Монгол Улсын Хүний эрхийн Үндэсний комиссоос хүний эрх, эрх чөлөөг хамгаалах, хөхүүлэн дэмжих, хүндэтгэх, зөрчлөөс урьдчилан сэргийлэх утга агуулга илэрхийлсэн “Хүний эрхийн тусгал” сэдэвт гэрэл зургийн уралдааныг зарласан юм. Өнгөрсөн арваннэгдүгээр дүгээр сарын 12-ноос энэ сарын 3-ны өдрийг хүртэлх хугацаанд мэргэжлийн гэрэл зурагчид, гэрэл зураг сонирхогчдын дунд зарласан буг уралдаан шилдгүүдээ тодрууллаа.
Уралдаанд 19 оролцогчийн 163 бүтээл ирснээс шүүгчдийн саналаар эхний гурван байр тус бүр нэгийг, тусгай байр 26-г шалгаруулан шагнажээ.
“Хүний эрхийн тусгал” гэрэл зургийн уралдааны тэргүүн байрт гэрэл зурагчин Г.Өнөболд “Төр өөрийгөө ялсан” бүтээлээр хоёрдугаар байрт гэрэл зурагчин Д.Давааням “Өнгөрсөн, ирээдүйн зааг” бүтээлээр, гуравдугаар байрт гэрэл зурагчин М.Нямсайхан “Аав аа, архи битгий уугаач” бүтээлээрээ, тусгай байрт 26 оролцогч шалгарч, өргөмжлөл, мөнгөн шагналыг эзэн боллоо.
Тусгай байрт гэрэл зурагчин Ш.Гэрэлсайхан “Хэлмэгдүүлэлтийг бүү март”, “Цагдаа хүч хэрэглэсэн нь”, Б.Уугансүх-“Олз”, Ц.Эpхбаяр “Ажил”, “Цөхрөл”, А.Лхагважав “Салхинд гарсан нь”, Ү.Одбаяр “Ажлын дараах ажил”, “Аав ээжийн нар”, “Ээжийн нар”, “Аз жаргал”, “Гэртээ харих зам”, “Хар цагаан суудал”, Э.Есүнгэ-“Гуйлга гуйж буй хөвгүүн”, Г.Батпүрэв “Би чадна”, Г.Лхагвадорж “Амьд хүмүүс”, Ш.Бэжид “Зөв хэвшил амьдралын баталгаа”, Ч.Нарантуяа “Хүний эрүүл, аюулгүй орчинд амьдрах эрх”, М.Нямсайхан “Өвлийн уралдаан гэж өрөвмөөр спорт”, “Тайлбаргүй”, “Дүрэм зөрчигч”, “Тэдэнд зориулсан тээвэр бий юу?”, “Олз хайгчид” , “Тэдэнд зориулсан зам бий юу?”, А.Цэвэгмид “Бид бүгд ялгаатай, гэвч бүгд адил оролцох эрхтэй”, Д.Давааням “Монгол наадам”, “Хүүхэд золиос биш”, Ж.Түвшинпүрэв “Эрүү шүүлтээс ангид байх эрхтэй” бүтээл тус тус шалгарчээ.
Монголын бурхан шашны төв Гандантэгчинлэн хийдэд өнөөдөр бүтэн өдрийн турш Арван Хангал сахиус хурж, орой 19.00 цагийн үед Чойжоо дүгжүү гаргах аж.
Дэлхийн байгаль хамгаалах сангийн Монгол дахь хөтөлбөрийн газар, Увс нуурын ай савын улсын тусгай хамгаалалттай газар нутгийн Хамгаалалтын захиргаа, “Гулзатын санаачилга” ТББ хамтран энэ сард аргаль хонины тооллого хийжээ.
Мадридын “Реал” баг 2014/2015 улиралын анхны цомоо Марроко улсад зохиогдож байгаа багуудын хөлбөмбөгийн ДАШТ-д түрүүлж хүртлээ. Тэд финалын тоглолтод Аргентины “Сан Лоренсо” багийг 2:0 харьцаагаар буулган авч урд өмнө атгаж үзэж байгаагүй цомынхоо эзэд болцгоов. Хожлын бөмбөгийг 37 минутад Рамос, 51 минутад Бэйл хийж ялалтыг авчирчээ. Харин гуравдугаар байрыг Шинэ Зеландын “Окленд Сити” –г торгуулын цохилтоор буулган авсан Мексикийн “Крул Асуль” эзэлсэн гэх мэдээ байна.
Нийслэлийн хэмжээнд 117 эмийн сан хөнгөлттэй үнээр үйлчилж байна. Даатгалаар үйлчилж байгаа эмийн сан захын дүүргүүдэд байхгүй. Тиймээс нийслэлийн алслагдсан дүүргүүдийн иргэдэд даатгалаар үйлчлүүлдэг эмийн сантай болгохоор ажиллаж эхэлжээ. Ирэх онд даатгалаар үйлчлэх эмийн сангийн тоо нэмэгдэх гэнэ. Нийгмийн даатгалын үндэсний зөвлөлийн 2013 оны долдугаар сарын 31-ний 28 дугаар тогтоолын дагуу 134 төрлийн эмийг өрхийн эмчийн жороор хөнгөлттэй олгоно хэмээн заасан байдаг. Эрүүл мэндийн даатгал төлдөг хүн бүр хөнгөлөлттэй эмийг худалдан авах боломжтой. Харин тухайн эмчийн өгсөн нэг жор 10 хоногийн хугацаатай байдаг. Харин удаан хугацаанд эмчлэгдэх өвчнүүдэд 30 хоногоор жор олгодог ажээ. 
СУИС-ийн бахархал, тайз дэлгэцийн бүтээлүүдэд мөнхөрсөн дүрээрээ, найруулсан уран бүтээлээрээ ард түмний эчнээ танил болсон эрхмүүдийг энэ удаагийн нэг ангийнхан буландаа урилаа. Тэд СУИС-ийн жүжигчний ангид 1998 онд элсэн суралцсан үеэсээ урлагийн амтыг мэдэрсэн нэг ангийнхан. Тиймдээ ч төдийгөөс өдийг хүртэл жүжигчид нь кинондоо тоглож, найруулагчид нь бүтээлээ найруулж, Монголын урлагийн салбарт өөрсдийн байр суурь, нэр хүндээ нэгэнт олцгоожээ. Мөрөөдлийн театрын жүжигчин “Банш” Батаа, “Ийм нэгэн дурлал”, “Сайн, муу, хэрцгий”, “Миний хөрш чөтгөр” зэрэг дэлгэцийн олон бүтээлүүдийн зохиолыг бичиж, найруулсан “Миеэгомбо” кино компанийн захирал, продюссер, найруулагч А.Миеэгомбо, “ТВ коктейл”-ийн Өөскө, нэрт алиалагч Латиф агсны хүү, жүжигчин Нурбулан, “Чонон сүлд” хэмээх Холливудын кинонд тоглосон жүжигчин Р.Анхням,хөтлөгч, жүжигчин, дуучин Ч.Ундрал гээд яривал эдний ангиас төрөн гарсан алдартнууд олон. Эдний ангийн алдартнууд ингээд дуусахгүй. “ТВ-9”, “ETV” телевизүүдэд ажиллаж байсан сэтгүүлч М.Бүжинлхам, “UBS” телевизийн найруулагч Б.Жаргалсайхан, “Янаг дурлалын дууль”, Тусгай салаа” зэрэг уран бүтээлээрээ олны танил жүжигчин Т.Ариунбулаг, МАХН-ын хэвлэл мэдээллийн албаны дарга З.Бадамсэд, Монголын Үндэсний радиогийн найруулагч, хөтлөгч Мөнхбат, “17 чингэлэг инээд” хошиг шогийн гол дүрийн жүжигчин Г.Болормаа, киноны дуу оруулагч Т.Солонго, Батсумъяа гээд салбартаа амжилттай ажиллаж яваа залуус өчнөөн. 
Урлагт элэгтэй, жүжигчин, найруулагч болохыг хүссэн 500 гаруй шалгуулагчдаас эхний 25-д шалгарсан нь СУИС-ийн өндөр босгыг алхан оржээ. Ингэж элссэн оюутнуудын тал нь хүсэл эрмэлзэл, зорьсон зорилгодоо үнэнч хэвээр сургуулиа амжилттай төгссөн гээд бодохоор СУИС ямархуу өндөр шалгуур, шалгалтаар элсэлчдээ бүртгэн авч, мэргэжлийн хэр түвшинд хичээл номоо зааж, сурч мэдсэнийг нь хэрхэн бодитой, шударга шалгадаг нь бэлхнээ харагдана. 
“Өдрийн зочин” маань БСШУЯ-ны харьяа “Шинэ эрин” лаборатори сургуулийн сурагч. Олон улсын кембрижийн хөтөлбөрөөр хичээллэдэг гэдгээр нь уншигчид андахгүй. Европын ихэнх орны их сургуулиуд хүлээн зөвшөөрдөг,Канад, Австралид бүрэн хүлээн зөвшөөрөгдсөн, Америкийн зарим их сургуулиудын зөвшөөрдөг сургалтын системээр монгол хүүхдүүд амжилттай хичээллэж байгаа. “Шинэ эрин”сургуулийн 11-ийн “б”-гийн сурагч Э.Энхцацралтыг онцолж урьсан нь учиртай. Наймдугаар ангиа төгсөөд “Шинэ эрин”-д шалгалт өгч байж орсон хүү өнгөрсөн намар суурь боловсрол олгох эхний түвшний шалгалтандаа 100 оноо авчээ. Дэлхийн өнцөг булан бүрд энэ хөтөлбөрөөр суралцдаг хүүхдүүдээс хамгийн өндөр оноо авсан ганц сурагч. 160 гаруй орны их, дээд сургуулиуд хүлээн зөвшөөрдөг Кембрижийн хөтөлбөрөөр хоёр, гуравхан жил хичээллээд, хамгийн өндөр оноог нь авна гэдэг тийм ч хялбарбиш. Энхцацралт одоо хоёр түвшний шалгалт өгөх юм билээ. “Би өмнө нь 28, 40, нэгдүгээр сургуульд сурч байсан юм. Хоёрдугаар ангиасаа олимпиадад орж эхэлсэн. Дөчдүгээр сургуулийн Болд багш, нэгдүгээр сургуулийн Бат-Эрдэнэ багшнамайг математикийн олимпиадад бэлдэж байхдаа маш их юм заасан. “Шинэ эрин”-д орохдоо математикийн хүнд бодлогуудыг бодох чадвартай байсан ньолон улсын шалгалт өгөхөд маш том давуу тал болсон. Багш нартаа баярлалаа гэж хэлмээр байна. Өнгөрсөн намрын шалгалтаар хамгийн өндөр оноо авсан минь хүссэн их сургуульдаа ороход маш том давуу тал болно” гэж ярилаа.
УИХ-ын гишүүн Д.Дэмбэрэлтэй Улс төрийн намуудын тухай хуулийн өөрчлөлтийн талаар ярилцлаа. 
Анзаарсан байх, та бүхэн. Монгол телевиз оройн мэдээнийхээ өмнө “Бид бусад шиг захиалгат болон төлбөртэй мэдээ явуулдаггүй” гэх утгатай бичиг гаргадаг. Тус телевиз үүгээрээ бусад хэвлэл мэдээллийн байгууллагууд руу дайрч, тэднийг олон нийтэд муухайгаар харагдуулахыг хичээдэг. Монголчууд хэзээнээс л хаяагаа хадрахгүй, харснаа харвахгүй гэцгээдэг. Гэтэл Монгол телевизийнхэн хаяагаа хадрах нь байтугай нэг тогооноос хамт хоол иддэг атлаа бусад телевиз, сонинууд руу орой бүр нулимж байна. 
Налайх дүүргийн иргэдийн Төлөөлөгчдийн Хурлын ээлжит арваннэгдүгээр хуралдаан 2014 оны арванхоёрдугаар сарын 19-ний өдрийн 09 цагаас эхэлж хурлын дэгийн дагуу дүүргийн ИТХ-ын дарга А.Ганболд хуралдаанаар хэлэлцэх асуудлыг танилцуулж, нэмэлтээр хэлэлцэх асуудлын талаар төлөөлөгчдөөс санал авсан. Санал авах үеэр дүүргийн ИТХурал дахь Монгол Ардын намын бүлгийн ахлагч К.Сейтхан бүлгийн гишүүдийн буюу 9 төлөөлөгчийн гарын үсэг бүхий дүүргийн Засаг дарга Х.Болдбаатарыг огцруулах тухай асуудлыг хэлэлцүүлэх саналыг тавьсан. Энэ санал хэлэлцэх асуудлын жагсаалтад орсонтой холбогдуулан хурал дахь Ардчилсан намын бүлэг уг асуудлаар ажлын 5 хоногийн завсарлага авахыг хүссэн. Хурлын дэгийн дагуу дүүргийн ИТХ-ын дарга А.Ганболд ээлжит 11 дүгээр хуралдаан ажлын 5 хоногоор завсарласныг зарлан ээлжит хуралдааныг түр хаасан боловч дүүргийн ИТХ дахь МАН намын 9 төлөөлөгч, АН-ын 3 төлөөлөгч, МАХН-ын 2 төлөөлөгчдийн бүрэлдэхүүнтэйгээр хурлыг үргэлжлүүлэн явуулж ээлжит хуралдаанаар хэлэлцэх асуудлуудыг хэлэлцэн хууль бус шийдвэрүүдийг гаргалаа.