Энэ сарын 17-ны өдрийн Засгийн газрын хуралдаанаар Эрүүл мэнд, спортын дэд сайдаар Д.Атармаа, Т.Болдбаатар нар томилогдсон.
Тэгвэл өнөөдөр /2014.12.22/ Эрүүл мэнд, спортын сайд Г.Шийлэгдамба дэд сайд нарыг яамны нийт ажилтан, албан хаагчдад албан ёсоор танилцуулж, Засгийн газрын бүтэц, бүрэлдэхүүн шинэчлэгдсэнтэй холбогдон гарсан зарим тогтоол, шийдвэрүүдийн талаар мэдээлэл өглөө.
Тэрээр өмнөх Засгийн газрын ололттой ажлуудыг үргэлжлүүлж, засаж сайжруулах шаардлагатай асуудлуудыг зоригтой шийдэж, тулгамдсан чухал асуудлаас ажлаа эхэлж байгаагаа онцлоод дэд сайд нартай хамтран салбарын хөгжлийн төлөө ямар нэг ашиг сонирхлын зөрчилгүй, намын талцалгүй ажиллахаа илэрхийллээ.
Д.Атармаа: Эх, хүүхдийн эрүүл мэндийн тусламж, үйлчилгээний асуудлыг төрийн бодлогын түвшинд гаргахын төлөө ажиллана
– Эрүүл мэндийн салбарт бодлогын хувьд хийж хэрэгжүүлэх олон ажил байна. Эрүүл мэндээ хариуцан ажиллаж байгаа сайдын хувьд юуны өмнө эх, хүүхдийн эрүүл мэндийн тусламж, үйлчилгээтэй холбоотой асуудлыг төрийн бодлогын түвшинд хүргэхийн төлөө ажиллана. Мөн эмнэлэг, эрүүл мэндийн байгууллагад ажиллаж буй хүмүүсийн эрх ашгийг хамгаалах, эрүүл мэндийн байгууллагын санхүүжилтийг иргэний эрүүл мэндийн даатгалын тухай хууль болон бусад эрх зүйн баримт бичгүүдтэй уялдуулж зөв, оновчтой болгох, шинээр баригдаж байгаа эмнэлгийн барилгын асуудлуудыг шийдэхэд бүхий л бололцоогоо дайчлан ажиллана. Та бүхэнтэй хамтран ажиллах гэж байгаадаа баяртай байна.
Т.Болдбаатар: Спорт, эрүүл мэнд хоёр салшгүй холбоотой салбар
– Спорт, эрүүл мэнд хоёр салшгүй холбоотой салбар. Миний хувьд та бүхэнтэй нэг баг болон ажиллах болсондоо баяртай байна. Одоогоор Засгийн газраар яамдын бүтэц албан ёсоор батлагдаагүй байгаа. Удахгүй бүтэц тодорхой болоод ирэхээр олон чухал асуудлыг хамтдаа шийдвэрлэж, үр дүнг нь харна гэдэгт итгэлтэй байна.
Соёлын гавьяат зүтгэлтэн, профессор, Төрийн шагналт зохиолч Дарма Батбаярын хайр, эрх чөлөө, бусдад сэтгэлийн их амар амгалан, сайн сайхны ундарга бүхнийг бэлэглэхийн их тэмүүлэл, хүмүүний өөртөө хийгээд өрөөлд үнэн байхын жаргалыг мэдрүүлдэг нэгэн сайхан бүтээлээс төрсөн сэтгэгдлээ хуваалцаж байна.
Хятадын Гуандун мужид садар самуун кино үзэж, мурийтай тоглосон хэргээр гурван мянга гаруй хүнийг баривчилсан байна. Синьхуа агентлагийн уламжилснаар 3014 хүнийг саатуулснаас гадна 5000 гаруй хүнийг мөн ийм хэрэгт сэжиглэн баривчилжээ. 
Францад Дижон хотод үл таних этгээд “Аллах Акбар” хэмээн орилсоор 11 хүнийг машинаар дайрсан хэрэг гарчээ. Энэ хэрэг өчигдөр орой болсон бөгөөд гэмт этгээдийг цагдаагийнхан саатуулсан байна. Францын Дотоод хэргийн яамны сайдын мэдэгдсэнээр хэргийг 40 настай эрэгтэй үйлдсэн бөгөөд 1990 оноос хойш хууль сахиулах байгууллагынхны хяналтанд байсан, сэтгэл мэдрэлийн өвчтэй юм байна. 
Төрийн тэргүүний зарлигаар Монгол Улсын Ерөнхийлөгчийн нэрэмжит 2014 оны тэтгэлгийг шилдэг оюутнуудад хүртээх ёслол боллоо. Ерөнхийлөгчийн нэрэмжит тэтгэлгийг Ерөнхийлөгчийн Тамгын газрын дарга П.Цагаан оюутнуудад гардуулсан юм.
Шударга өрсөлдөөн хэрэглэгчийн төлөө газрын дарга О.Магнай албан тушаалаа өгч байгаа талаар түрүүхэн мэдээлсэн. Тэрбээр энэ байгууллагыг удирдсан хугацаанд хийсэн ажлынхаа тайланг хэвлэлийнхэнд ингэж ярилаа. 
Монголын чөлөөт бөхийн холбооны шинэ жилийн цэнгүүн өчигдөр болж өнгөрлөө.
Томуу, томуу төст өвчний дэгдэлт өмнөх жилийн мөн үеэс 4.3 хувиар нэмэгдсэн үзүүлэлттэй байгаа аж. Тухайлбал, энэ сарын 15-21-ний хооронд буюу долоо хоногийн байдлаар томуу, томуу төст өвчинтэй холбоотой өвчлөл энэ сарын 8-14-нөөс 0.7 хувиар нэмэгдсэн байна. Нийт амбулиториор үйлчлүүлсэн иргэдийн 79.1 хувийг 0-9 насны хүүхдүүд эзэлж буй гэнэ. Эмнэлгүүд ачааллаа дийлэхгүй байгаа томуугийн дэгдэлт улиралын шинжтэй гэдгийг эмч нар хэлж байгаа юм. Сурагчдын амралтын хугацаа 35 хоног үргэжилнэ. Томуугийн дэгдэлт ихэсдэг энэ үед бага ангийн хүүхдүүдийг урт хугацаанд амрааж байгаа нь энэ өвчнөөс урьдчилан сэргийлсэн нэг ажил хэмээн тэд онцлов. Тиймээс хүүхдүүдийн дундах томуу өвчний дэгдэлт буурах магадлалтай гэж үзэж байгаа гэнэ. Өрхийн эрүүл мэндийн төвүүд ажлын өдөр 17-19 цагийн хороонд цагаа уртасгаж ажиллаж байгаа аж. Амралтын өдөр бямба гарагт 10-14 цагийн хороонд иргэдэд үйлчилгээ үзүүлэх юм байна.
Монголын үндэсний бөхийн холбооноос зохион байгуулдаг “Дөрвөн уулын хишиг” барилдааны ээлжит цуврал болох Богдхан хайрханы хишиг барилдаан болж өнгөрлөө. Найм дахь удагаа зохион байгуулагдсан уг барилдаанд улсын аварга Г.Эрхэмбаяр, арслан Х.Мөнхбаатар, Н.Батсуурь, Д.Азжаргал, П.Бүрэнтөгс, гарьд Н.Ганбаатар, Ж.Бат-Эрдэнэ, заан Д.Баасандорж, М.Өсөхбаяр, Т.Санчир, Б.Батмөнх, Б.Соронзонболд, харцага Ө.Бат-Орших, Т.Өсөх-Ирээдүй, Б.Пүрэвсайхан, А.Бямбажав, Ж.Амартүвшин нарын тэргүүтэй улс аймгийн алдар цолтой 256 бөх зодогложээ. Барилдаанд Архангай аймгийн Булган сумын харьяат улсын өсөх идэр начин Р.Пүрэвдагва найм даван түрүүлж, Сэлэнгэ аймгийн Жавхлант сумын харьяат аймгийн хурц арслан Б.Одгэрэл үзүүрлэлээ. Харин их шөвөгт улсын аварга Г.Эрхэмбаяр, заан М.Өсөхбаяр нар шалгарсан байна. 
Шударга өрсөлдөөн, хэрэглэгчийн төлөө газрын дарга О.Магнай үүрэгт ажлаа хүлээлгэж өгч байгаа талаар мэдээллээ. Тэрбээр ажлаа хүлээлгэж өгөх болсон шалтгаанаа “Ардчиллыг уландаа гишгэж, дэд сайдын албан тушаалыг наймаалцсан Засгийн газарт ажиллаж чадахгүй. Би Шадар сайд У.Хүрэлсүхтэй хамтарч ажиллаж чадахгүй” хэмээн тайлбарлав. О.Магнай ШӨХТГ-ыг удирдаж байх хугацаандаа ямар ажлууд хийнээ сэтгүүлчдэд тайлагнасан юм. Энэ талаарх мэдээллийг эргэн хүргэх болно.