Улсын хэмжээнд 158 хувийн эмнэлэг эрүүл мэндийн даатгалын үйлчилгээнд нэгджээ.
Тодруулбал нийслэлийн болон орон нутгийн хэмжээнд тус бүр 79 хувийн эмнэлгээр иргэд үйлчлүүлэхдээ эрүүл мэндийн даатгалын хөнгөлөлтийг эдлэх боломжтой юм байна. Үүнд “Улаанбаатар Сонгдо”, “Хатагтай”, “Ачтан”, “Номун” зэрэг хувийн эмнэлэг хамрагджээ. Хувийн эмнэлгүүд хэвтэн эмчлүүлэгсдийн эмнэлгийн нийт төлбөрийн 30 хувийг даатгалаас гаргадаг бөгөөд даатгуулагч иргэн сард нэг сая 328 мянган төгрөгийн өртөгтэй үйлчилгээг даатгалын сангаас төлүүлэх эрхтэй гэнэ. Харин улсын эмнэлэгт хэвтэн эмчлүүлбэл таны ор хоногийн нийт төлбөрөөс 300 гаруй мянган төгрөгийг, хувийн эмнэлэгт хэвтвэл нийт төлбөрөөс 200 орчим мянган төгрөгийг эрүүл мэндийн даатгалаас төлөх юм байна.
“Elle” сэтгүүлээс дэлхийн өнцөг булан бүрт амьдарч буй эмэгтэйчүүдээс хамгийн гоё, ганган гутал өмсдөг олны танил 10 эмэгтэйг нэрлэхийг хүсч, фэйсбүүкийн тусламжтай санал асуулга явуулжээ. Энэхүү санал асуулгыг Их Британийн “Spice girls” хамтлагийн гишүүн, загвар зохион бүтээгч Викториа Бекхэм тэргүүлсэн тухай “
Монголын анхны мэс засалч В.Ичинхорлоогийн мэндэлсний 100 жилийн ой, Монголд дурангийн мэс засал үүсч хөгжсөний 20 жилийн ойн хүрээнд Монголын мэс засалч эмч нарын Х чуулганд өнөөдөр эхэллээ.
Монголын загварын чиг хандлагыг тодорхойлдог “Гоёл” наадам энэ өдрүүдэд үргэлжлэн явагдаж байна. Монголын дизайнеруудын холбооноос зохион байгуулдаг тус наадам энэ жил шилдэг загвар өмсөгч, шилдэг гоо засалч, шилдэг үсчин, топ моделийг шалгаруулна. Наадмын үйл ажиллагаа загварын долоо хоногоор эхлэх бөгөөд тус арга хэмжээний үеэр Монголын шилдэг дизайнерууд өөрсдийн урласан бүтээлүүдээ нийтийн хүртээл болгох юм байна. Харин шилдэгүүдийг тодруулах гала тоглолт нь арванхоёрдугаар сарын 3 –нд Соёлын төв өргөөнд болох ажээ.
Хэвлэлийн хүрээлэнгийн дэргэдэх “Сэтгүүлч” дээд сургуулийн хамт олон өөрийн байгууллагын 10 жилийн ой болон Хүний эрхийн өдрийг угтаж “Цусаа бэлэглэе” аян зохион байгуулж байна.
Африк гаралтай америк хүмүүс зонхилон амьдардаг Фергюсон хотын иргэд алуурчин цагдаад шийтгэл оноохыг шаардаж байна. Гэсэн ч дээд шүүхийн 9 цагаан арьстан, 3 өнгөт арьстай гишүүн түүнд ял шийтгэл оноохгүй гэсэн шийдвэр гаргасан юм.Сэйнт Луис хотын гудамжинд хурцадмал байдал үүсч эсэргүүцлийн хөдөлгөөн өрнөсөөр дөрөв хоног өнгөрлөө. Лхагва гарагийн өглөө эрт Сэйнт Луис хотын шүүхийн гадна 200 гаруй иргэн жагсаж эсэргүүцлээ илэрхийлж байлаа. Тэднийг хүч хэрэглэж мод чулуу шидэж эхлэхэд цагдаа нар өөдөөс нь нулимс асгаруулагч хий, бороохой ашиглажээ. Лхагва гарагийн орой Фергюсоны цагдаагийн хэлтсийн гадна цөөхөн эсэргүүцэгч жагсаж байлаа. Түүнчлэн АНУ-ын Филадельпи, Нью-Йорк, Kливлэнд, Лос Анжелос, Бостон зэргийн 12 хотод эсэргүүцлийн хөдөлгөөн өрнөж байна. Гэсэн ч Талархлын баярын өмнөх орой цас орсноос шалтгаалж, эсэргүүцлийн хөдөлгөөн саарах тийшээ ханджээ. Харин Фергюсон хотод жагсаал хөдөлгөөн үргэлжилсэн хэвээр байлаа. Калифорнийн Оклэнд хотод анхандаа тайван замаар өрнөсөн жагсаал аажимдаа улам хурцдаж гудамж талбайд гал авалцан шатаж эхэлжээ. Түүнчлэн Лос Анжелес хотод цагдаа нар 130 хүнийг баривчилсан байна. Энэ үеэр Америкийн зарим одод талархлын баярын маргааш хар баасан гарагийн эсэргүүцэл хийхийг уриалж байлаа. 
Хил хамгаалах ерөнхий газрын харьяа Хилийн тагнуулын албаныхан Замын-Үүд боомтын Авто замын шалган нэвтрүүлэх цэгт их хэмжээний эм, тарилга хууль бусаар хил нэвтрүүлэхийг оролдсон үйлдлийг газар дээр нь таслан зогсоожээ. БНХАУ-ын хилийн талаас 596 хайрцаг бүхий хоёр төрлийн 9904 ширхэг эм, тарилгыг хил давуулахаар завджээ. Хууль бусаар оруулж ирэхийг завдсан эм тарилгын дунд хүнд мэс заслын дараа хэрэглэдэг “Interiped” тарилга болон “Addaemel N”хэмээх Монгол Улсын эмийн бүртгэлд ороогүй эм, тарилгууд байжээ. Уг үйлдэлд эрүүгийн хэрэг үүсгэн шалгаж байна.
Улсын Их Хурлын 2014 оны намрын ээлжит чуулганы өнөөдрийн /2014.11.28/ үдээс өмнөх хуралдаан 10.25 цагт гишүүдийн 51,3 хувийн ирцтэй эхэлж, Улсын Их Хурлын дарга хуралдаанаар хэлэлцэх дөрвөн асуудлыг танилцуулж, баталлаа. Хуралдаанаар эхлээд Монгол Улсын төрөөс хүн амын хөгжлийн талаар баримтлах цогц бодлого батлах тухай Улсын Их Хурлын тогтоолын төсөл /Засгийн газар 2014.09.04-ний өдөр өргөн мэдүүлсэн/ хэлэлцэх эсэх асуудлыг хэлэлцэв.
Франц Улсын нийслэл Парис хотноо болсон НҮБ-ын Боловсрол, шинжлэх ухаан, соёлын байгууллага (ЮНЕСКО)-ын Соёлын биет бус өвийн конвенцийн Засгийн газар хоорондын хорооны 9 дүгээр хуралдаанаас 