Өнөөдөр Эдийн засгийн байнгын хорооны хуралдаан болно. Мөн Төсвийн байнгын хорооны ажлын дэд хэсгийн хуралдаан болох юм.
Ингээд хэлэлцэх асуудлын хуваарийг танилцуулья.
НЭГ.АЖЛЫН ХЭСГИЙН ХУРАЛДААН:
Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 09.00 цагаас 334 тоот өрөөнд.
НЭГ. АЖЛЫН ХЭСГИЙН ХУРАЛДААН:
Монгол Улсын 2015 оны төсвийн тухай, Нийгмийн даатгалын сангийн 2015 оны төсвийн тухай, Хүний хөгжил сангийн 2015 оны төсвийн тухай хуулийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 09.00 цагаас 334 тоот өрөөнд.
ХОЁР. БАЙНГЫН ХОРООНЫ ХУРАЛДААН:
1.Эдийн засгийн байнгын хорооны хуралдаан 08.30 цагаас “А” танхимд:
Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, анхны хэлэлцүүлэг/.
2.Эдийн засгийн байнгын хорооны хуралдаан 13.00 цагаас “А” танхимд:
Төрөөс мөнгөний бодлогын талаар 2015 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2014.09.30-ны өдөр өргөн мэдүүлсэн, эцсийн хэлэлцүүлэг/.
Хүний амьдрал жаргал зовлон, уйтгар гуниг, баяр баясал гээд хар, цагаанаар тогтохгүй түмэн өнгөтэй. Бурхнаас заяасан аж төрлийн гайхамшигт бэлгийг алтан титэм шиг зүлгээд өнгөлөх үү, гуулин зоос шиг зэврүүлж гээх үү гэдэг харин хувь хүний сонголт. Тэнгэрлиг гэгээн хувь тавиланд ивээгдэх, тэнэмэл нохойн гутранги нүдээр орчлонг бүүдийлгэх хоёрын шалгуур нь яах аргагүй хүний төрөлх ааль араншин, хүн чанар хоёр. Ахас ихсээ үл хүндэлж алуурчин талаачин адил загнагчаас хүн бүхэн нүүр буруулж хүрэл зүрхнийх нь хүйтэн цэвдэгт цэцэгс хүртэл өнгөө гундаана. Хүн бол сэтгэлийн амьтан. Дэргэдийн нэгнээ нохойноос дорд үзэгч өчүүхэн үзэлтэн дээд тэнгэрийн нарыг хүртэл зүхэн, олдсон биеийн эрх чөлөөндөө дайсагнана. Тийм ёс бус үзэл, ёр гажийн үйлдэлтнээс хүний нийгэм хууль цаазаар хана цайз босгож харанхуйн ангалд араатан шиг ганцаардуулдаг жамтай. Ийм ааш араншинтнуудыг монголчууд хогийн дэвсгэртэй зүйрлэж “адсага шиг ааштай” хэмээн зайгаа авцгаадаг. Хэлсэн үгэндээ эзэн, хийх үйлдээ итгэлтэй гэгээн нинжин сэтгэлт, авьяас ялгуун билэгтнийг харин бурхдын зиндаанд өргөж үеийн үед дурсан санадаг буюу. Тийм сайхан хүмүүн амьдралын ямар ч гуниг зовлонг сэтгэл оюуны хатамжаар туулж, сэтгэл зүрхээ тэнгэрийн уяхан шат болгодог билээ. Амьдралыг хараар будах дорд үзэлтэн бишгүй ч гунигийг нэвт гэгээлэх сайхан хүмүүс тэднээс ч олон учраас алсын уулын гэрэлт оргилд өлмийлөх чин сэтгэлтэн ойрын довонд бүдэрч өвдөг шорооддоггүй байнам.
Анхан шатны шүүхээс 7 жилийн хорих ял сонсоод буй “Шинэ үе” продакшны жүжигчин Ц.Алдармаа давж заалдах шатны шүүхэд гомдол гаргажээ. Түүний гомдлыг Нийслэлийн шүүх өнөөдөр хүлээн авсан байна. Ингэснээр шүүгчид түүний гомдолтой танилцсанаар 30 хоногийн дотор хурлын товыг гаргах юм. Ц.Алдармаа өдгөө ШШГЕГ-ын харьяа цагдан хорих 461 дүгээр ангид саатуулагдаж байна.
Нийслэлийн Засаг даргын санаачилга, НЗДТГ-ын дэмжлэгтэйгээр алдарт “Цөмөөхэй” бүжгэн жүжиг арванхоёрдугаар сард Улаанбаатар хотод тоглогдох гэж байна. Энэхүү бүжгэн жүжгийг “Бостон балет” компанийн гоцлооч, гавьяат жүжигчин Д.Алтанхуяг шинэчлэн эх орныхоо тайзнаа амилуулахаар болжээ. МУГЖ Д.Алтанхуяг Бостон хотоос холбогдож арванхоёрдугаар сарын 24-нөөс 29-ны хооронд тоглогдох “Цөмөөхэй” бүжгэн жүжгийн талаар товч мэдээлэл өглөө. 
Тэрээр өнгөрсөн жил мөн хамгийн нөлөө бүхий хүнээртодорсон юм. “Forbes” сэтгүүл дөрвөн шалгуурыг харгалзан үзсэний үндсэн дээр жагсаалтыг гаргадаг юм байна. Үүнд: аль зэрэг олон хүнийг эрх мэдэлдээ байлгадаг, засгийн эрхэнд өөрөө гарсан уу эсвэл гаргаж ирсэн үү, эдийн засгийн нөөц бололцоо зэрэг орно. Дээр дурдсан дөрвөн заалтаар В.Путин хамгийн өндөр оноо авсан тул нэгдүгээртт бичигдсэн байна. Тэрээр байгалийн баялагихтэй, гадна цөмийн зэвсэгтэй орны тэргүүн. Түүнээс гадна саяхан Крымийг өөртөө нэгтгэж, Украины зүүн хэсэгт зэвсэгт мөргөлдөөн гаргахад хүргэсэн гэдгийг ч “Forbes” сэтгүүл дурдсан байна. Үүний өмнөх жилүүдэд тэрээр үзүүлэлтүүдээрээ АНУ-ын Ерөнхийлөгч Б.Обамаг гүйцэхгүй байлаа. 2009 онд гэхэд Оросын Ерөнхийлөгч уг жагсаалтын гуравдугаарт орсон юм.
Гуравдугаарт БНХАУ-ын дарга Си Жиньпин бичигдэж түүний дараа Ромын пап Франциска , тавдугаарт ХБНГУ-ын канцлер Ангела Меркел бичигджээ.
Манай улс билет захиалгын шинэ системийг нэвтрүүлэгч улс болжээ. Тодруулбал, өчигдөр “Z24” билет захиалгын шинэ системийг хэрэглэгчдээ хүргэж буйгаа дуулгалаа. “Airbоок” ХХК нь www.Z24.mn аялал жуулчлалын ухаалаг вэбсайтыг ажиллуулж эхэлжээ. Өнгөрсөн хоёр жилийн хугацаанд тус компани дэлхий нийтэд аль хэдийнэ нэвтрээд байгаа аялал жуулчлалын салбарын салшгүй нэгэн хэсэг болсон монголын долоо, гадаадын 150 гаруй авиа компанийн нислэгийн тийзийн онлайн захиалга, гадаадын 44 мянган зочид буудал болон аяллын захиалгын системийг монголдоо бүрэн утгаар нь нэвтрүүлсэн байна. Өөрөөр хэлбэл, монголдоо анхдагч онлайн захиалгын нэгдсэн системийг нэвтрүүлсэн гэсэн үг. “Z24” брэнд нь онгоцны тийз, аялал, зочид буудал, үзвэр тасалбарын онлайн захиалгын систем юм байна. Энэхүү онлайн захиалгын систем нь гадаадад зорчих хэрэглэгчдэд онлайн хэлбэрээр маш хямд үнээр өргөн сонголт хийх, хялбар аргаар онгоцны билет, үзвэр үйлчилгээний тасалбарыг захиалан худалдан авахад туслах зорилготой ажээ. Нэг үгээр хэлбэл, эх орондоо болон гадаадад ажиллаж, амьдарч байгаа монголчууддаа хамгийн хямд, өргөн сонголттой онгоцны билет болон аяллын бүтээгдэхүүн, зочид буудлын захиалга хийх цахим үйлчилгээг хүргэж буй юм байна. Энэ системийн давуу тал нь захиалга хийх хуучирсан хэв маягийг халж өөрийн хүссэнээр билет болон зочид буудал, аялал, монголд болон олон улсад болж буй үзвэр, үйлчилгээ шоу хөтөлбөрийн билетийг хэрэглэгч өөрөө сонгох боломжтой болж буй юм. Онлайн хайлтын систем нь авиа компаниудын нислэгийн цагийн хуваарийг харахаас гадна таны дотны хүн олон улсын нислэгээр зорчиж байгаа тохиолдолд онгоц нь хэзээ хөөрсөн хэзээ буух зэрэг мэдээллийг авах боломжтой ажээ. Сүүлийн үед цахимаар иргэд ихээр онлайн худалдааг хийх болсон ч эсэргээрээ сэтгэл дундуур байх тал ажиглагдах болсон. Тэгвэл тус компанийн хувьд энэ байдлыг халж, олон улсын стандартад нийцсэн, шинэ системийг нэвтрүүлээд байгаа юм. Өөрөөр хэлбэл, хэрэглэгч та аль нэг авиа компанийн билетийн касс хайж гадуур явахгүйгээр гэрээсээ, ажил, хаа байгаа газраасаа онлайнаар өөрийн зорчих улсын онгоцны билетийг захиалах боломж бүрдээд байна.
JCI Монгол байгууллага жил бүр олон нийтийн өмнө тулгарч байгаа асуудлуудаас онцолж, тухайн асуудлыг шийдвэрлэхийг зорьдог. Энэ зорилтын хүрээнд нийслэлийн автомашинтай иргэдэд тулгамдаж буй замын хөдөлгөөний хэт ачаалал, түгжрэлийн асуудалд анхаарлаа хандуулж байгаа юм. 2014 онд нийслэлд баригдаж буй автозам бүтээн байгуулалтын ажлын хурд 2,5 дахин нэмэгдэж, 40,94 км автозамыг шинээр барьсан ч зарим хэсэгт замын хөдөлгөөний ачаалал буурахгүй байна. 
Тиймээс энэ асуудалд шийдэл, гарцыг тодорхойлохоор JCI Монгол байгууллага Хотын захиргаатай хамтарч “Хотын шийдэл” форумыг энэ сарын 14-ний өдөр зохион байгуулах гэж байна. Энэ удаагийн хамтарсан форумд төрийн ба төрийн бус байгууллага, эрдэмтэн судлаач, бизнес эрхлэгч, иргэд оролцож бодитой судалгаа, дүн мэдээн дээр тулгуурлан асуудлыг хэлэлцэнэ. 
НҮБ-ын Ерөнхий нарийн бичгийн дарга Бан Ги Мүн Өмнөд Солонгосын Ерөнхийлөгчийн сонгуульд хүч үзэх гэнэ. Энэ талаар тус улсын сөрөг хүчний Нэгдсэн ардчилсан намын гишүүний ярианд тулгуурлан “Синхуа” агентлаг дамжууллаа. 
Оросын холбооны улсын Засгийн газар болон Монгол улсын Засгийн газар хооронд байгуулсан хоёр улсын иргэдийн харилцан визгүй зорчих тухай хэлэлцээр энэ сарын 14-ний өдрөөс хүчин төгөлдөр хэрэгжиж эхэлнэ. Өнгөрсөн есдүгээр сарын 03-нд байгуулсан уг хэлэлцээрийн дагуу дипломат, албаны, энгийн гадаад паспорттай ОХУ-ын иргэд болон Монгол улсын иргэд нэг удаа харилцан визгүйгээр 30 хүртэлх хоногийн хугацаатайгаар зорчих, орох, гарах, транзитээр нөгөө улсынхаа нутаг дэвсгэрээр дайран өнгөрөх эрхтэй болж байна. Ингэхдээ иргэдийн визгүй зорчих нийлбэр хугацаа нь тухайн иргэн анх орсон өдрөөс эхлэн 180 хоног буюу зургаан сарын хугацаанд 90 хоногоос хэтрэхгүй байх ёстой. Энэхүү визийн журам хэрэгжиж эхэлснээр хоёр орны хооронд аялал жуулчлалын болон хувийн зорилгоор зорчигчид нэмэгдэх төлөвтэй байгаа аж. Тиймээс нийслэлийн Засаг даргын Тамгын газар, харьяа байгууллагууд хамтран “ОХУ-ын жуулчид ба Улаанбаатар хот” ажил хэргийн уулзалтыг маргааш нийслэлийн Хангарьд ордны 14 давхарт хурлын танхимд 10 цагаас зохион байгуулах гэж байна. Энэхүү уулзалтаар Оросын жуулчдыг хүлээн авах сонирхолтой тур оператор, зочид буудал, зоогийн газар, худалдаа үйлчилгээний төв, эмчилгээ,сувиллын газрууд, соёл урлаг, үзвэрийн газрууд оролцох уг уулзалтаар ОХУ-ын жуулчдын онцлог, үйлчилгээний сонголт,мөнгөн зарцуулалт зэрэг зах зээлийн дэлгэрэнгүй судалгааг танилцуулж, ОХУ-ын жуулчдыг хүлээн авах бэлтгэл ажлууд, анхаарах асуудлуудын талаар мэргэжлийн байгууллагуудаас зөвлөгөө өгнө. Нийслэлийн зүгээс оросын жуулчдад зориулсан цахим хуудас, аяллын хөтөлбөр бүхий товхимол, үйлчилгээний ажилтнуудад зориулсан орос-монгол ярианы дэвтэр гаргаж, орос хэлтэй хөтчүүдийг тусгай хөтөлбөрөөр бэлтгэх ажлуудыг эхлээд байна. Мөн ОХУ-ын томоохон хэвлэл мэдээллийн байгууллагуудыг оролцуулсан танилцах аялал, Улаанбаатар хотын онцлогийг харуулсан цуврал нэвтрүүлгийг бэлтгэж ОХУ-ын Эрхүү, Улаан-Үд, Читын телевизүүдээр цацахаар төлөвлөж байна.