АНУ-ын Калифорни муж улсын Фресно хотын нэгэн дүүрэгт барилгын ажил гүйцэтгэж байсан ажилчид санаандгүй хийн хоолойг гэмтэсний улмаас 30 сантиметрийн диаметртэй хийн хоолой дэлбэрсэн байна.
Байгалийн хий шатаж, дамжуулах хоолойнд саатал гарсны улмаас тус 15 хүн хүнд болон хөнгөн гэмтэл авсан. Тэдгээрийн нэгийг яаралтай түргэн тусламжаар эмнэлэгт хэвтүүлсэн ба одоогийн байдлаар биеийн байдал хүндхэн байна.
Энэхүү золгүй явдлаас үүдэн автомашины хөдөлгөөнийг түр зогсоосон ба галт тэрэгний хөдөлгөөнийг ч мөн зогсоосон байна.
Ус цаг уурын хүрээлэнгээс гаргасан цаг агаарын урьдчилсан мэдээгээр энэ сарын 18, 21-нд төв, зүүн зүгийн нутгийн зарим газраар хур тунадас, нойтон цас орох юм байна. Бусад хугацаанд хур тунадас орохгүй. Салхи 18-нд говь талын нутгаар, 21-нд зарим газраар түр зуур секундэд 16-18 метр, 20-нд зарим газраар секундэд 12-14 метр хүрч шороон шуурга шуурах төвөлтэй байгаа тул малчид, ард иргэд 18, 21-ний өдрүүдэд хол замд гарахгүй, малаа хол бэлчээхгүй байхыг мэргэжилтнүүд санууллаа. Мөн гал түймрийн аюулаас болгоомжилж үнс, нурам, тамхины ишийг дутуу унтрааж хаяхгүй байх зэргээр түймрийн аюулаас урьдчилан сэргийлэх арга хэмжээг байнга авч анхааралтай байхыг сануулж байна.
Өсвөрийн хөлбөмбөгчдийн футзалны аварга шалгаруулах “Дуулиан 2020” ес дэх удаагийн тэмцээний аваргын төлөөх тоглолтууд өнөөдөр, маргааш хоёр өдөр Буянт-Ухаа спорт цогцолборт болнох учиртай.
Хүнс, хөдөө аж ахуйн яамны гамшгийн штаб өнөөдөр хуралдсан байна. Хуралдаанаар түймэрт өртсөн сумдын малчид, иргэд, тэнд ажиллаж байгаа хүмүүст сэтгэл санааны дэм өгөх, хүнс, өргөн хэрэглээний бараа, эд материалын дэмжлэг, туслалцаа үзүүлэх хандивын арга хэмжээг салбарынхаа нийт аж ахуйн нэгж, байгууллага, иргэдийн дунд зохион байгуулахаар болжээ. Энэ ажлын хүрээнд Хүнс, хөдөө аж ахуйн яам болон түүний харъяа байгууллагын нийт 305 ажилтан нэг өдрийн цалингаа түймэрт өртсөн сумдад өгөхөөр болсон байна. Цасан шуурга болон түймэрт хамрагдсан аймаг, сумдад гарсан хохирлыг тооцон малын эм, эмнэлгийн хэрэгсэл болон худаг, хашаа, хорооны засвар, шинэчлэлд шаардлагатай байгаа хөрөнгийг тооцож Улсын Онцгой комисс, Засгийн газрын хуралдаанд 4 дүгээр сарын 20-ны дотор танилцуулж шийдвэрлүүлэхийг холбогдох байгууллагуудад үүрэг болгожээ. Үүнээс гадна яамны дотоод нөөц боломжийг ашиглан малын эм, бэлдмэл, ариутгал халдваргүйжүүлэлтийн бодисыг холбогдох сумдад яаралтай хүргүүлэх, зарим шаардлагатай зардлыг шийдвэрлүүлэх юм байна.
Сүхбаатар дүүргийн Физик математикийн гүнзгийрүүлсэн сургалттай 11 дүгээр сургуулийн 320 хүүхдийн суудалтай барилгын өргөтгөлийн ажил эхэлж, шав тавих ёслолын ажиллагаа боллоо. 
“Боловсрол” суваг телевизийн “Гурван найз” олон ангит киноны үргэлжлэх болох “Гурван найз яасан байх нь уу” бүрэн хэмжээний инээдмийн кино энэ сарын 22-нд нээлтээ хийх гэж байна. Тус кинонд “Эмоци” продакшны залуу жүжигчид тоглохоос гадна жүжигчин Т.Бархүү, А.Туяа, “Маск” продакшны Д.Дэлгэрсайхан нар оролцон тогложээ. Кино зохиолыг жүжигчин О.Тэмүүжин, зохиолч Ж.Оргил нар хамтран бичиж, найруулагчаар нь Ч.Ганзориг ажиллажээ. “Гурван найз яасан байх нь уу ?” уран сайхны кино нь гурван дуутай. Уг киноны дуунуудыг дуучин Цэлмүүн, Цэцэ нар хамтарч, мөн”Бид 4″, “Lumino” хамтлагууд тус тус дуулжээ. Гурван найзын адал явдал “Гурван найз яасан байх нь уу?” киногоор өндөрлөхгүй гэнэ. Тэдний адал явдлууд цааш үргэлжилсээр байх бөгөөд “Гадаадад яасан байх нь уу?”, “Баруун этгээдэд зорчсон нь” гэх мэтээр дараа дараачийн үйл явдлуудыг үзэгчдэдээ хүргэхээр зорьж байгаа.
Жолооны үнэмлэхийг ирэх долоодугаар сар хүртэл хэвлэх боломжгүй болж түр үнэмлэх олгохоор болжээ. Учир нь жолооны үнэмлэх хэвлэх бэлдэц дуусч байгаа учраас “Түр үнэмлэх” олгож эхлэхээр болсон аж. Энэ талаар Замын цагдаагийн газраас тодруулахад “Жолооны үнэмлэхний бэлдэцийг хэвлэдэг “Смарт солюшн” ХХК-ийн Замын цагдаагийн газартай хийсэн гэрээ дуусгавар болж, дахин тендер зарласан. Энэхүү доголдол нь хэдхэн хоног үргэлжлэх бус хамгийн ойрдоо ирэх долдугаар сараас үнэмлэх хэвлэж эхэлнэ. Учир нь тендер зарлах хугацаа 45 хоног, үнэмлэхийн бэлдэцийг хэвлэхэд багадаа л 60 хоног шаардлагатай” гэв.