Month: January 2015

Энэ онд төрийн албан хаагчдын цалинг нэмэхгүй байх шийдвэрийг Шийдлийн Засгийн газар гаргаад байгаа. Харин энэ шийдвэрийг ньэсэргүүцэж боловсрол, эрүүл мэндийн салбарт ажиллагсад Чингэсийн талбайд жагсав. Тэд цалинг 60-аас багагүй хувиар нэмэхийг шаардаж байгаа юм байна.

Засгийн газар хасах, танах ажлаа иргэдээс биш төрийн өндөр албан тушаалтны тансаглалаас эхлэх ёстой гэж үзэж байгаагаа жагсагчид илэрхийлж байгаа юм. Тэд цалинг 60 хувиар нэмэх тооцооллыг гаргахдаа төгрөгийн ханшийн уналт, инфляцийн түвшинтэй харьцуулсан бөгөөд ингэж нэмэхгүй бол төрийн албан хаагчид өрнөөс өрний хооронд амьдарч амьжиргааны түвшин буурсаар байх болно хэмээн үзэж байгаа аж.

Нийслэлийн ИТХ-ын ээлжит 21 дүгээр хуралдаанаар Нийслэлийн 2015 онд Концессоор хийж хэрэгжүүлэх ажлын жагсаалтыг баталсан. 2015 онд нийслэлд барилга байгууламж, орон сууц, Авто зам, тээвэр, Боловсрол, биеийн тамир,соёл урлаг, спорт, Эрүүл мэнд, Инженерийн дэд бүтцийн салбарт нийт 37 зүйлийг хийхээр төлөвлөж байна. Нийслэлийн Эдийн засгийн хөгжлийн газраас ирүүлсэн мэдээллээр тус жагсаалтыг дэлгэрэнгүй танилцуулж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлд үйл ажиллагаа явуулж байгаа иргэн, аж ахуйн нэгж байгууллагууд орчмын 50 метр газрын арчилгаа цэвэрлэгээг хариуцаж ажиллах үүрэг хүлээдэг. Энэ тухай НИТХ-ын тогтоолд иргэн, аж ахуйн нэгж гаднах 50 метр газрын арчилгаа цэвэрлэгээ болон цас мөсийг цэвэрлэх тухай тодорхой зааж өгсөн байдаг. “Нийтийн үйлчилгээний Улаанбаатар нэгтгэл” ОНӨААТҮГ-ын Дотоод хяналтын мэргэжилтнүүд Энхтайваны өргөн чөлөө дагуу үйл ажиллагаа явуулдаг 325 байгууллагад цас мөсөө цэвэрлэж, хальтиргаа, гулгаагүй байлгах мэдэгдэл тараасан юм. Уг үүргээ биелүүлээгүй, хариуцсан 50 метр газрынхаа цас мөсийг цэвэрлээгүйгээс иргэд гэмтэж бэртсэн тохиолдолд тухайн аж ахуйн нэгжээс нэхэмжлэл хүсэх эрхтэй болохыг сануулж байна гэж

Энэ жил дэргэдээ цэцэрлэг байгуулах албан байгууллагын хүсэлтийг гуравдугаар сарын 1-ний дотор хүлээж авна.Сүүлийн хоёр жилийн дотор томоохон албан байгууллагууд дэргэдээ цэцэрлэг байгуулах хүсэлтийг Нийслэлийн боловсролын газарт багагүй ирүүлэх болжээ. Цэцэрлэг байгуулах хүсэлтийг Нийслэлийн боловсролын газраас гуравдугаар сарын 1-ний дотор хүлээж аваад, судалгаа явуулдаг байна. Өнөөдрийн байдлаар томоохон их дээд сургууль, худалдаа үйлчилгээний сүлжээ компаниуд дэргэдээ цэцэрлэг байгуулан ажилчдынхаа хүүхдүүдийг авч байгаа юм.

Нийслэлийн Сүхбаатар дүүргийн Иргэдийн төлөөлөгчдийн хурал өнгөрөгч оны сүүлчээр хуралдаж /2014-12-18/ нэгэн шийдвэр гаргасан байна. Тус хурлаар дүүргийнхээ бэлгэ тэмдгийг өөрчлөх шийдвэр гаргасан аж. Дүүргийн шинэ бэлгэ тэмдгийг энэ оны 1 дүгээр сарын 1-нээс хэрэглэж эхлэх юм байна. Тиймээс дүүргийн харъяа хэлтэс, алба, байгууллага, ААН, иргэдэд бэлгэ тэмдгийг хэрэглэх журмыг тарааж эхэлжээ.

Монголд анх удаа цахилгаан унадаг дугуй болон мопед үйлдвэрлэн “Унадаг дугуйтай Улаанбаатар” төслийг дэмжин ажиллаж байгаа “Никель Ганбаа” компанийн залуус нэгэн сайн үйлсийн аяныг эхлүүлжээ. Тэд сүүлийн нэг жилийн хугацаанд хөгжлийн бэрхшээлтэй иргэдийн хэрэгцээнд зориулан тэргэнцэр дотооддоо үйлдвэрлэж байгаа юм. Тэд бүтээгдэхүүнээ өндөр чанартай үйлдвэрлэж эдэлгээ удаан байх талаас нь анхаарч байгаа талаар ярьж байлаа.

“Никель Ганбаа” компанийн залуус эдгээр бүтээгдэхүүнийхээ дээжээс буюу нийт 50 ширхэг тэргэнцрийг хандивын аян өрнүүлж тэргэнцэр нэн шаардлагатай байгаа хөгжлийн бэрхшээлтэй иргэдэд бэлэглэх юм байна.

Өнгөрсөн удаад нийт таван хүнд тэргэнцэр бэлэглэсэн бол өнөөдөр хандивын анхны албан ёсны арга хэмжээ зохион байгуулж дараагийн таван хүнд хамгийн хэрэгцээтэй унааг нь бэлэглэх юм.

Тэргэнцэр бүтэх зардал нэлээд өндөр байдаг аж. Учир нь нэгээс хоёр жилийн эдэлгээ даах бүтээгдэхүүн нэг сая орчим төгрөгийн үнэтэйгээр бүтдэг юм байна. Гэхдээ энэ нь хөгжингүй оронд үйлдвэрлэдэг сайн чанарын тэргэнцэртэй харьцуулахад үнийн хувьд хямд ч чанраар бол тэдэнтэй энэ зэрэгцүйц байгаа аж.

Хэдийгээр манай улсад урд хөршөөс орж ирсэн чанар муутай тэргэнцрүүд хямдаар зарагддаг ч эдгээр нь ердөө нэгээс хоёр сарын эдэлгээтэй байдаг гэнэ. Түүнчлэн хэрэглэгчийн биеийн онцлог, хэмжээнд нь таардаггүй зэрэг олон дутагдалтай байдаг гэнэ.

Тэд “Nikel Ganba Winter Charity”-г гуравдугаар сар хүртэл үргэлжлүүлэх бөгөөд энэ хугацаанд нийт 50 хүүхэд, томчуудад өөрийнх нь онцлогт тохирсон чанартай тэргэнцрийг бэлэглэх зорилготой байгаа аж. Мөн https://www.facebook.com/nikelganba цахим хуудсаар зочлон энэхүү хандивын аяны талаар дэлгэрэнгүй мэдээллийг авч болох нь ээ.

“Nikel Ganba Winter Charity” хандивын анхны үдэшлэг өнөөдөр 22.00 цагт VLVT клубт болно. Өнөөдрийн үдэшлэгээр залуус 4.9 сая төгрөг олох зорилготой бөгөөд энэхүү мөнгөөрөө таван иргэнд тэргэнцэр хийж бэлэглэх юм байна.

Ява тэнгист сүйрсэн AirAsia компанийн онгоцны хар хайрцагных байж болох дуут дохио илрүүлснийг эрлийн багийнхан мэдээлжээ. Өмнө нь олон улсын хамтарсан эрлийн баг “Airbus A320-200” онгоцны сүүл хэсгийг Ява тэнгисийн 30 гаруй метрийн гүнээс олж илрүүлсэн юм. Онгоцны сүүл хэсэгт хар хайрцаг болон нисгэгчийн бүхээгний дуу хураагуурыг байршуулдаг аж. Түүнчлэн тэнгисээс 40 орчим зорчигчийн цогцосыг олж гаргаад байгаа юм.

AirAsia компанийн “QZ8501” нислэг өнгөрсөн арванхоёрдугаар сарын 28-нд Ява тэнгист унаж сүйрсэн юм. Индонезийн Сурабая хотоос Сингапур хүрэх нислэгт 162 хүн зорчиж явжээ.