Өнөөдөр 15.00 цагаас болохоор товлогдож байсан Ардчилсан намын ҮЗХ-ны хуралдаан хойшилж, 18.00 цагт хуралдахаар болсон билээ. Гэтэл уг үйл явдлыг сурвалжлахаар очсон хэвлэл, мэдээллийн ажилтнуудыг Төрийн ордон руу оруулахгүй байна.
Төрийн ордонд фракцийн удирдлагууд хоорондоо уулзалдаж байгаа бөгөөд уур амьсгал нэлээд ширүүхэн байна. Фракциуд тохиролцооны хүрч чадаагүй бололтой.
Ардчилсан намын ҮЗХ-ны хуралдаанаар хэд хэдэн асуудлыг хөндөн ярилцах юм.
Нэгдүгээрт, намаасаа томилогдсон Ерөнхий сайдыг огцруулах кноп дарсан найман гишүүнийг АН-аас хөөхөөр Хяналтын зөвлөлөөс нь шийдвэрлэсэн бөгөөд үүнийг ҮЗХ-ны хуралдаанаар эцэслэн батална. Мөн намын даргын асуудлыг хэлэлцэнэ. Түүнчлэн Шинэ Засгийн газрын тэргүүнээр хэнийг нэр дэвшүүлэх вэ гэдгээ ҮЗХ-ны хуралдаанаар шийдвэрлэх юм.
Холливудын нэрт найруулагч Оливер Стоун АНУ-ын тусгай албаны ажилтан асан Эдвард Сноудены тухай кино хийхээр болсон. Тэрээр Э.Сноудентай уулзаж кино зохиолынхоо сүүлчийн хувилбарыг тохиролцохоор Москва очсон юм. Энэ үеэр сэтгүүлчидтэй уулзахдаа Оросын Ерөнхийлөгч В.Путины тухай баримтат кино хийхээр материалаа цуглуулж байгаа гэнэ. Холливудын найруулагч Оливер Стоун нь Кубын удирдагч Фидель Кастро, Венесуэлийн Уго Чавес нарын тухай баримтат кино хийсэн юм.
“TV Cocktail” хамтлагийн шинэ уран бүтээл “Омарын Эрэлд” адал явдалт уран сайхны киноны нээлт Тэнгис кино театрын гадаа талбайд болов. Уг киноны нээлтийн үеэр “ТВ коктейль” хамтлагийн жүжигчин Э.Цолмонбаяр ССАЖ-ын сайдын тушаалаар Монгол Улсын “Соёлын Тэргүүний Ажилтан” хэмээх цол тэмдэгээр энгэрээ мялаалаа.
Сүүлийн үед хулгайч нарын арга барил улам нарийсах болсон талаар албаны хүмүүс анхааруулж буй. Арваннэгдүгээр сарын 1-нд шилжих шөнө орон байрны томоохон хулгайн хэрэг гарчээ. Тухайлбал, “Хос гарьд” компанийн хиамны цехийн санхүүгийн өрөөний цонхийг хагалан, 185 орчим сая төгрөг хулгайлсан байна. Уг хэргийг Баянгол дүүргийн цагдаагийн хэлтэс, Улаанбаатар хотын цагдаагийн газрын ГХТГ-ын Хулгайлах гэмт хэрэгтэй тэмцэх хэлтсийн алба хаагчид шуурхай ажиллаж илрүүлжээ. Гэмт этгээд болох 24 настай Х гэгч нь хулгайлсан мөнгөө Төв аймгийн Батсүмбэр суманд 40-ийн бидонд хийгээд газарт булсан байжээ. 
Эбола вирусийн халдварт илүү их өртөөд байгаа Баруун Африкийн гурван орон Гвиней, Либери болон Сьерра-Леон улсад уг вирусийн халдвар авсан өвчтөнүүдийг эмчлэх эмнэлгийн ажилтан хангалттай хүрэлцэхгүй байгаа тухай Дэлхийн эрүүл мэндийн байгууллага /мэдээлжээ.
Улсын хэмжээнд цагдаагийн байгууллагаас “Хяналт-Шийдвэрлэлт” нэгдсэн арга хэмжээ зохион байгуулж эхлээд байна.
Нийслэлийн удирдлагын зөвлөлийн ээлжит хуралдаанаар “Угсармал орон сууцанд дулаан техникийн шинэчлэл хийх дэд хөтөлбөр”-ийг танилцуулж, хэлэлцлээ.
Жижиг дунд үйлдвэрлэл эрхлэгчдийн холбооноос жил бүр уламжлал болгон “Улаанбаатарт үйлдвэрлэв” үзэсгэлэн худалдааг зохион байгуулдаг билээ. Энэ жил “Улаанбаатарт үйлдвэрлэв-2014” үзэсгэлэн худалдааг арваннэгдүгээр сарын 21-23-ны өдрүүдэд зохион байгуулахаар болсон талаар тус холбооны төлөөлөл өчигдөр мэдээллээ. Үзэсгэлэн худалдаанд оролцогчид нь нийслэлд үйл ажиллагаа явуулдаг байхаас гадна ноос ноолуур, арьс ширэн бүтээгдэхүүн, хүнсний, ахуйн хэрэглээний, гэр ахуйн болон дэвшилтэт технологийн бүтээгдэхүүн, алт мөнгө, үнэт эдлэл, гар урлалын бүтээгдэхүүн хийдэг байх хэрэгтэй юм байна. Мөн үзэсгэлэн худалдаагаар шилдгийн шилдэг есөн бүтээгдэхүүнийг шалгаруулан Улаанбаатар хотын бэлэгдэл бүхий “Хангарьд” өргөмжлөлийг гардуулах аж. Эдгээр шалгарсан бүтээгдэхүүнийг “Жижиг дунд үйлдвэрлэл эрхлэгчдийн холбоо”-ноос бүтэн жилийн хугацаанд зохион байгуулж буй бүх үйл ажиллагаандаа давуу эрхтэй оролцуулах юм байна. Тухайлбал, “Нийслэлийн жижиг дунд үйлдвэрлэл” сэтгүүлд жилийн хугацаанд баннер байршуулах, вэб сайт дээр үнэгүй сурталчилгйй болон худалдаа явуулах гэх мэт эрх олгох гэнэ. 
Өнөөдөр Монголын сүүлчийн эзэн хаан VIII Богд Жавзандамба хутагтын хатан Эрх Цагаан дарь Дондогдуламын мэндэлсэний 140 жилийн ой тохиож байна. Тэртээ 1874 он буюу намрын адаг сарын 15-ны өдөр Халхын Хөвчийн Жонон бэйс Сангилагдоржийн хошууны нутагт Цэндийн гэр бүлд нэгэн охин мэндэлсэн нь хожмын Монгол Улсын төрийн хатан болох хувь ерөөлтэй байжээ.
Жолооны үнэмлэхээ үрэгдүүлсэн, хуучирч муудсан тохиолдолд ЦЕГ-ын Лицензийн төвд хандаж ажлын тав хоног дотор гаргуулан авах боломжтой аж.