Эстони улсын нийслэл Таллинн хотноо зуун буудалт даамын өсвөрийн Дэлхийн аварга шалгаруулах тэмцээн энэ бямба гаригт /XI.1/ өндөрлөлөө. Тэмцээнд 14 орны 128 өсвөрийн даамчин өрсөлдсөнөөс охидын 8-10 насанд манай даамчин Баатархүүгийн Мөнхжин мөнгөн медаль хүртлээ. Энэ насанд 12 орны 28 даамчин өрсөлдсөнөөс Беларусын Часнакова Мариа 8 хожил, 1 тэнцээ авснаар 17 оноогоор тэргүүлсэн бол Б.Мөнхжин 7 хожил, 2 хожигдолтой дэд байрт шалгарч, ОХУ-ын Скиарбина Анжелина 12 оноогоор хүрэл медаль хүртлээ.
Ийнхүү Азийн аварга шалгаруулах тэмцээнээс алтан медаль хүртэж байсан Б.Мөнхжин ДАШТ-ээс мөнгөн медаль зүүлээ. Энэхүү тэмцээнд манай улсаас 12 даамчин оролцож, нэг мөнгөн медаль, нэг шагналт тавдугаар байрт шалгарсан амжилтыг үзүүлэв. Хөвгүүдийн 8-10 насны ангилалд өрсөлдсөн Э.Үйлстөгөлдөр шагналт V байр эзэлсэн юм.
Азийн хотуудын нөөцийн цогц менежмент Хот байгуулалтын Nexus төслөөс бүс нутгийн дөрөвдэх удаагийн семинарыг 2014 оны 11 сарын 5-наас 7-ны хооронд Улаанбаатар хотноо зохион байгуулах гэж байна. Семинарт Nexus төсөлд хамрагдсан Азийн 10 хотуудын төлөөлөл болох 70 орчим зочид, нийт 100 төлөөлөгч буюу Монгол улсын Засгийн газрын яам, агентлаг, Нийслэлийн удирдлагуудын төлөөлөл, төсөл хэрэгжүүлж буй болон түнш ESCAP, GIZ зэрэг байгууллагуудын төлөөлөл, хотуудын цахим сүлжээний нэгдэл,олон улсын санхүүгийн, судалгааны байгууллага, хувийн хэвшил мөн нөөцийн цогц менежментийн чиглэлээр үйл ажиллагаа явуулдаг бусад байгууллагууд оролцоно. Энэ удаагийн семинараар нөөцийн цогц төлөвлөлт, Nexus төсөл арга хэмжээг хэрэгжүүлэх, хот байгуулалт, төлөвлөлтөнд тусгах, иргэдийн оролцоог хангах талаар ярилцаж хэрэгжилтийн явцад учирч буй хүндрэл, тулгамдаж буй асуудлыг хэлэлцэн, хотууд өөр өөрсдийн туршлага ололтоосоо хуваалцах юм. ө Ази, Номхон Далайн бүсийн хүн амын огцом өсөлт, хотжих үйл явц нь ус, эрчим хүч, хүнсний хангамжийн найдвартай байдлыг алдагдуулж хотуудын тогтвортой хөгжлийг эрсдэлд оруулж байгаа. Гэтэл Азийн ихэнх хотууд салбарын явцуу хүрээнд, хотынхоо хил хязгаарын хэмжээнд төлөвлөлт, менежментээ хийсээр байна. Тиймээс асуудалд цогц байдлаар, харилцан уялдаатайгаар хандах шаардлага амьдралаас урган гарч байна. Иймд хоорондоо хамаарал бүхий (ус-эрчим хүч-хүнс) гэсэн гол гурван салбарын харилцан үйлчлэл, нөлөөллийг ашиглах шаардлагатай. Ингэснээр хот ба бүсийн нөөцийн цогц менежмент, төлөвлөлтийн потенциалыг ашиглах боломж бүрдэх юм. ө Nexus хандлага нь эрчим хүч, ус болон хүнсний хангамжийн салбарт найдвартай байдлыг хангах цогц төлөвлөлт, менежментийн арга замыг нэвтрүүлэхэд чиглэгддэг. Хот болон харьяа бүс нутгийн тогтвортой хөгжилд урт хугацаанд чухал үүрэг гүйцэтгэнэ. Энэ утгаараа хот болон бүс нутгийн байгууллага, аж ахуйн нэгж, түүнчлэн инженерийн хангамжийн байгууллагуудыг Nexus-т хамаарал бүхий салбаруудын цогц төлөвлөлт, менежментэд хамруулах нь чухал байгаа юм. ө Энэхүү хэрэгцээ шаардлагад нийцүүлэн ХБНГУ-ын Эдийн Засгийн Хамтын Ажиллагаа, Хөгжлийн Яам(BMZ)-ны санхүүжилтээр Германы Олон улсын хамтын ажиллагааны нийгэмлэг (GIZ) НҮБ-ын Ази, Номхон Далайн Эдийн Засаг, Нийгмийн Хороо (UN ESCAP)-той хамтран “Азийн хотуудын нөөцийн цогц менежмент: хот байгуулалтын Nexus” төслийг хэрэгжүүлж байгаа ба төслийн хүрээнд бүс нутгийн 6 орны (Хятад, Индонези, Монгол, Филлипин, Тайланд, Вьетнам) 10 хотод техникийн туслалцаа үзүүлнэ. ө Төсөл нь хотуудын захиргаа, төлөвлөлт хариуцсан алба нэгжүүдийн нөөцийн цогц төлөвлөлт, менежментийн чадавхийг бэхжүүлэх, мөн боломжтой нөхцөлд Nexus санаачлагуудыг практикт нэвтрүүлэх, хэрэгжүүлэхэд техникийн зөвлөх үйлчилгээ үзүүлнэ. Түүнчлэн тухайн улс, нутгийн түвшинд хуримтлуулсан ололт, туршлагыг бүс нутгийн мэдлэг түгээх, хэлэлцүүлэг явуулах платформд суулган мэдлэгийн сан үүсгэж Азийн хотуудын үйл ажиллагаанд дэмжлэг үзүүлэх юм. ө Төслийн хүрээнд өнгөрсөн хугацаанд бүс нутгийн семинарыг гурван удаа зохион байгуулсан (2013 онд Taйландын Бангкок хотод хоёр удаа, 2014 онд Вьетнамын Да Нанг хотод нэг удаа) ба эдгээр семинарын хүрээнд Nexus-т хамааралтай технологийн өнөөгийн түвшин, хотуудын Nexus төслүүдийн явц, ахиц дэвшлийг танилцуулж хэлэлцүүлсэн. Түүнчлэн хотуудын төлөөлөлд хот байгуулалтын Nexus санаачлагуудыг дэмжих орчин нөхцлийг бий болгох талаар төр засгийн төлөөлөл болон холбогдох бусад талуудтай хэлэлцүүлэг өрнүүлэх боломж олгосон. ө Өмнө нь явагдсан семинаруудын үр дүнд тулгуурлан энэ удаагийн семинар дараах зорилтуудыг тавьж байна. Үүнд: ө 
УИХ-ын гишүүн Б.Чойжилсүрэнтэй ярилцлаа.
НҮБ-ын энхийг сахиулах асуудлаарх Засгийн газрын байр суурийг илэрхийлж НҮБ-ын Ерөнхий Ассамблейн Дөрөвдүгээр хороонд Монгол Улсаас НҮБ-ын дэргэд суугаа Байнгын төлөөлөгчийн орлогч Г.Баттунгалаг үг хэлэв. НҮБ-ын энхийг сахиулагчдад тулгарах бэрхшээл улам бүр эрсдэлтэй болж буй өнөөгийн нөхцөлд НҮБ-ын гишүүн улс бүрийн оролцоо, хамтын хүч чармайлт чухал гэдгийг манай төлөөлөгч хэлсэн үгэндээ тэмдэглэж, олон улсын энх тайван, аюулгүй байдлыг хангах чиглэлээрх олон улсын хамтын нийгэмлэгийн хүч чармайлтад Монгол Улс хувь нэмрээ оруулахыг зорьж байдгийг нотлов. 
Замын–Үүдийн “Борхойнтал – тээвэрчдийн холбоо” ТББ –аас энэ пүрэв гаригт буюу арваннэгдүгээр сарын 6-наас хил хоорондын ачаа тээврийн хэрэгслийн хөдөлгөөнийг хугацаагүй зогсоох шийдэлд хүрчээ. 
Өнгөрсөн сарын 24-нд манай улсын иргэн Б,Г,Ц тэргүүтэй 10-аад залуу соргог бөхөнгийн 162 эвэр аван Баянгол дүүргийн нутагт явж байхад нь байгаль хамгаалагчид саатуулсан байна. Соргог бөхөн нь олон улсын хэмжээнд “устаж болзошгүй”, Төв Азийн хэмжээнд “устаж байгаа” гэсэн ангилалд багтаж, “Улаан ном”-д орсон аж. Нэн ховорт тооцогдсон соргог бөхөнгийн 162 эвэр гэдэг нь 81 толгой гэсэн үг.
Зууны мэдээ сонины Үндэсний мэдээллийн төвд өнөөдөр 12:30 цагаас Ардчилсан намын гишүүд дэмжигчдийн холбооноос хэвлэлийн хурал зарлажээ. Уг хурлаар цаг үеийн асуудлаар мэдээлэл хийхээр болсон талаараа мэдэгдсэн бөгөөд Ерөнхий сайд Н.Алтанхуягыг огцруулах асуудал болон өнгөрөгч амралтын өдрөөр хуралдсан Ардчилсан намын удирдах ажилтнуудын зөвлөгөөний үеэр яригдсан намын гишүүдийн байр суурьтай холбоотойгоор тайлбар өгөх гэнэ.
100 айл дахь барилгын материалын худалдааны төвүүд өнөөдрөөс эхлэн даваа гариг бүр амрахаар болжээ. Өнгөрөгч хугацаанд пүрэв гаригт амардаг байсан бөгөөд энэ өөрчлөлт байнга үргэлжлэх эсэх нь тодорхойгүй байгаа аж. Барилгын материалын төвийнхний хувьд даваа гаригт үйлчлүүлэгч хамгийн багатай өдөр гэж үзэж байгаа учраас уг шийдвэрийг дэмжиж буй гэнэ.
Төрийн ордноо өнгөрөгч амралтын өдрөөр Ардчилсан намын удирдах ажилтны зөвлөгөөн болсон бол мөн өдрүүдэд МАН-ын Удирдах ажилтны баруун бүсий нзөвлөгөөн Тусгаар Тогтнолын Ордны Бага танхимд боллоо. Хоёр өдөр үргэлжилсэн уг зөвлөгөөнд Ховд, Увс, Баян-Өлгий, Говь-Алтай, Завхан аймгийн МАН-ын төлөөлөгчид оролцсон юм. Монгол Ардын нам дотоод эв нэгдлээ бэхжүүлэх, ажлын шуурхай чанарыг хангах, намын гишүүд дэмжигчид, шат шатны байгууллагын үйлажиллагааг идэвхжүүлэх зорилгоор бүсчилсэн зөвлөгөөнүүдийг хийсэн нь энэ юм.