Монголын залуучуудын холбоо нь залуучуудыг нэгтгэх, тэдний оролцоог нэмэгдүүлэх үүднээс дэргэдээ холбоо, зөвлөл, хороо, клубуудыг үүсгэн байгуулж өдрөөс өдөрт хүрээгээ тэлсээр байна.
Одоогоор Монгол Улсын 21 аймаг, 320 сум, есөн дүүрэгт салбартай, дэргэдээ хуульзүй, хөдөлмөр эрхлэлт, эрүүл мэнд, спорт, соёл урлаг гэх мэт мэргэжлийн 16 хороо, 20 гаруй клубтэй бөгөөд мэргэжил мэргэжлийнхээ чиглэлээр үйл ажиллагаагаа тасралтгүй явуулж эхэллээ.
Тэгвэл энэ удаад “Залуу маркетеруудын хороо”-г шинээр байгуулах гэж байна. Энэ хороо нь тухайн чиглэлийн залуусын асуудлыг хөндөж гаргах, түүнийг хэрхэн шийдвэрлэх гарц олох, хамтдаа хөгжих, мэргэжлийн цар хүрээгээ тэлэх, түүнийг нийгэмд таниулах чиглэлээр үйл ажиллагаа явуулахаар залуусын оролцоог нэмэгдүүлэх, хамтран ажиллах боломж бололцоог бүрдүүлэх зорилготой аж.
Тиймээс энэ чиглэлээр суралцаж буй оюутан залуус, маркетингийн менежерүүд, судлаачдыг уг хороонд нэгдэхийг уриалж байгаа юм байна.
Монголын залуучуудын холбооны дэргэдэх хороод нь улс төр шашны үйл ажиллагаанаас ангид байж хүний эрхийг дээдлэн ил тод байж, хараат бус бие даасан үйл ажиллагаа явуулах бөгөөд тухайн хороонд 16-39 насны залуус хамрагдах боломжтой.
Чойбалсан хотын хэмжээнд золбин нохой ихсэж байгаатай холбогдуулан Хэрлэн сумын ЗДТГ-аас нохой устгалыг эхлүүлж байна. Нохой устгалаар устгасан нохойг худалдан авах цэгийг багуудад байгуулж буй бөгөөд нэг нохойг 6300 төгрөгөөр үнэлж худалдан авах аж.
Мэргэжлийн сумогийн 70 дахь их аварга Харумафүжи Д.Бямбадоржийг Говь-Алтай аймаг “Хүндэт иргэн”-ээрээ өргөмжилжээ. Говь-Алтай аймгийн Иргэдийн төлөөлөгчдийн 2015 оны нэгдүгээр сарын 26-ны өдрийн хурлаар дээрх шийдвэрийг гаргажээ. Сумогийн их ертөнцөд Монгол Улс болон Говь-Алтай аймгаар цоллуулж аймаг орон нутгаа тив, дэлхийд сурталчлахад үнэтэй хувь нэмэр оруулахын зэрэгцээ төрсөн нутаг Чандмань сумандаа хүмүүнлэгийн болон бүтээн байгуулалтын ажил хийж гүйцэтгэсэнд талархаж ийн шагнажээ. 
Одоогийн аймаг цэргийн цолтой болон залуу бөхчүүдийн барилдаан аль далаад оны үеэс эхтэй юм гэдэг. Анагаахын зааланд хийдэг байснаас анагаахын барилдаан хэмээн нэршиж, дараагийн үеийн олон алдартнуудыг их дэвжээнд гарах замд тоссон томоохон шалгуур, дэм тус болж байв. Энэ барилдааны загалмайлсан эцэг гэгддэг бөх тайлбарлагч, өвгөн бичээч Готовын Баярцэнгэл агсан олон жил энэ барилдааныг тайлбарлаж, цуваа дүйзийг тэмдэглэн үлдээсэн байх юм. Түүний таван сайхан цуврал бүтээлийн үнэ цэнэ цаашид улам өсөх биз ээ. Барилдаан бүрийн нягтлан бүртгэж явсан энэ буурал залуучуудын барилдааныг хүртэл алгасахгүй үзэж, тэмдэглэн хөтөлж ирсэн түүхтэй. Түүний бүтээлээс өнөө болоод, өчигдөрийн сайчууд хэрхэн тодорсныг тод томруунаар харж болох билээ. 
Улаанбаатар хотын Цагдаагын газрын Замын цагдаагийн газраас гаргасан судалгаагаар сар шинийн баярыг угтсан өдрүүдэд хөдөө орон нутгаас Улаанбаатар хотруу дунджаар 100 мянга орчим тээврийн хэрэгсэл орж ирдэг. Тэдгээр тээврийн хэрэгслүүд орон нутгийн зам болон хотод замын хөдөлгөөний дүрмийг баримтлаагүйгээс зам тээврийн осолд өртөх тохиолдол эрс нэмэгддэг байна. Мөн зогсоолын талбайн хүрэлцээ муутайгаас томоохон худалдааны төвүүд, зах орчим тээврийн хэрэгслийн бөөгнөрөл үүсч бусад замын хөдөлгөөнд оролцогч нарт хүндрэл, саатлыг бий болгодог. 
Монгол Улсаас тэр тусмаа нийслэл Улаанбаатарын нутаг дэвсгэрээс эрэгтэй хүний занданшуулсан шарил олджээ. Шарлыг Шүүхийн шинжилгээний үндэсний хүрээлэнд өчигдөр 18:30 цагийн үед Цагдаагийн Ерөнхий газраас хүлээлгэн өгч, хамгаалалтад авчээ. Гэхдээ бүртгэлд Сонгинохайрхан дүүргээс хэмээсэн байгаа ч зарим эх сурвалж Баянзүрх дүүргийн нутаг дэвсгэрээс ширэнд боодолтойгоор олдсон хэмээж байгаа юм
Засгийн газрын хуралдаанаар “Улаанбуудайн талаар авах зарим арга хэмжээний тухай” Засгийн газрын тогтоолд өөрчлөлт оруулж нэг тонн тутамд олгох улаанбуудайн урамшууллыг 70 мянган төгрөг байхаар тогтоосон байна. Өмнө нь нэг тонн улаанбуудайн урамшуулалд 100 мянган төгрөгийн урамшууллыг олгодог байсан юм. Энэ жил 439 мянган тон улаанбуудайн хураан авснаас тариалан эрхлэгчдийн дэмжих санд 300 орчим тонныг нийлүүлсэн юм. Тариалан эрхлэгчдийн санд стандартын шаардлага хангасан хүнсний улаанбуудай нийлүүлсэн тариаланчдад мөнгөн урамшууллыг олгодог билээ. Өнгөрсөн онд импортын улаанбуудайн хэмжээнээс хамаарч тариалан эрхлэгчид жагсаал, цуглаан хийж, импортоор авах улаанбуудайн хэмжээг багасгаж байсан. Харин он гарсны дараа гурилын үйлдвэрүүд импортоор улаанбуудай нэмж авч, гурилынхаа цавуулаг чанарыг сайжруулах шаарлагатай байгааг хэлж эхэлсэн. Гурилын үйлдвэрүүд импортын улаанбуудайн хэмжээг нэмэгдүүлэх мэдээлэлтэй зэрэгцэн тариалан эрхлэгчдэд олгох урамшууллын хэмжээг багасгах шийдвэрийг Засгийн газар гаргалаа.
Өнөөдөр УИХ-ын байнгын хороодын хуралдаан болно.
Монгол Улсын Ерөнхийлөгч Ц.Элбэгдорж өнөөдөр 11:20 цагт Төрийн ордонд сэтгүүлчдэд мэдээлэл хийхээр боллоо. Төрийн тэргүүний хувьд цаг үеийн асуудлаар мэдээлэл хийхээр болоод байгаа юм байна. 
Олон нийтийн сүлжээ “Facebook”, “Instagram” сайтууд өнөөдөр (I.27) бүтэн цагийн хугацаанд доголдож саатсан билээ. Тэгвэл энэ нь хакеруудын дайралт байсныг “Lizard Squad” нэртэй бүлэглэл мэдэгджээ. Түүнчлэн тэд “Tinder”, “MySapce”, “AIM”, “Hipchat” сайтуудыг ч “шоглож” үйл ажиллагааг нь тасалдуулсан гэнэ. Өмнөх өдөр нь тус хакерын бүлэглэл Малайзын агаарын тээврийн компанийн вэбсайтыг хакердсан юм. “Lizard Squad” нь “Исламын улс” зэвсэгт бүлэглэлтэй холбоотой аж.