Монгол Улсын Ерөнхий сайдын ивээл дор ес дэх жилдээ уламжлал болгон зохион байгуулагдаж буй “Монголд үйлдвэрлэв, Цагаан сар-2015” үзэсгэлэн худалдааны албан ёсны нээлт өнөөдөр “Мишээл экспо”-д боллоо.
Нээлтийн арга хэмжээнд Аж үйлдвэрийн сайд Д.Эрдэнэбат, Хүнс хөдөө аж ахуйн сайд Р.Бурмаа болон бусад холбогдох албаны хүмүүс оролцсон юм.
Энэ үеэр сайд Д.Эрдэнэбат хэлсэн үгэндээ “Монгол Улс өнөөдөр гурван сая дахь иргэнээ өлгийдлөө. Хүн нэмбэл хүнс нэмнэ гэдэг. Тэгэхээр бид улам бүр өсөн нэмэгдэж буй хэрэгцээгээ дотоодын бүтээгдэхүүнээр хангаж, хамтдаа бүтээж, хамтдаа сайхан амьдарцгаая. Хэдийгээр эдийн засгийн хүндрэлтэй жил тохиосон ч энэ нь нэг талаараа бидэнд боломж олгож байгаа юм. Өөрөөр хэлбэл, энэ хүндрэлийг бид үйлдвэрлэгчдээ дэмжиж, хамтын хүчээр даван туулах болно” хэмээн онцолсон юм. Мөн үйлдвэрлэгчидтэй уулзаж, тэдний санал, бодлыг хуваалцав. Түүнчлэн Аж үйлдвэрийн сайд Д.Эрдэнэбат худалдан авалт хийж, үндэсний үйлдвэрлэлээ дэмжсэн юм.
Үзэсгэлэн худалдаа ирэх сарын 04-ий өдрийг хүртэл “Мишээл экспо”-дүргэлжилнэ. “Драгон төв”, Үндэсний үйлдвэрийн худалдааны төв буюу хуучнаар /Шөнийн зах/ болон нийслэлийн төвийн зургаан дүүрэгт Цагаан сарын сарын баяр хүртэл зохион байгуулагдаж байгаа юм. Үзэсгэлэн худалдаанд нийт 800 гаруй аж ахуйн нэгж оролцож, байгаагаас “Мишээл экспо” 226, Үндэсний үйлдвэрлэлийн худалдааны төв буюу хуучнаар /Шөний зах/ 140, “Драгон” төв 40 гаруй, Нийслэлийн төвийн зургаан дүүрэгт 400 гаруй аж ахуйн нэгж тус тус оролцож байна.
Энэ удаагийн үзэсгэлэн худалдаа нийслэлийн төвийн зургаан дүүрэгт зохион байгуулагдаж байгаагийн зэрэгцээ байнгын ажиллагаатай Үндэсний үйлдвэрийн худалдааны хоёр төвийг ашиглалтад оруулж байгаараа онцлог юм.
Түүнчлэн үзэсгэлэнд, худалдаалагдаж байгаа бараа бүтээгдэхүүнүүд үйлдвэрийн үнээрээ зарагдаж байгаад иргэд таатай байна гэв. Тэр ч бүү хэл зарим үйлдвэрийн бараа бүтээгдэхүүн 50 хувь хүртэл хямдарчээ.
Энэ удаагийн үзэсгэлэн худалдааны Ерөнхий зохион байгуулагчаар Монгол Улсын Аж үйлдвэрийн яам, Хүнс, хөдөө аж ахуйн яам, НЗДТГ оролцож байна.
Монгол Улсын Ерөнхийлөгч Ц.Элбэгдорж өнөөдөр Монгол Улсын гурван сая дахь иргэний гэр бүлийнхэнтэй утсаар ярьж баяр хүргэлээ. Төрийн тэргүүн гурван сая дахь иргэний аав Э.Хатанболд, ээж Г.Аззаяа нарт чин сэтгэлийн мэндчилгээ дэвшүүлж шинэ төрсөн охинд эцэг, эхийнх нь хүсэлтээр МОНГОЛЖИН гэдэг нэр хайрлалаа. 
Нийслэлийн Хан-Уул дүүргийн 1 дүгээр хорооны оршин суугч, иргэн Ц.Чулуунтогтохын мэдээллийн дагуу Шүүхийн шийдвэр гүйцэтгэх тухай хуулийн зарим заалт Үндсэн хууль зөрчсөн эсэх тухаймаргааныг хянан шийдвэрлэх Үндсэн хуулийн цэцийн дунд суудлын хуралдаан өнөөдөр боллоо.
Монголын Үндэсний сагсан бөмбөгийн холбооноос гурав дахь жилдээ зохион байгуулж буй Супер лигийн тэмцээний бүх оддын тоглолт энэ сарын 30, 31, хоёрдугаар сарын 1-ний өдөр Буянт ухаа спорт цогцолборт болно. Энэ талаар Супер лигийн шилдэг тамирчин, дасгалжуулагчид хэвлэлийн хурал хийлээ. Бүх оддын тоглолтын эхний өдөр оюутны шигшээ багийн тамирчид залуу легионер тамирчдын эсрэг халз тулаан хийх бол энэ үеэр слэм данкын сонирхолтой тэмцээнийг үзэх боломжтой аж.
Улсын Их Хурлын Өргөдлийн байнгын хороо /ӨБХ/-ны дарга, гишүүд өнөөдөр Төрийн ордны хуралдааны “Г” танхимд хорооныхоо үйл ажиллагааны талаар хэвлэлийн бага хурал хийлээ. Хурлын эхэнд тус байнгын хорооны дарга О.Баасанхүү Монгол Улсад 3 дахь сая иргэн мэндэлснийг зарласан энэ сайхан өдөр хорооныхоо талаар хэвлэлийн бага хурал хийх болсондоо бэлгэшээж байгаагаа илэрхийлээд тус хороо зарчмын шинжтэй хэд хэдэн чухал шийдвэр гаргасныг сэтгүүлчдэд мэдээлсэн юм. Тэрбээр ярихдаа “Юуны өмнө ӨБХ нь ард түмний Байнгын хороо байх ёстой. Тиймээс ард түмний санал хүсэлт, өргөдөл гомдлыг хүлээн авдаг саналын хайрцгийг 21 аймаг, нийслэлийн 9 дүүргийн Иргэний танхимд байршуулж, 14 хоног тутамд мэдээллийг нь гарган авч, тухайн газар ямар асуудал тулгамдаж байгаа талаар мониторинг хийн, чухал шаардлагатай асуудлыг УИХ-аас гаргах бодлого, шийдвэрт тусгуулна” гэлээ.
Монгол Улсын гурван сая дахь иргэн Өмнөговь аймгийн Даланзадгад хотод Э.Хатанболд гэх айлын ууган охин болон мэндэлсэн билээ. Эх дэлхийд мэндлээд удаагүй гурван сая дахь иргэний ээж Г.Аззаяатай утсаар холбогдлоо. 
Үндэсний статистикийн газрын дарга С.Мэндсайханаас Монгол Улсын гурван сая дахь иргэн мэндэлсэнтэй холбогдуулан дараах тодруулгыг авлаа.
Сар шинийн баярын өдрүүд дөхөж байгаа учраас Улаанбаатар хотын замын ачаалал томоохон худалдааны төв болон зах орчмын хөдөлгөөн ихэсч иргэдийг цаг зав, эдийн засгаар нь хохироох тохиолдол их байдаг. Иймээс нийслэлийн Засаг даргын 2015-01-28-ны өдрийн А-74 тоот захирамж гарч өмнөх жилд хэрэгжүүлж байсан улсын дугаарын сүүлийн цифрийн тэгш, сондгойгоор бямба, ням гаригуудад хөдөлгөөнд оролцуулахаар боллоо.
Монгол Улсын гурван сая дахь иргэн мэндэлсэнтэй холбогдуулан Хүн амын хөгжил, нийгмийн хамгааллын сайд С.Эрдэнээс зарим асуултад хариулт авлаа. 
Дуунд дуртай дуучин монгол түмэнтэйгээ 40-н жилийн турш “Вансэмбэрүү”, “Бид мартахгүй″, “Ханьсах заяа”, “Ханийн жаргал” зэрэг олон сайхан уянгат хайрын дуунуудаараа хөглөгдөж яваа МУГЖ С.Вандан, Д.Дуламсүрэн нар “Мартагдахгүй юмсан” тоглолтоо Монгол бөхийн өргөөнөө үзэгч түмний хүндлэл дор, дуу хууртай хоёр өдрийг өнгөрүүлсэн юм.