Нийслэлийн удирдлагын зөвлөлийн ээлжит хуралдаан болж, “Улаанбаатар хотын Орон сууцны хороолол болон зарим гэр хорооллын орох, гарах гарцыг хааж шуурхай албаны автомашин зорчих боломжийг хязгаарласан хаалт, хашаа, хайсыг чөлөөлөх үйл ажиллагааг хэрэгжүүлэх, хамтарсан үзлэг, шалгалт”-ын талаар хэлэлцлээ.
Хуралдаанд асуудлыг Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал танилцууллаа.
Нийслэлийн Засаг даргын 2014 оны А/715 дугаар захирамжийн дагуу ажлын хэсэг байгуулагдаж, Улаанбаатар хотын орон сууц болон зарим гэр хорооллын орох гарах гарцыг хааж шуурхай албаны автомашин зорчих боломжийг хязгаарласан хаалт, хашаа, хайсыг чөлөөлөх ажлыг эхлүүлсэн. Тус ажлын хэсэг нь нийслэлийн Авто замын газар, Ерөнхий төлөвлөгөөний газар, Онцгой байдлын газар, Захирагчийн гэр хорооллын ажлын албадаас ирүүлсэн мэдээлэлд үндэслэн үзлэг шалгалтыг явуулжээ. Хамтарсан багийн ажлын хэсгийн гишүүд 5 хэсэгт хуваагдан Чингэлтэй, Сонгинохайрхан, Баянзүрх, Сүхбаатар, Баянгол дүүргийн нийт 155 байршилд шалгалт хийсэн байна. Шалгалтын явцад орц гарц хааж бетон суурь тавьсан, автомашин орох боломжгүй мухар гудамжтай, нийтийн эзэмшлийн газарт граж барьсан, өөрийн эзэмшил газраа зөвшөөрөлгүй сунгаснаас автомашин явах боломжгүй болсон зэрэг 151 зөрчил илэрчээ. Ажлын хэсгээс албан шаардлага хүргүүлсэний дагуу өнөөдрийн байдлаар 24 зөрчлийг арилгаад байна. Харин нийт зөрчлийн дийлэнх нь буюу 102 гудамж мухарлан хашаа хайс байрлуулсан зөрчлийг арилгахаар холбогдох газрууд ажиллаж байна.
Ажлын хэсгийн дээрх мэдээллийн дагуу нийслэлийн удирдлагын зөвлөлийн гишүүд дүүрэгт бүрт асуудлыг шийдвэрлэхээр үүрэг өгөх нь зүйтэй гэж үзэн холбогдох шийдвэрийг гаргахоор боллоо. Мөн зөвшөөрөлгүй газар граж барьсан асуудлыг Нийслэлийн Өмчийн харилцааны газар хариуцан шийдвэрлэж, нийтийн эдэлбэр газрыг чөлөөлөх үүрэг өглөө гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
“Нүүрс” хөтөлбөрийг хэрэгжүүлэх явцад хууль зөрчин багагүй мөнгө завшсан хэрэгт сэжигтнээр шалгагдаж байгаа Л.Гансүхээс Сүхбаатар дүүргийн цагдаагийн хэлтсээс тайлбар мэдүүлэг авч байна. Гэхдээ энэ удаад түүнийг сэжиглэж байгаа хэрэгтэй холбоотой бус түүнд өлсгөлөн зарлаж, батлан даалтад гаргахыг хэн нэгэн даалгасан эсэхийг тодруулж байгаа аж. Л.Гансүхийн өмгөөлөгч Ц.Баасандорж “Миний гар бичмэлтэй холбоотойгоор АТГ-аас намайг шалгуулах гомдлыг Сүхбаатар дүүргийн цагдаагийн хэлтэст өгсөн юм билээ. Би өчигдөр очиж мэдүүлэг өгсөн. АТГ-ынхан цаасан дээр бичсэн миний бичгийг тэгтлээ сонирхож шалгуулах гомдол илгээж байгаа нь тун өрөөсгөл ойлголт юм. Би ч АТГ-ын Мөрдөн шалгах хэлтсийн дарга Ө.Энхтөр, тус газрын Мөрдөн байцаах албаны дарга Э.Амарбат нарыг шалгуулах хүсэлтээ Иргэний хэргийн шүүхэд гаргасан. Тэднийг өмгөөлөгчийн нэр хүндэд халдсан, захидал харилцааны нууц задруулсан гэж үзэж байгаа юм” гэлээ.
Ерөнхий сайд асан Н.Алтанхуягийг огцруулах үеэр зарим гишүүдийн зүгээс огцруулах үндэслэлд дурдсан дөрөвдүгээр зүйл нь хүний эрхийг зөрчсөн байгаа талаар мэдэгдсэн. Лхагва гаригийн чуулганы нэгдсэн хуралдааны үеэр УИХ-ын гишүүн Ц.Оюунгэрэл энэ тухай ингэж ярьсан юм. Тэрбээр “Ерөнхий сайдыг эдийн засгийн асуудлаар голлож буруутгаж байгаа гэж хэвлэлээс уншлаа. Өргөн барьсан бичгэн дээрээ дөрвөн үндэслэл гаргасан байгаа. Гуя дагаж хүзүү гэдэг шиг дөрөвдүгээр заалт байна. Уг заалт нь хүний эрхийг ноцтой зөрчсөн заалт. Танхимд сууж байгаа Ерөнхий сайдын асуудлыг хэлэлцэж байгаа мэт боловч үндсэндээ бид гадаа байгаа хүмүүсийн хүний эрхийн асуудлыг шийдэх гэж байна. Гадаа байгаа хэн нэгний ах дүү эмч, багшийн асуудлыг шийдэх гэж байна. Өргөн барьсан заалт дотор Лхүмбийн хэрэг шиг заалт явж байгаа. Ерөнхий сайдын зөвлөх Л.Гансүхийн хэрэг гээд байгаа зүйл орчин цагийн Лхүмбийн хэрэг болчихсон. АТГ-ын мэдээллийг сонссон. 118 хуудас шинжээчийн дүгнэлтийг үндэслэж гэж ярьж байгаа. Шинжээчийн дүгнэлт гэх 118 хуудас зүйлийг өөрт нь, өмгөөлөгчид нь ч уншуулдаггүй. Үүн дээр тайлбар хийлгэж, хариу няцаалт өгүүлэхгүй байна. Үндсэндээ бид 1937 оны зохиомол хэрэг шиг дуулианаар улс төрийн шийдвэр гаргах гэж байна. Энэ шийдвэрийг би эсэргүүцэж байна. Бид улс төрийн шийдвэр гаргах юм бол улс төрийн цэвэр шийдвэр л гаргах хэрэгтэй. Эдийн засгийн шийдвэр гаргах гэж байгаа юм бол эдийн засгийн шийдвэрээ цэврээр нь гаргах шаардлагатай. Яагаад далимдуулан монгол хүний эрхийг зөрчих шийдвэр дандаа оруулж ирдэг юм. Х.Тэмүүжин сайдын асуудлыг дагуулаад баахан хүний эрх зөрчих асуудал оруулж ирж байсан. Тэр үед нь бид эсэргүүцсэн. Одоо Н.Алтанхуяг сайдын асуудлыг дагуулаад баахан хүний эрх зөрчих асуудлыг оруулж ирлээ. Ардын намынхан яагаад өргөн барьсан бичиг болгондоо хүний эрхийг зөрчсөн асуудал оруулж ирдэг юм. Яагаад МАН 1937 оных шиг асуудлыгоруулж ирдэг юм. Түүнийгээ тэр XX зуунд нь тэр чигт нь булшлаад цэвэр явж болдоггүй юм уу. Яагаад дандаа хүний эрхийн асуудлыг өргөн барьсан бичиг болгондоо хавчуулж явдаг юм бэ. Би үүнийг эсэргүүцэж байна. Миний дургүй хүрч байна. Гадаа байгаа хүний эрхийн асуудал хөндөгдөж байгаа тул энэ кнопыг дарах нь бүү хэл даруулахгүй байх гэж бодож байна. УИХ-ын дарга ч гэсэн дөрөвдүгээр заалтыг хүний эрхэд халдсан зүйл гээд хүлээж авахгүй буцааж болох байсан. Тэгсэн харин байнгын хороогоор хэлэлцэгдээд явчихлаа. Үндсэн хуулиар заасан хүний эрх дотор гэрээний эрхийн харилцаа гэдэг зүйлийг хуульчилж зохицуулсан. АТГ-ын үзэж байгаагаар бол Л.Гансүхийн гэрээний харилцаан доторх зүйлийг шалгахаас илүүтэйгээр гэрээнд огт тусгагдаагүй зүйлийг шинээр оруулж ирэн зохиомол хэрэг үүсгээд байгаа юм. Төрөөгүй хүүхэд, алаагүй баавгайн төлөө Лхүмбийн хэрэг шиг хэрэг дээр Л.Гансүх мөрдөгдөж байгаа. Дэлхийн ямар ч ардчилсан улсад байдаггүй сэжигтнийг өмгөөлсөн өмгөөлөгчийг нь цагдан хорьж байцаадаг зүйлийг гаргаж ирж байна. Өмгөөлөгчийгөө хориод ирэхээр энэ нийгэм дампуурал руугаа явна. Манайхан зохиомол хэрэг, Лхүмбийн хэргээр нь дагаад намирчихсан том мангас дарах гэж байгаа юм шиг байдаг болсон. Үндсэндээ 20 гаруй жилийн хугацаанд босгосон үнэт зүйлсээ индэр дээр ярьсан. Тэгвэл энэ яриад байгаа үнэт зүйл чинь хүний эрх. Босгож ирсэн энэ үнэт зүйлээ нурааж 1937 оны тэр загвараар явах гээд байна. 
Ямар ч Засгийн газар гарч ирсэн нэг юм тодорхой болсон. Ирэх онд монголчууд “бүсээ чангалах” ньилэрхий байна. Засгийн газар өөрчлөгдсөн ч эдийн засгийн голүзүүлэлтүүд янзаараа. Өр, төлбөр нь өөрчлөгдөхгүй. Гадаадын хөрөнгө оруулагчид нүүр буруулсан хэвээр. Инфляци үргэлжилсээр, улсын валютын нөөц ихэд дундарчээ. Улс орны олдог хэд нь багасч, зарлага үрлэг нь харин оргилоос буухгүй янзтай. Монгол Улсын2015 оны төсвийн төсөлд Нээлттэй нийгэм форумын судлаач, эдийн засагчиддүн тавьсан юм. Улсын төсөв уг нь иргэн бүрийн ажил, орлого, хоол хүнс, ирэх онд хүүхэд нь цэцэрлэг, сургуультайбайх эсэхамин чухал сэдвийг хөнддөг чулстөрчдийнтайлбарыг лбид олж сонсдог.Харин Нээлттэй нийгэм форум иргэн хүн төсвийн төслийг шинжиж, үзэл бодлоо нэмэрлэх боломж олгов. Судлаач, эдийн засагч, сэтгүүлчид, иргэний нийгмийнхэн, төсөвт хяналт тавихыг хүссэн иргэд энэ хэлэлцүүлэгт оролцсон юм.Сангийн яамны төсвийнмэргэжилтнүүд ирэх оны төсвийгхийхдээ”Хэмнэлтийн горимд шилжүүлж, УИХ-аасбаталсан нэмэх шаардлагатайзардлаас бусдыгцарцаах бодлого барьсан” гэцгээв. Цалин тэтгэвэр, тэтгэмжийг инфляцийн түвшинтэй холбож нэмсэн гэнэ. Ерөнхийлөгч, УИХ, Ерөнхий сайд, Гадаад харилцааны яамныхнаас бусадтөсвийн ерөнхийлөн захирагч нарынгадаад томилолтын зардлыг 50 хувь танажээ.
Нийтийн үйлчилгээний Улаанбаатар нэгтгэл” өвөлжилтийн бэлтгэл ажлаа 100 хувь хангасан тухайгаа мэдээллээ. Тодруулбал, цас орсон үед бодис цацах “Камаз” долоо, “Бонго” тав, “Зил-130” гурав, цас мөс хусах, түрэх “Ковш” хоёр, “Автогрейдер” нэг, “Универсиал трактор”, “Bobcat” тус бүр хоёр зэрэг тусгай зориулалтын тоног төхөөрөмж болон хүн хүч бүхий 23 бригад ажиллуулахад бэлэн болсон байна. 
Дэлхийн улс орнуудыг амьжиргааных нь түвшингээр тогтоосон судалгаагаар Австрали улс хамгийн өндөр түвшинтэй орноор дахин нэрлэгджээ. 
УИХ-ын чуулганы өнөөдрийн нэгдсэн хуралдаанаар төрөөс мөнгөний талаар 2015 онд баримтлах бодлогын үндсэн чиглэлийн төслийн хоёр дахь хэлэлцүүлгийг хийлээ. Эдийн засгийн байнгын хорооны санал, дүгнэлттэй холбогдуулан гишүүд асуулт асууж, хариулт авч байна. УИХ-ын гишүүн Р.Гончигдорж “Байнгын хорооны санал, дүгнэлт дээр “Монгол Улсын Засгийн газар /Д.Тэрбишдагва-д/ даалгасугай” гэсэн байна.
Монгол Улсын Их Хурлын дарга З.Энхболд Европын Холбоо, Европын Холбооны гишүүн орнуудаас Монгол Улсад суугаа болон хавсран суугаа Элчин сайд нарыг өнөөдөр / 2014.11.07 / хүлээн авч уулзлаа. Тэрээр уулзалтыг нээж хэлсэн үгэндээ, Европын Холбоо болон Европын Холбооны гишүүн орнуудаас Монгол Улсад суугаа болон хавсран суугаа Элчин сайд та бүхэнтэй уулзаж харилцаа, хамтын ажиллагааны талаар санал солилцож байгаадаа баяртай байна. Юуны өмнө Итгэмжлэх Жуух Бичгээ барьсан Европын Холбооны Элчин сайд, Бүгд Найрамдах Унгар Улсын Элчин сайд, Бүгд Найрамдах Кипр Улсын Элчин сайднарт баяр хүргэж, ажлын амжилт хүсье.
МоАХ болон Нийслэлийн Ардчилсан нам яг одоо буюу 13 цагаас хуралдахаар зар тараажээ. 
“Интерном” номын их дэлгүүрт өнөөдөр англи хэл дээр бичигдэн гарч буй “Богино өгүүлэгийн цуврал” номын нээлт 14.00 цагт болох гэж байна. Энэхүү номуудыг “Talk Talk English”, “Kennedy Cooper Publishing”-аас эмхэтгэн гаргаж байгаа юм байна.