Улаанбаатар хотын Захирагчийн ажлын албанаас хүүхэд багачуудад зориулан энэ сарын 18-нд төв талбайд мөсөн гулгуурын талбайг ашиглалтад оруулсан билээ.
Харин Нийслэлийн Засаг даргын Тамгын газар, “Мобиком” корпараци болон “Соунд оф Монголиа”-тай хамтран стандартын шаардлагад нийцсэн, биеийн спортоор хичээллэх, уралдаан тэмцээн зохион байгуулах боломжтой зориулалт бүхий мөсөн гулгуурын талбайг Чингисийн талбайн баруун урд хэсэгт засч эхэллээ.
Энэхүү мөсөн гулгуурын талбай нь 30х60 хэмжээтэй, эрэгтэй, эмэгтэй гэж тусдаа 2 хувцас солих байртай, кофе шоп ажиллах бөгөөд маргааш ашиглалтад оруулахаар төлөвлөж байна. Талбайн ашиглалтыг Монголын хоккейн холбооны мэргэжлийн залуус хариуцаж ажиллах ажээ.
Энэ оны наймдугаар сард Шарга, Хүйсийн говь, Дөргөний хүрэн талд Монгол бөхөнгийн тархац, байршил, тоо толгойг тогтоох судалгааг Дэлхийн байгаль хамгаалах сангийн Монгол дахь хөтөлбөрийн газрын мэргэжилтнүүд, судлаачидтай хамтран хийжээ. Судалгааг шугаман трансектийн аргаар хийсэн байна. Уг судалгаагаар монгол бөхөнгийн популяцын тоо өсч 13 мянгад хүрсэн нь тогтоогджээ. Монгол бөхөнгийн тоо толгой 2002 онд 750 болтлоо цөөрч байсан юм.
ШУӨХТГ-аас Монголын киноны ашиг орлогын тухай мэдээллийг долоо хоног бүр олон нийтэд мэдээлж байгаа. Ингэснээр манай уран бүтээлчдийн киноны чанар чансаа мэдэгдэхүйц нэмэгдсэн гэдгийг албаныхан онцолсон юм.
– 
“Дэрст тохой” ХХК өөрийн 2.8 тэрбум төгрөгийн хөрөнгө оруулалтаар жилд 300 мянган тонн антрацитын утаагүй шахмал түлш үйлдвэрлэх хүчин чадалтай үйлдвэрээ ашиглалтад орууллаа. Уг үйлдвэр нь Улаанбаатар хотоос 42 км, Төв аймгийн Сэргэлэн суманд байрладаг байна.
Улсын Дээд шүүхийн хяналтын шатны эрүүгийн хэргийн шүүх хуралдаанаар өчигдөр төрсөн хоёр хүүхдээ машинд түгжин шатааж, амь насыг нь хохироосон З.Ёндонд холбогдох хэргийг хянан хэлэлцжээ. Шүүхээс анхан болон давж заалдах шатны шүүхээс түүнд оногдуулсан 25 жилийн хорих ялыг хэвээр үлдээв. 
Нийтийн тээврийн хэрэгслээр зорчих үнийн тариф өөрчлөгдөж 500 төгрөг болсонтой холбоотойгоор ирэх 2015 оны нэгдүгээр сарын 1-ний өдрөөс оюутнуудыг нийтийн тээврээр төлбөртэйгээр зорчуулах асуудал яригдаж байсан. 
БНТУ-аас Монгол Улсад суугаа Онц бөгөөд Бүрэн эрхт Элчин сайд Мурат Карагөз Засгийн газрын шинэ сайдуудтай хамтын ажиллагааны уялдаа холбоогоо бэхжүүлэх, хоёр орны хамтын ажиллагааны чиглэлийг тодорхойлж, хоёр орны хамтын ажиллагааны талаар санал бодлоо солилцлоо. Тодруулбал, энэ сарын 23-нд Батлан хамгаалахын сайд Ц.Цолмон, 24-нд ХХАА-н сайд Р.Бурмаа, 25-нд БОНХАЖ-ын сайд Д.Оюунхорол, 25-нд Гадаад хэргийн сайд Л.Пүрэвсүрэнтэй тус тус уулзсан байна. 
Хил хамгаалах Ерөнхий газраас зохион байгуулж буй “Дархан хил-Олимп” аяны хүрээнд Монгол Улсын хилээр “РИО-2016” олимпийн бамбарыг аялуулж эхлээд даруй дөрвөн сарын хугацаа өнгөрөөд байна. Олимпийн бамбар наран ургах зүүн хил дорнын цэнхэр хязгаар Хилийн 0198 дугаар ангиас нар зөв тойрон улмаар Хилийн 0146, 0184 дүгээр ангиудад энэ хугацаанд аялаад байгаа юм. Хилийн отрядууд олимпийн бамбар аялах хугацаанд олон нийт, бие бүрэлдэхүүнийг хамарсан спортын төрөл бүрийн тэмцээн уралдааныг зохион байгуулж байна. Хилийн 0129 дүгээр ангийн хамт олон арванхоёрдугаар сарын 01-ний өдөр “РИО-2016” олимпийн бамбарыг хүлээн аваад байгаа бөгөөд өчигдөр Хилийн 0108 дугаар ангид хүлээлгэн өгчээ.