Тавантолгойн нүүрсний ордод хөрөнгө оруулж, хамтран ажиллах хөрөнгө оруулагчийг сонгох уралдаант шалгаруулалтын зохион байгуулах, шалгарсан этгээдтэй хэлэлцээ хийж, холбогдох гэрээ байгуулах үүрэг бүхий Ажлын хэсгийн хуралдаан 2014 оны 12 дугаар сарын 17-ны өдөр болов.
Монгол Улсын Ерөнхий сайдын 2014 оны 135 дугаар захирамжийн дагуу байгуулагдсан дээрх Ажлын хэсгийн ахлагчаар Монгол Улсын сайд М.Энхсайхан, бүрэлдэхүүнд нь Сангийн сайд Ж.Эрдэнэбат, Уул уурхайн сайд Р.Жигжид, БОНХАЖЯ-ны Төрийн нарийн бичгийн дарга Ж.Батболд, ХЗЯ-ны Төрийн нарийн бичгийн дарга Ж.Баярцэцэг, нарийн бичгийн даргаар Эрдэнэс Таван толгой ХК-ийн гүйцэтгэх захирал Я.Батсуурь нар ажиллаж байна. Түүнчлэн дээрх захирамжаар Дэд ажлын хэсгийг байгуулсан бөгөөд уг ажлын хэсэгт холбогдох төрийн болон төрийн бус байгууллага, төрийн өмчит компаниудын төлөөлөл багтан ажиллаж байна. Дээрх ажлын хэсгүүд нь 2010 онд УИХ болон Засгийн газрын холбогдох тогтоолын хүрээнд зарлан явуулсан “Таван толгой нүүрсний ордод хөрөнгө оруулж хамтран ажиллах хөрөнгө оруулагчийг сонгох уралдаант шалгаруулалт”-ыг Засийн газрын 2014 оны 268 дугаар захирамжийн дагуу үргэлжлүүлэн явуулах юм.
Ажлын хэсэг уралдаант шалгаруулалтын баримт бичигт заасны дагуу нэр бүхий 6 компанид саналаа ирүүлэх урилга илгээсэн бөгөөд нийт 5 компани саналаа энэ оны 12 дугаар сарын 1-ний өдөр ирүүлсэн байна. Ажлын хэсэг оролцогчдын техникийн болон санхүүгийн саналыг үнэлж хамгийн өндөр оноо авсан оролцогчтой Таван толгойн ордод “Хөрөнгө оруулж хамтран ажиллах гэрээ” байгуулах хэлэлцээг эхлүүлэх юм. Санал өгөх эрх бүхий оролцогч компаниудын техникийн саналыг үнэлэхэд Чайна Шэнхуа Энержи, Сумитомо корпораци болон Энержи Ресурс ХХК-ийн түншлэл, Пибоди Энержи корпораци техникийн саналдаа авбал зохих босго оноог авсан байна. Ажлын хэсгийн хуралдаанаар техникийн саналдаа авбал зохих босго оноог авсан оролцогчдын санхүүгийн саналыг нээж, үнэлэх чиглэлийг Дэд ажлын хэсэгт өгөв.
Хуралдааны үеэр ажлын хэсгийн ахлагч Монгол Улсын сайд М.Энхсайхан уралдаант шалгаруулалтыг зохион байгуулахдаа нээлттэй, ил тод байх зарчим баримтлахыг онцолсон байна.
Тус хуралдаанаар дэд сайд нарыг ярилцаад, Сангийн дэд сайдад С.Пүрэв, Батлан хамгаалахын дэд сайдад А.Баттөр, Барилга хот байгуулалтын дэд сайдад н.Байгальмаа, Зам тээврийн сайдад Х.Ержаныг улираахаар болсон байна.
Монголчууд “Golia” хэмээх АНУ-д үйлдвэрлэгдсэн архинд ихээн таагүй хандаж байна. Учир нь бид улс эх орныхоо нэр, сүлд, далбаа, бэлэгдэл зэргийнхээ нэрийг дутуу хазгай хэлэх элдэв байдлаар бусармаг зүйлд ашиглахыг хуулиар хориглоогүй ч ёс зүйн хувьд цээрлэж дургүйцдэг ард түмэн. Гэтэл манай улсын нэрийг тасалж, төрийн сүлдийг маань архины лого болгосон нь олон залууст таалагдахгүй байгаа юм.
Монгол Улсын сайд, ЗГХЭГ-ын дарга С.Баярцогт орон нутгийн удирдлагуудтай цахим хурал хийлээ. Тэрбээр хурлын эхэнд “Засгийн газар эдийн засгийн хүндрэлийг давах, тогтворжуулахад чиглэсэн бодлого, хөтөлбөр боловсруулж байна. Үүний хүрээнд төрийн байгууллагуудын бүтэц бүрэлдэхүүн, зохион байгуулалтыг оновчтой болгох шат дараатай алхмууд хийнэ. Яам, агентлагууд дахь чиг үүргийн давхардлыг арилгаж, удирдлагын шат дамжлагыг цөөрүүлж эхлээд байгаа. Төрийн үйлчилгээний ажилтнуудыг төрийн албан хаагчийн ангиллаас гаргах, иргэдэд үзүүлэх төрийн үйлчилгээг төр-бизнесийн түншлэлийн зарчмаар явуулах бодлогын шинэтгэлийг ирэх онд хийнэ. Төрийн албанд хийх эдгээр шинэтгэлд төсөв зардал хэмнэх зарчмыг тууштай баримтална” гэж онцоллоо.
Арилжааны банкуудаар зарагдаж байгаа ам.долларын ханш өнөөдрийн байдлаар 1899-1906 төгрөг байна. 
Хууль зүйн сайдаар томилогдсон Д.Дорлигжав өмнөх сайдын үед өргөн баригдаад байсан хууль, шүүхийн шинэчлэлийн багцад багтсан хуулиудыг эргүүлэн татжээ. Үүнд, Хууль сахиулах үйл ажиллагааны тухай, Эрүүгийн хэрэг хянан шийдвэрлэх тухай, Таслан сэргийлэх арга хэмжээг хэрэгжүүлэх тухай зэрэг хэд хэдэн хуулийн төслүүд багтаж буй аж.
МАН-аас сонгогдох Хүнс, хөдөө аж ахуйн дэд сайдад өрсөлдсөн гурван хүн тэнцүү санал авсан тул эцсийн шийдвэрийг намын дарга нь гаргахаар болсон. Ингээд намын дарга Хүнс, хөдөө аж ахуйн дэд сайдад БЗД-ийн Засаг дарга асан Б.Батзоригийг сонгожээ. Түүнтэй хамт МАН-ын Шинчлэлийн хорооны дарга Т.Аюурсайхан UFC группийн гүйцэтгэх захирал Н.Цэрэнбат нар тэнцүү санал аваад байсан юм.
-ӨДРИЙН СОНИН: ЗҮҮН ГУРВАН АЙМГИЙН ХУУЛЬГҮЙ АРДУУД ЗЭЭРИЙН СҮРГЭЭ ХҮЙС ТЭМТРЭЭД ДУУСЛАА-
-ХОТООРОО ДҮҮРЭН ХОНЬТОЙ ХЭРНЭЭ ИЛҮҮ ГЭРЭЭРЭЭ ДҮҮРЭН ЦАГААН ЗЭЭРИЙГ ӨВЛИЙН ИДШИНДЭЭ БЭЛДСЭН МЯНГАТ МАЛЧИН Ч БАЙНА-
-БОНХАЖЯ-ны хүрээлэн буй орчин, байгаль нөөцийн газрын амьтны асуудал хариуцсан ахлах мэргэжилтэн Ё.Онон: –Дээрх зүүн гурван аймгийн цагаан зээрээ устгаж буй сэртхийлгэсэн асуудлыг хөндөж олон нийтэд хүргэж өгч байгаад талархаж байна. Тэгэхээр хууль бусаар ан амьтан агнаж буй хэргүүдийн 95 хувийг галт зэвсгээр үйлддэг. Ингэхдээ дийлэнх нь экспортоор орж ирдэг байлдааны шүршдэг буугаар агнадаг. Хууль зүйн яамнаас санаачилсан галт зэвсгийн тухай шинэчлэн найруулсан хуулийн төслийн ажлын хэсэгт манай яамнаас багтаж ажилласан байгаа. Уг хуулийн төсөл хэлэлцэгдэн батлагдаж гараад ирэх юм бол ямар буугаар ан амьтан агнаж болох, болохгүйг тодорхой зааж өгсөн. Хагас ч бай, бүтэн ч бай ан амьтан агнах буу автомат байх ёсгүй. Бууны хэрэглээ дээр тодорхой хязгаар тавьж өгснөөр ан амьтдыг олноор устгах явдал цөөрнө гэж үзэж байна.
Ирэх оны төсөвт урьд жилүүдэд улсын төсвөөс шийдвэрлэдэг байсан хэд, хэдэн асуудлыг шилжүүлснээс гадна зарим үйл ажиллагааны зардлыг танаж төсөвлөжээ. Тухайлбал, орон тооны цомхотгол хийж төсвийн мөнгийг хэмнэх болон нийслэлийн 2015 оны төсөвт боломжтой бүх эх үүсвэрийг танаж, бууруулахаар тооцон 57 орчим тэрбум төгрөгийн урсгал зардлыг хэмнэсэн байна. Ингэхдээ шинээр тавилга, эд хогшил худалдан авах, бичиг хэргийн зардал, гадаад, дотоод томилолт, тээвэр шатахууны зардал зэргийг 2-5 дахин бууруулахаар тооцоолжээ.