Month: April 2015

ШӨХТГ-ын дарга Т.Аюурсайхан Захиргааны хэргийн анхан шатны 20 дугаар шүүхэд хандлаа. Учир нь тэрбээр өнөөдөр Улаанбаатар хотын захирагч Э.Бат-Үүлийг эрх мэдлээ давуулсан ашигласан гэх үндэслэлээр шүүхэд өгсөн. Энэ талаар ШӨХТГ-ын Хамтын ажиллагаа олон нийттэй харилцах газрын дарга Т.Сайнжаргалаас тодрууллаа.

-Нийслэлийн Засаг даргын захирамжийг ямар үндэслэлээр хууль тогтоомж зөрчсөн гэж үзсэн юм бэ?

-Замын хөдөлгөөний аюулгүй байдлын тухай хуулийн 16 дугаар зүйлийн 16.4.6 дэх заалт, Хууль зүй, дотоод хэргийн сайдын 2005 оны 94 дүгээр тушаалаар батлагдсан зориулалтын чирэгч автомашин ашиглан тээврийн хэрэгслийг зөөж шилжүүлэх журмын 4.1.1-т тус тус заасан Цагдаагийн ерөнхий газрын даргын бүрэн эрхэд хамаарах асуудлаар Нийслэлийн Засаг дарга 2013 оны А/769 дугаар захирамж гаргаж, “Замын хөдөлгөөний удирдлагын төв” НӨҮГ-т тээврийн хэрэгслийг зөөж шилжүүлэх төлбөрийн хэмжээг тогтоох, хураан авах эрх олгосон байна. Үүнийг өөрийн бүрэн эрхэд хамааралгүй асуудлаар шийдвэр гаргасан гэж ойлгож болно.

Уг зөрчил үйлдэгдсэнээр “Замын хөдөлгөөний удирдлагын төв” нь 2013-2014 онд нийт 9230 тээврийн хэрэгслийг 70,000-80,000 төгрөгөөр зөөж шилжүүлж, 647,710,000 төгрөгний үйлчилгээний хураамжийг хууль бусаар хураан авч, нийслэлийн төсөвт төвлөрүүлсэн нь тогтоогдсон.

-НИТХ-ын тэргүүлэгчдийн тогтоол ямар үндэслэлээр хууль тогтоомж зөрчсөн гэж үзсэн бэ?

-Нийслэлийн иргэдийн төлөөлөгчдийн хурлын тэргүүлэгчдийн 2014 оны 6 дугаар сарын 26-ны өдрийн 98 дугаар тогтоолоор нийслэлийн хэмжээнд замын хөдөлгөөний зохиомол түгжрэлийг бууруулах зорилгоор “Зориулалтын дугуй түгжигч ашиглах журам” батлан мөрдүүлж байна.

Замын хөдөлгөөний аюулгүй байдлын тухай хуулийн 16 дугаар зүйлийн 16.4.6 дэх заалт болон Хууль зүйн сайдын 2014 оны А/218 дугаар тушаалаар батлагдсан “Зориулалтын чирэгч автомашин ашиглан тээврийн хэрэгслийг зөөж шилжүүлэх журам”-д зааснаар “замын хөдөлгөөний дүрмээр түр буюу удаан зогсохыг хориглосон замын зорчих хэсэгт зайлшгүй зогсолтоос бусад хэлбэрээр зогсоож, хөдөлгөөнд саад учруулсан тээврийн хэрэгслийг зөөж шилжүүлэхээр зохицуулсан бөгөөд хуулиар зохицуулсан харилцааг журам гаргаж өөрөөр зохицуулалт хийсэн гэж үзэж, дүгнэлт гаргасан. Товчхондоо хуулиар тээврийн хэрэгслийг зөөж шилжүүлнэ гээд зохицуулсан байхад түгжихээр журам гаргасан нь хууль бус болсон юм.

Уг зөрчил үйлдэгдсэнээр 11746 тээврийн хэрэгслийн дугуйг түгжиж, 234,9 сая төгрөгний орлогыг хууль бусаар хураан авч, иргэдийг хохироосон болох нь тогтоогдсон.

-ШӨХТГ-аас тээврийн хэрэгслийг ачихыг зогсоох шаардлага тавьсан уу?

-Үгүй. Тээврийн хэрэгслийг ачихдаа хууль тогтоомжид заасны дагуу үйл ажиллагаа явуулж, иргэдийг хохироохгүй байхыг шаардаж байгаа.

-Дугуй түгжихийг зогсоохыг шаардаж байгаа юу?

-Тийм. Учир нь Замын хөдөлгөөний аюулгүй байдлын тухай хууль болон холбогдох бусад журамд замын хөдөлгөөний дүрмээр түр буюу удаан зогсохыг хориглосон замын зорчих хэсэгт зайлшгүй зогсолтоос бусад хэлбэрээр зогсоож, хөдөлгөөнд саад учруулсан тээврийн хэрэгслийг зөөж шилжүүлэхээр заасан байгаа. Үүнээс дугуй түгжинэ гэсэн зохицуулалт хуулинд байхгүй.

-НИТХ болон Нийслэлийн Засаг даргын шийдвэрийг ШӨХТГ шалгах эрхтэй юу?

-Өрсөлдөөний тухай хуулийн 3 дугаар зүйлийн 3.1-т Энэ хуулийн үйлчлэлд аж ахуй эрхлэгч, төрийн, нутгийн өөрөө удирдах болон нутгийн захиргааны байгууллага хамаарна гэж заасан.

Мөн Өрсөлдөөний тухай хуулийн 14.1, 15.1.4-д ШӨХТГ нь өрсөлдөөний тухай хууль тогтоомжийн биелэлтэд хяналт тавих, өрсөлдөөний бодлогыг улсын хэмжээнд хэрэгжүүлэх, аж ахуй эрхлэгч, хэрэглэгчдийн эрх ашгийг хамгаалах чиг үүрэг бүхий төрийн захиргааны байгууллага мөн бөгөөд Өрсөлдөөний тухай хууль тогтоомжийн хэрэгжилтийг өмчийн хэлбэр харгалзахгүйгээр аж ахуй эрхлэгч, байгууллагад хяналт шалгалт хийж дүгнэлт гаргана гэж заасан. Тийм учраас Нийслэлийн иргэдийн төлөөлөгчдийн хурал болон Нийслэлийн Засаг даргын шийдвэр нь Өрсөлдөөний тухай хууль тогтоомжид нийцэж байгаа эсэхийг шалгах, зөрчлийг арилгуулах, захиргааны шийтгэл ногдуулах эрхтэй.

Өрсөлдөөний тухай хуулийн 15 дугаар зүйлийн 15.1.7-т ШӨХТГ нь Өрсөлдөөний тухай хууль тогтоомжийг зөрчиж гаргасан төрийн захиргааны байгууллага, нутгийн өөрөө удирдах болон нутгийн захиргааны байгууллагын шийдвэрийг хүчингүй болгуулах саналыг холбогдох дээд байгууллага, албан тушаалтан, захиргааны хэргийн шүүхэд гаргаж шийдвэрлүүлэх бүрэн эрхийг хэрэгжүүлэхээр заасны дагуу бүрэн эрхийн хүрээнд өнөөдөр НИТХ-ын тэргүүлэгчдийн тогтоол, Нийслэлийн Засаг даргын захирамжуудыг илт хүчин төгөлдөр бус болохыг нь хүлээн зөвшөөрүүлж, иргэдэд учруулсан хохирлыг буцаан олгуулах шийдвэр гаргуулахаарЗахиргааны хэргийн анхан шатны 20 дугаар шүүхэд нэхэмжлэл гаргаад байна.

Улсын Ерөнхий Прокурорын дэргэдэх зөвлөлийн хуралдаан өчигдөр болж зөвлөлийн гишүүдэд А/22, Б/74, Б/75 тоот тушаалуудыг танилцууллаа.

Энэхүү тушаалаар зарим албан тушаалтныг үүрэгт ажлаас нь чөлөөлж, шинээр томилгоо хийжээ.

ШӨХТГ-ын дарга Т.Аюурсайхан Захиргааны хэргийн анхан шатны 20 дугаар шүүхэд хандлаа. Учир нь тэрбээр өнөөдөр 10 цагт Улаанбаатар хотын захирагч Э.Бат-Үүлийг эрх мэдлээ давуулсан ашигласан гэх үндэслэлээр шүүхэд өгчээ.
Тодруулбал, НИТХ-ын тэргүүлэгчдийн 2014 оны зургадугаар сарын 26-ны өдрийн 98 дугаар тогтоол, түүний хавсралтаар батлагдсан “Зориулалтын дугуй түгжигч ашиглах журам”-ыг тус тус илт хүчин төгөлдөр бус болох нь тогтоогдсон учир Нийслэлийн Засаг дарга болон НИТХ-ын тэргүүлэгчийг шүүхэд өгсөн байна.

Өнөөдөр олон улсын хүүхдийн номын өдөр тохиож байна. 1967 оноос эхлэн Данийн үлгэрийн зохиолч Ханс Кристиан Андерсений төрсөн өдрийг буюу дөрөвдүгээр сарын 2-ныг олон улсын хүүхдийн номын өдөр болгон тэмдэглэж иржээ.

Тиймээс өнөөдөр сэтгүүлч, яруу найрагч Р.Эмүжин өөрийн туурвисан үлгэрийн зургаан номныхоо талаар мэдээлэл хийх аж. Хэвлэлийн бага хуралд МЗЭ-ийн гүйцэтгэх захирал Г.Мөнхцэцэг, зохиолч, СГЗ До. Цэнджав, яруу найрагч Б.Галсансүх нар оролцох юм байна.

Бөхөд хайртай монгол түмнийхээ сэтгэлд “инээдэг” хэмээн алдаршсан, унасан, давсан ч инээж л байдаг олны хайртай бөх том П.Сүхбат өнгөрч ням гаригт таалал төгссөн билээ. Тэгвэл түүнийг маргааш сүүлийн замд үдэх юм байна.

Тэрээр үндэсний бөхийн улсын гарьд, 1990 оны чөлөөт бөхийн дэлхийн аваргын хүрэл медальт, Барселона-1992, Сөүл-1988 зуны олимпийн IV, V байрын шагналт, Бээжин-1990 Азийн наадмын аварга бөх, Монгол Улсын гавьяат тамирчин байлаа.

09:00 цагт Эмч эмнэлгийн мэргэжилтний чадавхи болон анагаахын сургалтын чанарыг дээшлүүлэх зорилгоор АШУҮИС, ЭМЯ хамтран Солонгосын КОЙКА олон улсын хамтын ажиллагааны байгууллагын санхүүжилтээр Сөүлийн Их сургуультай хамтран 600 мянган ам.долларын төслийг хэрэгжүүлэх үйл ажиллагааны стратеги төлөвлөгөөг боловсруулах семинарын нээлт Континентал зочид буудалд болно. Утас: 99270313

09:00 цагт Монголын эдийн засгийн форум Төрийн ордонд эхэлнэ. Форумыг нээж Ерөнхий сайд Ч.Сайханбилэг үг хэлнэ.

10:00 цагт ОХУ-ын Свердловск мужийн амбан захирагч тэргүүтэй албаны болон бизнесийн төлөөлөгчдийн МУ-д хийх ажлын айлчлал 2015 оны дөрөвдүгээр сарын 1-4-ний хооронд зохион байгуулагдах гэж буйтай холбогдуулан МҮХАҮТ Уралын ХАҮТ-тай хамтран 2 талын бизнес эрхлэгчдийн нэгдсэн уулзалтыг зохион байгуулах гэж байна. Уулзалт МҮХАҮТ-ын Хурлын танхим /507 тоот/-д болно. ОХУ-ын талаас Свердловск мужийн цөөн тооны томоохон үйлдвэрлэгчид хүрэлцэн ирнэ. Утас: 70109090, 99020785

10:00 цагт Монгол Улсын Хүн амын хөгжил, нийгмийн хамгааллын яам болон Бүгд найрамдах Солонгос улсын Эрүүл мэнд, нийгмийн халамжийн яамд хоорондын хамтын ажиллагааны Санамж бичигт гарын үсэг зурах ажиллагаа ХАХНХЯ-ны байранд болно.

10:00 цагт Захиргааны хэргийн анхан шатны 20 дугаар шүүхэд ШӨХТГ-ын дарга Т.Аюурсайхан НИТХ-ын тэргүүлэгчдийн 2014 оны зургаадугаар сарын 26-ны өдрийн 98 дугаар тогтоол, түүний хавсралтаар батлагдсан “Зориулалтын дугуй түгжигч ашиглах журам”-ыг тус тус илт хүчин төгөлдөр бус болох нь тогтоогдсон учир Нийслэлийн Засаг дарга Э.Бат-Үүл болон Нийслэлийн ИТХ-ын тэргүүлэгчийг шүүхэд өгөхөөр нэхэмжлэл гаргана. Утас: 91021020, 95521020

11:00 цагт “Зууны мэдээ” сонины Үндэсний мэдээллийн төвд “Босоо Хөх Монгол” бүлгэмээс цаг үеийн асуудлаар мэдээлэл хийнэ.

11:00 цагт “Монгол ньюс” мэдээллийн төвд сэтгүүлч, яруу найрагч Р.Эмүжин олон улсын хүүхдийн номын өдрийг тохиолдуулан өөрийн туурвисан үлгэрийн зургаан номныхоо талаар мэдээлэл хийнэ.Хэвлэлийн бага хуралд МЗЭ-ийн гүйцэтгэх захирал Г.Мөнхцэцэг, зохиолч, СГЗ До. Цэнджав, яруу найрагч Б.Галсансүх нар оролцоно.

11:30 цагт “Зууны мэдээ” сонины Үндэсний мэдээллийн төвд “Хүсэл зорилгоо нэгтгэе” Үндэсний хөдөлгөөнөөс АПУ компаний борлуулагч амиа алдсан хэргийн гэрчүүдийн эрх зөрчигдөж байгаа талаар мэдээлнэ.

12:00 цагт “Зууны мэдээ” сонины Үндэсний мэдээллийн төвд Ардчилсан намын УЗХ-ны гишүүн залуучууд АН-ын доторхи хагаралтай байгаа асуудлаар хэвлэлийн бага хурал хийнэ.

12:00 цагт Засгийн газрын хуралдааны мэдээллийн танхимд болох “Сайдын 30 минут” уулзалтад Эрүүл мэнд, спортын сайд Г.Шийлэгдамба оролцоно.

12:30 цагт “Зууны мэдээ” сонины Үндэсний мэдээллийн төвд ДМ нэгдэл, Гал үндэстэн холбоо, Хамаг монгол төсөл хамтран ёс зүйтэй уулзалт, ард түмний халз мэтгэлцээн зохион байгуулах талаар хэвлэлийн бага хурал зарлалаа.

14:00 цагт Нийслэлийн удирдлагын зөвлөлийн ээлжит хуралдаан Хангарди ордны 14 давхарт болно. Хуралдаанаар Хөрөнгө оруулалтын ажлыг эрчимжүүлэх ажлын хэсэг байгуулах тухай, Нийслэлд зориулалтын ачигч, чирэгч автомашин ашиглан тээврийн хэрэгслийг зөөж шилжүүлэх үйл ажиллагаатай холбогдсон зарим арга хэмжээг авч хэрэгжүүлэх журмын төсөл, Нийслэлийн нутгийн захиргааны байгууллагуудад шинээр ажилд орох болон албан тушаал дэвшүүлэн ажлуулахад баримтлах нийтлэг журмын төсөл зэрэг асуудлыг хэлэлцэнэ.

14:00 цагт Эрчим хүчний яамны байранд Эрчим хүчний салбарын гурван талт Хамтын гэрээнд гарын үсэг зурах ёслол болно. Гэрээнд ЭХЯ, Эрчим хүчний үйлдвэрчний эвлэл, Ажил олгогч эздийн холбооны удирдлагууд гарын үсэг зурна. Утас: 99773800 88008516