Энэ амралтын өдрүүдэд дараалсан барилдаантай бөгөөд үргэлжлээд даваа, мягмар гарагуудад мөн бөхийн барилдаантай юм байна.
4-р сарын 4-ний бямба гарагт 14 цагаас улсын начин Т.Артагийн нэрэмжит аймаг цэргийн цолтой 256 бөхийн барилдаан
4-р сарын 5-ны ням гарагт 14 цагаас Сонгинохайрхан уулын хишиг улс аймгийн алдар цолтой 256 бөхийн барилдаан
4-р сарын 6, 7-ны даваа, мягмар гарагуудад 09 цагаас Хан Хэнтийн аварга дэвжээний нэрэмжит сумын цолтнуудын барилдаан
4-р сарын 7-ны мягмар гарагт 14 цагаас Ардчилсан намын 25 жилийн ойд зориулсан улс аймгийн алдар цолтой 224 бөхийн барилдаан тус тус болох гэж байна. Маргаашнаас эхлээд дөрвөн өдөр дараалсан барилдаантай ажээ.
Голомт банкны Төлөөлөн Удирдах Зөвлөлийн хурлын шийдвэрээр, 2015 оны 4-р сарын 1-ны өдрөөс, Голомт банкны Тэргүүн дэд захирал Л.Оюун-Эрдэнийг Голомт банкны Гүйцэтгэх захирлаар томиллоо.
Өнөөдрийн байдлаар улсын хэмжээнд төллөвөл зохих эх малын 32.0 хувь буюу 6878.5 мянган эх мал төллөж, 6845.8 мянган төл буюу 18.3 мянган ботго, 39.6 мянган унага, 142.3 мянган тугал, 3394.0 мянган хурга, 3252.1 мянган ишиг хүлээн аваад байна. Мал төллөлт өмнөх 7 хоногоос 3.4 саяар нэмэгдэж, төл бойжилт 99.0 хувьтай байна.
Дуучин Д.Болд өөрийгөө “Монгол даатгал” компанид дөрвөн тэрбум төгрөгөөр даатгуулжээ. Хүмүүс машин, байр, үнэт эдлэлээ л даатгуулдаг. Харин Монголд, урлагийнхнаас дуучин залуу ийн анхдагч боллоо. 
Тайландын эрх баригчид 2014 оны 10-р сарын 20-оос мөрдөж эхэлсэн байлдааны цагийн онц байдлын журмыг халлаа. Гэхдээ байлдааны цагийн онц байдлыг халсан ч Тайландын захиран хянаж байгаа цэргийнхний эрх мэдлийг халсангүй. Тухайлбал, цэргийнхэн ба аюулгүй албаныхан иргэдэд ямар нэг ял тулгалгүйгээр долоо хоног хүртэл хугацаагаар баривчлах эрхтэй, Энх тайван ба хэв журмын үндэсний зөвлөлийн даргын зөвшөөрснөөс бусад бүх төрлийн таваас илүү хүн оролцсон улс төрийн жагсаалыг хориглосон зэрэг нь хэвээр үлдэж. Үүний дээр байлдааны цагийн журамд байсан зарим хязгаар, хориг хэвээр үлдсэн байна.
ОХУ-ын Ерөнхийлөгч В.Путин ирэх есдүгээр сард болох НҮБ-ын Ерөнхий Ассамблейн 70 жилийн ойн чуулганд үг хэлэхээр төлөвлөж байгаа тухай Кремлийн хэвлэлийн төлөөлөгч мэдэгдлээ. Энэ нь В.Путины 2007 оноос хойш хийж буй анхны айлчлал бөгөөд хоёр улсын хооронд дахин хүйтэн дайны уур амьсгал бүрдээд байгаа энэ цаг үед улс төрийн өндөр ач холбогдолтой айлчлал болно гэж ажиглагчид үзэж байна. Гэхдээ Нью-Йорк хотноо болох Ерөнхий Ассамблейн чуулганд оролцох эсэх нь олон улсын нөхцөл байдлаас шалтгаалах учраас наймдугаар сарын эхээр эцсийн шийдвэр гарна гэж Оросын өдөр тутмын Коммерсант сонинд мэдээлжээ. Ерөнхийлөгч В.Путины хэвлэлийн төлөөлөгч Дмитрий Песков ч мөн эцсийн тов гараагүй хэмээн мэдэгдэж байгаа аж. Есдүгээр сард болох Ерөнхий Ассамблейн 70 жилийн ойн чуулганд дэлхийн олон орны төр, засгийн тэргүүн оролцох төлөвтэй байгаа юм. Харин В.Путин хамгийн сүүлд 10 жилийн өмнө Ерөнхий Ассамблейн чуулганд оролцож байсан билээ. Тэрнээс өмнө 2000 болон 2003 онуудад энэхүү чуулганд оролцож байсан. 2008 онд ОХУ-ын Ерөнхийлөгч Дмитрий Медведев ассамблейн чуулганд оролцож, 2010 онд АНУ-д төрийн айлчлал хийж байжээ.
“Эрдэнэс Монгол” компанийн гүйцэтгэх захирал Б.Бямбасайхантай ярилцлаа.
Өнгөрөгч онд нийслэлийн хэмжээнд 10 хүүхэд зам тээврийн ослоос болж амь насаа алдсан бол улсын хэмжээнд 48 хүүхэд уг ослоор амь насаа байна. Тэгвэл хүүхдийг автомашины осол гэмтэлээс урьдчилан сэргийлэх, хамгаалах зорилготойгоор Нийслэлийн Замын Цагдаагийн газар, Монголын Залуучуудын Холбоо хамтран ажилласны үр дүнд хүүхдийн зам тээврийн осол, гэмтэл 16.7 хувиар буурчээ. Тодруулбал 2015 оны эхний хоёр сарыг өмнөх оны мөн үеийнхтэй харьцуулахад хүүхдийн осол гэмтэл 16.7 хувь, хүүхдийн зам тээврийн осолд өртсөн байдал 17.8 хувиар буурсан байна. 
Самбо бөхийн ДАШТ-ий хүрэл медальт, олон улсын хэмжээний мастер Б.Тэрбишийн нэрэмжит залуучуудын УАШТ өнгөрсөн сарын 30-наас энэ сарын 1-ний хооронд Орхон аймгийн “Хангарьд” спорт цогцолборт боллоо. Орхон аймгийн самбо бөхийн холбоо, ЗДТГ-тай хамтран зохион байгуулсан тус тэмцээнд 22 байгууллагын 241 эрэгтэй, эмэгтэй тус бүр 10 жинд өрсөлдөв.
Барилга хот байгуулалтын яамны мэдээлж буйгаар энэ онд 30 мянган орон сууц ашиглалтад орно. Өнгөрсөн онд дээд цэгтээ хүрсэн орон сууцны үнэ сүүлийн зургаан сарын турш буурч байна. Хоёр жилийн өмнө жилд хоёр дахин бага хэмжээний орон сууц ашиглалтад ордог байсан тухай БХБЯ-ны дэд сайд Г.Байгал ярив. Тухайн үед байрны нийлүүлэлт бага, хэрэгцээ өндөр байсан тул үнэ тасралтгүй өсөлттэй байсан аж. Энэ нь БХБЯ-ыг нийлүүлэлтийг дэмжих бодлого боловсруулахад хүргэжээ. Нийлүүлэлтийг нэмэгдүүлэхийн тулд эхний ээлжинд импортын материалыг дотооддоо үйлдвэрлэх, барилгын компаниудыг дэмжих чиглэлээр ажилласны үр дүнд барилгын нийлүүлэлт нэмэгдэж, түүний үнэ буурч байгаа юм. Өнгөрсөн онд баригдсан долоон мянган барилга борлогдоогүй байна. Энэ жил ашиглалтад орох 23 барилгыг борлуулахад БХБЯ эрэлтийг дэмжих бодлого боловсруулж байна. Эхний ээлжинд ипотекийн зээлийн урьдчилгаа төлбөрийг 10-20 хувь хүртэл бууруулна. Улмаар амьжиргааны бага орлоготой иргэдэд урьдчилгаа төлбөргүй зээл олгох боломжийг судалж, хэрэгжүүлнэ. Энэ асуудлыг Монголбанктай хамтран боловсруулсан тул санхүүгийн эх үүсвэрт санаа зовох шаардлага байхгүй. Ипотекийн зээлийн эх үүсвэр хангалттай хугацаанд үргэлжлэх боломжтой. Гэхдээ маргаашнаас эхлээд зээлийн урьдчилгаа төлбөр тэглээд эхлэхгүй. Энэ ажил үе шаттай хэрэгжинэ. Мөн эрэлтийг дэмжих бодлого бол түрээсийн орон сууцны хангамжийг нэмэгдүүлэх. Одоогийн баригдсан барилгуудаас төр худалдан авч залуучууд, орлого багатай иргэдийг түрээсийн орон сууцаар хангах. Энэ нь шинэ орон сууц худалдан авах боломжгүй иргэдэд анхны хуримтлалтай болох хугацаа олгоно. Ипотекийн зээлийг түлхүүр гардсан байр авах иргэдэд л олгоно. Гэхдээ инженерийн байгууламжид холбогдсон Улсын комисс хүлээн авсан байрнууд хамрагдана. Хэрэв танай хашаа инженерийн байгууламжид ойрхон бол газар дээрээ стандарт хангасан байшин бариад улсын комисс хүлээн авсан тохиолдолд, худалдан авагчид ипотекийн зээлд хамрагдах боломжтой. АН-ын мөрийн хөтөлбөр 2012-2016 онд аймаг бүрт 1000 айлын орон сууц барина гэсэн амлалт байдаг гэнэ. Өнөөдөр үндсэндээ инженерийн байгууламж бэлэн болсон бөгөөд 2016 онд амласнаасаа олон орон сууц ашиглалтад оруулах болно. Сүүлийн үед гарч байгаа барилгын талбайн тухай ойлголтын зөрүү бол стандартыг мөрдөх тухай асуудал юм. Барилгын зургаар байшингийн талбайг гадна ханаар тооцож хэмждэг. Гэтэл барилга баригдаад дууссаны дараа хананы зузаан өрөөний талбайг багасгана. Үүн дээр учраа олчихвол цаашид ийм маргаан гарахгүй. Дэд сайдаас мэдээлэл аваад гарахдаа “ШӨХТГ-ынхан танай яамтай зарга үүсгээд байсан юу болсон” гэвэл “Тэр нөхөр бичиг баримтаа харахгүй байгаа юм болов уу. Барилгын компаниудыг зээл аваад, төлж дуустал нь тэдний төлөөлөл ажлын хэсэгт байсан. Учир нь олдохгүй юм яриад байгаа юм” гэсээр үлдэв.