Зууны мэдээ сонины Үндэсний мэдээллийн төвд Ардчилсан намын гишүүд дэмжигчдийн холбооныхон мэдээлэл хийж байна. Уг хурлаар цаг үеийн асуудлаар мэдээлэл хийхээр болсон талаараа мэдэгдсэн бөгөөд Ерөнхий сайд Н.Алтанхуягийг огцруулах асуудал болон өнгөрөгч амралтын өдрөөр хуралдсан Ардчилсан намын удирдах ажилтнуудын зөвлөгөөний үеэр яригдсан намын гишүүдийн байр суурьтай холбоотойгоор тайлбар өгөв. Мөн энэ үеэрээ намын удирдлагууддаа хандан мэдэгдэл хүргүүлж буйгаа дуулгав. Тус холбоо Ардчилсан намын гишүүд дэмжигчдийн холбоо нь өнөөгийн улс төрийн нөхцөл байдалд дүн шинжилгээ хийж олон арван жил бугшсан МАН-ын санхүү эдийн засаг, улс төрийн хариуцлагагүй үйлдлүүдийг таслан зогсоох боломжийг алдахгүйн тулд Ардчилсан намын мянга мянган гишүүд дэмжигчдэд хандан дараах уриалга, шаардлага, мэдэгдлийг гаргажээ. Үүндээ,
1.Монгол Улсын Засгийн газрын хэвийн үйл ажиллагааг хангаж ажиллахыг Улсын Их Хурал дахь Ардчилсан намын бүргийн дарга Д.Эрдэнэбатад уриалж байна.
2.Монгол Улсын Ерөнхий Сайдыг огцруулахыг дэмжиж буй Ардчилсан намаас сонгогдсон УИХ-ын гишүүдийг Ардчилсан намын гишүүд дэмжигчдийн холбооноос 2016 оны сонгуульд нэр дэвшүүлэхгүй байхыг Ардчилсан намын дарга Н.Алтанхуягаас шаардаж байна.
3.Улс төрийн тогтвортой байдлыг хангахын тулд Ардчилсан намын даргын толгойлж буй Засгийн газрыг унагахын төлөө ажилласан Ардчилсан намаас сонгогдсон УИХ-ын гишүүдийн тойрогт очиж Ардчилсан намын гишүүд дэмжигчдийн өмнөөс хариуцлага тооцож ажиллахаа илэрхийлье.
4.Сонгуулиас сонгуульд итгэл үнэмшил өвөрлөж саналаа Ардчилсан намд өгсөн мянга мянган сонгогчдод талархснаа илэрхийлж Та бүхний сонголтыг хувийн эрх ашигтайгаа хутгаж байгаа Ардчилсан намаас УИХ-д сонгогдсон гишүүдийн өмнөөс уучлалт гуйж тэдэнд хариуцлага тооцохоо мэдэгдье гэсэн байна.
УИХ-ын гишүүн С.Ганбаатар Ерөнхий сайдыг огцруулах асуудлаар Дархан-Уул аймгийн иргэдээс санал асуулга авчээ. Тус тойргийн 1267 иргэн Шинэчлэлийн Засгийн газрын тэргүүнийг огцруулах саналтай байгаа бол 1291 нь огцруулахгүй гэж хариулжээ. Уг асуулгын хариу 24 хүний зөрүүтэй байгаа нь иргэд Ерөнхий сайдыг огцруулах асуудлаар талцаж байгааг харуулж буй гэнэ. Дархан-Уул аймгийн Бирж буюу төв зах дээр явуулсан энэхүү санал асуулгад бичгээр 1500, утсаар 650, интернэтээр 408 хүн оролцжээ.
АН-ын бүлгийн хурал дөнгөж сая завсарлалаа. Гэхдээ бүлгийн хурлаар ямар асуудал хэлэлцсэн талаар мэдээлэл өгсөнгүй. Тус намын бүлгийн хурал өнгөрсөн долоо хоногт хоёр удаа хуралдсан ч Ерөнхий сайдыг огцруулах асуудлаар нэгдсэн байр суурь, шийдвэрт хүрч чадаагүй байгаа. Тиймээс өнгөрсөн долоо хоногт Төрийн байгуулалтын байнгын хороогоор Ерөнхий сайдыг огруулах асуудлаар энэ долоо хоногийн лхагва гариг хүртэл завсарлага аваад байгаа юм. Ямартаа ч бүлэг дотроо нэгдсэн шийдвэрт хүрэхийн тулд үдээс хойш үргэлжлүүлэн хуралдах бололтой.
Сонгинохайрхан дүүргийн III хорооны Бага Нарангийн 42 дугаар гудамжнаас төрөөд удаагүй нярайн цогцос олдсон талаар бид мэдээлсэн. Тухайн нярайн эхийг цагдаагийн алба хаагчид өнгөрөгч баасан гарагийн орой олсон байна. Тэрбээр тус дүүргийн 19 дүгээр хороонд түр оршин суугч, 19 настай оюутан байжээ. Манай улсын хуулинд эцэг, эх асран хамгаалах үүргээ биелүүлээгүйн улмаас хүүхдийн амь нас, эрүүл мэндэд хохирол учирсан, нас барсан тохиолдолд 5-10 жилийн хорих ялаар шийтгэдэг билээ.
XX зууны Монголын улс төр, шашин, соёлын нэрт зүтгэлтэн Дилов хутагт Жамсранжав амьдралынхаа сүүлийн хэсгийг АНУ-д өнгөрүүлсэн билээ. Энэ хугацаанд Монгол хэл соёл, Бурханы шашныг АНУ-д таниулах, сурталчлах, түгээн дэлгэрүүлэх үйл хэрэгт гарамгай хувь нэмрээ оруулсан юм. Тиймээс түүний мэндэлсний 130 жилийн ойг АНУ-д тэмдэглэн өнгөрүүлэх нь чухам зохистой үйл хэрэг мөн. 2014 оны аравдугаар сарын 11-ний өдөр, Нью-Йорк хотноо Монгол Соёлын Өвийн Сан, Монгол нийгэмлэгтэй хамтран Дилов хутагтын ойг тэмдэглэх хүрээнд эрдэм шинжилгээний хурал амжилттай зохион байгууллаа.
Азийн хотуудын нөөцийн цогц менежмент Хот байгуулалтын “Nexus” төслөөс бүс нутгийн дөрөв дэх удаагийн семинарыг 2014 оны 11 сарын 5-наас 7-ны хооронд Улаанбаатар хотноо зохион байгуулах гэж байна. Семинарт “Nexus” төсөлд хамрагдсан Азийн 10 хотын төлөөлөл болох 70 орчим зочид, нийт 100 төлөөлөгч буюу Монгол Улсын Засгийн газрын яам, агентлаг, Нийслэлийн удирдлагуудын төлөөлөл, төсөл хэрэгжүүлж буй болон түнш “ESCAP”, “GIZ” зэрэг байгууллагуудын төлөөлөл, хотуудын цахим сүлжээний нэгдэл, олон улсын санхүүгийн, судалгааны байгууллага, хувийн хэвшил мөн нөөцийн цогц менежментийн чиглэлээр үйл ажиллагаа явуулдаг бусад байгууллагууд оролцоно.
Японы “Жайка” олон улсын байгууллагын төлөөлөгчдийг Бодлогын хэрэгжилтийг зохицуулах газрын дарга Я.Буянжаргал, холбогдох мэргэжилтнүүд хүлээн авч уулзлаа. Төлөөлөгчид Эсэн мэнд амаржихуйн чиглэлээр Монгол Улсаас Япон улсад суралцсан эх барих эмэгтэйчүүдийн эмч, эх баригчдад сургалтын дараах үнэлгээ хийсэн талаар танилцуулж, орон нутагт сурсан зүйлээ хэрэгжүүлж үр бүтээлтэй ажиллаж байгаад баяртай байгаагаа илэрхийллээ. Мөн Өвөрхангай аймгийн БОЭТ, ЭХЭМҮТ, КНАГ-ын эх барих эмэгтэйчүүдийн эмч нарт ургийн зүрхний бичлэг хэрхэн хийх, хянах, үнэлэх талаар хичээл заасан байна. 
“ITB Asia” үзэсгэлэн яармаг 2014 оны 10 дугаар сарын 29-31-ний өдрүүдэд 7 дахь жилдээ Сингапур Улсын Marina Bay Sand-ын үзэсгэлэнгийн танхимд зохион байгуулагдлаа.
Арилжааны банкуудад төгрөгтэй тэнцэх ам.долларын авах ханш яг одоогийн байдлаар дунджаар 1860 төгрөгтэй тэнцэж байна. Харин ам.доллар зарах ханш 1868-1872 төгрөгтэй тэнцэж буй. Харин юанийг банкууд дунджаар 304 төгрөгөөр авч, 307 төгрөгөөр зарж байна. Өмнөх оны мөн үед төгрөгтэй тэнцэх ам.долларын ханш 1720 төгрөг, юань 280 төгрөгтэй тэнцэж байсан юм.
Нийслэлийн Засаг Дарга “Нийслэлийн Гамшгаас хамгаалах албадыг шинэчлэн байгуулах тухай” А/913 дугаар захирамж гаргалаа. Захирамжаар шинээр томилогдсон албадын удирдлага болон нийт бүрэлдэхүүнд сургалт зохион байгуулж, мэргэжлийн удирдлагаар ханган бэлэн байдлыг дээшлүүлэх талаар тодорхой ажил зохион байгуулж ажиллахыг нийслэлийн Онцгой байдлын газарт үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.