Монголын урлагт өөрийн өнгө төрх, орон зайг хэдийнэ бий болгосон “Увертюра” хамтлаг энэ сарын 8-нд буюу олон улсын эмэгтэйчүүдийн баярын өдрөөр тоглолт хийхээр болжээ.
Бүсгүйчүүддээ зориулсан “UNPLUGGED VIP” тоглолтоо 100% амьд хийж, үзэгч түмэнд урлагийн гоо зүйг жинхэнэ утгаар нь мэдрүүлнэ хэмээн онцлоод буй тэдний тоглолтын тасалбар 800.000 гэсэн мэдээлэл цацагдсан юм. Энэ үнэ нь нэг билетны үнэ биш 10 хүний суудалтай нэг ширээний такс юм байна. Үндсэндээ нэг тасалбар нь 80 мянган төгрөгийн үнэтэй байх гэнэ.
Уг тоглолтод Төрийн соёрхолт, МУГЖ Д.Сосорбарам, МУАЖ Ш.Чимэдцэеэ, МУГЖ Г.Эрдэнэбат нар урилгаар оролцох ажээ.
Цахим системээр газар өмчлүүлэх хоёрдугаар ээлжийн бүртгэл нэгдүгээр сарын 26-ны өдрөөс хоёрдугаар сарын 9-ний өдрийн хооронд болж дууссан билээ. Нийслэлийн найман газарт иргэдийг цахимаар бүртгэсэн. Цахим системээр газар өмчилж авахаар 13821 иргэн сонгогдсон бөгөөд эдгээр иргэд хоёрдугаар сарын 11-ний өдрөөс эхлэн харъяа дүүргийн Өмч, газрын харилцааны албанд хандаж газар өмчлөх өргөдлөө баталгаажуулахаар болсон. Газар өмчлөлийн өргөдөл баталгаажуулалтын үеэр Сар шинийн баярын өдрүүд таарсан учир хоёр өдрөөр сунгаж, энэ сарын 28-ны өдөр хүртэл иргэдээс өргөдөл хүлээн авсан. 
Өвлийн аялал жуулчлалыг хөгжүүлэхэд брэнд болсон нэг арга хэмжээ бол Хөвсгөл далайд жил бүр болдог “ Хөх сувдын орон” мөсний баяр билээ. Өнгөрсөн жил мөсны зузаан стандарт шаардлага хангатал хөлдөөгүйгээс тус баярыг өнжсөн. Мөсний зузаан 90 см- ээс дээш хөлдсөн тохиолдолд мөсөн зам нээхийг зөвшөөрдөг ажээ. 
Оросын Төрийн думын гишүүн, сөрөг хүчний удирдагч Борис Немцовыг Моксва хотын Кремлийн хажууханд дөрвөн удаа буудан хөнөөсөн хэрэг өнгөрөгч амралтын өдөр гарсан билээ. Харин Оросын “Коммерсант” сонинд мэдээлснээр Борис Немцовыг буудан хөнөөсөн газар буюу гүүрийн яг тэр хэсгийн хяналтын камеруудыг “засварлана” гэх шалтгаанаар түр унтраасан байсан аж.
Монголын даамын холбооны 2015 оны өсвөр үеийн улсын аварга шалгаруулах тэмцээн өнөөдөр Сонгинохайрхан дүүргийн 42-р сургууль дээр эхэллээ. “Гацуурт” компанийн нэрэмжит тус тэмцээн энэ жил Монгол хүүхдийн спортын V наадмын хүрээнд зохион байгуулагдаж байгаагаар ихээхэн онцлог болж байна. Тэмцээнд Улаанбаатар хотын дүүргүүд болон орон нутгаас нийт 360 орчим өсвөрийн даамчид оролцохоор бүртгүүлсэн байна. Тэмцээн хөвгүүд, охид тус бүр долоо, 10, 13, 16 гэсэн дөрвөн насны ангилалд болох юм. 
2015 оны өмнөхөн Нийслэлийн ИТХ-ын Тэргүүлэгчдийн ээлжит хуралдаанаар Улаанбаатар хотын замын хөдөлгөөнийг зохицуулах талаар авах зарим арга хэмжээний тухай буюу дугаарын хязгаарлалтын цагийн хуваарь, замын бүсчлэлд өөрчлөлт оруулах шийдвэрийг гаргасан. Энэхүү мэдээллийг жолооч та бүхэнд эргэн сануулах зорилгоор дахин хүргэж байна.
08:30 цагт “Эмэгтэйчүүдийн бүлгүүдийг чадваржуулахад төр болон төрийн бус байгууллагуудын хамтын ажиллагааг хөгжүүлэх нь” Зөвлөлдөх уулзалт “Монгол-Японы төв”-д болно. Уулзалтыг Хүн амын хөгжил, нийгмийн хамгааллын яам, Монголын эмэгтэйчүүдийн сан хамтран зохион байгуулж байна.
Аргын тооллын гуравдугаар сарын 3. Ангараг гариг. Билгийн тооллын 13. Үнэг одтой, шар бар өдөр. Өдрийн наран 07.33 цагт мандан, 18.27 цагт жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал адгуус муулах, сүм дуганыг сэргээх, амьлуулах, өглөгийн түллэг хийх, хишиг даллага дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, гөлөг тэжээхэд муу. 
Төрийн өмчийн хорооны дарга асан, Үндсэн хуулийн цэцийн гишүүн Д.Сугарын хүү С.Цог нарын 12 хүнд холбогдох хар тамхины хэргийг Дүүргийн эрүүгийн анхан шатны I шүүхэд өнөөдөр хянан хэлэлцлээ. Шүүхээс С.Цог нарыг мансууруулах болон сэтгэцэд нөлөөлөх эм, бэлдмэл, бодисыг хууль бусаар олж авсан, хэрэглэсэн, хадгалсан, худалдсан, хилээр хууль бусаар нэвтрүүлсэн зэрэг үйлдэлд буруутгасан байна. Улмаар С.Цогд хоёр жилийн хорих ял оноожээ. Мөн энэ хэрэгт хамсаатан гэгдэж байсан гурван шүүгчдэгчийн хэргийг хэрэгсэхгүй болгож, мөн гурван иргэнийг цагаатгасан талаар албаны эх сурвалж мэдээлсэн юм. Шүүхийн шийдвэрийн талаар маргааш дэлгэрэнгүй мэдээлэл өгөх юм байна.