Өнөөдөр 14.00 цагт Авлигатай тэмцэх газрын байранд Авлигатай тэмцэх газар, Нийслэлийн Прокурорын газар хамтарсан хэвлэлийн бага хурал болно. Энэ үеэр сүүлийн үед олны анхаарлыг татаад байгаа хэргүүдийн талаар мэдээлэл өгөх юм байна.
Month: November 2014
Сахалтай эмэгтэй дуучин гэгддэг Австрийн дуучин Кончита Вурст “Евровидение 2014” –ийн ялагч болж олны танил болсон билээ. Тэрээр уржигдар Австрийн нийслэл Вена хот дахьНҮБ-ын ерөнхий нарийн бичгинй дарга Бан Ги Мунд зориулан ая дуугаа өргөжээ. Олон улсын байгууллагын тэргүүн Вена дэх салбартаа айлчлах үедээ сахалтай дуучинтай уулзсан байна.
Өнөөдөр 11 цагт товлогдоод байсан УИХ-ын төсвийн байнгын хорооны хуралдаан ирц хүрээгүй шалтгаанаар цуцлагдлаа. Уг хуралдаанаар борлуулалтын орлого нь 1.5 тэрбум төгрөгөөс илүүгүй аж ахуйн нэгжийн төсөвт төлсөн орлогын албан татварын 90 хувийг буцаан олгох, 1.5 тэрбум төгрөг хүртэлх борлуулалтын орлоготой аж ахуйн нэгжийн татварыг 1 хувь болгох агуулга бүхий Аж ахуй нэгжийн орлогын албан татварын хуульд өөрчлөлт оруулах хоёр хуулийн төслийн анхны хэлэлцүүлгийг хийх байсан юм.
УИХ-ын Эдийн засгийн байнгын хороо, Нийгмийн бодлогын байнгын хороод өглөө хуралдахаар товтой байсан ч ирц хангалтгүйн улмаас тус тус хойшилсон байна. Төлөвлөгөө ёсоор эдгээр байнгын хороодоор Монгол Улсын 2015 оны төсвийн тухай, Төрөөс мөнгөний талаар баримтлах бодлогын тухай, Хүүхэд харах үйлчилгээний тухай хуулийн төслүүдийг хэлэлцэх ёстой байв. Өнөөдөр эдгээр хоёр байнгын хорооноос гадна Төрийн байгуулалт, Төсвийн, Хууль зүйн байнгын хороодын хуралдаан хуралдахаар төлөвлөөд байна.
Соёл, спорт, аялал жуулчлалын яамны 302 тоот өрөөнд өнөөдөр 11.00 цагт ССАЖ-ын сайд Ц.Оюунгэрэл сэтгүүлчдэд мэдээлэл хийх аж. Энэ үеэр Хараагүйчүүдийн үндэсний төвд Ярьдаг номын сан бэлэглэх юм байна. Тодруулбал, “EDIT center ТББ”, “Монголын хараагүйчуудын үндэсний холбоо” Монгол улсад анх удаа хараагүй иргэдэд зориулж “Ярьдаг Online Daisy номын сан”- г байгуулсан аж. Ярьдаг Online Daisy номын сан байгуулагдсанаар хараагүй иргэдэд хүссэн мэдээлэлээ цаг хугацаа, орон зай үл хамааран, түргэн шуурхай олж авах өргөн боломжийг нээж өгөх гэнэ.
Түүнчлэн энэ уулзалтын үеэр Баянхонгор аймгийн Баянговь сумын Бүгийн цав дахь эртний үлэг гүрвэлийн яс олдсон тухай ШУА-д мэдээлсэн ахмад ажилтан С.Батааг хүлээн авч олдворын тухай дэлгэрэнгүй мэдээллийг өгөх юм байна. Чингэлтэй дүүргийн 4 дүгээр хорооны иргэн өндөр настан С.Батаа нь аймгийн төвөөс 300 гаруй км газарт мотоциклээр газарчлан явж, эртний үлэг гүрвэлийн олдвор байгаа газрыг зааж өгсөн аж. Уг олдворт газарт олон удаагийн судалгаа шинжилгээний ажил хийгдэж, Монголын анхны бие даасан хээрийн анги томоохон малтлагыг хийж, Монголд төдийгүй дэлхийд гайхагдах ховор сонин олдворуудыг олж, тэдгээр нь дэлхийн шинжлэх ухаанд эртний шим судлалын танин мэдэхүйн үйлст бодитой хувь нэмэр болсон юм.
УИХ дахь Ардчилсан намын бүлэг өчигдөр хэлэлцэх асуудлаа эцэслээгүй тул өнөөдөр мөн хуралдахаар болоод буй. Тэгвэл тус бүлэг үдээс хойш 15 цагт хуралдахаар болжээ. Бүлгийн хуралдаанаар ирэх оны төсөв, мөнгөний бодлого, мөн маргааш завсарлага нь дуусч буй Ерөнхий сайд Н.Алтанхуягыг огцруулах асуудлыг хэлэлцэх бололтой.
Нийслэлийн Засаг Дарга бөгөөд Улаанбаатар хотын захирагч Э.Бат-Үүл “Нөхөн олговор олгох тухай” А/927 дугаар захирамж гаргалаа.
Захирамжаар нийслэлийн төсвийн хөрөнгөөр Баянзүрх дүүргийн 19, 22 хороонд шинээр барих Монел Зүүн Алтан-Өлгийн 1.2 км авто замын трасст орсон 27 иргэнд өмчлөл, эзэмшлийн газар болон үл хөдлөх эд хөрөнгийн нөхөх олговрыг олгохоор боллоо. Төсөвт шаардагдах 588 сая 451 мянган төгрөгийг энэ оны газар чөлөөлөх нүүлгэн шилжүүлэхэд зориулан батлагдсан хөрөнгөнөөс гаргахыг Тамгын газрын Санхүү, төрийн сангийн хэлтэст, иргэн, аж ахуйн нэгжийн өмчлөл, эзэмшлийн газар болон үл хөдлөх эд хөрөнгийн нөхөх олговрын гэрээг холбогдох хууль тогтоомжийн дагуу тохиролцон байгуулж гэрээнд заасан хугацаанд газар чөлөөлөхийг нийслэлийн Өмчийн харилцааны газарт даалгалаа. Мөн энэхүү захирамжийн хэрэгжилтэд хяналт тавьж ажиллахыг Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр, Хот байгуулалт, хөрөнгө оруулалтын асуудал хариуцсан орлогч С.Очирбат нарт үүрэг болгожээ.
1.Эдийн засгийн байнгын хорооны хуралдаан 08.00 цагаас “А” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
- Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, анхны хэлэлцүүлэг/;
- Эдийн засгийн байнгын хорооны тогтоолоор байгуулагдсан ажлын хэсгээс “Эрдэнэс-Таван толгой” ХК-ийн үйл ажиллагаанд Үндэсний аудитын газартай хамтран хийсэн шалгалтын дүнг сонсох.
2.Нийгмийн бодлого, боловсрол, соёл, шинжлэх ухааны байнгын хорооны хуралдаан 08.00 цагаас “Б” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
- Хүүхэд харах үйлчилгээний тухай хуулийн төсөл /Монгол Улсын Ерөнхийлөгч 2014.10.31-ний өдөр өргөн мэдүүлсэн, хэлэлцэх эсэх/.
3.Төсвийн байнгын хорооны хуралдаан 11.00 цагаас “Б” танхимд:
Хэлэлцэх асуудал:
- Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Засгийн газар 2014.09.04-ний өдөр өргөн мэдүүлсэн, борлуулалтын орлого нь 1.5 тэрбум төгрөгөөс илүүгүй аж ахуйн нэгжийн төсөвт төлсөн орлогын албан татварын 90 хувийг буцаан олгох тухай, анхны хэлэлцүүлэг/;
- Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Я.Содбаатар нарын гишүүн 2014.10.13-ны өдөр өргөн мэдүүлсэн, 1.5 тэрбум төгрөг хүртэлх борлуулалтын орлоготой аж ахуйн нэгжийн татварыг 1 хувь болгох тухай, анхны хэлэлцүүлэг/.
4.Хууль зүйн байнгын хорооны хуралдаан 13.00 цагаас “Б” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
5.Төрийн байгуулалтын байнгын хорооны хуралдаан 13.00 цагаас “А” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
6.Аюулгүй байдал, гадаад бодлогын байнгын хорооны хуралдаан 15.00 цагаас “А” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/;
- Олон талын хөрөнгө оруулалтыг баталгаажуулах байгууллагын Конвенцид орсон нэмэлт, өөрчлөлтийг соёрхон батлах тухай хуулийн төсөл /Засгийн газар 2014.10.22-ны өдөр өргөн мэдүүлсэн, соёрхон батлах/.
7.Байгаль орчин, хүнс, хөдөө аж ахуйн байнгын хорооны хуралдаан 15.00 цагаас “Б” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
8.Төсвийн зарлагын хяналтын дэд хорооны хуралдаан 16.00 цагаас “Б” танхимд:
Хэлэлцэх асуудал:
- Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийн төслүүд /хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/.
Америкчууд 2001 оны есдүгээр сарын 11-ний халдлагаар Нью-Йорк хотод орших Дэлхийн худалдааны төвийн ихэр цамхаг сүйрсэний дараа уг барилгын суурин дээр “One World Trade Center” нэртэй тэнгэр баганадсан барилгыг барьж эхэлсэн билээ.
Барилгын ажлыг 2006 онд эхэлсэн бөгөөд дотор засал чимэглэлийн ажил бүрэн дуусч саяхан нээлтээ хийсэн байна.
Нийт 3.8 тэрбум ам.долларын өртөгөөр бүтсэн 104 давхар, 541 метрийн өндөртэй уг байгууламж нь АНУ-ын хамгийн өндөр барилгаар тодроод байгаа билээ. Мөн тус барилгад есдүгээр сарын 11-ний халдлагаар амиа алдсан хүмүүсийн дурсгалд зориулсан музей байрладаг аж. 2015 оны эхээр тус барилгад доод тал нь 3000 мянган хүн ажилаж эхэлнэ гэсэн тооцоо гаргажээ.
Есдүгээр сарын 11-ний халдлагын улмаас 3000 орчим хүн амиа алдаж, 6000 гаруй хүн шархдан, хамгийн багаар бодоход 10 тэрбум ам.долларын хохирол учирчээ. Түүнчлэн амиа алдагсад дан ганц АНУ-ын иргэд байсангүй, дэлхийн 90 гаруй орны иргэд багтсан байсан юм.
-ЭНЭ ХЭРЭГТ ХОЛБОГДУУЛАН 12 ХҮНИЙГ ЦАГДАН ХОРЬЖЭЭ-
Бусдын дүрд хувилан хулгай хийдэг бүлэглэлүүдийг Улаанбаатар хотын Цагдаагийн газрын Гэмт хэрэгтэй тэмцэх хэлтэст шалгаж эхэлжээ. Хулгайчид эмнэлэгт эмчийн дүрээр, оффист ажилтны дүрээр, наадамд уяач болж очдог байжээ.
ЦАГААН ХАЛАДТАЙ ХУЛГАЙЧ
Дүүргүүдийн Эрүүл мэндийн төв, Халдварт өвчин судлалын үндэсний төв зэрэг эмнэлэгт халад өмсч ороод, хулгай хийдэг бүлэглэлийг Улаанбаатар хотын Цагдаагийн газрын Гэмт хэрэгтэй тэмцэх хэлтэс өнгөрсөн долоо хоногт илрүүлжээ. Тэд хөл хөдөлгөөн ихтэй, олон эмчтэй эмнэлгүүдэд цагаан халад өмсч, нүдний шил зүүж ордог аж. Улмаар эмч нарыг өрөөнөөсөө түр гарах хооронд зөрж орж түрийвч, гар утас зэргийг нь хулгайлдаг байжээ. Мөн өвчтөнүүдийн өрөөгөөр хэсч эзэнгүй тасгаас цэнэглээд орхисон утас, түрийвч зэргийг хулгайлдаг байжээ. Тэр ч бүү хэл таарсан өвчтөнийхөө биеийн байдлыг асууж, зөвлөгөө өгдөг байсан гэнэ. Тэд эмнэлэг, эрүүл мэндийн төвүүдээс гадна Анагаахын шинжлэх ухааны үндэсний их сургуульд сурч байгаа оюутан мэтээр олон оюутантай лекцэнд сууж, анги танхимаар явж хулгай хийдэг байжээ. Одоогоор цагаан халадтай зургаан хулгайчийг саатуулан, Цагдан хорих 461 дүгээр ангид хорьжээ. Тэд зургаан удаагийн үйлдлээр бусдад их хэмжээний хохирол учруулсан байна. Сэжигтнүүд 20-25 насныхан бөгөөд эрхэлсэн тодорхой ажилгүй гэнэ. Зарим нь дээд боловсролтой ч ажил хийдэггүй байжээ. Тэдэнд Эрүүгийн хуулийн 145 дугаар зүйлийн 145.2-т зааснаар эрүүгийн хэрэг үүсгэжээ. Тус зүйл ангид “Хулгайн гэмт хэргийг давтан бүлэглэж буюу урьдчилан үгсэж тохиролцсон бүлэг, машин механизм, тусгайлан бэлтгэсэн багаж хэрэгсэл хэрэглэж буюу орон байр, агуулах саванд нэвтэрч үйлдсэн, энэ хэргийн улмаас үлэмж хэмжээний хохирол учирсан, олон тооны мал хулгайлсан бол эд хөрөнгийг хураах буюу хураахгүйгээр хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсхүл хоёроос таван жил хүртэл хугацаагаар хорих ял шийтгэнэ” гэж заасан байдаг.
ТОМ ҮЙЛДВЭРИЙН АЖИЛТАН, УЯАЧДЫН ДҮРД ХУВИЛСАН ХУЛГАЙЧ НАР
Томоохон үйлдвэр, уурхайн, компаниудын цалин буухаар хоёр, гурван машинтай очдог 10 гаруй хулгайч бас байдаг аж. Тэд өөр салбар, эсвэл төв компаниас ирсэн мэтээр ажилтнуудад ойлгуулж, ажлын байр руу саадгүй ордог гэнэ.
Жийп хөлөглөсөн, үнэтэй хувцастай тэднийг ихэнхдээ төв салбараас ирсэн гэж ажилтнууд ойлгодог аж. Хулгайч нар ихэнхдээ орон нутагт байдаг уурхай, үйлдвэрүүдийг онилдог аж. Тэд цалин буух үеэр ажилчидтай хамт архи ууж байгаад мөнгө төгрөг, эд зүйлийг нь хулгайлдаг байжээ. Мөн уурхай, үйлдвэрээс тоног төхөөрөмж авдаг байснаа хүлээжээ. Ийм байдлаар хулгай хийдэг 10 гаруй иргэн өөрсдөө толгойлогчтой, хэсгийн дарга, зохион байгуулагч, нярав гэх мэтээр ажил үүргийн хуваарьтай байдаг гэнэ. Мөн компаниудын харуул хамгаалалт, цалин буух цаг хугацаа, захирал нь эзгүй байх зэргийг судалдаг хулгайчаа менежер гэдэг байсан гэнэ. Тэд мөн л 20-35 насны залуус. Тэдгээр залуус бусдад 400 гаруй сая төгрөгийн хохирол учруулжээ. Эрхэлсэн тодорхой ажилгүй арваад залуусыг энэ хэрэгт холбогдуулан Эрүүгийн хуулийн 145 дугаар зүйлийн 145.3-т зааснаар шалгаж байгаа аж. Уг зүйл анги нь 5-10 жил хорих ялтай юм.
Дээрх бүлэглэл нь хотын төвийн томоохон офиссуудаар явж хулгай хийдэг байснаа хүлээжээ. Ингэхдээ мөн л костюм өмсөөд тухайн байгууллагын ажилтан мэтээр орж хулгай хийдэг байсан аж. Тэр ч бүү хэл нийслэлтэй ойр аймгуудын ой, баяр наадмаар уяач болж хулгай хийдэг байсан нь илэрчээ. Уяачийн дүрд хувилсан хулгайч дээлээр гангарч, морь унаж явдаг аж. Улмаар уяачидтай дотносч уяан дээр нь хонож, гэрээр нь байрлаж байгаад хулгай хийдэг байжээ.
Сүүлийн үед хулгайч нар бүлэглэн, гэмт хэрэг үйлдэх арга залиа улам нарийсгах болсон нь үүний илрэл гэж цагдаагийн байгууллагын эх сурвалж хэллээ. Хэд, хэдээрээ бүлэглэн дундаа машин тэрэг авчихсан байдаг болжээ. Тиймээс ч бусдад учруулах хохирол нь ихэссэн гэнэ.
Хулгай ч нарыг дотор нь хаанаас яаж хулгай хийдгээр нь ялгадаг болж. Хуримын хулгайч нар гэж бий гэсэн. Тэд бэлгэ дэмбэрэлтэй, хурим хийхэд сайн өдрүүдээр томоохон ресторан, амралтын газраар явж хулгай хийнэ. Ингэхдээ хүргэн, бэрийн аль нэг талаас нь явж байгаа мэтээр бусад зочдод эвтэйхэн хэлнэ. Өглөөнөөс үдэш болтол зочидтой хамт ууж, дуулна. Түүнийг хэн гэдэг, хаанаас ирснийг бусад нь нэг их асуухгүй. Ингээд хуримын төгсгөлд өнөөх хулгайч гол зорилгоо биелүүлээд зочдын цүнхнээс түрийвч, гар утас зэргийг нь хулгайлна. Тэр ч бүү хэл хүргэн, бэрд өгсөн бэлэгнээс ч хүртэл хулгайлж амждаг аж. Бас ажил явдлын хулгайч нар байдаг гэнэ. Тэд гашуудал тохиолдсон айлыг ядах юмгүй олоод оччихно. Ажил явдал эхэлсэн өдрөөс л тэр айлаар орж гарч, ажил төрөлд нь тусалж, уйлан гашуудаж байгаа настай хүмүүсийг өрөвдөн, хамт уйлж жүжиглэдэг байна. Ингэж хэд хоног тэнд холын хамаатных нь дүр эсгэн идэж ууж байснаа сиймхийг нь ашиглаад гэнэт хамаг юмыг нь хамаад явчихдаг аж.
Энэ оны эхний есөн сарын байдлаар нийслэлийн хэмжээнд хулгайн гэмт хэргийн талаар 15435 гомдол, мэдээлэл ирснийг цагдаагийн байгууллага шалгаж байгаа аж. Хулгайн гэмт хэрэгтэй тэмцэх хэлтэс хуучин Баруун дөрвөн замд байрладаг байсан. Харин одоо Баянзүрх дүүргийн нутаг хуучнаар 805 дугаар ангийн хашаанд байрлаж байгаа аж. Эд зүйлээ алдсан, ажил дээр нь сэжигтэй эдгээдүүд эргэлдээд байгаа бол цагдаагийн байгууллагад яаралтай хандахыг сануулж, Хулгайн гэмт хэрэгтэй тэмцэх тасгийн хаягийг иргэдэд мэдээлэхийг хүссэн юм.
Ц.ӨРНӨХ