Өнөөдөр 17 цагийн үед “Амгалангийн дулааны станцын өргөтгөлийн хэсэг шатаж байна” гэсэн дуудлага нийслэлийн Шуурхай удирдлагын 105 утсанд иржээ. Гэтэл энэхүү мэдээлэл нь ташаа байсан гэнэ.
Иргэдийн өгсөн дуудлагын дагуу Онцгой байдлын гал унтраах автомашинууд хүч нэмэгдүүлэн хотоос хөдөлж, гал гарсан объектод очиход, станцын хашаанд их хэмжээний хог, хаягдал, өвс шатааж байжээ.
Чухам ямар шалтгаанаар ийнхүү онцгой объектод хог шатааж гал гаргасан талаар тус станцын төслийн удирдагч Б.Баттөмөр тайлбарлаж хэлэхдээ “Зам талбайгаа цэвэрлэх үүднээс манай ажилчид өвс, гялгар уут, хог хаягдал, хөөсөнцөр зэргийг шатаасан юм билээ. Өмнө нь ингээд хашаандаа шатаадаг байсан. Харин энэ удаа манай ажилтан хариуцлагагүй хандаж, их хэмжээгээр шатааснаас, хөөсөнцрийн хар утаа орчинд нилээдгүй тархсан нь станцад гал гарч байгаа мэтээр оршин суугчдад харагдаж, онцгой байдлынханд чирэгдэл үүсгэлээ. Станцад ямар нэгэн гал гараагүй, эрсдэл үүсээгүй гэдгийг мэдэгдэж байна. Хариуцлага алдсан ажилтнуудадаа бид хариуцлага тооцох болно” гэжээ.
Японы “Шима Сейки” компанийн Монгол дахь төлөөлөгчийн газар, “Монголын ноос, ноолуурын холбоо”-той хамтран манай улсын сүлжмэлийн салбарын компаниудын удирдлагуудыг тус компанитай танилцуулжээ. Өмнөх хоёр жилийн аялал, сургалтад загвар зохион бүтээгч, программистууд оролцдог байсан бол энэ удаа компанийн захирлууд хамрагдсанаараа онцлогтой аж. Учир нь технологийн дэвшилтэт систем дээр компанийн удирдлагууд өөрсдөө ажиллаж сурах, шинэ технологи, тэр дундаа “APEX-3” системийг хэрхэн ашиглах, үйлдвэрлэлийн явцын үргүй зардлыг багасгах, хэмнэлт хэрхэн бий болгох талаар илүү дэлгэрэнгүй мэдэж авчээ. “Шима Сейки” компанийн үүсгэн байгуулагч Шима энэ үеэр “Өндөр зэрэглэлийн бүрэн автомат машиныг тансаг ширхэгт монгол ноолууртай хоршуулснаар дэлхийн зах зээлд өрсөлдөх чадвар бүхий дээд зэргийн бүтээгдэхүүн үйлдвэрлэх нь бидний зорилго юм” гэж онцолсон байна. Мөн монголын өнөөгийн эдийн засгийн байдал, компаниудын хүсэлтийг харгалзан хоёр орны чөлөөт худалдааны гэрээ, хэлэлцээрийн шугамаар машин тоног төхөөрөмжийн зээл олгох боломжийг нааштайгаар шийдэхээ илэрхийлсэн байна. Дашрамд тэмдэглэхэд, тус компани 2008 оноос Монголд төлөөлөгчийн газраа нээн ажиллуулан Монголын сүлжмэлийн үйлдвэрлэлийн тоног төхөөрөмжийн зах зээлийн 80 хувийг хангаж иржээ.
Пүрэв гаригийн чуулганы нэгдсэн хуралдаан дээр УИХ-ын дэд дарга Л.Цог, УИХ-ын гишүүн Х.Тэмүүжин нар ширүүхэн маргалдсан. Тэд Үндсэн хуулийн цэцийн дүгнэлтээс болж ам мурийсан юм.
УИХ дахь АН-ын бүлгийн ээлжит хуралдаан өнөөдөр боллоо. Хуралдаанаар хэлэлцсэн асуудлын талаар тус намын бүлгийн дэд дарга С.Одонтуяа, Ш.Түвдэндорж нар мэдээлэл хийв. АН-ын бүлгийн хуралд УИХ-ын дарга З.Энхболд, Ерөнхий сайд Ч.Сайханбилэг нар оролцож, мэдээлэл өгчээ. Ерөнхий сайд Засгийн газрын хуралдаанаар хэлэлцсэн асуудлын талаар бүлгийн гишүүдэд мэдээлэл хийсэн байна. Засгийн газраас орон сууц худалдан авах боломжгүй иргэдэд зориулж 1400 орчим түрээсийн байр барихаар шийдвэрлэжээ. Мөн улаан бурхан өвчнөөс урьдчилан сэргийлэх талаар Засгийн газраас тодорхой чиглэл гаргаж Эрүүл мэнд, спортын яам болон Онцгой байдлын газарт чиглэл өгөн ажиллаж байгаа аж. Бүлгийн хурлаар гишүүд энэ долоо хоног байнгын хороо болгон чуулганы нэгдсэн хуралдаанаар хэлэлцэх зарим хуулийн төслүүдийн талаар ярилцаж саналаа нэгтгэжээ. 
Шима Сейки компанийн Монгол дахь төлөөлөгчийн газар, Монголын Ноос Ноолуурын Холбоотой хамтран Японы алдарт Шима Сейки сүлжмэлийн бүрэн автомат машинаар үйлдвэрлэлээ явуулдаг компаниудын удирдлагуудыг Шима Сейки компанитай танилцуулах аяллыг гурав дахь жилдээ зохион байгууллаа. Урьд нь уг аялал сургалтад загвар зохион бүтээгч, програмистууд оролцдог байсан бол энэ удаа компанийн захирлууд хамрагдсанаараа онцлог юм. Учир нь технологийн дэвшилтэт систем дээр захирлууд өөрсдөө ажиллаж сурах, шинэ технологи, тэр дундаа APEX-3 системийг хэрхэн ашиглах, үйлдвэрлэлийн явцын үргүй зардлыг багасгах, хэмнэлт хэрхэн бий болгохыг мэдэж авсан юм. Монголын ноолуурын салбарын үйлдвэрүүдийн захирлуудын дийлэнх хувь нь эмэгтэйчүүд бөгөөд энэ удаагийн багийг Японы тал “Монголын бүсгүйчүүдийн аялал” хэмээн нэрлэжээ. Шима Сейки компанийн үүсгэн байгуулагч Шима захирал энэ айлчлалд ихээхэн ач холбогдол өгч “Өндөр зэрэглэлийн Шима Сейки бүрэн автомат машиныг тансаг ширхэгт монгол ноолууртай хоршуулснаар дэлхийн зах зээлд өрсөлдөх чадвар бүхий дээд зэргийн бүтээгдэхүүн үйлдвэрлэх нь бидний зорилго юм” хэмээн онцолж байсан. Үүний тод илрэл нь Вакаяама хотын захирагч Нисака Монголын бизнесмэн бүсгүйчүүдийг хүлээн авч уулзаж хамтын ажиллагааны талаар ярилцсан явдал юм.
Нийгмийн даатгалын ерөнхий газраас ажил олгогчдын үйл ажиллагааг дэмжих, нийгмийн хариуцлагыг урамшуулах зорилгоор “Үндэсний тэргүүлэгч ажил олгогч-Нийгмийн даатгалын шитмгэл төлөгч шилдэг байгууллага” шалгаруулах үйл ажилллагааг уламжлал болгон зохион байгуулдаг билээ. 
Египетийн Эль-Ариш хотын цагдаагийн газар руу үр таних халдсан байна. Гэмт этгээд машинтайгаа цагдаагийн байр руу дайрахад тэсрэх бөмбөг дэлбэрчээ. Үүний улмаас найман хүн нас барж, ойролцоогоор 40-өөд хүн шархадсан байна. Маш хүчтэй дэлбэрэлт болсон бөгөөд хотын захын дүүрэгт хүртэл сонсогдсон тухай гэрчүүд мэдээллээ. 
22 дахь жилтэйгээ золгож байгаа “ЭВРИКА” багш, оюутны онол практикийн эрдэм шинжилгээний их хурлын салбар хуралдаанууд гуравдугаар сарын 30-наас дөрөвдүгээр сарын 3-ны хооронд амжилттай болж өндөрлөлөө. Их хурал нь гурван үе шаттай явагддаг билээ. Нэгдүгээр шат буюу сургуулийнхаа эрдэм шинжилгээний хурлаас шалгарч үлдсэн 339 оюутан, 90 багш хоёрдугаар шатанд оролцож, эдийн засаг, анагаах ухаан, хууль эрхзүй, бизнес зэрэг 9 салбарын хүрээнд судалгааны бүтээлээ танилцууллаа.
Ашигт малтмалын газар /АМГ/-аас 20.9 сая гектар талбайд хайгуулын тусгай зөвшөөрөл хүсэгчдийн өргөдлийг цахимаар олгож байгаа.