NASA сансар огторгуйн судлалдаа зориулж хажуугаараа явах чадвартай шинэ машин бүтээсэн бөгөөд өөрийгөө удирдах чадвартай автомат удирдлагатай юм байна. 69км/цаг хурдлах чадвартай ба нэг батерейгаараа 99 км туулах боломжтой аж.
Бие биенээсээ хамааралгүй ажилладаг, 180 градус эргэх чадвартай 4 дугуйтай бөгөөд энэ дугуйнуудынхаа тусламжтайгаар дороо эргэлдэх, хажуугаараа явах гэх мэт бусад машинуудын үйлдлүүдийг хийж чаддаг болжээ. НАСА үүнийг одоогоор зөвхөн сансрын машины технологид зориулаад байгаа ч аж. NASA дан ганц сансрын машин бүтээгээд зогсохгүй олон зүйлийг үйлдвэрлэж худалдаанд гаргасан юм. Тухайлбал гутлын улавч, цанын гутал, компьютерийн хулгана, усан филтер, нарны эрчим хүчний үүсгүүр, алсын зайн харилцаа холбоо, гар утасны камер гэх мэт. NASA удахгүй сансрын машинаа туршиж үзэх бөгөөд одоогоор цөөн тоогоор үйлдвэрлээд байгаа аж.
Улсын хэмжээнд өнөөдрийн байдлаар 217 барилга санхүүжилтгүй болж, зогсчээ. Энэ нь тэдгээр барилгын чанар, аюулгүй байдалд сөргөөр нөлөөлж байгааг мэргэжлийн хяналтынхан хэллээ. 
Олимпийн эрхийн оноо олгох жүдо бөхийн цуврал тэмцээнд буурал тивд үргэлжилнэ. Ээлжит гранпри тэмцээнийг энэ удаад Хорватын Загреб хотод зохион байгуулах юм. Ирэх сарын 1-нд эхлэх тус тэмцээнд манай улсаас эрэгтэй, эмэгтэй 20 тамирчин оролцохоор бэлтгэл сургуулилтаа базааж байгаа юм. Монголын жүдо бөхийн шигшээ багтай Сингапур, Словенийн жүдочид хамтарсан бэлтгэл хийж эхлээд байна. Сингапураас 20 орчим хүний бүрэлдэхүүнтэй баг манай улсад 14 хоногийн бэлтгэл хийнэ. Харин Словениос -78 кг-ын жингийн тамирчин туршлага судлахаар дасгалжуулагчийнхаа хамт манай улсад иржээ. 
Өнөөдөр Монголын шинэ үеийн залуусын бүтээн байгуулж буй “Шинэ Яармаг” цогцолбор хорооллын барилгын ажил эхэлж байна. “Шинэ бүтээн байгуулалт” дунд хугацааны зорилтод хөтөлбөрийн хүрээнд “Шинэ яармаг” орон сууцны хороолол барих төслийг хэрэгжүүлэхэд шаардагдах 50 хүртэлх сая ам.доллартай тэнцэх санхүүжилтийг “Төрийн орон сууцны корпораци” ТӨҮГ-аар дамжуулан үе шаттайгаар санхүүжүүлэхийг Төрийн өмчийн хороо болон, Хөгжлийн банкны Төлөөлөн удирдах зөвлөлд үүрэг болгож, хэрэгжилтэд нь хяналт тавихыг Барилга, хот байгуулалтын сайд Д.Цогтбаатарт даалгасан билээ.
Чингэлтэй дүүргийн 7 дугаар хороо, Зурагтын шинэ эцэс “Буурал ээж” дэлгүүрийн хажууд авто тээврийн осол гарч хүн машинд дарагдсан байна гэсэн дуудлагыг НОБГ-т өгчээ. Нийслэлийн Аврах ангийн бүлгийг очиход “Prius-11” загварын автомашинд 33 настай, эрэгтэй мөргүүлэн автомашинд дарагдсан байсныг гаргаж ГССҮТ-ийн эмчид хүлээлгэн өгсөн байна. 
Өнөөдөр Монгол Улсын сайд М.Энхсайхан “Тавантолгой”-н гэрээний төслийг УИХ-д өргөн барих юм байна. Өнгөрсөн хугацаанд гэрээний бичиг баримт бүрэн эсэхийг хянуулахаар УИХ-ын Тамгын газарт хүргүүлсэн аж. Ингээд УИХ-ын тамгын газраас бүрэн эсэхийг шалгаж дууссан тул өнөөдөр УИХ-д өргөн мэдүүлэхээр болжээ. Ерөнхий сайд Ч.Сайханбилэгийн зүгээс УИХ-ын дарга З.Энхболдод хандан 14 хоногтоо багтаан “Тавантолгой”-н асуудлыг шийдвэрлэж өгөхийг хүссэн. УИХ-ын даргын зүгээс “Тавантолгой”-н гэрээ УИХ-аар орсон тохиолдолд энэ асуудлыг яаралтай хэлэлцэхээ илэрхийлсэн билээ.
“Чонон сүлд” киноны найруулагч Жан Жак Анно Монголд ирээд байгаа билээ. Тэрбээр өнөө өглөө Боловсрол, Соёл, Шинжлэх Ухааны сайд Л.Гантөмөртэй уулзсан юм.
Улс төр, нийгмийн нэрт зүтгэлтэн С.Зориг агсан 1962 оны дөрөвдүгээр сарын 20-нд төрсөн билээ. Жил бүрийн энэ өдөр С.Зориг агсаны хөшөөнд төрөл төрөгсөд, найз нөхөд, намынх нь гишүүд цэцэг өргөдөг уламжлалтай. Өнөөдөр 11.00 цагт цэцэг өргөх ёслол боллоо.
Нийслэлийн Баянзүрх дүүргийн Засаг даргын А/130 тоот захирамжийн дагуу амралтын өдрүүдэд бүх нийтийн их цэвэрлэгээний ажлыг зохион байгуулж,нийт 676,670 м2 талбайн 668 тонн хог хаягдлыг цэвэрлэлээ. Дүүргийн Тамгын газрын хэлтэс албад, харьяа хэлтэсүүд, 28 хорооны ажилтан, албан хаагчид, цэргийн анги нэгтгэлүүд, аж ахуйн нэгж байгууллага, ерөнхий боловсролын болон их дээд сургууль, цэцэрлэгүүд ойр орчим дахь нийтийн эзэмшлийн зам талбайн цэвэрлэгээг хийж гүйцэтгэжээ.
Энэ оны хоёрдугаар сарын 9-ний өдөр эхэлсэн Элсэлтийн ерөнхий шалгалт /ЭЕШ/-ын бүртгэл өнөөдөр 18:00 цагт дуусах гэж байна. Бүртгэлийн хугацааг сунгахгүй, нэмэлт бүртгэл зохион байгуулахгүй гэж Боловсролын үнэлгээний төвөөс мэдэгдэж байгаа тул ЭЕШ-д бүртгүүлж амжаагүй суралцагч, иргэд 18 цагаас өмнө амжиж бүртгүүлэх хэрэгтэй гэж албаны хүн мэдээллээ.