БАЙНГЫН ХОРООДЫН ХУРАЛДААН:
12 дугаар сарын 03-ны Лхагва гарагт:
1. Эдийн засгийн байнгын хорооны хуралдаан 09.00 цагаас “Б” танхимд:
Хэлэлцэх асуудал:
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Тогтвортой амьжиргаа-3 төслийн санхүүжилтийн хэлэлцээр”-ийн төсөл /Санал дүгнэлтээ Аюулгүй байдал, гадаад бодлогын байгын хороонд хүргүүлнэ, зөвшилцөх/;
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Ухаалаг засаг төслийн санхүүжилтийн хэлэлцээр”-ийн төсөл /Санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Боловсролын чанарын шинэчлэл төслийн санхүүжилтийн хэлэлцээр”-ийн төсөл /Санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Цахим эрүүл мэнд төслийн санхүүжилтийн хэлэлцээр”-ийн төсөл /Санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
- Хөгжлийн бодлого, төлөвлөлтийн тухай болон холбогдох бусад хуулийн төслүүд /Засгийн газар 2014.10.01-ний өдөр өргөн мэдүүлсэн, хэлэлцэх эсэх/;
- Эрдэс баялгийн салбарын ил тод байдлын тухай хуулийн төсөл /Засгийн газар 2014.10.13-ны өдөр өргөн мэдүүлсэн, хэлэлцэх эсэх/;
- “Тогтоолын хавсралтуудад нэмэлт, өөрчлөлт оруулах тухай” /Засгийн газар 2014.05.23-ны өдөр өргөн мэдүүлсэн, Хөшөөт, Цайдам нуур, Гацууртын ордуудын тухай, хэлэлцэх эсэх/.
2.Аюулгүй байдал, гадаад бодлогын байнгын хорооны хуралдаан 13.00 цагаас “А” танхимд:
Хэлэлцэх асуудал:
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Тогтвортой амьжиргаа-3 төслийн санхүүжилтийн хэлэлцээр”-ийн төсөл /зөвшилцөх/;
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Боловсролын чанарын шинэчлэл төслийн санхүүжилтийн хэлэлцээр”-ийн төсөл /зөвшилцөх/;
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Цахим эрүүл мэнд төслийн санхүүжилтийн хэлэлцээр”-ийн төсөл /зөвшилцөх/;
- Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх “Ухаалаг засаг төслийн санхүүжилтийн хэлэлцээр”-ийн төсөл /зөвшилцөх/;
- Зөвшөөрлийн тухай, Зөвшөөрлийн жагсаалт батлах тухай болон холбогдох бусад хуулийн төслүүд /Санал, дүгнэлтээ Эдийн засгийн байнгын хороонд хүргүүлнэ, анхны хэлэлцүүлэгт/;
- Бусад.
Төв аймгийн нутаг дэвсгэрт шатахуун тээвэрлэж явсан машины жолооч осол гаргажээ. Энэ тухай Замын цагдаагийн газрын жижүүрийн алба хаагчтай холбогдож тодруулахад “шатахуун ачсан машин шон мөргөж, осол гаргасан. Замын цагдаагийн газарт өнөөдөр 15 цаг 17 минутад дуудлага ирсэн. Дуудлагын дагуу алба хаагчид хэргийн газарт очиж холбогдох ажиллагааг хийгээд ирсэн. Шалгалтын ажиллагаа хийгдэж байна” гэсэн. 
Нийслэлийн төсвийн хөрөнгө оруулалтаар Чингэлтэй дүүргийн Төмөрчдийн гудамжийг Баруун Сэлбийн гудамжтай холбох автозам буюу Урт цагааны урд талын 0.24 км автозамыг байгалийн чулуугаар хучиж байна. Тус ажлыг 2014 оны 11 дүгээр сарын 19-нөөс эхэлсэн бөгөөд төлөвлөгөөний дагуу 2014 оны 12 дугаар сарын 25-нд ашиглалтад өгөхөөр тооцжээ. Автозамын ажлыг ” Эко тогтол ” ХХК гүйцэтгэж байгаа бөгөөд 0.24 км, зорчих хэсэг нь 9 метрийн өргөнтэй байх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
2014 оны арванэгдүгээр сарын 23-ны өдрийг хүртэлх хугацаанд дэлхийн есөн улсад эбола вируст халдвар бүртгэгдэж, нийт 16001 хүн өвчилсөн бөгөөд 5738 (36%) хүн нас барсан байна.
БНАСАУ-ын албан хаагчдад гадаадын янжуур татахыг хориглосон байна. Тус улсын удирдагч энэ тухай тогтоол гаргахдаа гадаадын тамхи татах нь эх оронч бус явдал гэжээ. Ким Жөн Ун өөрөө ч тамхи нэлээд татдаг бөгөөд тус улсад үйлвэрлэдэг янжуурын чанар сайн хэмээн ярьсан байна. БНАСАУ-ын удирдагч чухам ямар тамхи татдаг болохыг сэтгүүлчид тогтоож чадаагүй гэнэ. Ямар ч байсан түүний аав Ким Чен Ир Их Британид үйлдвэрлэдэг “Rothmans”-ийг т татдаг байсан.
“Blue Moon” арт галерейд Японы мэргэжлийн сумогийн их аварга Д.Дагвадоржийн толгой баримал тавигдаад байгаа билээ. Гэвч энэ бүтээл эзэндээ таалагдсангүй бололтой. Д.Дагвадорж аварга “Ямар эвгүй булдруу вэ. Нэртэйгээр нь цар тавган дээр тавьчихгүй дээ” хэмээн жиргэжээ. Их аварга мөн дэлхийн жишигт нийцсэн эмнэлэг удахгүй нээх гэж байгаагаа твиттертээ мэдээлжээ.
Монголын Залуучуудын Холбоо 2012 оноос “Авлигын эсрэг би авахгүй, би өгөхгүй” гэсэн аяныг өрнүүлж эхэлснээр жил бүрийн 12 дугаар сарыг авлигын эсрэг сар болгон тодорхой үйл ажиллагаануудыг явуулдаг болсон. Харин энэ жилийн 12 дугаар сарыг “Авлигын эсрэг аяны сар” болгосноо зарлажээ. Энэхүү аяны хүрээнд авлигын эсрэг таван төрлийн зурагт хуудас хэвлүүлэн, нэг бүрийг нь 1000 төгрөгөөр иргэд, албан байгууллагад худалдаж буй аж.Эндээс олсон орлогыг 2015 онд авлигын эсрэг, шударга ил тод байдлын төлөөх үйлст зарцуулахаар төлөвлөжээ. Мөн зурагт хуудсыг худалдан авч, ханандаа наасан зургаа илгээснээр 
Нидерландад шувууны томуу илэрчээ. Тус улсын Эдийн засгийн яамны мэдээгээр уг шувууны ферм дээр 28 мянган шувуу устгасан байна. Нидерландад гарсан вирус нь сүүлийн саруудад Европ, Азид шувуу үхсэн Н5 томууны вирусийн өсвөртэй адил байжээ. Эрх баригчид уг фабрикаас бүтээгдэхүүн тээвэрлэхийг хориглож, ойр хавийнх нь дөрвөн фермд үзлэг явуулж байгаа аж. Үүний өмнө Нидерландын нэгэн фермийн 8000 нугасыг устгажээ. Сүүлийн хоёр долоо хоногийн дотор энэ нь шувууны томууны дөрөв дэх дэгдэлт юм байна. Нидерланд нь Европын холбоондоо гэрийн тэжээмэл шувууны махны томоохон экспортлогч билээ.
Дэлхийн байгаль хамгаалах сангаас цоохор ирвэсийг тоолох ажлыг эхэлжээ. Өндөр уулын экосистемийн тогтвортой байдлыг хадгалагч энэ амьтан Монголд ойролцоогоор 1000 орчим бий гэсэн багцаалсан судалгаа байдаг аж.