /үзүүрлэсэн/

Categories
мэдээ нийгэм

Махны үнэ 55 төгрөгөөр нэмэгджээ

Мах

2015 оны тавдугаар сарын 3-р долоо хоногт хонины ястай нэг килограмм мах дунджаар 7570 төгрөг, үхрийн ястай мах нэг килограмм нь дунджаар 8140 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 0.7 хувиар буюу 55 төгрөгөөр, үхрийн цул мах 0.8 хувиар буюу 85 төгрөгөөр тус тус өссөн байлаа. Энэ 7 хоногийн ажиглалтаар үхрийн мах “Макс” супермаркетад хамгийн хямд буюу 7530 төгрөг, “Номин”, “Меркури”, “Бөмбөгөр”, “Таван-Эрдэнэ” хүнсний захуудад хамгийн өндөр үнэтэй буюу 9000 төгрөг байв. Хонины ястай махны үнэ өмнөх долоо хоногтой харьцуулахад 1.1 хувиар буюу 85 төгрөгөөр өсч, харин хонины цул махны үнэ тогтвортой байлаа. Энэ долоо хоногийн ажиглалтаар хонины мах “Макс” супермаркетад хамгийн хямд буюу 6870 төгрөгөөр, харин “Меркури”, “Таван-Эрдэнэ” хүнсний захуудад хамгийн өндөр үнэтэй буюу 9000 төгрөгөөр худалдаалж байна.

Гурил

2015 оны тавдугаар сарын 3-р долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1100-1500 төгрөг, 1-р зэргийнх 900-1300 төгрөг, 2-р зэргийнх 750-970 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1100-аас 1300 төгрөгийн үнэ ханштай байна. Харин “Барс” хүнсний захад дээд зэргийн “Алтан тариа” гурил 1100 төгрөг, 1-р зэргийн гурил 900 төгрөгөөр тус тус зарагдаж байна. “Атар” талх хүнсний зах, дэлгүүрт 1000-1200 төгрөгийн үнэтэй байна. “Бөмбөгөр”, “Оргил” хүнсний захуудад “Атар” талхыг хамгийн хямд буюу 1000 төгрөгөөр, харин “Замбала” супермаркетад хамгийн өндөр үнээр буюу 1200 төгрөгөөр худалдаалж байна.

Төмс, хүнсний ногоо

2015 оны тавдугаар сарын 3-р долоо хоногт өмнөх долоо хоногтой харьцуулахад байцаа 2.2 хувиар буюу 30 төгрөгөөр буурсан байна.

Categories
мэдээ нийгэм

Хүүхдийн эрхийг дээдлэе дугуйн парад болов

Олон улсын хүүхдийн эрхийг хамгаалах өдрийг угтан Чингисийн талбайд өчигдөр “Хүүхдийг эрхийг дээдлэе” уриатай унадаг дугуйтай өдөрлөг зохиогдлоо. Энэ үеэр Чингисийн талбай – Баруун дөрвөн зам – Зүүн дөрвөн зам – Чингисийн талбай гэсэн маршрутаар дугуйн парад аялуулж, хүүхдийн эрхийг хамгаалах чиглэлээр хэрэгжүүлж байгаа хууль тогтоомжийг олон нийтэд сурталчлах, эдгээр хуулийг хэрэгжүүлэхэд томчуудын анхаарлыг хандуулав. 2014 онд хүүхэд болон тэдний эцэг эх, асран хамгаалагч болох 2300 хүний дунд хүүхдийн эрхийн хуулийн хэрэгжилтийн талаар санал асуулга явуулсан байна. Энэ судалгаагаар тэдний 73,3 хувь хүүхдийн эрх нийтийн тээвэрт зөрчигддөг гэж хариулсан байна. Мөн үйлчилгээний газарт, сургуулийн орчинд, цахим тоглоомын газруудад хүүхдийн эрх зөрчигддөг гэж хариулжээ. Үүнээс гадна сүүлийн үед гэр бүлийн хүрээнд хүүхдийн эрхийг ноцтойгоор зөрчин, аминд нь хүрсэн тохиолдол гарч байна. Иймд хүүхдийн эрхийг дээдлэхийг уриалсан энэхүү дугуйн парад, өдөрлөгийг Ардчилсан хүчний залуучуудын холбооноос зохион байгуулж байгаа ба ХТҮГ хамтран ажиллалаа. Энэ үеэр хүүхдийн болон залуу үеийг төлөөлсөн хамтлаг дуучид оролцож, ая дуугаа өргөсөн юм.