УИХ-ын Хууль зүйн байнгын хороо өнөөдөр үдээс хойш хуралдаж, хоёр асуудал хэлэлцэхээр тогтов.
Байнгын хорооны хуралдаанаар эхлээд Хуулийн этгээдийн улсын бүртгэлийн тухай хуулийн шинэчилсэн найруулгын төслийн эцсийн хэлэлцүүлгийг хийжээ. УИХ-ын гишүүн, ажлын хэсгийн ахлагч Ж.Батзандан хуулийн шинэчилсэн найруулгын төсөл болон холбогдох бусад хуульд нэмэлт, өөрчлөлт оруулах тухай хуулийн төслүүдийн анхны хэлэлцүүлгийг чуулганы нэгдсэн хуралдаанаар хийх явцад олонхын дэмжлэг авсан болон гишүүдээс гаргасан найруулгын чанартай саналуудыг нэгтгэн тусгаж төслийн эцсийн хувилбарыг бэлтгэсэн талаар Байнгын хорооны гишүүдэд танилцуулсан юм.
Ажлын хэсгийн танилцуулгатай холбогдуулан УИХ-ын гишүүн Д.Лүндээжанцан, Ц.Оюунбаатар нар асуулт асууж тодруулав. Ажлын хэсгийн ахлагч Ж.Батзандан гишүүдийн асуултад өгсөн хариултдаа, энэ хуулийн гол зорилго нь улсын хэмжээнд хуулийн этгээдийн бүртгэлийн нэгдсэн систем бүрдүүлэхэд чиглэж байгаа. Уг хууль батлагдсанаар хуулийн этгээдийн бүртгэлийн мэдээлэл ил тод болохын зэрэгцээ шат дамжлага цөөрч чирэгдэл багасна. Өмнө нь хуулийн этгээдийн улсын бүртгэл хийлгэхэд 12 бичиг баримт бүрдүүлж 8 шат дамжлагаар орж тав хоног зарцуулдаг байсан бол шинэ хууль батлагдсанаар улсын бүртгэлд цахимаар бүртгүүлэх, иргэд цахимаар мэдээлэл авах, төрийн байгууллагууд хуулийн этгээдтэй холбоотой мэдээллийг цахимаар солилцох боломжтой болох юм гэдгийг хэллээ.
Харин төслүүдийн эцсийн хэлэлцүүлэгтэй холбогдуулан үг хэлсэн УИХ-ын гишүүн Ц.Оюунбаатар улсын бүртгэлийн байгууллага нь хуулийн этгээдийн оноосон нэрээр тоглодог, үйлчлүүлэгчийн аль нэг талд орж үгсдэг явдлыг цаашид таслан зогсоох, аливаа асуудалд хариуцлагатай, шударгаар хандах, улсын бүртгэлийн ажилтнууд нь мэргэшсэн байх шаардлагатайг онцолж байв.
Ингээд УИХ-ын гишүүн Д.Ганбат Хуулийн этгээдийн улсын бүртгэлийн тухай хуулийн шинэчилсэн найруулгын төсөлтэй хамт өргөн баригдсан Гэрээт харуул хамгаалалтын тухай хуульд нэмэлт, өөрчлөлт оруулах тухай хуулийн төслийн 2 дугаар зүйлийн 1 дэх заалт буюу 5 дугаар зүйлийн 5.1 дэх хэсгийн “мэдэгдэнэ” гэснийг “бүртгүүлнэ” гэж өөрчлөх санал гаргасныг хуралдаанд оролцсон гишүүдийн дийлэнх олонх нь дэмжив. Мөн уг хуулийн төслийг дагалдан өргөн баригдсан бусад хуульд нэмэлт, өөрчлөлт оруулах хуулийн төслүүдийн эцсийн хэлэлцүүлгийг дэмжиж, энэ тухай санал, дүгнэлтээ чуулганы нэгдсэн хуралдаанд оруулж хэлэлцүүлэхээр болов.
Дараа нь Хүний эрхийн дэд хорооны даргыг сонгох тухай асуудал хэлэлцсэн юм. УИХ дахь МАН-ын бүлгээс тус дэд хорооны даргад УИХ-ын гишүүн Ё.Отгонбаярыг нэр дэвшүүлэхээр шийдвэрлэснийг УИХ-ын гишүүн С.Бямбацогт танилцуулсан бол МАХН-МҮАН-ын “Шударга ёс” эвслийн бүлгээс УИХ-ын гишүүн Ц.Оюунбаатарыг нэр дэвшүүлж буйг тус бүлгийн дарга Н.Батцэрэг танилцуулав. Нэр дэвшигчдийн танилцуулгатай холбогдуулан Байнгын хорооны гишүүдээс асуулт гараагүй бөгөөд харин УИХ-ын гишүүн Ц.Оюунбаатар, Б.Бат-Эрдэнэ, Ө.Энхтүвшин нар үг хэлсэн юм.
Ингээд санал хураалт явуулахад УИХ-ын гишүүн Ё.Отгонбаяр Байнгын хорооны хуралдаанд оролцсон гишүүдийн 70 хувийн санал авч Хүний эрхийн дэд хорооны даргаар сонгогдлоо.
Бэлхүүс орчмын бөөгнөрсөн өөх буюу харвин нь эрэгтэй эмэгтэй гэлтгүй хүнд таагүй мэдрэмж төрүүлж, гоо сайхныг гутааж байдаг. Мэдээж энд давхар эрүүл мэндийн асуудал яригдана.
Шүүх Г.Алтанхүүг найз бүсгүйнхээ үхэлд буруугүй гэж тогтоосон. Мэдээж охиныг нь архи уудаг, архичин байсан, үүнээс болж амиа алдсан гэдэг дүгнэлтэд талийгаачийн ар гэрийнхэн гомдолтой байгаа. Үхсэн хүн ямар үг хэлэх биш, сэжигтний тал өөрсдийнхөө талд асуудлыг шийдвэрлүүлж чадлаа хэмээн ард түмэн ч дургүйцлээ илэрхийлж байна. Шүүхийн шийдвэрийг хэрхэн хүлээн авсан талаар талийгаачийн өмгөөлөгч М.Арвинтариа дараахь тайлбарыг өглөө. ” Шүүхийн шинжилгээний үндэсний хүрээлэнгийн шинжээч эмч нарын дүгнэлтийг хүлээн зөвшөөрөхгүй, ямар нэгэн байдлаар худал дүгнэлт гарч байгаа талаар энэ хэргийг мөрдөж эхэлсэн цагаас бид мэдээлж байсан. Авлигатай тэмцэх газарт эмч нарыг хуурамч дүгнэлт гаргасан байж болзошгүй гэж шалгуулсан ч хэргийг хэрэгсэхгүй болгосон. Энэ хэргийг өмгөөлөх явцад цөөнгүй хүндрэл бэрхшээл тулгарч байсан. Жишээлэхэд, аливаа нэг хүсэлт гаргана хүлээж авахгүй. Гэмтэл, Согог судлалын үндэсний төвийн өвчтний түүх, бичгийг үзэе гэхэд үзүүлдэггүй гэх мэт зөндөө бэрхшээл тулгарч байсан. Тэгж байгаад л эцэст нь ийм заваарсан шийдвэр гаргуулж байгаа юм. Г.Алтанхүү болоод ар гэрийнхэн нь өмнө нь талийгаачийн ар гэрийнхэнтэй уулзаж, уучлалт гуйгаагүй. Харин шүүх хурлын үеэр ар гэрийнхнээс нь Г.Алтанхүү “Талийгаачтай цуг архи ууж, маргалддаг байсанд уучлаарай. Гэхдээ би амь насыг нь хохироогоогүй шүү” гэж байсан. Талийгаачийн өав, ээж нь хөдөө амьдардаг учраас шүүх хуралдаанд ирж амжаагүй. Ээжийнх нь бие охиноо алдсанаас хойш тун тааруу хэвээр байгаа” гэв. Тэд анхан шатны шүүхийн шийдвэрийг хүлээн зөвшөөрөхгүй байгаа тул дараагийн шатны шүүхэд гомдол гаргана гэлээ. 
Казахстан улсын Алмата мужийн хорих ангид хоригдож байсан Монгол Улсын иргэн Б.Билгүүн, С.Оюунзаяа нарыг ялтан шилжүүлэх хэлэлцээрийн дагуу өнгөрсөн сард эх оронд нь авчирсан байна. Тэднийг хар тамхи, сэтгэцэд нөлөөлөх эм бэлдмэлийг онц их хэмжээгээр бүлэглэн оруулж ирж, хадгалсан борлуулсан хэрэгт буруутган Казахстаны шүүхээс 17-19 жилийн хорих ял оноогоод байжээ. Б.Билгүүн, С.Оюунзаяа нарын ялыг эх оронд нь үргэлжлүүлэн эдлүүлэх юм. 
Найз бүсгүйгээ зодож амь насыг нь бүрэлгэсэн хэрэгт сэжиглэгдэж байгаа Г.Алтанхүүгийн гэм буруутай эсэхийг шүүх хурал өчигдөр Дүүргийн эрүүгийн хэргийн анхан шатны I шүүхэд болж өнгөрсөн билээ.
Ил тод байдлыг дэмжих тухай хуулийг яаралтай УИХ-аар хэлэлцүүлэн батлуулах чиглэлд МҮХАҮТ идэвхитэй ажиллаж байгаа юм. Энэ хүрээнд “Эдийн засгийн ил тод байдлыг дэмжих тухай хуулийн төсөл” хэлэлцүүлэг өнөөдөр МҮХАҮТанхимд боллоо. Тус танхимын ерөнхийлөгч Б.Лхагважав, МҮХАҮТ-ын дарга М.Оюунчимэг нар салбар, салбарын бизнесийн төлөөлөлтэй уулзаж, санал бодлыг нь сонссон юм. Хэлэлцүүлэгтбанк, банк бус санхүүгийн байгууллагууд, аудит, хууль эрх зүйн чиглэлээр зөвлөгөө, үйлчилгээ үзүүлдэг компаниудын төлөөлөл оролцлоо.
МАН-ын бүлэг өчигдөр ямар асуудлаар хуралдсан талаараа сэтгүүлчдэд мэдээлэл өглөө. Тус бүлэг Монгол Улсын 2015 оны төсвийн тодотгол, түүнтэй хамт өргөн мэдүүлэгдсэн хуулийн төслүүдийг хэлэлцээд зарим асуудал дээр байр сууриа нэгтгэжээ. Тухайлбал, Засгийн газар Төсвийн тогтвортой байдлын тухай хуульд өөрчлөлт оруулах хүрээнд өрийн хэмжээг ДНБ-ний 70 хувьд хүргэхээр оруулж ирснийг дэмжих боломжгүй, харин өнөөгийн төвшинд нь буюу 55.2 хувьд нь хадгалах ёстой хэмээн үзжээ.
Нийслэлийн Засаг даргын А/965 дугаар захирамжийн дагуу нийслэлийн Мал, тэжээвэр амьтдын 2014 оны тооллого явагдаж дууслаа. Эцсийн дүнгээр нийслэлийн мал сүргийн тоо 385364 хүрч, өмнөх оныхоос 17.1 хувиар өссөн үзүүлэлттэй гарчээ. Үүнээс хонин сүргийн тоо толгой хамгийн их буюу 158853, үхэр 76570, адуу 33864, ямаа 115923, тэмээ 154 хүрчээ. Хамгийн их малтай дүүргээр Багануур тодорсон бол хамгийн цөөн малтай нь Баянгол дүүрэг ажээ. 
Таван толгойн хэлэлцээр эхэлсэн нь шинэ оныэхний таатай мэдээ байлаа. Хэлэлцээр амжилттай болбол энэ ордод дөрвөн тэрбум ам.долларын хөрөнгө оруулалт орж ирнэ. Ам.долларын урсгал татарсан энэ үед үүн шиг таатай мэдээ гэж хаана байхав. Өчигдөр 11.00 цагаас эхэлсэн хэлэлцээ хийгчдийннэг тал нь Монголын Засгийн газар бол нөгөө тал нь Хятадын төрийн өмчит “Чайна Шинхуа энержи”, Японы “Сумитомо” корпораци, Монголын “Энержи ресурс”. Тэд Таван толгойн стратегийн хөрөнгө оруулагчдаар шалгараад байгаа. Тавантолгойн ордынолборлолт, тээвэрлэлт, борлуулалтын үйл ажиллагааг хариуцах компаниуд.Сайн чанарын коксжих нүүрсээрээ дэлхийд гайхагддаг энэ ордын өмчлөл нь төрд, менежмент нь нүүрсний зах зээлдээ толгой гэж яригдах компаниудад очих нь маш том давуу тал гэж эдийн засагчид онцолж буй. Хэлэлцээр амжилттай болбол өмнө хэлсэн шиг их хэмжээний хөрөнгө оруулалт хийгдэнэ. Төсөл хэрэгжих хугацаанд үндэсний компани нөлөөтэй хэвээр байна гэдэг онцлохоос аргагүй өнцөг. Өнөөг хүртэл Хятад гэсэн ганцхан зах зээлд зарагдажбайгаа Монголын нүүрсийгилүү үнэ хүргэж борлуулж болох гуравдагч зах зээлд гаргана гэсэн том зорилго бий. Хэлэлцээ амжилттай болбол сая дурдсан асуудлууд шийдлээ олно.