Манай орны ихэнх гол, мөрөнд битүү мөсөн бүрхүүл тогтож жижиг гол мөрөн ёроолдоо хүртэл хөлдсөн ч, мөсний даац хангалттай бэхжээгүй байгаа аж. Өвлийн дунд хэдийнэ эхэлсэн боловч цаг уурын дулаан уур амьсгалаас шалтгаалан өмнөх жилийн мөн үе болон олон жилийн дунджаас 10-25 см нимгэн мөсөн бүрхүүлтэй, мөсний даац хүн, мал, машин тэрэг явахад аюулгүй хэмжээнд хүрч бэхжээгүй байгааг албаны хүн онцлов.
Иймд ард иргэдийг мөс цөмрөх аюулаас урьдчилан сэргийлж, цаг хожих, зам товчлох зэргээр голын мөсөн дээгүүр явахгүйгээр баталгаатай зам гүүрээр зорчихыг байхыг онцгой байдлын газраас анхааруулж байна.
Нийслэлд үйл ажиллагаа явуулж буй иргэн, аж ахуйн нэгж байгууллагууд ойрын 50 метр газрын арчилгаа цэвэрлэгээг хариуцах үүрэг хүлээдэг.
Цагдаагийн байгууллагын алба хаагчид ирсэн мэдээллийн дагуу шалгалт хийж, их хэмжээний тарваганы арьс хууль бусаар хадгалж байсныг илрүүлжээ. Шалгалтаар нийслэлийн Баянгол дүүргийн 11 дүгээр хорооны нутаг дэвсгэрт иргэн Э хашаандаа 3100 ширхэг тарваганы арьс хадгалж байсан аж.
Монголын Сэтгүүлчдийн Нэгдсэн эвлэлээс 2014 оны шилдэг хэвлэл мэдээллийн байгууллагуудыг тодрууллаа.
Францын Парис хотноо болсон аймшигт халдлага дэлхий нийтийг цочроолоо. Тус хотын “Шарли Эбдо” сэтгүүлийн газарт зэвсэглэсэн этгээдүүд халдаж 12 хүний амийг хороож, 11 хүнийг шархдуулсан явдал өчигдөр болсон юм. Амиа алдсан хүмүүсийн 10 нь сэтгүүлч, хоёр нь цагдаагийн ажилтан байлаа. Зэвсэгт этгээдүүд сэтгүүлийн байр луу дайрч орсныхоо дараа шууд л галлаж эхэлсэн гэж гэрчүүд ярьжээ. Өчигдөр тус улсад орон даяар онц байдал зарласан. Ерөнхийлөгч Франсуа Олланд ойрын хугацаанд дахин ийм төстэй халдлага гарч болзошгүйг иргэддээ сэрэмжлүүлэв.
“Шарли Эбдо” сэтгүүл нь энэ долоо хоногийн дугаартаа “2022 онд муслимууд Францын Засгийн эрхэнд гарах нь” номыг бичсэн зохиолч Мишель Оллелебекийг зочноор урьж оролцуулсан нь халдлагад өртөх шалтгаан болсон байж магадгүй гэсэн таамаглалыг албаныхан дэвшүүлжээ. Террористуудын нэг нь сайн дураараа бууж өгсөн талаар олон улсын хэвлэлүүд мөн мэдээлж байна. 18 настай Хамид Мурад гэгч нь цагдаагийнханд өөрийгөө хүлээлгэн өгчээ. Харин тэдний ах болон дүү нар хаана байгаа нь тодорхойгүй байна. Тэдний зургийг тарааж эрэн сурвалжилж байгаа юм. Алан хядагчид хүмүүсийг хороож байхдаа “Аллах акбар. Бид гэгээнтний өшөөг авч байна” хэмээн хашгирч байжээ. Оросын Ерөнхийлөгч Владимир Путин Парист болсон халдлагатай холбогдуулан Францын Ерөнхийлөгч Франсуа Олландад эмгэнэл илэрхийлэн, терроризмын аюултай хийх тэмцэлд идэвхтэй хамтран ажиллахад бэлэн байгаагаа илэрхийлсэн байна.
Францын ерөнхийлөгч Франсуа Олланд улсын хэмжээнд гашуудал зарлаад байна. Улсынхаа тугийг гурав хоногийн турш хагас налуутай буулгах зарлигийг мөн гаргалаа. Парис хотод төдийгүй дэлхийн бусад томоохон хотуудад хэвлэлийн эрх чөлөөний төлөө иргэд жагсаж эхэлжээ. Тухайлбал, Мосвка, Вашингтон, Лондон, Токио хотноо “Бид айхгүй байна, Би бол Шарли” гэсэн лоозон барьсан иргэд жагсаж байна. Парис хотод 30 мянга гаруй хүн ийнхүү эсэргүүцлээ илэрхийлж байгаа аж. Түүнчлэн цахим ертөнцөд хэвлэлийн эрх чөлөөг шаардсан хөдөлгөөн өрнөж эхэллээ. “Би бол Шарли” гэсэн шошго бүхий профайл зургийг олон зуун хүн сонгожээ.
Монголын нэн ховор амьтны нэг болох бөхөн гөрөөсний тоо толгой сүүлийн жилүүдэд өсөж, 13,800 хүрчээ.
Төсөв мөнгө хэмнэх зорилгоор төрийн байгууллагын шат шатанд 15 хувийн цомхотгол хийх шийдвэрийг гаргасан. энэ шийдвэртэй холбогдуулан ажилгүйчүүдийн эгнээ нэмэгдэх нь. Үндэсний статистикийн хорооноос гаргасан судалгаагаар ажилгүйдлийн төвшин 6.4 хувьтай байна. Өнгөрсөн онд НДЕГ-аас гаргасан судалгагаар ажилгүйдлийн даатгалын сангаас тэтгэмж авсан иргэдийн тоо өмнөх оноосоо хоёр дахин нэмэгдсэн, ажилгүйдлийн тэтгэмжид зарцуулсан хөрөнгийн хэмжээ 2.5 дахин нэмэгдсэн нь ажилгүйдэл өндөр байгааг харуулсан үзүүлэлт юм байна. Нөгөө талаас 2014 онд хөдөлмөр эрхлэлтийн албанд 90 орчим мянган ажлын байрны захиалга ирсэн бол зуучилсан ажлын байрны тоо 45 мянга байгаа аж. Энэ нь ажлын байрны захиалгын 50 хувьд л үйлчилгээ үзүүлж байна гэсэн үг.
Ухаалаг гар үйлдвэрлэгч Моторола компани ирэх хоёрдугаар сараас эхлэн дахин Хятадын зах зээлд өрсөлдөхөөр болсон тухайгаа мэдэгджээ. Ингэхдээ “Moto X”, “Moto X Pro” “Moto G” гэсэн гурван шинэ бүтээгдэхүүнтэйгээр эргэн ирэх гэнэ. Гэхдээ эдгээр бүтээгдэхүүн ямар үнэтэй худалдаалагдах талаар хараахан зарлаагүй байгаа аж.
Энэ сарын 22-ноос 29-ний өдрийн хооронд (52 дугаар долоо хоногт) улсын хэмжээнд 100311 хүн амбулаториор үйлчлүүлсний 9463 (9.4%) нь томуу, томуу төст өвчнөөр өвчилсөн байна.