МСНЭ-ийн Удирдах зөвлөлийн ээлжит хурал өчигдөр /03.02/ боллоо. МСНЭ-ийн Гүйцэтгэх захирлын сонгон шалгаруулалтын зарын дагуу ирсэн материалуудтай танилцсаны үндсэн дээр Пунцагийн Баярмагнайг Гүйцэтгэх захирлаар томиллоо.
П.Баярмагнай нь удам дамжсан сэтгүүлч бөгөөд 1999 онд МСНЭ-д гишүүнээр элссэн, хэвлэл мэдээллийн салбарт цөөнгүй жил ажиллаж буй туршлагатай нэгэн юм. Тэрбээр АНУ-ын Уолдроф коллеж, Денвер семинар сургуулийг тус тус дүүргэсэн, Олон Улсын Пресс Клубуудын дэд ерөнхийлөгчөөр ажилладаг бөгөөд олон улсын түвшний хэд хэдэн төслийг амжилттай хэрэгжүүлжээ.
МСНЭ-ийн Удирдах зөвлөл
Гуравдугаар сарын 3-ны өдрийн 02:55 цагт Завхан аймгийн Онцгой байдлын хэлтэст Тосонцэнгэл сумын Оргих багийн “Дуганатын хясаа” гэдэг газар “Идэр” голын мөсөн дээгүүр зорчиж явсан 21 зорчигчтой хот хоорондын зорчигч тээврийн автобус болон ачааны автомашин мөс цөмөрсний улмаас голын усанд суулаа гэсэн дуудлага иржээ. 
Аугаа их Эх орны дайны ялалтын 70 жилийн ой энэ онд тохиож байгаа. Энэхүү баярын арга хэмжээнд Монголын Зэвсэгт хүчний 80 гаруй албан хаагчид оролцож цэргийн сүрт жагсаалыг гайхуулах аж. Ялалтын парадад тусгаар улсуудын хамтын нөхөрлөлийн орнууд, Эх орны дайны үед ЗХУ-ын холбоотон байсан орнууд, ЗХУ-ын бүрэлдэхүүнд байсан тусгаар улсууд гэхчилэн олон орны цэргүүд оролцох мэдээ байна. Ёслолын жагсаалд оролцох Монголын зэвсэгт хүчний бэлтгэл ажлыг хангах комиссын даргаар Батлан хамгаалах яамны Стратеги бодлого, төлөвлөлтийн газрын дарга, хурандаа Г.Сайханбаяр ажиллаж байгаа гэнэ. Парад алхах офицер, ахлагч нарын бэлтгэлийн явцтай ирэх пүрэв гаригт Ерөнхийлөгчийн Тамгын газрын дарга П.Цагаан танилцах юм байна.
Хөрөнгийн хэмжээ нь нэг тэрбумын босгыг давснаар Майкл Жордан Форбс сэтгүүлийн тэрбумтнуудын жагсаалтанд багтлаа.
Форбс сэтгүүл уламжлал ёсоор дэлхийн хамгийн баян хүмүүсийн жагсаалтыг гаргасан байна. Энэ жил жил “Microsoft”-ийн үүсгэн байгуулагч Билл Гейтс дахин жагсаалтыг тэргүүлж, тэрбумтнуудыг эгнээг хошуучилжээ. Тэрээр нийтдээ 79 тэрбум ам.долларын хөрөнгөтэй юм байна. Гейтс сүүлийн 21 жилийн 16-аад нь энэхүү жагсаалтыг тэргүүлээд байгаа гэнэ.
Нийслэлийн нутаг дэвсгэрт цахимаар газар өмчлөх хоёрдугаар ээлжээр нийтдээ 13821 иргэн газар өмчлөхөөр эрхтэй болсон. Эдгээр иргэн харьяа, дүүргийнхээ газрын албанд хоёрдугаар сарын 26-ны дотор хандаж, цахим өргөдлөө баталгаажуулах ёстой байлаа. Одоогоор нийт сонгогдсон 13821 газраас 10150 иргэн газраа баталгаажуулж, 2881 иргэн баталгаажуулж амжаагүй байгаа аж. Тэгвэл Нийслэлийн Өмчийн харилцааны газраас иргэдийн хүсэлтийг харгалзан гуравдугаар сарын 6-ныг хүртэл газраа баталгаажуулах боломжийг олгохоор болжээ. Энэ талаар тус газрынхан өнөөдөр мэдээлэл хийсэн юм. Газар өмчлөх эрхээ авсан иргэдийн баталгаажуулалтыг өнгөрсөн сарын 11-нээс эхэлсэн ч сар шинийн баяр давхацсан учраас иргэд хойрго хандаж, ийм хэмжээний хүн газраа баталгаажуулж амжаагүй юм. Хоёр дахь удаагийн газар өмчлөлөөр Баянзүрх дүүргийн 20 дугаар хороо Их цуурай, Бага цуурайн ам, Сонгинохайрхан дүүргийнЭмээлт уулын баруун хоолойн, Багануур дүүргийн Тариан булаг, Багахангай дүүргийн Хангайн хөндий зэрэг байршилд иргэд газраа баталгаажуулах ёстой.
Үндсэн хуулийн цэцийн гишүүн Д.Сугарын хүү С.Цогт нарын 12 хүнд холбогдох хар тамхины хэргийг Дүүргийн эрүүгийн анхан шатны нэгдүгээр шүүхэд өчигдөр хянан хэлэлцлээ.
ОХУ-ын Санктпетербург хотод чөлөөт бөхийн дэлхийн цомын эмэгтэй багуудын тэмцээн энэ сарын 7-8-ны өдрүүдэд болно. Энэ тэмцээнд өрсөлдөх Монголын баг тамирчид маргааш ОХУ-ыг өнөөдөр зорилоо. Манай улсын баг тамирчид дэлхийн цомын тэмцээнд 7 дахь удаагаа оролцож байна. Тамирчдын дасгалжуулагчаар чөлөөт бөхийн эмэгтэй ҮШБ-ийн ахлах дасгалжуулагч МУГД Б.Батбаяр, МУГД З.Дүвчин, МУГД Т.Сүхбаатар нар ажиллаж байгаа юм. Тамирчид Говь резортод бэлтгэл цугларалтад гарсан юм.
Нийслэлийн Иргэдийн хурлын дарга Д.Баттулга, Улаанбаатар хотын Ерөнхий менежер С.Бадрал нар болон хотын захирагчийн албаны холбогдох хүмүүс Эрчим хүчний сайд Д.Зоригттой уулзаж, нийслэл хотын бүтээн байгуулалт, гэр хорооллын дахин төлөвлөлттэй холбогдуулан цахилгаан дулааны хангамжийг нэмэгдүүлж, сайжруулах талаар санал солилцож тодорхой асуудлуудаар хүсэлт тавьлаа.