31-нд зүүн зүгийн нутгаар, 3-нд баруун зүгийн нутгийн зарим газраар цас орно. Салхи 2,3-нд баруун болон говийн нутгаар секундэд 16-18 метр хүрч цасан болон шороон шуурга шуурна. 31-нд нутгийн зүүн хагаст хүйтэн, Увс нуур болон Дархадын хотгор, Идэр, Тэс голын сав газраар шөнөдөө 32-37 градус, өдөртөө 19-24 градус, Хүрэн бэлчир, Сэлэнгэ, Хараа, Ерөө, Туул, Тэрэлж, Хэрлэн, Халх голын сав газраар шөнөдөө 28-33 градус, өдөртөө 16-21 градус, говийн бүс нутгийн баруун хэсгээр шөнөдөө 14-19 градус, өдөртөө 5-10 градус, бусад нутгаар шөнөдөө 24-29 градус, өдөртөө 11-16 градус хүйтэн байна. 1 дүгээр сарын 1-нд нутгийн баруун хэсгээр, цаашдаа ихэнх нутгаар хүйтний эрч суларна.
УЛААНБААТАР ХОТ: Үүлшинэ. Бага зэргийн цас орж, явган шуурга шуурна. Салхи баруун хойноос секундэд 5-10 метр, өдөртөө секундэд 12-14 метр хүрч ширүүснэ. Хүйтэрч шөнөдөө хотын төв орчмоор 22-24 градус, бусад хэсгээр 29-31 градус, өдөртөө 16-18 градус хүйтэн байна.
Малчид, ард иргэдийн анхааралд
Ихэнх нутгаар хүйтний эрч чангарч, салхи, шуургатай байхыг анхааруулж байна.
Монгол Улсын Ерөнхий сайдын тэргүүлдэг Хүүхдийн төлөө үндэсний зөвлөл 2014 оны “Онцлох Монгол хүүхэд”-ийг тодруулахад 33 хүүхдийн тодорхойлолт ирснээс 9 хүүхдийг шалгаруулжээ. Шинэ бүтээл, хүмүүнлэгийн үйлс, экологи, эрэмгий мэргэн, оюунлаг, амьдрах ухааны санаачилгаараа үеийнхнээ манлайлсан оны онцлох хүүхдүүдэд Ерөнхий сайд, Хүүхдийн төлөө үндэсний зөвлөлийн тэргүүн Ч.Сайханбилэг шагнал гардуулж, баяр хүргэж үг хэлэхдээ, 
Реваншизм (франц хэлний revanchisme, revanche–хөрвүүлбэл “өшөө хонзон”, “хариу үйлдэл”, “өр төлөөс”), реваншист гэхлээрээ тийм үйлийг үйлдэгч – хонзогногч. Олон улсын харилцааны хичээл дээр энэ тухай заадагсан, ухаан нь Германы, Японы, Унгарын, Финийн, посткоммунист реваншизм гээд түүхэн сэдвүүд бий. Ялагдсан тал ялагдлаа үл зөвшөөрөн, дайны үр дүнг хянаж үзэхийг шаардах, тэр шаардлага нь яван явсаар дараагийн дайны шалтгаан болдог тухай сэдэв л дээ. 
Баярын үеэр ажиллаж байдаг түргэний эмч, цагдаа, сэтгүүлчид шиг л “Хишиг өдөр”-тэй байдаг хүмүүс бол пицца хийдэг залуус юм байна. Учир нь аливаа баяраар тэдний “үйлдвэрлэдэг” пиццаны эрэлт хэрэгцээ нэмэгддэг. “Микс пицца”-гаар орж баярын үеийн үр бүтээлтэй нь танилцав. “Микс пицца”-ны ерөнхий технологич Э.Онон “Баярын хуваарьгаргаж сууна” гэсээр угтлаа. Баярын үеэр нэмэлт хүчээр ажилладаг гэж тэр тайлбарлав. “Микс пицца”-ны онцлог нь бусад пиццанаас хэмжээ том, үнэ нь адил гэнэ. Шинэ пицца мэндлэхдээл бусдаас ялгарах ийм онцлогтой байлаа. Одоо ч түүнийгээ хадгалсан хэвээр. Пиццаны хэмжээг инчээр илэрхийлдэг аж. 14 инчийн найман зүсэмтэй пицца 21900 байдаг бол 16 инчийн 12 зүсэмтэй пицца 26900 аж.
Шинэ жилийн баяр дөхсөнтэй холбогдуулан албан байгууллага, найз нөхдөөрөө архидан согтуурч улмаар хордлогод орох тохиолдол эрс нэмэгддэг. Нийслэлийн Эрүүл Мэндийн газрын харьяа Наркологийн эмнэлэг нь 50 ортой ч үргэлж тооноос давсан хүмүүс эмчлүүлж байсан юм. Тэдгээрийн дийлэнх нь анх удаа эмчлүүлж байгаа хэдий ч хоёр болон түүнээс олон удаа хэвтэж байгаа өвчтөн цөөнгүй байлаа. Долоогоос арав хоног хэвтэн эмчлүүлэхэд 20 мянган төгрөгийн төлбөртэй аж. Наркологийн эмнэлгийн их эмч, тасгийн эрхлэгч Г.Бэрцэцэгээс тодруулга авсан юм. 
УИХ-ын чуулганы баасан гаригийн үдээс өмнөх хуралдааны эхэнд спикер мэдэгдэл хийсэн юм. Тэрбээр “Хурал эхлэхийн өмнө би залруулга хэлье. Өчигдөр МҮОНРТ-ийн Үндэсний зөвлөлийн гишүүдээр дөнгөж томилогдсон хүмүүст хандаж хэлсэн үг заримд нь буруу ойлгогджээ. Миний үгийг сайн харвал 100 хүнтэй телевизийн хийдэг ажлыг 700 хүнтэй МҮОНТ хийдэг гэж харьцуулсан. Түүнээс 700 хүнийг архи уудаг тухай яриагүй юм. Тэр архидалт, аймшигтай, замбараагүй байдал гэдэг бол МҮОНРТ-ийн М.Наранбаатар тэргүүтэй дарга нар, түүнийг тойрон хүрээлэгчийн тухай ярьсан хэрэг. Олон жилийн түүхтэй, хүчирхэг уран бүтээлчидтэй энэ байгууллагад сүүлийн хэдэн жил ахиц гарах нь бүү хэл уруудсан. Тэр нь өчигдөр долоогийн долоон хүн нь солигдож байгаа Үндэсний зөвлөл, энэ байгууллагыг удирдаж байгаа М.Наранбаатар болон түүнийг тойрон хүрээлж байгаа дарга нартай холбоотой юм. Тийм учраас энэ байдалдаа анхаарч ажиллахыг сануулж, Үндэсний зөвлөлийн шинээр сонгогдсон гишүүдэд хандаж ийм үг хэлсэн. Энэ үг уран бүтээлч та бүхэнд буруу ойлгогдсон бол уучлал гуйж байна. Харин миний хэлсэн үгийг ашиглаж өөрсдийнхөө эрх ашгийн төлөө та бүхнийг бослого тэмцэлд уриалж байгаа удирдлагуудынхаа санаархалд бүү автаарай гэдгийг сануулж байна. Би хэлсэн үгийнхээ төлөө МҮОНРТ-ийн удирдлага, түүнийг тойрон хүрээлсэн хэсэг бүлэг хүмүүсээс уучлал гуйхгүй. Үүгээр өчигдөр орой МҮОНТ-ээр мэдэгдсэн шаардлагын хариуг өгч байна” гэлээ. Үүний дараагаар “Тогтоолын хавсралтуудаднэмэлт, өөрчлөлт оруулах тухай” тогтоолын төслийг хэлэлцэх эсэх асуудлаар санал хурааж, гишүүдийн олонхийн дэмжлэг хүлээв. Энэхүү тогтоол нь Зүүнхараа дахь алтны үндсэн ордыг ашиглах тухай юм. Уг ордыг ашигласнаар гурван их наяд төгрөгийн алтыг Монголбанкинд тушаахаар гэрээ хийгджээ. Мөн 1000 хүн ажилтай болох аж. Ингээд тогтоолын төслийг анхны хэлэлцүүлэгт бэлтгүүлэхээр Эдийн засгийн байнгын хороонд шилжүүлсэн юм.
Төрийн шагналт, ардын зураач Лувсангийн Гаваагийн “Алтайн уулс” бол Монголын дүрслэх урлагийн сонгодог бүтээл юм.Л.Гаваа гуай энэ бүтээлээ 1958 онд туурвижээ. 200×400см-ийн хэмжээтэй. Үзэл санаа, өгүүлэмж, дүрслэлийн хэлээрээ асар өргөн цар хүрээг илэрхийлсэн туульсын уран зураг юм. Байгалийн уран зургийн гол онцлог нь өнгө бичилтдээ байдаг. Байгаль ертөнц дээр байгалиас өөрөөс нь өөр төгс бүтээл үгүй учраас тэр. Байгалийн бодит төгс төгөлдрийг уран сайхны сэтгэлгээнд буулгахдаа өнгөний хэллэгээрээ хэр зэрэг өргөн орон зайг бүтээн бий болгоход хэргийн учир байна. Хөгжмөөр зүйрлэн үзвэл, симфони хөгжимд дээд зэргийн өндөр нарийвчлалтай оркестровкыг(найралжуулга) бүтээнэ гэсэн үг юм.Үүгээрээ сонгодог бүтээл нь хүний оюуны мөнхийн тэжээл болдог. Л.Гаваа гуай “Алтайн уулс” бүтээлдээ Монгол Алтайн нуруудын байгалийн төгс үзэсгэлэнг хүүрнэн өгүүлэхдээ өнгөнүүдийн найралжуулгыг тийм өндөр нарийвчлалтайгаар бичсэн харагдана. Одоо та эл агуу уран зургийн өнгөний найралжуулгыг харна уу. Байгалийн уран зургийн сод бүтээл дэх өргөн дэлгэр утга, гүн санааг өгүүлсэн баян тансаг хэллэгийг “өнгөний зохицол” гэх төдийгөөр илэрхийлэх аргагүй. Өнгө зохицох төдийгүй найрал үүсгэж байж хүүрнэн өгүүлэх өргөн цар хүрээнд хүрч очдог. Тиймээс “өнгөний найралжуулга” нь зураачийн туурвих зарчмыг, мастерствог илүү тодорхой ойлгомжтой харуулж чадах юм. 
Аргын тооллын 12 сарын 30, Ангараг гараг.Билгийн тооллын 9, Шийдэм одтой, хөхөгчиг гахай өдөр. Өдрийн наран 8 цаг 44 минутад мандан, 17 цаг 06 минутад жаргана. Тухайн өдөр хонь, туулай жилтнээ аливаа үйлийг хйихэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хуврага болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, нялхасын хурим хийх, хийморийн дарцаг хатгахад сайн. Газар малтах, худаг гаргах, гөлөг тэжээх, уул овоо тахихад муу. Өдрийн сайнцаг нь үхэр, луу, морь, хонь, нохой гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй. 
Грек улсын эрэг хавьцаа осолдсон Италийн зорчигч тээврийн усан онгоцны хүмүүсийг аврах ажиллагаа дууслаа хэмээн Италийн Ерөнхий сайд Маттео Ренци мэдэгдэв. Өчигдөр орой энэхүү зорчигч тээврийн усан онгоцны агуулахад гал гарсны улмаас хөдөлгүүр зогсож онгоцонд зорчиж явсан 478 хүний амь нас аюултай байдалд ороод байсан билээ. Ширүүн давалгаа, хүчтэй салхитай байсан цаг агаарын хүнд нөхцөлд Итали, Грек, Албаны аврагчид хамтран ажиллаж харьцангуй бага хохиролтойгоор аврах ажиллагааг дуусгасан хэмээн мэдээлж байна. Одоогийн байдлаар усанд унаж хөлдсөн, утаанд угаардсан гэх зэргээр таван хүн амиа алдсан гэж Грекийн аврах албаныхан тэмдэглэжээ.
Нэгэн цагт Испаний шигшээ багийн түүчээ болон гялалзаж явсан Фернандо Торрес байгалийн жам ёсоор залуу цагийн эрч хүчээ алдан Челси, Милан багуудын сэлгээний сандлаас хөндийрч эс чадан сүүлийн хэдэн жилийг өнгөрөөсөн билээ. Тэгвэл түүний унаган баг Атлетико М өнөөдөр “тэнэмэл хүү”-гээ ирээдүйд худалдан авах болзолтой, энэ цаг үедээ бол зээлийн гэрээгээр 2016 оны зун хүртэл тоглуулахаар гэрт нь авчирлаа. Өдгөө 30 настай Торрес “Атлетико”Мадридад 2001-ээс 2007 он хүртэл тоглож байгаад Английн Ливерпүүлд зарагдаж байсан . Атлетикогийн хүүхдийн, залуучуудын, насанд хүрэгчдийн бүхий л ангилалд од болон гялалзаж явсан тэр төрөлх багтаа эргэн ирж хөлбөмбөгчийн хувиар сүүлчийн он жилүүдээ өнгөрөөх болсондоо туйлын баяртай байгаагаа өөрийнхээ твитерт бичиж үлдээжээ.