Categories
мэдээ соёл-урлаг

Мисс И.Төгсөө Эрх чөлөөний одонгоор энгэрээ мялаажээ

Хуучин оноо үдэж, шинэ он айлчлан ирэх гэж байгаа энэ үед Мисс И.Төгсөө өнгөрсөн оныхоо ажил үйлсийг дүгнүүлж, энгэрээ мялаажээ.

Түүнийг Монголын ардчилсан эмэгтэйчүүдийн холбооноос Эрх чөлөөний одонгоор шагнасан байна. Мисс И.Төгсөөгийн хувьд энэ онд “Эх дэлхийн мисс” олон улсын тэмцээний сүүлийн шатанд шалгарсан амжилт үзүүлсэн юм.

Categories
мэдээ нийгэм

Өвлийн бэлтгэлээ 90 хувьтай хангажээ

Улсын хэмжээнд мал аж ахуйн салбарын өвөлжилтийн бэлтгэл 90 хувьтай хангагдлаа. Малчид 1.2 сая тн өвс, 22.7 мянган тн сүрэл, 39.2 мянган тн ногоон тэжээл, 29.6 мянган тн үйлдвэрийн, 37.4 мянган тн гар тэжээл бэлтгэсэн бол аймаг, сумын аюулгүйн нөөцөд 28.4 мянган тн өвс, 4.0 мянган тн тэжээл нөөцөлжээ. Одоогийн байдлаар нийт нутгийн 50 гаруй хувьд нь цасан бүрхүүл тогтсоноос Увсын Хяргас, Хөвсгөлийн Цагаан-Үүр, Эрдэнэбулган, Рэнчинлхүмбэ, Чандмань–Өндөр, Булганы Тэшиг, Сэлэнгийн Түшиг, Зүүнбүрэн, Дархан-Уулын Дархан, Хонгор, Орхон, Төвийн Жаргалант, Сүхбаатарын Асгат сумдад 10-16 см байна.

Дашрамд, мал тооллогын урьдчилсан дүнгээр 51.9 сая толгой мал тоолуулсан нь өмнөх оныхоос 15.1 хувь буюу 6.8 саяар өссөн дүн гарчээ.

Categories
мэдээ спорт

“Алдар”-ын шинэ байр ашиглалтад орлоо

Зэвсэгт хүчний “Алдар” спорт хорооны “Шинэ спорт цогцолбор”-ийн нээлтийн арга хэмжээ өнгөрсөн ням гарагт боллоо. Арга хэмжээнд УИХ-ын гишүүн, Засгийн газрын гишүүн, Батлан Хамгаалахын сайд Ц.Цолмон, УИХ-ийн гишүүн Б.Бат-Эрдэнэ, ЗХЖШ-ын дарга дэслэгч генерал Ц.Бямбажав болон, БХЯ, ЗХЖШ-ын удирдлага, ЗХ-ний ангиудын төлөөлөл, “Алдар” спорт хорооны тамирчид оролцлоо.

йы

“Шинэ спорт цогцолбор” нь 600 хүний үзэгчдийн суудалтай, Спортын заал, Чөлөөт бөхийн заал, Самбо, жудо бөхийн заал, Хүндийн өргөлтийн заал, Боксын заал, Буудлагын тир, Бялдаржуулах танхим, Оюуны спортын танхим, Цэрэгжилтийн спортын сургалтын танхим, Ширээний теннис, биллъярдын, Тамирчдын байрлах буудал, Тамирчдын цайны газар, албан тушаалтнуудын өрөө, тасалгаануудтай юм байна.

ы

Categories
мэдээ нийгэм

Автобус замаасаа гарч АН-ын байшинг мөргөх шахжээ

Өнөөдөр 13 цагийн орчимд долоон буудал нисэх чиглэлд зорчигч тээвэрлэж явсан нийтийн тээврийн том автобус замаас гарч осол гаргалаа. Энэ талаар бид газар дээр нь очиж сурвалжиллаа. Энэхүү автобус нийт 30 орчим зорчигч тээвэрлэж явсан бөгөөд зорчигчдоос ямар нэгэн бэртэл гэмтэл аваагүй байна

Categories
мэдээ нийгэм

Нийслэлийн “Хөдөлмөрийн аварга”-ууд шалгарлаа

Нийслэлийн Засаг дарга бөгөөд Улаанбаатар хотын Захирагч, Нийслэлийн Үйлдвэрчний эвлэлүүдийн холбоо, Монголын ажил олгогч эздийн нэгдсэн холбооны хооронд байгуулсан 2012-2014 онд хэрэгжүүлэх хамтын хэлэлцээрийн дагуу Улаанбаатар хотын байгууллага, аж ахуйн нэгжид ажиллаж, эрхэлсэн ажил хөдөлмөртөө өндөр амжилт гаргасан 30 иргэнийг “Хөдөлмөрийн аварга”-аар шалгаруулж, шагнал гардууллаа.

Шагнал гардуулах үйл ажиллагаанд нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн Засаг даргын Ажил эрхлэлт, нийгмийн хамгааллын асуудал хариуцсан орлогч Ц.Буяндалай, Нийслэлийн Үйлдвэрчний эвлэлүүдийн холбооны Ерөнхийлөгч Х.Амгаланбаатар, Монголын ажил олгогч эздийн нэгдсэн холбооны дэд захирал Ц.Эрдэнэбаатар нар оролцов.
Шагнал гардуулах үеэр нийслэлийн Засаг дарга “Нийслэлийн бүтээн байгуулалт, хөгжил цэцэглэлтэд бодитой хувь нэмэр оруулж, хичээл зүтгэлтэй ажилласан та бүхэндээ нийслэлчүүдийнхээ нэрийн өмнөөс талархал илэрхийлье. Та бүхэндээ Хөдөлмөрийн аварга хэмээх эрхэм шагналыг гардуулж байгаа нь миний хувьд нэр төрийн хэрэг” гэж онцлон хэлсэн юм. Одоо эрхэм уншигч та бүхэнд “Хөдөлмөрийн аварга” болсон зарим хүний сэтгэгдлийг хүргэе.

Багш гэдэг мэргэжил маш үнэ цэнэтэй

Баянгол дүүргийн 161 дүгээр цэцэрлэгийн багш Б.Батцэцэг

Он солигдох энэ торгон мөчид хийж бүтээсэн ажлаа дүгнүүлээд “Нийслэлийн аварга багш”-аар шалгарсандаа баяртай байна. Багш гэдэг мэргэжил бол маш үнэ цэнэтэй. Нийгмийн оюун санааны асар том хөрөнгө оруулалт юм. Ийм учраас Боловсролын салбарт ажиллаж байгаа бүх багш нартаа мөн Баянгол дүүргийн 161 дүгээр сургуулийн нийт ажилтнууддаа шинэ оны халуун мэнд хүргэж байна. Би сургуулийн өмнөх боловсролын салбарт 29 жил ажиллаж буй хүн. Хүүхдүүдээ сайн сайхан явахад л эрч хүч авдаг. Миний ажил Улаанбаатар хотоо цэвэр, цэмцгэр байлгах “ЭСТО” ХХК-ийн крантай машины жолооч П.Цогтбаатар Өнөөдөр “Хөдөлмөрийн аварга” болж байгаадаа их баяртай байна. Нийт хамт олондоо баярын мэнд хүргэе. Би энэ байгууллагад арав гаруй жил ажиллаж байна. Миний ажил бол Улаанбаатар хотоо цэвэр, цэмцгэр байлгах.

Улаанбаатар хотын иргэд соёлтой байгаасай гэж мэдээ, нийтлэлээ бэлтгэдэг

www.ikon.mn сайтын сэтгүүлч, Ерөнхий редактор Ч.Болортуяа Энэ шагналыг зөвхөн надад өгч байгаа шагнал гэж би ойлгохгүй. Манай хамт олны шагнал юм. Манай сайтын хувьд нийслэлийн үйл ажиллагааг дэмжиж ажилладаг. Улаанбаатар хотын иргэд соёлтой байгаасай гэж мэдээ, нийтлэлээ бэлтгэдэг. Би хэвлэл мэдээллийн салбарт найм дахь жилдээ ажиллаж байна.

Улаанбаатар хотыг цэвэр усаар хангах нь бидний үүрэг

Ус сувгийн удирдах газрын ус хангамжийн албаны цэвэр усны шугамын гагнуурчин Ж.Батжаргал Би засварчин, худгийн “слесарь”-ээр ажиллаж байсан. Улаанбаатар хотыг цэвэр усаар хангах нь бидний ажлын үүрэг. Би 23 жил энэ чиглэлээр ажиллаж байна. Өнөөдөр шагнал авч байгаадаа маш их баяртай байна. Монголын ард түмэндээ мөн ажлын хамт олондоо шинэ жилийн баярын мэнд хүргэе. Нийслэлийн 2014 оны “Хөдөлмөрийн аварга” болсон иргэдийн нэрс 1. Б.Анхбаяр Баянзүрх дүүрэг дэх замын Цагдаагийн тасгийн зохицуулагч цагдаа

2. Д. Алтаннавч Улаанбаатар дулааны сүлжээ” ТӨХК Авто, аж ахуйн албаны дарга

3.Б.Батцэцэг Баянгол дүүргийн 161 дүгээр цэцэрлэгийн багш

4.Д.Баттогтох Нийслэлийн Байгальорчин, ногоон хөгжлийн газрын байгаль хамгаалагч

5.Ж.Батжаргал Ус сувгийн удирдах газрын ус хангамжийн албаны цэвэр усны шугамын гагнуурчин

6.Ч.Болортуяа www.ikon.mn сайтын сэтгүүлч, Ерөнхий редактор

7. Ц.Бямбасүрэн Нийслэлийн Хөдөлмөрийн газрын мэргэжилтэн

8.С.Ганболд Нийслэлийн Амгалан амаржих газар эх барих эмэгтэйчүүдийн эмч

9.Г.Ганцэцэг Улаанбаатар хотын банкны иргэдийн банкны газрын захирал

10.М.Одбаяр Баянгол дүүргийн Цагдаагийн 2 дугаар хэлтсийн хэв журмын цагдаа

11.П.Хадбаатар Нийслэлийн шийдвэр гүйцэтгэх албаны Хан-Уулдүүргийн 139 дүгээртойргийншийдвэргүйцэтгэгч

12.А.Цогбадрах “УБЦТС” ТӨХК-ийн Сүхбаатар хэрэглэгчдэд үйлчлэх төвийн тоолуур техник үйлчилгээний монтёр

13.Д.Өнөгэрэл Нийслэлийн Засаг даргынТамгын газрын мэргэжилтэн

14. П.Цогтбаатар “ЭСТО” ХХК-ийн Крантай машины жолооч

15.Г.Шүрэнцэцэг Нийслэлийн боловсролын газрын мэргэжилтэн

16.П.Энхцэцэг Баянзүрхдүүргийн 14 дүгээрсургуульанглихэлнийбагш

17.Ц.Хорлоо Нийслэлийн Ерөнхий төлөвлөгөөний газрын Барилга, хот байгуулалтын хэлтсийн ахлах мэргэжилтэн

18.С.Нармандах “Чимэддүдзи” эмнэлгийн их эмч

19.М.Чулуунхүү Нийслэлийн Засаг даргын дэргэдэх Хүүхэд залуучуудын сургалт хүмүүжлийн тусгай цогцолборын дотоод ажил архив бичиг хэргийн эрхлэгч

20.С.Тунгалаг 97 дугаар сургуулийн багш

21.Н.Гүррагчаа Нийслэлийн “Зорчигч тээврийн нэгтгэл”-ийн Жолооч

22.Л.Дулмаа “БЛЮБУС” ХХК-ийн ашиглалтын албаны дарга

23.П.Самбуудорж “Нийтийн үйлчилгээний Улаанбаатар нэгтгэл” ОНӨААТҮГ-ын зам талбайн үйлчлэгч

24.Л.Оюунжаргал “Нийтийн үйлчилгээний улаанбаатар нэгтгэл” ОНӨААТҮГ-ын Хяналтын инженер

25.С.Цэцэгмаа Номадс группын салбарын захирал

26.В.Энхбаатар “Алтанжолоогрупп”-ын ерөнхий захирал

27.Г.Очбаяр Улаанбаатар хотын музейн ажилтан

28. С. Наранцэцэг “Номин Холдинг” ХХК-ийн агрономич

29. Б.Октябрь “Драгон Холдинг” ХХК-ийнгүйцэтгэх захирал

30.Ж.Баттөгс “Хишигтэн нүүдэлчин” ХХК-ийн гүйцэтгэх захирал

Categories
мэдээ нийгэм

УИХ-ын дарга З.Энхболд Харшийн сүлд модны наадамд оролцлоо

Улсын Их Хурлын дарга З.Энхболд өнөөдөр /2014.12.30/ Монголын хүүхдийн ордноос зохион байгуулж буй Харшийн сүлд модны наадамд оролцлоо.

Тэрээр хүүхэд багачуудад хандан ирэх жилдээ эрүүл энх байж, эрдэм номдоо амжилт гарган, ур чадвараа улам хөгжүүлэхийг ерөөн шинэ жилийн мэндчилгээ дэвшүүлэв. Мөн авьяаслаг хүүхдүүдийн тоглолтыг үзэж сонирхосны зэрэгцээ 2014 онд сурлага, амжилт, авьяасаараа үеийнхнээ манлайлсан шилдэг хүүхдүүдэд бэлэг гардууллаа.

Харшийн сүлд модны наадмыг Монголын хүүхдийн ордноос 57 дахь жилдээ зохион байгуулж байгаа юм байна гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Categories
гадаад мэдээ

Сураггүй болсон онгоцны хэлтэрхий олдсон байж болзошгүй

Индонез тэргүүтэй олон улсын эрлийн багийнхан өнгөрөгч ням гарагт сураггүй болсон Малайзын иргэний агаарын тээврийн “Airbus A320-200” онгоцыг хайх эрлийн ажиллагааг үргэлжлүүлсээр байна. Хамгийн сүүлд Индонезийн албаны хүмүүс Ява тэнгист орших Борнео арлын орчмоос усанд хөвж буй олон тооны эд зүйлс олсон тухай мэдээллээ.

Индонезийн тал уг эд зүйлсийг Airbus A320-200″ онгоцноос үлдсэн хэлтэрхий байх магадлал өндөр гэж үзэж байна.

Гурав дахь өдрөө үргэлжилж буй эрлийн ажиллагаа нийтдээ 13 бүс нутгийг хамраад байгаа бөгөөд ажиллагаанд Индонез, Сингапур, Малайзын нийт 12 тэнгисийн цэргийн хөлөг онгоц, таван онгоц, гурван нисдэг тэрэг болон бусад хөлөг онгоц, завь оролцож байгаа юм. Харин мягмар гарагийн өглөө дахин 30 хөлөг онгоц, 15 онгоц, долоон нисдэг тэрэг нэгдсэн байна.

Categories
мэдээ нийгэм

Ирэх онд микро автобусууд хот хооронд зорчихгүй

Ирэх оноос хот хоорондын нийтийн тээвэрт жижиг оврын автобус буюу микро автобусууд явахгүй гэж Авто тээврийн үндэсний төвөөс мэдэгдлээ.

Одоогоор Дархан, Эрдэнэт, Төв аймаг зэрэг нийслэлтэй ойр аймгууд руу жижиг оврын автобусаар үйлчилж байгаа юм. Эдгээр жижиг оврын автобусуудын насжилт ирэх жил дуусах учраас дахин хот хоорондын нийтийн тээвэрт явуулахгүй гэж Авто тээврийн үндэсний төвийн тээврийн хэлтсийн дарга Энхбат хэллээ

Categories
мэдээ нийгэм

Зарим автозамд 85 тонн бодис цацлаа

“Нийтийн үйлчилгээний Улаанбаатар нэгтгэл” ОНӨААТҮГнь 2014 оны 12 сарын 29-ний өдөр орсон цасыг тухайн өдрийн 17 цагаас эхлэн Автогрейдер, Камаз, Ковш зэрэг тусгай тоноглол бүхий 13 машинаар, 12 сарын 30-ны өглөөний 04 цаг хүртэл даваа, гүвээ, гүүр, өгсүүр зам, уулзвар, шулуун зам гэсэн дөрвөн чиглэлээр маршрутын дагуу 85 тонн бодис цацлаа. Мөн өнөөдөр 07 цагаас дээрх замуудад тусгай тоноглолтой долоон машинаар бодис үргэлжлүүлэн цацаж байна

Categories
гадаад мэдээ

Кейт ордны уламлжлалыг зөрчжээ

Английн угсаа залгамжлагч ханхүү Уильмийн гэргий, гүнж Кейт Миддлтон зул сарын баярын үеэр олон нийтийг алмайруулсан гэнэ. Өнгөрсөн долоо хоногт Кэмбрижийн гүн, түүний гэргий Кейт нар хааны гэр бүлийн бусад гишүүдийн хамт Сандригем дахь Магдалын Мариа сүмд болсон үйл ажиллагаанд оролцжээ. Үүний дараа хосууд шуудхан Миддлтоны гэр бүлтэй оройн зоог барихаар Норфолкийн ордныг зорьсон байна.

Зул сарын баярын үеэр хааны гэр бүлийн гишүүд хатан хаан Элизабетийн хамт оройн зоог барих нь бараг уламжлал болон тогтжээ. Гэвч залуу гүнж Кейт энэхүү уламжлалыг зөрчин эцэг эхтэйгээ хамтдаа хооллохыг чухалчилсан гэнэ.

Харин сүмд болсон арга хэмжээнд бяцхан ханхүү Жорж оролцоогүй бөгөөд Кейт түүнийг хэтэрхий хөдөлгөөнтэй, дуу чимээ их гаргадаг учир энэ удаагийн арга хэмжээнд оролцуулаагүй гэж ойр дотны хүмүүстээ ярьжээ. Дашрамд дуулгахад, Кейт одоо зургаан сартай жирэмсэн бөгөөд хосууд тун удахгүй хоёр дахь хүүхдээ угтан авах гэж байгаа билээ.