Month: February 2015

Сар шинийн 1, 2- нд бүх нийтээрээ амрах баярын өдрүүд, 3, 4-нд амралтын өдрүүд таарч байгаа тул даваа гариг хүртэл тээврийн хэрэгслийн улсын дугаарын хязгаарлалт үйлчлэхгүй. Харин энэ сарын 23-ны буюу Даваа гарагаас эхлэн авто тээврийн улсын дугаарын хязгаарлалтыг ердийнхөөрөө мөрдөнө.

Үндэсний бөх судлаач Б.Цогтбаатар хэдхэн хоногийн “Шигшээ барилдааны шилдгүүд” нэртэй ном хэвлүүлсэн байна. Хуучин шигшээ барилдаан нэртэй, өдгөө та бидний сайн мэдэх уяачдын наадмын түүхэн цуваа, оноо данс, гэрэл зургуудыг уг номонд багтаажээ. Мөн сайн барилдаж явсан бөхчүүдийн дурсамж, яриаг ч оруулсан байна. Бямбадоржийн Цогтбаатар өмнө нь сар шинийн барилдаанаар “Өнгө шинжсэн барилдаан”, аймгуудын наадмаар “Аймгуудын бөхийн магнай”, улсын аварга шалгаруулах барилдаанаар “Олноос онцгой оны тэргүүн бөхчүүд”, улсын баяр наадмаар “Зуун жилийн наадам” хэмээх судалгааны чиглэлийн дөрвөн ч ном гаргаж байжээ.

Нийслэлийн Засаг дарга “Зохион байгуулалтын арга хэмжээ авах тухай” А/76 дугаар захирамжаар Улаанбаатар хотын Орон сууцны хорооллын дундах авто болон явган зам, гэр хорооллын дундах мухар гудамж, орц гарц хааж шуурхай албаны автомашин зорчих боломжийг хязгаарлан байрлуулсан хашаа, хаалт, барилга байгууламжийг буулган чөлөөлж, нэвтрэх боломжийг бүрдүүлэх ажлыг 2015 оны 3 дугаар улиралд багтаан зохион байгуулахыг дүүргүүдийн Засаг дарга нарт даалгасан байна. Уг ажлыг зохион байгуулахтай холбогдуулан иргэн, аж ахуйн нэгж, байгууллагын эзэмшиж, ашиглаж, өмчилсөн газар нь зохих зөвшөөрөгдсөн хэмжээнээсээ хэтэрсэн эсэхэд хяналт тавьж, илэрсэн зөрчлийг тухай бүрт нь арилгах, дүүргийнхээ нутаг дэвсгэрт цаашид зохих байгууллагын зөвшөөрөлгүйгээр хашаа, хайс, хаалт, ТҮЦ, граж зэргийг байрлуулахгүй, барилга байгууламж бариулахгүй байх арга хэмжээ авч ажиллахыг дүүргүүдийн Засаг дарга нар, нийслэлийн Ерөнхий төлөвлөгөөний газарт, нийслэлийн Өмчийн харилцааны газарт тус тус үүрэг болгожээ. Захирамжийн хэрэгжилтэд хяналт тавьж, ажлын үр дүнг нийслэлийн удирдлагын зөвлөлийн хуралд 2015 оны 9 дүгээр сард багтаан танилцуулах юм байна.

1. Чихэрлэг, тослог багатай тараг – Тарагны бүтэц нь исгэлэн байгалийн гаралтай байдаг тул хямарсан гэдсэнд сайн эмч болдог. Та аль болох чихэргүй, энгийн тарагнаас 1 аягыг уугаад хэсэг хугацааны дараа үйлчилж байгааг мэдэх болно.

2. Нимбэгтэй ус, Халуун ус – Гэдэс хямраад, өтгөн хатаад, гэдэс дүүрээд дотор муухай оргиод байвал үүнд хамгийн сайн эмч бол халуун буцалсан ус байдаг гэдгийг мэдэх үү? 1 аяга цэвэр усыг буцалгаад халуунаар нь уух хэрэгтэй. Ингэснээр таны гэдэсний асуудлыг шийдэж, шулуун гэдэсний түгжрэлээс сэргийлдэг хамгийн сайн эмчилгээ болдог. Мөн өнөөдөр их хоол идэх гэж байгаа бол өглөө босоод нэг аяга нимбэгтэй ус уугаарай. Ингэснээр нимбэг нь таны ходоодонд хүчиллэг, шүлтийг үүсгэж өдрийн турш идсэн хоолийг тань хялбархан задлаж шингээдэг байна.

3. Улаан лооль – Дээрхийн адилаар хоол ихдээд эсвэл хурцдаад нэг л тавгүй байвал 1 ширхэг шинэхэн улаан лоолийг идээрэй. Улаан лооль нь калци, магниин агууламж ихтэй тул хүний биед хэрэгцээтэй байгаа эрдэс, бодис, амин дэмээр хангаж, цусны эргэлтийг сайжруулснаар гэдэсний гүрвэлзэх хөдөлгөөнийг ч хэвийн байдалд оруулах ид шидтэй ажээ.

4. Өргөст хэмх – Эслэг, фолийн, кальци, витамин В агуулдаг. Энэ нь ходоод, уушигны асуудалтай тулгараад байгаа хүмүүст нэн ач тустай. Өргөст хэмхний шүүс хэрэглэж загшвал цээж хорсох, ходоодны хүчиллэг, гастрит, шархлаа зэрэгт эмчилгээ болдог аж. Тиймээс их хэмжээний хурц, тостой хоол идэхээс өмнө өргөст хэмх, улаан лоолийн салат идэж заншаарай. Ингэснээр та аливаа тавгүйтэл, өвчин эмгэгээс сэргийлнэ.

Шинийн 1-ний өдөр буюу хоёрдугаар сарын 19-нд нийслэлд гал түймрийн 6, орон нутагт гал түймрийн 1 дуудлагатай байжээ.

Харин өчигдөр буюу шинийн 2-ны өдөр гал түймрийн 4, орон нутагт гал түймрийн 1 дуудлага Онцгой байдлын ерөнхий газарт ирүүлсэн байна.

Тухайлбал, Баянгол дүүргийн 23 дугаар хорооны “Зүүн-Ард-Аюуш”-ийн 8 дугаар гудамж, Баянзүрх дүүргийн 28 дугаар хорооны 3 дугаар хэсэг, Өмнөговь аймгийн Даланзадгад сумын Хан-Уул багт тус тус айл шатжээ.

Тиймээс Онцгой байдлын ерөнхий газраас гэрээ орхин гарахдаа цахилгаан хэрэгслүүдээ бүрэн унтраасан эсэхээ сайтар шалгаж байхыг анхааруулж байна.

Монгол түмний баяр Цагаан сарыг угтан амралтгүй ажилладаг үйлчилгээний байгууллагуудын зарим нь баярын дараа богино бус хугацаагаар амардаг. “Нарантуул” ОУХТ энэ сарын 19-нөөс 26-ныг дуустал амрах юм байна. Харин “Хархорин”, “Барс” 1, 2 зах энэ сарын 19-нөөс 22-ныг дуустал, “Хүчит шонхор” энэ сарын 19-нөөс 25-ныг дуустал амарна.

Сар шиний баярыг тохиолдуулан албан ёсоор бүх нийтээрээ амардаг билээ. Иймээс УИХ-аас 2013 онд Нийтээр тэмдэглэх баярын болон тэмдэглэлт өдрүүдийн тухай хуульд өөрчлөлт оруулснаар сар шинийн баяраар гурав хоног амардаг болсон юм. Харин энэ сарын 23-ны даваа гаригаас эхлэн ердийн цагийн хуваариар албан байгууллага аж ахуй нэгж, сургууль, цэцэрлэгүүд ажиллаж эхэлэх юм байна.