ОХУ-ын Ерөнхийлөгч В.Путин Энэтхэг улсад айлчлахын өмнө Узбекистаны төрийн тэргүүн Ислам Каримовтой Ташкент хотноо уулзсан юм. Энэ үеэр тэрбээр Оросын талд төлөх ёстой Узбекистаны 865 сая ам.долларын өрийг хүчингүй болгосноо мэдэгджээ. Үндсэн 25 сая ам.долларын өрөө Узбекистан төлж барагдуулахаар болжээ. Хоёр улсын төрийн тэргүүнүүд үүнтэй холбогдох бичиг баримтыг үзэглэсэн байна. Үүний зэрэгцээ Ерөнхийлөгчид Афганистаны асуудлыг хэлэлцжээ. 1990 оны эхээр Узбекистан улс тусгаар тогтнолоо тунхагласны дараа Оросоос бараа бүтээгдэхүүн болон техник хэрэгслийг их хэмжээгээр зээлээр авсан нь аажимдаа өр болон хувирчээ.
ОРОСЫН ЕРӨНХИЙЛӨГЧ ЭНЭТХЭГТ АЙЛЧИЛЖ БАЙНА
ОХУ-ын Ерөнхийлөгч В.Путин Энэтхэгт төрийн айлчлал хийж байна. Оросын Ерөнхийлөгчийн онгоц Дели хотын чухам аль нисэх онгоцны буудалд газардсан талаар мэдээлсэнгүй. Энэ удаад Орос, Энэтхэг хоёр батлан хамгаалах, эрчим хүч, худалдааны салбарт хамтран ажиллах гэрээнд гарын үсэг зурахаар төлөвлөжээ. В.Путин тус улсад нэг хоног айлчлахдаа Энэтхэгийн Ерөнхийлөгч Пранаб Кумар Мукерджи, Ерөнхий сайд Н.Моди нартай уулзаж хэлэлцээ хийжээ. Зарим эх сурвалжийн мэдээлж байгаагаар энэ айлчлалын үеэр 20 гаруй гэрээнд гарын үсэг зурж, ялангуяа цөмийн салбарт идэвхтэй хамтран ажиллахаар болов.
ОХУ-ын Ерөнхийлөгч Азийн орнууд руу экспортолж буй газрын тос болон хийн хэмжээг нэмэгдүүлэх хүсэлтэй байгаа гэдгээ хэлж байсан. Европын эрчим хүчний хэрэглэгчдийн тоо нэмэгдэхгүй байгааг В.Путин онцолсон юм. Тиймээс өнгөрсөн долоо хоногт Европын холбооны гишүүн орнууд руу хий нийлүүлэх “Хойд урсгал” хоолойг тавих төслөөс ОХУ татгалзсан юм. Түүнээс гадна хоёр улс батлан хамгаалах салбарын хамтын ажиллагаагаа улам бэхжүүлэхээр болсон. Оросын төрийн тэргүүн Энэтхэгт байх хугацаандаа тус улсын ажил хэрэгч хүмүүстэй уулзаж дараа нь Олон улсын алмаз эрдэнийн чуулганд оролцсон байна.
Кубын хувьсгалын лидер ФидельКастроХятадад гардуулагддаг Күнзийн нэрэмжит энх тайвны шагналтан болсон гэж 
“Ноёд” группийн ерөнхийлөгч Г.Буяндорж нарын зургаан хүнд холбогдох хэргийн шүүх хурал өчигдөр дүүргийн Эрүүгийн хэргийн анхан шатны I шүүхэд өчигдөр болсон. Шүүх хурлаас Г.Буяндоржид 2 жил 3 сарын хорих ял оноосон бол эл хэрэгт холбогдсон Ч.Ууганбаяр, Б.Батжаргал нарыг цагаатгах шийдвэр гаргажээ.
Сүүлийн саруудад үргэлжилсэн уналт үзүүлсэн рублийн ханш Баасан гаригийн арилжааны үеэр бага зэрэг чангарчээ.
Нийслэлийн цагдаагийн газраас гаргасан мэдээгээр 2014 оны эхний 11 сарын байдлаар нийт 59617 хүн согтууруулах ундаа хэтрүүлэн хэрэглэж зөрчил гарган эрүүлжүүлэгдсэн байна. Хэдийгээр 21 нас хүртлэх хүнд архи согтууруулах ундаагаар үйлчлэхгүй гэсэн хуультай ч эрүүжүүлэгдсэн хүмүүсийн долоо нь ЕБС-ийн сурагч байсан нь энэ хууль амьдрал дээр хэрхэн хэрэгжиж байгааг харуулж буй. Мөн эрүүлжүүлэгдсэн хүмүүсийн 533 нь эмэгтэй, 316 нь 18 хүртэлх насны, 312 нь оюутан байжээ.
Уул уурхайн яам, Ашигт малтмалын газар, Монголын Уул уурхайн зураг төсөл зохиогчдын холбооноос хамтран “Уул уурхайн зураг төсөл-2014” сэдэвт сургалт семинарыг ирэх баасан гаригт ШУТИС-ийн Номын санд зохион байгуулна. Семинарын үеэр 2014 оны Уул уурхайн шилдэг зураг төсөл зохиогчийг шалгаруулах бөгөөд зураг төслийн ажлыг сайжруулах чиглэлээр илтгэл хэлэлцүүлэг явуулна. 
Энэ жил анх удаа Монголын хүүхдийн ордноос “Оны шилдэг хүүхэд” тодруулах ногоон хивсний ёслолын ажиллагааг анх удаа зохион байгуулахаар болжээ. Энэхүү ажиллагаа нь нийслэлийн хэмжээнд явагдсан байна. Нийслэлийн дүүргүүдийн Хүүхэд гэр бүл хөгжлийн газартай хамтран зургаан номинацид тус бүр гурван шилдэг хүүхдийг шалгаруулсан материал Монголын хүүхдийн ордонд ирүүлсэн байна. Эцсийн шалгаруулалтыг хийж, зургаан номинацид тус бүр нэг шилдэг хүүхдийг шалгаруулсан байна.Урлаг, спорт, сурлага, бусдын төлөө хийсэн сайн үйлсээрээ бусдыгаа манлайлсан зургаан шилдэг сурагч өнөөдөр оны шилдэг хүүхдээр тодорч шагнуулахаар болжээ. Энэ жилээс эхлэн уламжлал болгон явуулах уг үйл ажиллагаа нь хүүхэд, багачуудын дунд үлгэр дуурайл бий болгох, өрсөлдөх, идэвхи чармайлттай болоход онцгой нөлөөтэй гэжээ. 
Жил бүрийн шинэ жилийн баяраар айл гэр, найз нөхөд, хамт олноороо баярын салют буудуулах сонирхол хүн бүрт байдаг биз ээ. Гэвч жил ирэх бүрт баярын салют нь аюулгүйн болоод, чанарын шаардлага хангаагүйн улмаас хүмүүс эрүүл мэндээрээ хохирох эрсдэл хүлээх нь нэмэгдсээр байгааг мэргэжлийн хүмүүс хэлж байна. Тиймээс шинэ жилийн баярын арга хэмжээг зүй зохистой тэмдэглэн өнгөрүүлэх, иргэдийг болзошгүй аюулаас урьдчилан сэргийлэх, пиротехникийн хэрэгслийг хууль бусаар хадгалах, ашиглах, худалдан борлуулах явдлыг таслан зогсоох зорилгоор “Пиротехникийн хэрэгсэл” нэгдсэн арга хэмжээг арванхоёрдугаар сарын 10-ны өдрөөс эхлүүлжээ. Энэхүү шалгалт ирэх нэгдүгээр сарын 1 хүртэл Улаанбаатар хотын хэмжээнд зохион байгуулах юм байна. Нийслэлийн онцгой байдлын газар, Мэргэжлийн хяналтын газартай хамтран пиротехникийн хэрэгсэл худалдан борлуулдаг аж ахуй нэгжийн үйл ажиллагаанд хяналт тавих аж. Мөн иргэд гар дээрээс худалдан авах явдлыг таслан зогсоож, хяналт тавьж ажилласнаар иргэд бэртэж гэмтэх, амь насаа алдах тохиолдол гараагүй гэдгийг Нийслэлийн цагдаагийн газраас мэддээллээ.