Нийслэлийн Засаг даргын “Мэдээллийн ил тод байдлыг хангах тухай” А/606 дугаар захирамжийн дагуу нийслэлийн удирдлагуудын гадаад, дотоодод ажилласан томилолтын зардлын тайланг олон нийтэд мэдээлдэг. ХБНГУ-ын Цагдаагийн байгууллагын олон нийтийн аюулгүй байдлыг хангах, нийтийн хэв журам хамгаалах үйл ажиллагааны туршлагыг судлах, холбогдох байгууллагуудтай харилцаа тогтоох зорилгоор Нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл, нийслэлийн ЗДТГ-ын Хууль, эрх зүйн хэлтсийн дарга С.Отгонгэрэл, Улаанбаатар хотын Цагдаагийн газрын дарга Ч.Болдбаатар, Хамгаалалт, төлөвлөлт хариуцсан ахлах офицер В.Даваадорж, Замын цагдаагийн газрын Замын хөдөлгөөний аюулгүй байдлын хангах асуудал хариуцсан дарга Ц.Ариунболд, нийслэлийн Засаг дарга бөгөөд Улаанбаатар хотын Захирагчийн туслах Э.Сурахбаяр нар 2014 оны 12 дугаар сарын 10-17-ны өдрүүдэд ажилласан байна. Төлөөлөгчдийн зардлыг дэлгэрэнгүй танилцуулъя гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Нислэгийн тийз: УБ-Берлин-УБ *6 хүн* нэг бүрийн үнэ 2 040 800 төгрөг- нийт 12 244 800 төгрөг
Зочид буудал: 6 хүн*7 хоног – хүн тус бүр 160 ам.доллар- нийт үнэ 6720 ам.доллар
Зам хоногийн зардал: 6 хүн*7 хоног- хүн тус бүр 50 ам.доллар- нийт үнэ 2100 ам.доллар
Визний хураамж: 5 хүн* хүн тус бүр 60 евро- нийт 300 евро
Нийт : 12 244 800 төгрөг, 8 820 ам.доллар, 300 евро
/Гадаад валютыг Монгол банкны тухайн өдрийн ханшаар тооцно/
Азийн Хөлбөмбөгийн Холбооноос зохион байгуулдаг Азийн цомын 16 дахь тэмцээн нэгдүгээр сарын 9-31-ний хооронд Австрали улсад зохион байгуулагдаж байна. Энэ тэмцээний цомын эзэн баг 2017 онд ОХУ-д болох Олон Улсын хөлбөмбөгийн холбооны холбоодын цомын тэмцээнд оролцох эрхтэй болно.
Урт хугацааны өвлийн амралт эхэлж байгаатай холбоотойгоор оюутан, залуучуудын дунд хамгийн их эрэлт хэрэгцээтэй байгаа зүйл бол цагийн ажил юм.
Шинэ үндсэн хуулийн 23 жилийн ойд зориулсан бөхийн барилдаан маргааш буюу нэгдүгээр сарын 13-ний өдөр Монгол бөхийн өргөөнд 14 цагаас эхэлнэ. Тус барилдаанд улс аймгийн алдар цолтой 224 бөх зодоглох ажээ. Уг барилдаан нь жил бүр уламжлал болгон зохиогддог бөгөөд өнгөрсөн жилийн барилдаанд Улсын гарьд Д.Рагчаа түрүүлж байсан билээ.
Засгийн газрын 11-11 төвд татвар, халамжийн таналттай холбоотой гомдол мэдээлэл сүүлийн өдрүүдэд зонхилж байна. Үүнд, эхийн одонгийн мөнгийг эхчүүддээ олгох хэрэгтэй, хүүхдийн мөнгийг танахыг эсэргүүцсэн гомдол хамгийн их байгаа аж. 
-ҮНДСЭН ХУУЛИЙН УГ ЭХИЙГ ДОЛОО ХОНОГИЙН ХУГАЦААНД ОЛОН НИЙТЭД ҮЗҮҮЛНЭ-
Хорват улсын төрийн тэргүүнээр анх удаа эмэгтэй хүн сонгогдлоо. Хорватын ерөнхийлөгчийн сонгуульд сөрөг хүчний нэр дэвшигч Колинда Грабарь-Китарович ялалт байгуулжээ. Өдгөө 46 настай Колинда Грабарь-Китарович өрсөлдөгчөөсөө нэг хувийн саналаар илүүрхэн ялалт байгуулсан аж. Харин Ерөнхийлөгч Иво Ёсипович нэгхэн хувийн саналаар ялагдал хүлээснээр улиран сонгогдож чадаагүй байна. Өдгөө 57 настай Ивао Ёсипович 2010 онд Хорватын Ерөнхийлөгчөөр сонгогдсон аж. Хорватын ерөнхийлөгчийн сонгуулийн сонгогчдын ирц 58.9 хувьтай байжээ. Энэ сонгууль нь 2015 оны сүүлээр явагдах парламентын сонгуулийн урьдчилсан сунгаанд тооцогддог аж.
Монгол Улсын Ардчилсан, шинэ Үндсэн хууль батлагдсаны 23 жилийн ойн өдөрт зориулсан Шатар сонирхогчдын улсын аварга шалгаруулах тэмцээн Төрийн ордонд хоёр өдөр үргэлжилж, өчигдөр өндөрлөлөө.
Зам засвар, шинэчлэлийн чиглэлээр Дүүргүүдэд 9,843,4 сая төгрөгийн зам засварын ажил хийгдэнэ Нийслэлийн төсвийн хөрөнгөөр 2015 онд Баянгол, Баянзүрх, Чингэлтэй, Сүхбаатар, Сонгинохайрхан, Хан-Уул дүүрэг тус бүрт 1,500,0 сая төгрөг, Багануур дүүрэгт 367,2 сая төгрөг, Багахангай дүүрэгт 108,6 сая төгрөг , Налайх дүүрэгт 367,6 сая төгрөгийн санхүүжилтээр төв замын засвар болон хороолол доторхи зам засвар шинэчлэлтийн ажил хийхээр шийдвэрлэсэн байна. 
