Нийслэлийн ИТХ-ын дарга Д.Баттулга БНХАУ-ын CRCC төрийн өмчит компанийн дэд ерөнхийлөгч Ху Фан тэргүүтэй төлөөлөгчдийг хүлээн авч уулзлаа.
Уулзалтын үеэр БНХАУ-ын нэр хүнд бүхий CRCC төрийн өмчит компани Улаанбаатар хотын бүтээн байгуулалтад хөрөнгө оруулалт хийх сонирхлоо илэрхийлж, Баянзүрхийн товчооноос Налайхын чиглэлийн 17.5 км авто замын ажил болон Улиастайн уулзвараас Баянзүрхийн товчоо чиглэлийн 3.4 км авто зам, тус чиглэл дахь 288 метр гүүрийн ажлыг концессын гэрээгээр гүйцэтгэхээр болж, талууд санамж бичигт гарын үсэг зурлаа. Мөн энэхүү компани нь нийслэлийн орон сууцны барилга угсралтын ажилд оролцох сонирхолтой байгаагаа илэрхийллээ.
Энэ үеэр Нийслэлийн ИТХ-ын дарга Д.Баттулга “Та бүхнийг нийслэлийн бүтээн байгуулалтын ажилд дэмжлэг болж байгаад талархаж байна. Бидний хамтран хэрэгжүүлэх гэж байгаа ажлууд бүтээн байгуулалтын томоохон төслүүдийн эхлэл бөгөөд цаашид олон төсөл дээр Та бүхэнтэй харилцан ашигтай хамтран ажиллана гэдэгт итгэлтэй байна” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Монгол Улсын 2015 оны Төсвийн тухай хуулийн дагуу нийслэл ирэх оны оныхоо төсвийг иргэдийн оролцоотой боловсруулж төслийг Нийслэлийн Иргэдийн Төлөөлөгчдийн хуралд өргөн барьсан. Нийслэлийн ИТХ-ын Тэргүүлэгчдийн тогтоолоор нийслэлийн 2015 оны төсвийн төслийг хоёр хэлэлцүүлгээр хэлэлцэж, батлахаар шийдвэрлэсэн. Үүний дагуу төсвийн эхний хэлэлцүүлгийг Нийслэлийн ИТХ-ын 11 дүгээр сарын 27-ны өдрийн ээлжит хуралдаанаар хийж, нийслэлийн ИТХ-ын хороод, намын бүлгүүдээр хэлэлцүүлэх ажил үргэлжилж байна.
УИХ-ын Төсвийн байнгын хорооны ээлжит хуралдаан өнөөдөр боллоо. Хуралдаанаар Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Тогтвортой амьжиргаа-3” төслийн санхүүжилтийн хэлэлцээрийн төслийг хэлэлцсэн юм. Энэхүү зээлийн хэлэлцээрийн төсөл нь орон нутагт засаглалыг бэхжүүлж, иргэдийн оролцоотой нэн тэргүүний ач холбогдол бүхий хөрөнгө оруулалтыг төлөвлөхөд дэмжлэг үзүүлэх зорилготой 16.100.000 зээлжих тусгай эрх (ЗТЭ)-тэй тэнцэх хэмжээний санхүүжилттэй гурав дахь удаагаа үргэлжлэн хэрэгжих төсөл юм байна. Зээлийн хөрөнгийн хүүгийн хураамж нь жилд 1.25 хувь байх бөгөөд зээлийг 20 жилийн хугацаанд барагдуулахаар тусгажээ. Төсөлтэй холбогдуулан гишүүд асуулт асууж, саналаа хэлсний дараа санал хураахад хуралдаанд оролцсон гишүүдийн олонх төслийг зөвшилцөх нь зүйтэй гэж үзсэнээр санал, дүгнэлтээ Аюулгүй байдал, гадаад бодлогын байнгын хороонд хүргүүлэхээр шийдвэрлэлээ.
“Өдрийн сонин”-ы байрны хойно барьж буй “Астра интернэйшнл” компанийн үйлчилгээ, орон сууцны зориулалттай “Астра бьюлдинг” барилгыг манай улсад хүчин төгөлдөр мөрдөгдөж байгаа Барилгын тухай хууль болон бусад холбогдох хуулийн дагуу баригдаж байгаа эсэхийг Нийслэлийн ерөнхий төлөвлөгөөний газраас шалгалаа. Тодруулбал, өнгөрөгч баасан гаригт тус газрын геодезийн инженер С.Пүрэв-Очироор ахлуулсан ажлын хэсэг ирж, барилга хоорондын зайг хэмжлээ. Тус ажлын хэсгийн албан дүн буюу барилга хоорондын зай нь Мэргэжлийн хяналтын ерөнхий газраас тогтоосон 8.4 метр байгааг хянан нягталж байгаа юм. Уг ажлын хэсгийнхний хэмжилтийн дүн өнөөдөр гарах бөгөөд хариуг дүүргийн ерөнхий архитекторчид өгнө. Улмаар дүүргийн архитекторч дээрх хоёр байгууллагын хүчин төгөлдөр хэмжилтийн дүнд дүгнэлт хийж, “Астра бьюлдинг” барилгыг буулгах ажлыг албан ёсоор эхлүүлэх учиртай билээ.
ИБУИНВУ-ын нийслэл Лондон хотноо 2014 оны 11 дүгээр сарын 26-ний өдөр уул уурхайн Англо-Американ компанийн төв байранд “Монголд бизнес эрхлэх нь” сэдэвт уулзалт болов. Монгол-Британийн Худалдааны Танхимаас зохион байгуулсан тус уулзалтад Британийн хөрөнгө оруулагчид, Монгол Улстай хамтран ажиллах сонирхолтой аж ахуйн нэгжүүд, Британи дахь Монголчуудын Холбооны гишүүд, Элчин сайд Н.Тулга болон ЭСЯ-ны дипломат ажилтнууд зэрэг 100 орчим төлөөлөгчид оролцов. Тус арга хэмжээний үеэр Англо-Американ компанийн Монгол дахь төлөөлөгч Грэм Хэнкок, Сандерланд /Sunderland University/ их сургуулийн Бизнес хөгжлий менежер Жорж Хант, Чевнингийн сангийн магистрын тэтгэлэгт оюутан, бие даасан судлаач Ч. Эрдэнэдалай, Британийн Уул уурхайн тоног төхөөрөмжийн компанийн холбооны гишүүн Жэйн Айзакс, Австралийн Парламентын гишүүн асан Кэрстен Ливермур нар Монгол Улсын улс төр, эдийн засаг, хөрөнгө оруулалтын өнөөгийн байдал, бизнесийн орчин, боломжуудын талаар тус тус танилцуулга хийв.
Гадуур хүүхдийн ханиад их байна. Зүгээр ч их байгаа юм биш. Бүүр хавтайгайдаа “хиярчихаад” байна. Үүний баталгаа нь хүүхэд хэвтэж эмчлүүлэх эмнэлэгэ олдохгүй байгаа байдал юм. Аль ч дүүргийн хүүхдийн эмнэлэгт очсон ор байхгүй гээд буцааж байна. Ганц ортой эмнэлэгэ байгаа нь Гранд мед эмнэлэг. Гэвч энэ эмнэлэгийн орны төлбөр нэг хоногт 180,0 мянга байгаа нь энгийн иргэдэд ахдсан үнэ аж. Тийм ч учраас энэ эмнэлэгт бөөнөөрөө хэвтэх, шал таазаар зулах гэсэн зүйл алга. Бусад хүүхдийн эмнэлгүүдэд орохоос зүрх үхэм дүр зураг угтаж авна. Яг л дайны үеийн бөмөгдөлтөөс нуугдах хорогдох байранд байгаа адил. Эмнэлгийн ор дуусаад шалаар дүүрэн зулж, одоо кридороор нэг нялххан үрс маань зулаастай байна. Харин дүүргийн дарга болон түүнээс доош хотын түшмэдүүд арав хорин давхар ордоныхоо хөл бөмбөгийн талбай шиг “давчуу” өрөөндөө уйтгартайхан шиг холхиж байгаа биз ээ. Тэднийг юм ярихлаар дуу нь цуурайтан зовоож байгаа гэх бөгөөд ихэнх өрөөнүүдээ төсвийн мөнгөөр доторлох тухай хэлэлцэж байгаа гэх. Энэ үүлэнд тулам тансаг гантиг ордуудыг татвар төлөгчдийн мөнгөөр барьж босгосон. Харин түшмэдүүд татвар төлөгч ард түмэнд зориулж сүүлийн хорин жилд ганц хүүхдийн эмнэлэг болон цэцэрлэг барьж өгсөнгүй. Монголчуудын амьдрал, монголчуудын төр барих ухаан, бас монгол түшмэдүүдийн зан авир ийм л байна даа. 
Нэг. Мэргэшлийн шалгалтын зорилго
Нийслэлийн хэмжээнд цахим хэлбэрээр иргэдэд газар өмчлүүлэх ажил өрнөж буй. 
Монгол Улсын хэмжээнд нийт 96 мянга гаруй хөгжлийн бэрхшээлтэй иргэд байгаагаас 10.869 нь 0-18 насны хүүхэд байгаа юм. Мөн нийт хөгжлийн бэрхшээлтэй иргэдийн дийлэнх нь амьжиргааны түвшинээс доогуур орлоготой амьдарч байна гэсэн тоон үзүүлэлт бий. Монгол Улсын Засгийн газрын мөрийн хөтөлбөрт тусгагдсан Хөгжлийн бэрхшээлтэй иргэдийн хөгжлийн төв байгуулсанаар хөгжлийн бэрхшээлийн бүх хэлбэрийг эрт үед нь оношлох, илрүүлж хөгжлийн хөтөлбөрт хамруулах боломж бүрдэх юм. Ингэснээр сургуулийн өмнөх болон их дээд сургуульд суралцах, нийгмийн амьдралд жирийн иргэдтэй ижил тэгш оролцох, ажилтай орлоготой болсноор ядуурал буурна гэж үзэж байгаа.