Буддын шашны тэргүүн Далай лам BBC-д ярилцлага өгсөн байна. Өдгөө 79 настай Дээрхийн гэгээнтэн өөрийгөө Буддын шашны хамгийн сүүлчийн тэргүүн байж магадгүй хэмээн ярьжээ. Түүнийг хорвоогийн мөнх бусыг үзүүлсний дараа хойд дүрийг нь тодруулахгүй байх нь дээр гэдгийг ч онцлов. Учир нь зохисгүй хүмүүсийг хойд дүрээр тодруулах аюултай гэжээ.
Италийн Ром хотноо саяхан Нобелийн шагналтнуудын уулзалт болсон билээ. Энэ үеэр католик шашны тэргүүн Ромын пап Далай ламтай уулзаж ярилцахаар төлөвлөсөн байжээ. Гэвч католик шашны тэргүүнулс төрийн шалтгааны улмаас татгалзаад “Хятадын нөхцөл байдал хүнд байгаа” хэмээн тайлбарласан байна.
Хятадын эрх баригчид Далай ламыг улс орныг тараан бутаргах бодлого явуулдаг хэмээн буруутгаж улс төрийн болон шашны зүтгэлтнүүд түүнтэй уулзахад эсэргүүцэл илэрхийлдэг билээ.
УИХ-ын чуулганы нэгдсэн хуралдааныг өнөөдөр 09.00 цагт зарласан ч гишүүдийн ирц бүрдэхгүйгээс хойшилж, 14.00 цаг болгосон. Гэвч 15.00 цаг өнгөрсөн ч чуулганы хуралдаан эхлээгүй байна. Энэ нь парламент дахь улстөрийн намууд дунд үл ойлголцол үүссэнтэй холбоотой байж мэдэх аж.
Эдийн засгийн байнгын хорооны өчигдрийн хуралдаанаар Санхүүгийн зохицуулах хорооны дарга, зарим гишүүнийг чөлөөлөх асуудлыг хэлэлцлээ.
Нийслэлийн Засаг даргын дэмжлэгтэйгээр “Найрсаг Улаанбаатар” хөтөлбөрийн 2014-2015 оны өвөл цагийн нээлтэд зориулж “Монголын балетын хөгжил” сан дэлхийн алдарт “Цөмөөхэй” балетыг Монгол Улсын гавьяат жүжигчин Д.Алтанхуягийн найруулгаар энэ сарын 24-28-ны өдрүүдэд тоглох бэлтгэл ажлаа хангаж байна. 
Өргөдлийн байнгын хорооноос Urgudul.mn цахим хуудсыг нээжээ. Цахим хуудсын нээлтийг өчигдөр хийсэн юм. Өргөдлийн байнгын хорооны дарга Р.Бурмаа “УИХ-ын Тамгын газар, НҮБ-ын хөгжлийн хөтөлбөрийн хамтран хэрэгжүүлж буй “Иргэдийн оролцоотой хууль тогтоох ажиллагааг дэмжих нь” төслийн хүрээнд хийгдсэн. Энэхүү цахим хуудсыг нэвтрүүлснээр иргэдээс УИХ-д өргөдөл гаргах боломжийг бүрдүүлэх, хөнгөвчлөх, төрийн байгууллагуудын өргөдөл шийдвэрлэх ажиллагааг боловсронгуй болгох, олон нийтэд нээлттэй, ил тод байх, иргэдээс өргөдөл шийдвэрлэлтийн ажиллагаанд хяналт тавих, олон нийтийн дунд нээлттэй хэлэлцүүлэг хийх боломж бүрдэнэ” гэдгийг өгүүлж байсан. 
Хүн бүр хуучин оноо үдэж шинэ оноо угтах баярт мөчийг тэсэн ядан хүлээж энэ цаг мөчид улсын филармонийн уран бүтээлчдийн шинэ жилийн баярт зориулсан шилдэг хөгжмийн тоглолт болох тухай мэдээллийг хэвлэлийн хурлаас хүргэж байна.
ШШГЕГ-ын харьяа эмэгтэйчүүдийн хорих 407 дугаар ангийн дарга, хурандаа н.Амардорж хуулиас гажсан шийдвэр гаргасан нь зарим хоригдлуудын эрхэнд халдсан үйлдэл болоод байгааг эх сурвалж мэдээллээ. Өөрөөр хэлбэл, тус хорих ангийн дарга н.Амардорж нь Үндсэн хуульд заасан хүнлэг байх эрхийг зөрчсөн, шоронжсон байдлыг дөвийлгөсөн шийдвэр гаргасан талаар өмгөөлөгч Г.Батбаяр гомдол гаргажээ. Тэрбээр ярихдаа “н.Амардорж дураараа шийдвэр гаргаж “Хоригдлууд манай хорих ангид ирснээсээ хойш заавал зургаан сар хоригдсоныхоо дараа магадлангаар суллагдах ёстой” гэсэн аман шийдвэр гаргасан байгаа юм.
“Шар” хочит Э.Энхбат нарт холбогдох хэргийг Дээд шүүхийн хяналтын шатны шүүхэд өчигдөр хэлэлцжээ. Э.Энхбат байлдааны сум олноор хадгалсан, хар тамхи хууль бусаар тээвэрлэсэн, олж авсан хэрэгт буруутгагдсан бол Э.Ширбазар, Ш.Амармэнд нар түүний хар тамхины хэрэгт хамсаатан маягаар холбогдсон байдаг. Өмнөх шатны шүүхүүдээс Э.Энхбат 2.5 жил, нөгөө хоёр нь 5 сар хорих ял авч байсан. Харин Дээд шүүхээс Э.Энхбатын хар тамхины хэрэгт нь ноогдуулсан 1.5 жилийн ялыг Э.Ширбазар, Ш.Амармэнд нартай тэнцүүлж 5 сар болгож, хууль бус галт зэвсэг хадгалсан хэргийнх нь ялыг хэвээр үлдээжээ.
Бразилийн Рио де Жанейро хотноо болох зуны олимп, паралимпийн наадмын бэлгэ тэмдгүүдэд нэр өгөх санал асуулгыг интернэтээр явуулж Винисиус, Том хэмээн нэрлэхээр болжээ. Тус улсын ард иргэдийн 44 хувь нь улсынхаа алдарт хөгжмийн зохиолчид болох Винисиус, Том нарын нэрээр нэрлэх нь зүйтэй гэж үзсэн байна. Бразилийн байгалийн үзэсгэлэнг илтгэн харуулах сармагчин болоод тотийг зэрэг илэрхийлсэн шар өнгөтэй бэлгэ тэмдгийг Винисиус, цэнхэр ногоон өнгөтэй, цэцэгт модыг илэрхийлсэн тэмдгийг Том хэмээн нэрийдэж байгаа аж. Бэлгэ тэмдгийг ийнхүү албан ёсоор нэрлэснээр 2016 оны наймдугаар сарын 5-нд эхлэх зуны олимпийн наадам, паралимпийн наадмын бэлгэ тэмдэг 600 өдрийн хугацаанд дэлхийгээр аялж, олимпизмыг сурталчлах юм байна.
“Шилэн дансны хууль” шинэ оны эхний сарын эхний өдрөөс улс орон даяар хэрэгжиж эхэлнэ. Хуулийн хэрэгжилтийн бэлтгэл ажил дуусахад 14 хоног үлдлээ.