Дуурь бүжгийн эрдмийн театр тоглолтын 52 дахь улиралдаа үндэсний уран бүтээлд түлхүү анхаарч өнөөгийн цаг үе, нийгмийн байдлыг тусган харуулсан залуучуудад зориулсан цоо шинэ бүтээл болох “Төгсгөлгүй” танго балетыг энэ сарын 6-7-ны өдрүүдэд тайзнаа анх удаа тавих гэж байна.
Уг бүтээлийг тавих бэлтгэл ажлын хүрээнд энэ оны тавдугаар сард Австри улсаас танго, вальс бүжгийн багш нарыг урьж 14 хоногийн сургалт зохион байгуулсан төдийгүй саксофон, гитар, найраг баян хуур зэрэг симфони найрал хөгжимд байдаггүй зарим хөгжмийн зэмсгийн оруулсан өвөрмөц, сонирхолтой бүтээл хийхээр уран бүтээлчид нь ажиллаж байгаа гэнэ.
Энэхүү балетын хөгжмийг залуу хөгжмийн зохиолч Х.Алтангэрэл бичиж, цэнгээнт бүжгийн улсын уралдааны тэргүүн шагналт, УДБЭТ-ын гоцлол бүжигчин Э.Эрдэнэжаргал дэглэн найруулж байгаа юм. Тус балетыг СТА Ц.Мөнхболд удирдаж, гол дүрүүдэд УДБЭТеатрын гоцлол бүжигчин СТА Б.Саруул, О.Анужин, М.Од, А.Эрдэнэболд, Б.Пүрэв-Очир, А.Билгүдэ нар тоглон, театрын симфони найрал хөгжим, балетын жүжигчид бүрэн бүрэлдэхүүнээрээ оролцоно.
-НДЕГ-ын санаачлагаар Монголын Хөдөлмөрийн Аюулгүй Ажиллагаа Эрүүл Ахуйн Менежментийн Хүрээлэнгээс “Эрүүл, Эрүүл Аюулгүй Ажлын Байр” форум болон үнэ төлбөргүй сургалтын арга хэмжээнүүдийг өнөөдөр зохиохоор болжээ-
Монголд анх удаа Тэргэнцэртэй иргэдийн загварын шоу буюу “Wheelchair fashion show” өнгөрсөн жилийн зургадугаар сард зохион байгуулагдаж, амжилттай өндөрлөсөн билээ.
Төв зам дагуу буюу “Улсын их дэлгүүр”-ийн баруун талын байранд яг одоо гал гарч байна. Тодруулбал, зам дагуух таван давхар шар байрнуудын нэгэнд гал дэгджээ. Гал гурван давхрын айлын тагтнаас гарсан бөгөөд одоогийн байдлаар унаас болж гал дэгдсэн нь тодорхойгүй байна. Зарим хүмүүсийн ярьж буйгаар цахилгаанаас үүдэлтэй байж магадгүй гэсэн таамаг байна. Ямартай ч онцгой байдлын гал унтраах анги дуудлагаар очиж байна гэсэн мэдээлэл байна.
Монгол улсын хэмжээнд жил бүр арванхоёрдугаар сарын 10-ний өдөр ардчилсан хувьсгалын ойн баярыг тэмдэглэдэг. Харин Орхон аймгийн тухайд 1989 оны арванхоёрдугаар сарын 3-ний өдөр монгол улсын хэмжээнд ардчилсан хувьсгалын төлөөх хамгийн анхны тайван жагсаалыг хийж ардчиллын өлгий нутаг болсон түүхтэй.
Төрийн байгуулалтын байнгын хорооны хуралдаанаар Засгийн газрын бүтэц бүрэлдэхүүний тухай болон холбогдох бусад хууль, тогтоолын төслүүдийн хэлэлцэх эсэх асуудлыг хэлэлцэж байна.
ШӨХТГ-аас нотариатчдын үйл ажиллагаанд хяналт шалгалт хийсэн байна. Нотариатын үйлчилгээний хөлс, зардлын хэмжээг тогтоосон Хууль зүй, дотоод хэргийн сайдын 2011 оны 123 тоот тушаалд өвлөх эрх, гэрээслэл гэрчлэхэд үнийн дүнгийн 1 хувиар үйлчилгээний хөлс авахаар заасан байдаг. Гэтэл нотариатчид өвлөх эрхийн гэрчилгээ олгохдоо өвлөгдөх үл хөдлөх эд хөрөнгийн өмчлөх эрхийн гэрчилгээнд заасан үнэлгээгээс өндөр үнэ тогтоож, түүний 1 хувиар нотариатын үйлчилгээний хөлс авсан зөрчил илэрчээ. Өвлөх эрх гэрчлэхдээ өвлөгдөх эд хөрөнгийн үнэлгээг өмчлөх эрхийн гэрчилгээнд заасан үнэлгээгээр эсхүл өвлөгчийн тогтоосон үнэлгээр тооцож авахыг Монголын нотариатчдын танхимд үүрэг болгож, зөрчил арилгуулахыг үүрэгджээ.
ШӨХТГ-ын Хэрэглэгчийн эрхийг хамгаалах хэлтэс, ЦЕГ-ын Лицензийн төв хамтран “Тээврийн хэрэгслийн жолооч бэлтгэх аж ахуйн нэгж, байгууллагуудын үйл ажиллагааг аттестатчилах” хяналт шалгалтын ажлыг Нийслэлийн 6 дүүрэгт, алслагдсан Налайх, Багануур, Багахангай дүүрэг, орон нутагт Орхон, Дархан-Уул, Булган, Сэлэнгэ, Тев аймгуудад хийжээ. Хяналт шалгалтад нийт 136 авто сургууль, 1557 ЗХХД-ийн болон жолоодлогын дадлагын багш, 1284 тээврийн хэрэгсэл хамрагдсанаас 1484 ЗХХД-ийн болон жолоодлогын дадлагын багш, 1214 тээврийн хэрэгсэл аттестатчиллын шалгалтад тэнцэж цаашид үйл ажиллагаагаа явуулах эрхтэй болсон. 70 тээврийн хэрэгсэл, 73 ЗХХД-ийн болон жолоодлогын дадлагын багш шалгалтад тэнцээгүй тул хасагджээ.
Ирэх онд тусгай зориулалтаар агнуулах амьтны тоо толгойг 40 угалз, 60 тэх, 15 халиун буга, 20 саарал чоно, 10 бор гөрөөс, 10 зэрлэг гахай байхаар Засгийн газраас тогтоосон билээ. Энэ тоо хэмжээгээр ан хийлгэхэд 2015 онд 11 аймгийн 38 сумдын төсөвт агнуурын амьтны нөөц ашигласны төлбөр 1.6 тэрбум төгрөг, хураамж 436 сая, нийт 2.1 тэрбум төгрөг төвлөрөх аж. Үүнээс Байгалийн нөөц ашигласны төлбөрийн тухай хууль, Засгийн газрын 2014 оны 43 дугаар тогтоолоор батлагдсан журмын дагуу төлбөрийн 50 хувь буюу 834 сая төгрөгийг тухайн амьтны амьдрах орчныг сайжруулах, өсөж үржиж нөхцөлийг бүрдүүлэхэд зарцуулах аж. Өнгөрсөн онд угалз 28, тэх 41, халиун буга 20, саарал чоно 2, бор гөрөөс 4, цагаан зээр 16 толгойг тусгай зориулалтаар агнуулж 15 аймгийн 40 гаруй сумын төсөвт нэг тэрбум төгрөгийн орлого төвлөрүүлжээ.