Монголд урьд өмнө нь хэзээ ч болж байгаагүй, байж боломгүй, итгэмээргүй хөгжилтэй урамшуулалт аяныг Номадсын сүлжээ ресторанууд 4-р сарын 11-нээс 14-ны өдрүүдэд зохион байгуулж, эрхэм зочиддоо ээлжит бэлгээ барихаар болжээ.
Та Номадсын сүлжээний аль нэгэн дуртай ресторандаа очоод дуртай хоолоо захиалан ид, идсэн хоолондоо хэдийг төлөхөө ТА л шийдэж, тохиролцох энгийн дүрэмтэй ХООЛНЫ ҮНЭ ТОХИРОЛЦОХ ӨДРҮҮД- 4-хөн өдөр болох юм байна. Бямба, Ням гарагийн амралтын өдрүүдэд та хайртай хүүхдүүдийнхээ хамт гэр бүлээрээ, Даваа, Мягмар гарагийн ажлын эхний өдрүүдэд хамт олон, найз нөхөдтэйгээ хамт Номадсын ресторануудаар зочлоод хоолоо захиалан идээд, үнээ тохиролцоод төлөх энэхүү алтан боломжийг бүү алдаарай.
Идсэн хоолныхоо үнийг тохиролцох энэхүү аяны талаар
Японы баруун өмнөд хэсгийн далайн эрэгт өнөө өглөө /IV.10/ 130 гаруй өргөн хошуут далайн гахай гарч ирснээр орон нутгийн иргэдийг багагүй сандаргажээ. Эрэг дээр гарч ирсэн далайн гахайн сүргийг хатаж үхэхээс аврахын тулд оршин суугчид эргийн хамгааллынхантай хамтарч ажилласан байна. Гэвч олон тооны далайн гахай далай руу буцаахаас өмнө үхсэн байжээ. Оршин суугчдын мэдээлснээр зарим далайн гахайн арьс нь зүсэгдсэн гүн шархтай байсан аж.
НИТХ-ын Тэргүүлэгчдийн ээлжит хуралдаан боллоо. Хуралдаанаар Хөрөнгө бүртгэлээс хасах тухай, Хөрөнгө бүртгэн авах тухай, Олон нийтийн цагдаагийн ажилтанд олгох урамшууллын хэмжээг тогтоох тухай, Цэргийн албыг дүйцүүлэн хаах иргэдийн орон тооны дээд хязгаар батлах тухай, Алдарт эхийн одонг тодорхойлох тухай, Шашны байгууллагуудын хугацааг сунгах тухай асуудлуудыг хэлэлцэн баталлаа.
УИХ-ын чуулганы нэгдсэн хуралдаанд Монгол Улсын Ерөнхийлөгч Ц.Элбэгдорж хийсэн ажлынхаа талаар тайлангаа тавьж байна. Тэрээр “Хийсэн ажил маань зөвхөн ганц хүнийх биш олон хүний хийсэн ажил юм. Монгол Улсын Ерөнхийлөгчөөр сонгогдоод зорилгоо дэвшүүлж байсан, олон түмнээс гарч байгаа сайн санаачлага хичээл зүтгэлийг ажил болгоход, үр дүнд хүргэхэд хамтрах болно. Ихэнх хийсэн ажил энэ агуулгад багтаж байгаа. Нэг жилийн хугацааны биш нийт хугацаанд хийсэн ажлаа товч тодорхой яръя. Үүний тулд Иргэдийн оролцоо орон нутгийн эрх мэдлийг нэмэгдүүлэх чиглэлээр, хууль, шударга ёсыг бэхжүүлэх. Монгол, монголоо бүтээгчдээ дэмжих. Байгальд ээлтэй ажлыг дэмжих, Монгол хүн монголын түүх ёс заншил, түүнийг дэлгэрүүлэх түгээх чигэллээр, гадаад бодлого буюу нэр хүндийг өсгөх чиглэлээр, олон нийтийн санал санаачлагыг дэмжих, цаашид юу хийх вэ гэдэг чиглэлээр ярина” гэлээ. Иргэдийн оролцоог нэмэгдүүлэх, тэдний санаа бодлыг сонсож, сайн санал санаачлагыг нь дэмждэг байхаар Иргэний танхим байгуулсан. Түүнчлэн иргэд өөрсдөө орон нутагтаа ямар ажил хийх талаараа хэлэлцэж, шаардагдах хөрөнгийг нь Орон нутгийн хөгжлийн сангаас гаргахаар зохицуулсан. Орон нутгийн хөгжлийн санг бий болгосноор 2013 онд 189 тэрбум төгрөгийг зарцуулсан байна. Үүний хүрээнд 6000 гаруй төсөл хэрэгжсэн байна. Энэ ажил Монгол Улсын бүх суманд хийгдсэн гэдэгт итгэлтэй байна гэлээ.
Хил хамгаалах байгууллагаас 2015 дэвшүүлсэн зорилтын хүрээнд энэ жил “Шилдэг ахлагч”, “Шилдэг гэрээт хилчин” шалгаруулах тэмцээнийг хилчдийнхээ дунд зохион байгуулж байгаа.
Тариалан эрхлэлтийг дэмжих санд 2014 оны намрын ургацаас 30 000 гаруй тонн хүнсний улаанбуудай байгаа аж. Үүнээс эхний ээлжинд 500 тонныг нь Хөдөө аж ахуйн биржээр худалдахаар болжээ. Хөдөө аж ахуйн биржээр худалдах туршилтын арилжаа өнөөдөр Хөдөө аж ахуйн үйлдвэрлэлд, шинжлэх ухааны ололтыг нэвтрүүлэх төвийн байранд болж байна. 2013 онд үүсэн байгуулагдсан Хөдөө аж ахуйн бирж нь өнгөрсөн хугацаанд 348 удаагийн арилжаа зохион байгуулжээ. Ихэвчлэн мал, ноос, ноолуур арилждаг тус бирж нийт 986.5 тэрбум төгрөгийн арилжаа хийгээд буй аж.
Чингэлтэй дүүргийн I хорооны нутаг дэвсгэрт байрлах “Алтжин Бөмбөгөр” худалдааны төвийн хойд хэсэгт цахилгааны масс гарсны улмаас гал гарчээ. Гал 12:30 минутын үед гарсан бөгөөд галын дуудлагаар Нийслэлийн онцгой байдлынхан шуурхай ажиллаж галыг бүрэн унтраажээ. Одоогоор худалдаа эрхлэгчдийг гадагш гаргасан байгаа бөгөөд дотогш хүн нэвтрүүлэхгүйн тулд худалдааны төвийн хамгаалалтын алба хамгаалалтад гарсан байдалтай байна. Мөн цахилгаанд юунаас болж гэмтэл үүссэнийг тодруулахаар ажиллаж байгаа аж.
Волейболын эмэгтэйчүүдийн 2015 оны Азийн аварга шалгаруулах тэмцээн БНХАУ-ын Бээжин, Тяньжин хотуудад ирэх тавдугаар сарын 18-28-ны өдрүүдэд болно. Тус тэмцээнд Монгол Улсын шигшээ баг оролцохоор бэлтгэл сургуулилалтаа хийж байна. Тэмцээнд 16 баг өрсөлдөхөөс манай шигшээ баг “В” хэсэгт Япон, Вьетнам, Тажикистаны багтай багтжээ.
