Хятадын өмнөд Фужиан мужид асар их химийн тосны гал гарч мянга мянган иргэдийг нүүлгэн шилжүүлж байна. Одоогийн байдлаар 800 гаруй гал унтраагч 170 гаруй галын машин Ханжоу хотод химийн үйлдвэрийн галыг унтраахаар ажиллаж байна. Гал унтраагчид галын тосны урсгалыг зогсоож ойролцоо байрлах танкнуудад ойртуулахгүй байхыг хичээж байна. Гал Даваа гаригт гарсан ба галыг унтраахын тулд гуравдахь өдрөө ажиллаж байна. Синьхуа агентлагийн мэдээлсэнээр эргэн тойронд нь 14000 гаруй иргэд аж төрдөг ба тэднийг одоогоор түр нүүлгэн шижүүлээд байна. Мөн CCTV-ийн мэдээлсэнээр 13 хүн эмнэлэгийн тусламж авч зургаан хүн хөнгөн гэмтсэн гэж мэдээллээ. Синьхуагийн мэдээлсэнээр гал Даваа гаригийн орой гарч эхэлсэн ба Занзоуд байрлах Tenglong Aromatic Hydrocarbon үйлдвэрийн газрын тос хадгалах сав дэлбэрсэнээр хүчээ авчээ. Энэ галыг Мягмар гаригийн үдээс хойш унтраасан ч гал дахин тэр оройноо гарсан байна. Харин нүүрстөрөгч шингэн агуулсан 1500 тонны өөр нэг сав Лхагва гаригийн өглөө дэлбэрчээ. Хүчтэй салхитай байгаагийн улмаас галыг хөөсөн давхаргаар шүршиж унтраасан ч дахин дэгдээд байгааг шинжээчид мэдээллээ
АНУ-ын 42 дахь ерөнхийлөгч Билл Клинтоны гэргий Хиллари Клинтон твиттерт идэвхтэй жиргээч болсон гэнэ. Тэрбээр твиттерийг АНУ-ын 58 дахь удаагийн ерөнхийлөгчийн сонгуульд нэр дэвших албан бус сурталчилгаанд сайтар ашиглаж байгаа бололтой.
Загвар өмсөгч, топ модель Э.Одгэрэл “Халуун сэтгэл” төвд нэгдэж, хүүхдүүдэд туслах гэнэ. Тус төв нь нийгмийн эмзэг болон амьдралын боломжгүй нийслэл, хөдөө орон нутгийн хүүхдүүдэд зориулсан ажлуудыг зохион байгуулаад гурван жил гаруй болж байгаа бөгөөд 30 гаруй залуус сайн дураараа нэгдэн нийлсэн байна.
2015 оны 04 дүгээр сарын 01-04-ний өдрүүдэд ихэнх нутгаар их цас орж, 9 аймгийн 51 суманд их цас орж шуурсан. Хүнс, хөдөө аж ахуй яаман дээр байнгын ажиллагаатай “Шуурхай ажлын штаб” 262949 утсаар аймгуудтай холбогдож мэдээ, мэдээллээ авсаар байна. Их цас, цасан шуурганы үеэр сураггүй болсон 138 иргэнээс 135 иргэнийг эсэн мэнд олдсон байна. Цас их орсон аймгуудын Онцгой комисс байнгын бэлэн байдалд ажиллаж хаагдсан зам давааг нээсэн. Баян-Өлгий аймгийн Өлгий суманд 10 тн өвс, Булган аймгийн Гурванбулаг суманд 12 тн өвс, Увс аймгийн Бөхмөрөн, Өмнөговь, Наранбулаг сумын цасанд боогдсон 684 айл, өрхөд 44 тн өвс, 10 тн тэжээл, 3 тн нүүрс, 562 шуудай мод тус тус хүлээлгэн өгсөн.
Дэлхийн эрүүл мэндийн өдөр энэ сарын 7-нд болсон. Баярын үеэр бас нэгэн баяр тохиосон нь залуу дуучин П.Баярцэнгэл ДЭМБ-ын элч дуучнаар тодорсон явдал юм. Ингэснээр дуучин залуу дэлхийн хүн амын эрүүл мэндэд тулгамдаад байгаа асуудлыг шийдвэрлэхэд өөрийн дуу хоолой, уран бүтээлийн өнгө аяс, хувь хүний хичээл зүтгэлээр хамтран оролцох юм байна.
Арилжааны есөн банкны нэхэмжлэлтэй, ШӨХТГ-ын улсын байцаагч нарт холбогдох захиргааны хэргийг Захиргааны хэргийн давж заалдах шатны шүүх хянан хэлэлцээд нэхэмжлэлийн шаардлагуудыг хэрэгсэхгүй богож шийдвэрлэсэн билээ. Хэргийг хянан шийдвэрлэсэн анхан болон давж заалдах шатны шүүхээс ШӨХТГ нь арилжааны банкуудын үйл ажиллагаанд хяналт шалгалт хийх эрхтэй. Мөн улсын байцаагч нар банкуудын хэрэглэгчийн эрхийг зөрчсөн болохыг тогтоосон дүгнэлт гаргаж, уг зөрчлийг арилгахыг шаардсан нь холбогдох хууль тогтоомжид нийцсэн буюу арилжааны банкуудын эрхийг зөрчөөгүй гэж шийдвэрлэсэн. Гэтэл Монголын банкны холбооноос ШӨХТГ-ыг худал мэдээлэл тараасан мэт мэдэгдэл хийж ШӨХТГ-аас хийсэн хяналт шалгалтынхаа дүнг олон нийтэд мэдээлснийг буруу гэж байгаа нь тус газрын хуулиар олгогдсон бүрэн эрхийг үгүйсгэсэн бөгөөд тус газрын хараат бусаар, бие даан чиг үүргээ хэрэгжүүлэхэд саад учруулсан үйлдэл болжээ. Монголын банкны холбооноос анхан болон давж заалдах шатны шүүхээс албан ёсны шийдвэр гарсан байхад арилжааны банкуудын хууль бус үйлдлийг хамгаалан ШӨХТГ-ын хууль ёсны шийдвэрийг үгүйсгэсэн мэдэгдлийг хийсээр байгаа нь уг хэргийг хянан хэлэлцэж хяналтын шатны шүүхээс гарах шийдвэрт нөлөөлөхийг оролдсон үйлдэл гэж ШӨХТГ-аас үзэж байгаа аж. Иймд ШӨХТГ-аас Монголын банкны холбоо болон түүний холбогдох албан тушаалтнуудад хариуцлага хүлээлгүүлэхээр эрх бүхий байгууллагад хандана гэдгээ мэдэгдлээ.
Ардчилсан намын гишүүд дэмжигчдийн холбооны тэргүүн Т.Хасбаатар Үндэсний мэдээллийн төвд хэвлэлийн хурал хийж, МАН-ыг АТГ-т өгч буйгаа мэдэгдлээ. Т.Хасбаатар өмнө нь МАН-ын байр болох Тусгаар тогтнолын ордонг барихад төсвөөс 11 тэрбум төгрөг гаргасан нь Үндсэн хууль болон бусад хууль тогтоомжийг зөрчсөн. Тиймээс татвар төлөгчдийн энэ мөнгийг буцааж авах асуудлаар УИХ болон Засгийн газар шаардлага хүргүүлсэн билээ. Гэвч түүний шаардлагын хариу ирээгүй учраас энэ асуудлаараа АТГ-д хандахаар болсон гэнэ.
Грекийн ерөнхий сайд Алексис Ципрас ОХУ-ын ерөнхийлөгч Владимир Путинтай уулзав.
Т
Ийгл Ньюс телевизийн ууган сэтгүүлч Б.Жаргалмаа хүнд өвчний улмаас мэс засалд орохоор Тайланд улсыг зорих гэж байгаа юм байна. Тэрбээр тархины хавдараар өвчилсөн бөгөөд шинжилгээгээр хоргүй болох нь тогтоогджээ. Өвчнийг газар авахаас урьтаж цаг алдалгүй хагалгаанд орох шаардлагатай гэх дүгнэлтийг эмч нар гаргасан байна. Урьдчилан тооцоолсноор Тайланд улсад хийгдэх зөвхөн мэс заслыг зардал 29.6 мянган ам.доллар буюу 60 сая төгрөг, хагалгааны дараарх курс эмчилгээнд 16 мянган доллар шаардлагатай байгаа бөгөөд нийт 90 сая төгрөг шаардагдах юм байна. Сэтгүүлч Б.Жаргалмаад хандив өргөхийг хүссэн хүн Ийгл Ньюс телевизийн байранд очих буюу “Худалдаа хөгжлийн банк”-ны 473 000 257 тоот дансанд мөнгө шилжүүлэх боломжтой аж.