“Өдрийн сонин”-ы лхагва гаригийн дугаар хэвлэгдэн гарлаа.
“Улс төр” нүүрт намын даргадаа захидал бичсэн Ө.Энхтүвшингийн ярилцлага нийтлэгджээ.Захидлаа намын даргадаа гардуулсан ч цаадах ньдуудаж уулзаагүй байгаа гэнэ. Д.Оюунхорол гишүүн “МАН-д хуваагдсан, талцсан асуудал байхгүй” гэж ярьсан байна лээ.
Баабар энэ удаа сүүлийн 25 жилд монголчууд юу олж авсанталаар өгүүлэв. “Монголын орон мөхлийн ирмэгт тулчихаад байна” гэж тэр дүгнэжээ. Юу нь болохоо байчихсан талаар “Өдрийн сонин”-ы гуравдугаар нүүрээс уншаарай.
“Баримт үйл явдал” нүүрээс Монголд арав гаруй улсын 31 иргэн 2-25 жил хоригдох ялаар шийтгүүлсэн тухай уншаарай. Гадаадын хөрөнгө оруулалттай арав гаруй компанийн эздэдэрүүгийн хэрэг үүсгэн шалгаж байгаа гэнэ. Монголд арваад жил хараар амьдарсан Орос эр хүн дайрсан талаар энэ нүүрээс уншаарай.
“Дэлхийн мэдээ” нүүрт ОХУ-ын зэвсэгт хүчний шинэ үеийн зэвсэг гэгдэх “Армада” танкны тухай танилцуулжээ. Орчин үеийн хүүхдүүд хэнийг юугаар айлгахаа мэддэг. НҮБ дахь АНУ-ын байнгын төлөөлөгч Саманта Пауэрийн таван настай хүү нь ээжтэйгээ муудалцахаараа “Би чамайг үзэн ядаж байна. Би Орос руу, Путин руу явна шүү” гэж айлгадаг гэнэ. Учир нь ээж ньОХУ тэр дундаа Путинд дургүй аж.
“Томилолт” нүүрт манай сурвалжлагч Э.Хүрэлбаатарын Сүхбаатар аймгаас хийсэн сурвалжлага нийтлэгдсэн юм.”Зүүн гурван аймагт хуульгүй ардууд зээрийн сүргээ хүйс тэмтрээд дуусч байна” гэнэ.
Далайд гарцгүй хөгжиж буй орнуудын асуудлаарх олон улсын хурал болсон байна. Гадаад харилцааны яамны Далайд гарцгүй хөгжиж буй орнуудын Олон улсын судалгааны төвийн захирал Э.Одбаяртай хийсэн ярилцлагыг арвандолдугаар нүүрээс уншаарай. Э.Одбаяр “Хятадын дарга ирээд гэрээнд гарын үсэг зурчихлаа, үүнээс өөрийг айлаас хүлээж болохгүй” гэж ярьжээ.
“Удам судар” нүүрт хөгжмийн нэрт удирдаач Ч.Жамсранжавынохин Ж.Амарзаяатай ярилцсан байна. “Миний аав сод хүн байсан” гэж охин нь ярьжээ.
МҮХАТ-ын шинэ дарга, “Урбанек”-аар овоглогддог Б.Лхагважав бизнесмэнүүдийг яаж хамгаалахаа манай сурвалжлагчид ярьжээ. “Эдийн засаг” нүүрт анхаарал хандуулна уу.
“Өдрийн сонин”-ы захиалга явагдаж байна. Ирэх оныг бидэнтэй хамт угтаарай.
Зам тээврийн сайдад нэр дэвшигч Н.Төмөрхүү нийтэд танигдаагүй, залуу бас шинэхэн нэр дэвшигч. Гэсэн ч түүнийг “шоглох”-ыг гишүүд хүссэнгүй. Харин ч залуу хүн эрчтэй, зоригтой, далайцтай ажиллаарай хэмээн зөвлөж, тойргийнхоо асуудлуудыг эртхэн дуулгаад авахаар яарав. Захиас ч мэдээж хөвөрч өглөө дөө.Б.Гарамгайбаатар гишүүн “Зам тээврийн салбарт ИНЕГ гэж айхавтар салбар бий” 
Ажлаа хийж дуусгах боломж олдсон азтай сайд Л.Гантөмөрт хэлэх ярих юм гишүүдэд зөндөө олдлоо. С.Батболд гишүүн дипломын наймаанд эмзэглэж, Оюутны хотхон сүүлийн хоёр жилд таг болсонд санаа зовлоо. Л.Гантөмөр нэр дэвшигч “Оюутны хотхоны ерөнхий төлөвлөгөө батлагдсан. Бүтэн жилийн ажил болсон доо. Санхүү, хөрөнгийг босгохоор зөвлөх үйлчилгээ авсан. Хөрөнгө босговол ажилдаа орно” гэлээ. Одоо хуурамч диплом үйлдвэрлэдэг юм байхгүй. Мэдээллийн нэгдсэн сантай болсон. Алдаатай бичиг баримт гарч ирвэл шууд хуулийн байгууллагын хаалга татна гэлээ. Үдийн цай, цэцэрлэгийн хүүхдийн хоолонд зарим гишүүн санаа тавьсан.
Нийслэлийн ИТХ-ын Тэргүүлэгчдийн хуралдаанаас “Нийслэлийн нутаг дэвсгэрт Түргэн үйлчилгээний цэг ажиллуулах журам”-ыг баталсан. Энэ дагуу ТҮЦ нь галын аюулгүй ажиллагааг бүрэн хангасан байхаас гадна, хяналтын камер галын анхан шатны багаж хэрэгсэлтэй байхаар тогтсон юм. Үүнээс гадна эрүүл ахуйн стандартыг хангуулах зорилгоор худалдагчийн ариун цэврийн өрөөг зөөврийн бие засах суултуураар тоноглож, бохирыг урсгах, зөөврийн цэвэр усны нөөцтэй, бохирын үнэр дарах, халдваргүйтгэх бодисын хүрэлцээтэй нөөцтэй байхаар журамд заасан билээ. Нийслэлийн ерөнхий төлөвлөгөөний газраас ТҮЦ-ийн хоёр төрлийн загвар бүхий зургийг саяхан гаргасан юм. Хотын ТҮЦ-үүд тус газраас гаргасан зургийн дагуу шинэчлэгдэнэ гэсэн үг. Өнөөдөр 12.00 цагт Хан-Уул дүүргийн гуравдугаар хорооны “Ажилчдын алдар” талбайд яг ийм шаардлагад бүрэн нийцсэн, нийслэлээс баталсан стандарт зурагт нийцсэн Түргэн үйлчилгээний цэгийн нээлтийн ёслол боллоо. Уг ТҮЦ-ийг “Киг” ХХК зах зээлд нийлүүлж байгаа юм байна. 5×5 метр хэмжээтэй уг ТҮЦ нь дотроо био “00”-той ажээ. Эрүүл ахуй, ариун цэвэр, хөдөлмөрийн аюулгүй нөхцөл байдлыг хангаж чадсан нь иргэдийг анхаарлыг ихэд татаж байв. ТҮЦ-ийн нээлтийн ёслолын үеэр “Киг” ХХК-ийн захирал Б.Мөнхбат хэлэхдээ “Автобусны буудлын урд иргэдэд ТҮЦ-ээ танилцуулж байна. Газрын албаныхантай асуудалтай байна. Хураана буулгана гэж дарамтлаад байх юм. Бид асар их хөрөнгөөр босгож байгаа. Тэгэхээр буцаагаад нураах уу гэдэг асуудал шүү дээ. Өмнө нь нийтийн эзэмшлийн газрын талбайд байсан ТҮЦ-үүдийг шинэчилж байгаа гэсэн үг. ТҮЦ-ийг автобусны буудлаас 500 м-ийн зайд байрлуулна гэж байгаа. Монголд тийм газар байхгүй. Газрын албаныхан байшингийн буланд тавиулна гэж байна. Тэнд үсчин, дэлгүүр байна, ТҮЦ-ийн үйл ажиллагаагаа явуулах боломжгүйд хүрнэ. Хэрвээ ТҮЦ-үүдийн байрлалд ийм хязгаарлалт хийвэл ТҮЦ-ээр амьдралаа залгуулдаг иргэдийн амьдрал хэцүүднэ. ТҮЦ гэдэг хөгжингүй орнуудад ч байдаг зүйл. Хүмүүс олноор бужигнадаг газар байдаг нь учиртай. ТҮЦ-ийг байшингийн буланд ч юм уу, хэнд ч харагдахгүй буйд газар аваачаад тавьчихвал хүмүүст хохиролтой. Зам зуураа хэрэгтэй ойр зуурын юмаа авдаг ТҮЦ-ийн үйлчилгээг холдуулчихвал хэрэглэгчид хохирно шүү дээ. Нийслэлийн ТҮЦ-үүд шинэчлэгдэх хэрээр хотын өнгө үзэмж аятайхан болж байна. ТҮЦ-ээ шинэчилсэн иргэдэд нэг зовлон байгааг хэлэхгүй өнгөрч болохгүй нь. ТҮЦ-ээ шинэчлээд амьдралаа болгох гэж явж байхад нь газрын албаныхан энэ та нарын газар биш гээд хураачихвал иргэд л хохирно. ТҮЦ-үүд хэзээнээсээ л нийтийн эзэмшлийн талбайд ажилласаар ирсэн. Тэгэхээс ч аргагүй. Эдийн засаг хямарсан ийм үед төр нь амьдралаа болгох гэж ядаж яваа иргэдээ ингэж боож бологүй л дээ” хэмээн ярьж байлаа. ТҮЦ эрхлэгч Б.Ариунжаргал стандартын шаардлага хангасан тохьтой, дулаахан, шинэ ТҮЦ-тэй болсондоо олзуурхаж байв. Тэрээр “Хуучин ТҮЦ-ийн үйлчилгээ эрхлэхэд гар угаах, бие засах газар олдохгүй зэрэг хүндрэлтэй асуудал олон байсан. Одоо эндээ бойлууртай, халуун хүйтэн ус, 00-той болсон. ТҮЦ цонхоор иргэдэд үйлчлэх зориулалттай. Тэр зориулалтаар нь ажиллуулна. Одоо үйл ажиллагаагаа эхлүүлээд байж байна” хэмээн ярьсан юм.
Батлан хамгаалахын сайдад захиас хэлсэн хоёр гишүүний нэг нь Д.Арвин. Тэрбээр өмнөх сайд Д.Бат-Эрдэнийг “Зэвсэг, техникийн шинэчлэл хийсэн. Ахмадуудад зориулсан сувилал байгуулсан” гэж магтлаа. Харин Ж.Энхбаяр гишүүн энэ салбарт ажиллаж байсан хүний хувьд нухацтай зөвлөгөө өглөө. “Хилийн цэргийн асуудлыг эргэж харах шаардлага бий. Зэвсэгт хүчний нэгдмэл байдал алдагдаж, бодлогын том алдаа гарч байгаа. 10 тэрбум төгрөгөөр 300 айлын орон сууц барихаар таван жилийн өмнө шийдвэр гарсан ч одоо хүртэл баригдаагүй. Өндөр албан тушаалтай офицерууд салбарын нэр хүндийг унагах явдал гарч байна.Та энэ салбарт ганцаараа очоод ганцаараа буцах ёстой, мэргэжлийн салбар. Та иргэний хяналт л тавих үүрэгтэй” гэж сануулсан. Ц.Цолмон 96,6 хувийн саналаар дэмжигдлээ. 
Аж үйлдвэрийн сайдад нэр дэвшигч Д.Эрдэнэбат, Барилга хот байгуулалтын сайд Д.Цогтбаатар нарыг УИХ шуурхай батлав. Д.Эрдэнэбат сайдыг батлахаас өмнөхөн З.Энхболд дарга “Шинэ байгуулагдаж байгаа яам шүү дээ. Амжилт хүсээд кнопдчихъё” гэсэн юм. УИХ-ын даргын горимын санал гишүүдэд таалагдсан бололтой хэдхэн хоромд хоёр сайдыг “зүүнээс гаргалаа”.
“Давс ихтэй хүнсний үйлдвэрлэл, худалдаа, хэрэглээг бууруулах эрх зүйн орчин, шийдвэр гаргагчдын оролцоо дэмжлэг” сэдэвт хэлэлцүүлэг өнөөдөр Эрүүл мэндийн яамнаа боллоо.
Энэхүү хэлэлцүүлгээр “Чимх давс” туршилтат хөтөлбөрийн үр дүнг хэлэлцэхийн зэрэгцээ давсны хэрэглээг бууруулах үндэсний стратегийн зорилт болон түүнийг хэрэгжүүлэх арга зам, Монгол улсад хэрэглэгддэг савласан хүнсний бүтээгдэхүүний шошгонд тавигдах ерөнхий шаардлага зэрэг олон асуудлыг ярилцсан юм. 
Сангийн сайдад нэр дэвшигч Э.Эрдэнэбатын байр суурь иргэдэд сонин байх болов уу. Энэ хүнийг Сэлэнгийн Засаг дарга байсан гэж мэддэг ч эдийн засагчийн байр сууринаас төдийлөн олон хүн мэдэхгүй. Сангийн сайдад нэр дэвшигч улс орны эдийн засгийг хэрхэн харж байна вэ?
Эмийн чанар, үнийн асуудал хөндүүр сэдэв. Эм хангамжийн салбар дахь ил тод байдлыг бэхжүүлэх, сайн засаглалыг хөгжүүлэх, төр ба төрийн бус байгууллага, компаниуд хамтран ажиллах санаачилгыг гаргаж ЭМЯ, ДЭМБ болон холбогдох бусад мэргэжлийн байгууллагуудын хурал ЭМЯ-наа боллоо. Манай улс нийт эмийн хэрэглээнийхээ 75-80 орчим хувийг гаднаас импортолдог бол нийт эмийн 30 орчим хувь нь улсын бүртгэлтэй байдаг тухай албаныхан хэлэв.