Онцгой байдлын ерөнхий газрын Гамшгийн шуурхай удирдлагын газраассар шинийн өдрүүдэд эрэн хайх, аврах ажиллагааны тухай мэдээллээ.
Дундговь аймгийн Адаацаг сумын 3 дугаар багийн нутаг “Тал булгийн-Адаг” гэдэг газар нутагладаг малчин А-н гэрээс Д /14 настай, эрэгтэй/ 2015.02.21-ний өдрийн 18.00 цагт гараад алга болсон тухай дуудлагыг 2015.02.21-ний өдрийн 22:34 цагт хүлээн авч Онцгой байдлын хэлтсийн 9 албан хаагч, орон нутгийн 40 иргэн эрэн хайх ажиллагааг зохион байгуулж 2015.02.22-ны өдрийн 10:32 цагт тус сумын 3 дугаар багийн нутаг “Түнтгэрийн бууц” гэдэг газар нутагладаг малчин С-н гэрээс эсэн мэнд олсон.
Сүхбаатар аймгийн Асгат сумын 2 дугаар багийн “Шивээт” гэдэг газар нутагладаг малчин М /41 настай, эрэгтэй/ 2015.02.20-ны өдрийн 23:00 цагт гэрээсээ гараад алга болсон тухай мэдээллийг 2015.02.21-ний өдрийн 12:40 цагт хүлээн авч тус сумын хэсгийн төлөөлөгч ахмад Дашзэвэгээр ахлуулсан 14 хүн эрэн хайх ажиллагааг зохион байгуулж 2015.02.22-ны өдрийн 17:00 цагт Дөхөм багийн нутаг “Агьт” гэдэг газраас цогцсыг олж сумын Цагдаагийн хэсгийн төлөөлөгч авч явсан.
Налайх дүүргийн 6 дугаар хорооны нутаг Тэрэлжээс баруун зүгт 5 км зайд шинээр баригдаж байгаа /МТ/ ШТС-ын орчмоос иргэн Б /37 настай, эрэгтэй/ төөрч алга болсон тухай дуудлагыг 2015.02.22-ны өдрийн 23:19 цагт хүлээн авч тус дүүргийн Онцгой байдлын хэлтсийн 19 албан хаагч эрэн хайх ажиллагааг зохион байгуулах явцад иргэн Б Баянзүрх дүүргийн 23 хороонд оршин суух дүү Ш гэдэг айлд ирсэн тухайгаа 2015.02.23-ны өдрийн 06:54 цагт утсаар мэдэгдсэн байна.
АНУ-ын Лос-Анжелес хотноо жил бүр зохиогддог кино урлагийн наадам болох “Оскар”-ын шагнал гардуулах ёслол тун саяхан өндөрлөлөө. 87 дахь удаагаа зохиогдож байгаа “Оскар”-ын наадамд нийтдээ найман кино өрсөлдөж эдгээр бүтээлүүдийг дэлгэцнээ амилуулахад хичээн зүтгэсэн жүжигчид, дүрс болон дууны найруулагчид, зохиолчид, зураглаач нар гэх мэт бүхий л уран бүтээлчид хэн нь шилдэг вэ гэдгээ сонслоо, зарлууллаа. “Америкийн мэргэн бууч”, “Бердмэн”, “Гран Будапешт”, “Стивен Хокингийн ертөнц” гэх мэтчилэн кинонууд энэ удаа өрсөлдлөө. Хэн гэдэг уран бүтээлч ямар төрөлд шагнал хүртсэнийг танилцуулъя.
Шилдэг кино: Мексикийн кино найруулагч “Алехандро Гонсалес Иньярриту” өөрөө зохиолыг нь бичиж найруулсан инээдмийн төрлийн “Бердмэн” хэмээх кино энэ жилийн шилдэг киноогоор заргалдлаа.
Сар шинийн баярын 2015.02.18-21-ний өдрүүдэд цагдаагийн байгууллагад гэмт хэргийн шинжтэй 149 дуудлага мэдээлэл хүлээн авч 129 гэмт хэргийн эзэн холбогдогчийг олж тогтоосон тухай ЦЕГ-аас мэдээллээ. 
Нийслэлийн Эрүүл мэндийн газар болон харъяа эмнэлэг, эрүүл мэндийн байгууллагууд 2015 оны 02 дугаар сарын 18-ны оройны 20 цагаас 2015 оны 02 дугаар сарын 23-ны өглөөний 09 цаг хүртэл үйлчилгээний бэлэн байдлыг ханган ажиллажээ. Баярын амралтын өдрүүдэд ямар нэгэн нийтийг хамарсан хоолны хордлого эмнэлгийн тусламж үйлчилгээнд ноцтой зөрчил гараагүй бөгөөд өрхийн эрүүл мэндийн төвөөр 1618 хүн үйлчлүүлсэн байна. Мөн амаржих газруудад 321 хүүхэд мэндэлж, 158 хүү 165 охин төржээ. Баярын өдрүүдэд 5741 яаралтай дуудлага ирснээс насанд хүрэгчид 4167, хүүхдийн 1574 дуудлага ирсэн байна. Үүнээс архины хордлогын дуудлага 360 байсан бол гэмтэл бэртэл 749 бүртгэгджээ. 
Шинийн тавны ажлын эхний өдөр Нийслэлийн нутгийн захиргааны байгууллагын албан хаагчид сар шинийн золголтоо хийлээ. Золголтод НИТХ-ын дарга Д.Баттулга, нийслэлийн Засаг дарга бөгөөд Улаанбаатар хотын захирагч Э.Бат-Үүл болон бусад удирдлагууд оролцлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. Энэ үеэр Улаанбаатар хотыг удирдаж байсан үе үеийн удирдлага, ахмадуудаа урьж хүндэтгэл үзүүлжээ. 
Сар шинийн баярын өдрүүдэд Улаанбаатар хотын Замын цагдаагийн газрын алба хаагчид өндөржүүлсэн бэлэн байдалд уртасгасан цагаар ажилласан гэж Улаанбаатар хотын Замын цагдаагийн газраас мэдээллээ.
Монгол хэлний тухай хуулийн төслийг сар шинийн өмнөхөн хэлэлцэн баталсан. Уг хууль нь уйгаржин монгол бичгийгтөрийн албанд түлхүү ашиглахаар тусгасан байна. Хууль санаачлагч УИХ-ын гишүүн М.Батчимэг “Монгол хэлний засаглалтай болно”хэмээн мэдэгдээд буй. Тэрбээр ярихдаа “Хүүхдийг нэгдүгээр ангид орсон цагаас нь эхлэн монгол хэл, уран зохиолын хичээлийг тасралтгүй, батлагдсан агуулгаар заадаг байх. Үүн дотроо ялангуяа гадаад хэлний сургалттай хувийн болон олон улсын сургуулиудад монгол хэлний хичээлийг нэгдүгээр ангиас нь төгстөл монгол хэлийг заадаг байх асуудлыг хуулиар зохицуулж байгаа. Өндөр төлбөр авч байгаа зарим хувийн сургуулиуд монгол хэлийг тавдугаар ангиас нь, зарим нь алдаг оног зааж байгаагаас болоод хүүхдийн эрх маш их зөрчигдөж байгаа. Гэтэл тэр хүүхэд монгол хэлээ сайн сураагүйгээс болоод ирээдүйд төрд ажиллаж чадахгүй, эсвэл шалгуур өндөртэй хувийн компанид ч ажиллаж чадахгүй байх нөхцөл байдал үүснэ шүү дээ. Түүнчлэн дотоодын их, дээд сургуулиудад суралцахад ямар мэргэжлээс үл хамааран монгол хэлний суурь шалгалт авдаг болох юм. Энэ нь хэлний төвшин сайжрахад их чухал нөлөө үзүүлнэ гэж үзэж байгаа. Цаашилбал, төрийн албан хаагчид, хэвлэл мэдээллийн байгууллагуудын ажилтнууд ч бас монгол хэлний шалгалт өгөх заалтыг оруулж өгнө. Түүнчлэн монгол хэлний хэрэглээг сайжруулах, гудамж талбай дахь хаягууд монгол хэлээр бичигдсэн байх гэх зэрэг тодорхой шаардлагуудыг оруулж өгч байгаа юм” хэмээн тайлбарлажээ.
Ерөнхий сайд Ч.Сайханбилэг Төрийн өмчийн хорооны дарга Ц.Нанзаддорж, Төрийн өмчийн хорооны Төрийн өмчийн бүртгэл, ашиглалт, хяналтын газрын дарга О.Сэр-Од нартай уулзаж, үүрэг даалгавар өгсөн юм.
Канадын оюутнууд шивээсийг ямар ч ул мөргүй, өвдөхгүйгээр арилгах тос зохион бүтээлээ гэж Independent хэвлэлд мэдээлжээ.