Улсын Их Хурлын 2014 оны хаврын ээлжит чуулганы өчигдрийн үдээс хойших нэгдсэн хуралдаан хаалттай горимоор болж, Монгол Улсын Ерөнхийлөгч Ц.Элбэгдорж улс орны нийгэм, эдийн засгийн нөхцөл байдлын талаар мэдээлэл хийлээ. Мөн Монгол Улсын Ерөнхий сайд Ч.Сайханбилэг, Засгийн газрын гишүүн, Монгол Улсын сайд М.Энхсайхан, Монголбанкны ерөнхийлөгч Н.Золжаргал нар гишүүдэд мэдээлэл өгчээ.
Мэдээлэлтэй холбогдуулан Улсын Их Хурлын гишүүд асуулт асууж, байр сууриа илэрхийлсэн байна. Чуулганы нэгдсэн хуралдаан 18 цаг 40 минутад нээлттэй горимд шилжиж, Хүний эрхийн дэд хорооны бүрэлдэхүүнд өөрчлөлт оруулах тухай УИХ-ын тогтоолын төслийг хэлэлцэв. Хууль зүйн байнгын хороо өнөөдрийн чуулганы нэгдсэн хуралдааны завсарлагаар хуралдаж, Хүний эрхийн дэд хорооны бүрэлдэхүүнд өөрчлөлт оруулах тухай асуудал хэлэлцэж УИХ-ын гишүүн Ё.Отгонбаяр, Ц.Оюунбаатар нарыг Хүний эрхийн дэд хорооны бүрэлдэхүүнд нэмж оруулахаар шийдвэрлэсэн талаар УИХ-ын гишүүн Ш.Түвдэндорж танилцуулсан юм. Ингээд байнгын хорооны саналаар санал хураалт явуулахад Хүний эрхийн дэд хорооны бүрэлдэхүүнд өөрчлөлт оруулах тухай УИХ-ын тогтоолын төслийг батлахыг чуулганы нэгдсэн хуралдаанд оролцсон гишүүдийн 89.4 хувь нь дэмжлээ.
Мөн Эдийн засгийн байнгын хорооны өнөөдрийн хуралдаанаар Жижиг, дунд үйлдвэрлэлийн хөгжлийн дэд хорооны даргыг сонгох тухай асуудлыг хэлэлцэж, тус дэд хорооны даргаар УИХ-ын гишүүн С.Дэмбэрэлийг сонгосныг УИХ-ын дарга чуулганы хуралдаанд танилцуулав.
Чуулганы нэгдсэн хуралдааны үеэр Засгийн газрын гишүүн, Сангийн сайд Ж.Эрдэнэбат энэ оны санхүүгийн жил дуусч буйтай холбогдуулан төсвийн байгууллагуудын хэвийн үйл ажиллагааг хангах үүднээс Төрийн сангийн гүйлгээг энэ оны 12 дугаар сарын 31 хүртэл саадгүй хийх болно гэдгийг мэдэгдлээ.
Чуулганы нэгдсэн хуралдааны төгсгөлд УИХ-ын дарга З.Энхболд чуулганы энэ өдрийн нэгдсэн хуралдаан нь УИХ-ын 2014 оны отгон хуралдаан гэдгийг онцлоод Монголын нийт ард түмэнд шинэ оны мэндчилгээ дэвшүүлж ирж буй ондоо эрүүл энх, аз жаргал, амжилт бүтээлээр дүүрэн байхыг ерөөлөө. Үүгээр Улсын Их Хурлын 2014 оны сүүлчийн хуралдаан өндөрлөлөө. Энэ сарын 30, 31-ний өдрүүдэд Байнгын хороодын ажлын хэсгүүд хуралдах юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
Сүүлийн үед МҮОНРТ юу хийдэг бусад телевизүүд юу хийдэггүй талаарх маргааныг МҮОНРТ-ын уран бүтээлч бий болгоод байна. Тэдний энэ мэдээлэлд зарим телевизүүд эсэргүүцлээ илэрхийлээд эхэлжээ.
УИХ-ын Нийгмийн бодлого, боловсрол, соёл, шинжлэх ухааны байнгын хороог төлөөлж УИХ-ын гишүүн Ё.Отгонбаяр, Д.Сарангэрэл нар өнөөдөр ХӨСҮТ-ийн үйл ажиллагаатай танилцлаа. УИХ-ын гишүүд хүүхдийн эмнэлгийн асуудлаар үүсээд байгаа нөхцөл байдалтай холбогдуулан ХӨСҮТ дотоод зохион байгуулалт хийх байдлаар тодорхой хугацаанд хүүхдийн эмнэлэг байрлуулах, тэр дундаа мэргэжлийн хүмүүсийн санал болгосноор тус төвийн нөөцийн тасгийг тодорхой хугацаанд хүүхдийн эмнэлгээр ашиглах боломж бий эсэхийг тодруулав. 
Монгол улсын 2014 оны улсын аварга шалгаруулах тэмцээн, олон улс, дэлхийн аварга шалгаруулах тэмцээнд Монголын модон бөмбөгийн тамирчид амжилттай оролцсон, өндөр амжилт гаргасан тамирчдад спортын цол зэрэг гардуулах, оны шилдэг тамирчдын шагнал гардуулах ёслол боллоо. Энэхүү ёслолын арга хэмжээнд Монголын Модон бөмбөгийн холбооны ерөнхийлөгч Д.Жаргалсайхан, Монголын Модон бөмбөгийн холбооны хүндэт ерөнхийлөгч М.Сономпил, Модон бөмбөгийн холбооны Удирдах зөвлөлийн гишүүн Р.Дадам, Н.Эрдэнэбаатар зэрэг хүмүүс оролцов. 
1-р сарын хөтөлбөр
Өнгөрсөн долоо хоногийн пүрэв гаригийн чуулганы хуралдаанаар Монголын үндэсний олон нийтийн телевизийн зөвлөлд нэр дэвшигчдийг хэлэлцэх үеэр, тэдэнд хандаж УИХ-ын дарга З.Энхболд “100 хүний хийдэг ажлыг 700 хүн хийдэг, архидалт замаа алдсан, хулгайн кино гаргахаа болих хэрэгтэй” гэсэн агуулга бүхий үг хэлсэн.
Засгийн газрын ээлжит хуралдаан энэ сарын 30-ны өдрийн 10.00 цагт болно. Хуралдаанаар дараах асуудлыг хэлэлцэнэ. Тус хурлаар Боомтын нэгдсэн захиргаа болон боомтын захиргаадын талаар авах арга хэмжээний тухай, Яамдын үл ажиллагааны стратеги, бүтцийн өөрчлөлтийн хөтөлбөр батлах тухай, Монгол Улсын нэгдсэн төсвийн 2015 оны төсвийн хүрээний мэгдэл 2016-2017 оны төсвийн төсөөллийн тухай хуульд өөрчлөлт оруулах тухай Хөрөнгийн албан татварын тухай, Нийслэл хотын албан татварын тухай хуулийн төсөл болон эдгээр хуулийн төсөлтэй холбогдуулан боловсруулсан бусад хуулийн төслийн тухай, Аудитын тухай болон Нягтлан бодох бүртгэлийн тухай хуулийн шинэчилсэн найруулгын төслий үзэл баримтлалын тухай хэлэлцэх юм байна. 
Монгол Улсын Засгийн газрын 66 дахь ээлжит хуралдаан 2014 оны арванхоёрдугаар сарын 30-ны мягмар гарагт 10.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэх юм байна. 
Жил бүр НЗДТГ-аас нийслэлийн иргэддээ зориулан “Улаанбаатарын мөнгөн үдэш” шинэ жилийн цэнгүүнийг 12-р сарын 31-ний үдэш “Их эзэн Чингис хааны талбай”-д зохион байгуулдаг. Цэнгүүний дараа нийслэлийн Нийтийн тээврийн газраас шөнийн 00:00 цагаас 01:00 цагийн хооронд 28 автобус иргэдэд үйлчилнэ. 
Чингисийн талбайн хоёр дахь мөсөн гулгуурын талбай өнөөдөр ашиглалтад орно. Улаанбаатар хотын Захирагчийн ажлын албанаас хүүхэд багачуудад зориулан энэ сарын 18-нд төв талбайд мөсөн гулгуурын талбайг ашиглалтад оруулсан юм.