Монголын хувийн их дээд, сургуулиудын дунд болдог сагсан бөмбөгийн “Оюутны лиг-2014” тэмцээн өнгөрөгч бямба гариг буюу арваннэгдүгээр сарын 8-ны өдөр Спортын төв ордонд нээлтээ хийсэн билээ. 1996 оноос хойш уламжлал болон зохиогдож буй 15 дахь удаагийн тус тэмцээнд эрэгтэй 10, эмэгтэй зургаан баг өрсөлдөж байна.
Тус тэмцээний хоёрдугаар тойргийн тоглолт өнөөдөр 17.00 цагаас Спортын төв ордны “А” зааланд эхэлнэ. Энэ өдөр эрэгтэй дөрөв, эмэгтэй хоёр тоглолт болох юм.
Ингээд тоглолтын хуваарийг танилцуулья:
17.00 цаг: “СИТИ” ДС – “Мандах бүртгэл” дээд сургууль (эрэгтэй)
17.50 цаг: Тээврийн дээд сургууль – “Сан” дээд сургууль (эрэгтэй)
18.40 цаг: Монголын Үндэсний Их сургууль – “Их засаг” Олон улсын их сургууль (эмэгтэй)
19.30 цаг: Улаанбаатар их сургууль – “Мон-Алтиус” дээд сургууль (эмэгтэй)
20.20 цаг: Отгонтэнгэр их сургууль – Техник технологийн их сургууль (эрэгтэй)
21.10 цаг: Их засаг олон улсын их сургууль – Улаанбаатар их сургууль (эрэгтэй) тус тус тоглох юм байна.
Энэ сарын 9-нд Баянгол дүүрэгт таван хятад иргэн монгол залуусыг зодсон хэрэг гарсан байна. Хятад иргэдэд зодуулсан хохирогчид болох Е, Х нар оройны 20 цагийн орчимд машинтайгаа хорооллын Ахуйн үйлчилгээний уулзвараар уруудаж Модны хоёрын зам руу оржээ. Энэ үед шалавч нь нугаларч тормосны гишүүр доогуур орсон учир замын хажуу руу шахаж зогссон байна. Гэтэл хойно нь явж байсан “Pruis-20” маркийн машин тулж зогсон дуут дохиогоо хангинуулж, зэрэгцэн ирээд хятадаар хашгирч, загнасан байна. Е-гийн найз бүсгүй Х “Дэргэдүүр явж болох зай байна шүү дээ” гэж хэлсэн нь өнөөх хятад иргэдийн дургүйг хүргэсэн бололтой. Гэрлэн дохио дээр хятад иргэд гүйцэн ирж цонхоороо толгойгоо гаргаад монголоор элдэв хараалын үг урсгаж, бүсгүйг доромжилсон юм байна. Үүнд нь дургүйцсэн Е найз бүсгүйгээ өмөөрч хятад залуус руу цэвэр усны жижиг сав чулуудчихаж. “Pruis” машины жолооч, хятад залуу бууж ирээд Е-гийн машины цонхыг хагалах гэж оролджээ. Хятад залуус Е, Х нарыг машинаас нь чирч гаргаад зодсон байна. Болсон явдлын талаар хохирогч Е “Найз бүсгүй маань шилээр толгойдоо цохиулснаас тархи нь гэмтсэн. Мөн хөл, цээжиндээ гэмтэл авсан. Би толгой, цээжиндээ гэмтсэн. Тэр хятадуудыг эхлээд согтуу байна гэж бодтол үгүй байсан. Цагдаа нар ирээд согтууруулах ундаа хэрэглэсэн эсэхийг нь шалгатал юу ч илрээгүй. Тэгээд нүд рүү нь гэрэл тусгаж, хүүхэн харааг нь шалгаад мансууруулах бодис хэрэглэсэн байж болзошгүй юм байна гэж байсан” гэж ярьсан байна. Хохирогчид шүүх эмнэлэгт хандаад байгаа аж.
Эрдэнэт хотод аялан тоглолт хийж байх үедээ хувийн маргааны улмаас “Шинэ үе” продакшны жүжигчид нэгнийгээ халуун усаар түлж, эрүүл мэнд, гоо сайханд нь ноцтой хохирол учруулсан байдаг. Энэ хэргийг анхан шатны шүүх хэлэлцээд тус хамтлагийн залуу жүжигчин Ц.Алдармааг буруутай хэмээн үзэж долоон жилийн хорих ял оноосон. Түүний өмгөөлөгч болон гэр бүлийнхэн нь анхан шатны шүүхийн шийдвэрийг эсэргүүцэждавж заалдах гомдол гаргасан юм.Давж заалдах шатны шүүх гомдлыг энэ сарын 6-нд хүлээж авсан бөгөөд удахгүй хэлэлцэх юм байна. Зарим хэвлэлүүдийн мэдээлж буйгаар “Д.Оюунтуул БНСУ руу эмчилгээнд явах гэж байна. Зардлыг нь Ц.Алдармаагаргах болсон” гэх мэдээллүүд гарч буй юм. Мөналбан бус мэдээллээр шүүх хурлын товэнэ сарын 20-нд болох аж.Энэ талаарЦ.Алдармаагийн өмгөөлөгч Б.Дашдоржоос тодруулахад “Шүүх хурлын тов хэдийд гарсныг мэдэхгүй байна.Хохирогч, шүүгдэгчдийн хоёр тал энэ тухай мэдээлэлөгөхгүй байгаа гэв. Харин Д.Оюунтуулын хувьд биеийнх нь 31 хувь буюу түлэгдэлтийн 2А зэрэгтэй гэсэн эмчийн дүгнэлттэй. Тэрбээр анхан шатны шүүх хурлын дараа Улсын III төв эмнэлэгт хэвтэн эмчлүүлжбайсан юм. Өнөөдөр Д.Оюунтуул БНСУ руу эмчилгээнд явж, гоо сайхны мэс засал хийлгэх аж. Тодруулбал,биеийнх нь арьснаас авч нөхөн сэргээх буюу гоо сайхны мэс заслыг хийлгэх юм байна. 
Чингэлтэй дүүргийн Цагдаагийн нэгдүгээр хэлтсийн байранд байрлах Албадан саатуулах төвд өнгөрсөн баасан гаригийн өглөө 46 настай Л амиа алдсан хэрэг гарчээ. Хэргийг Зохион байгуулалттай гэмт хэрэг мөрдөн шалгах газрын тусгай субъект мөрдөх хэлтсийн алба мөрдөн шалгаж байна. Албаны эх сурвалжаас авсан мэдээллээр Нийслэлийн шуурхай удирдлагын төвд Чингэлтэй дүүргийн нэгэниргэн утасдаж дуудлага өгсөн гэнэ. Тэрбээр “Нөхөр нь согтуу агсам тавиад байна. Цагдаа хурдан ирүүлэх хэрэгтэй байна”гэх дуудлага өгсөн байна. Дуудлагын дагуу эргүүлийн цагдаа нар очиж гэртээ агсам тавиад байгаа Л гэгчийг саатуулан Чингэлтэй дүүргийн цагдаагийн нэгдүгээрт хэлтсийн Албадан саатуулах байранд хүргэж өгсөн байна. Албадан саатуулах төвд хүргэгдсэн Л-ын эхнэр тухайн үедээлжинд гарч байсан цагдаагийн албан хаагч нарт “Зүрх нь байнга өвддөг шүү. Бие муутай хүн байгаа юм аа” гэж хэлсэн гэнэ. Тухайн өдрийнжижүүр эмч үзлэг хийгээддаралт, зүрхний хэм алдагдалтай байгаа эсэхийг үзээд Албадан саатуулах төвд саатуулжээ. Мөн ар гэрийнхэнд “Өглөө ир. Санаа зоволтгүй” гэж хэлээд явуулсан байна. Гэтэл үүрээр саатуулах өрөөнд орсон Ламиа алдсан байжээ. Зохион байгуулалттай гэмт хэрэг мөрдөн шалгах газрын тусгай субъект мөрдөх хэлтсийн албаныхан хэрэг гарсанөдөр Албадан саатуулах төвд албан үүргээ гүйцэтгэж байсан ээлжийн ахлагч, жижүүр эмч нарт эрүүгийн хэрэг үүсгэн шалгаж байгаа аж. Тухайн өдрийн камерын бичлэг, өрөөнүүдийг камераар хянаж байсанүгүйг мөрдөн шалгаж байгаа юм байна. Хэргийн талаар талийгаач Л-ын ар гэрийнхэнтэй холбогдсон боловч ямар нэгэн мэдээлэл өгөхөөс татгалзсан юм. Харин албаны эх сурвалжхарамсалтайгаар амиа алдсан Л-ын ар гэрийнхэн цагдаагийн байгууллагад “Зүрхний өвчтэй хүнийг албадан саатуулсан. Хүн амь насаа алдчихаад байхад эмнэлгийн анхны тусламж үзүүлээгүй. Жижүүр цагдаа саатуулагдаж байгаа хүнээ огт эргэж тойроогүй” гэх хэд хэдэн үндэслэлээр гомдол гаргасан байна. Талийгаач Л юунаас болж амиа алдсан болохыг шүүх эмнэлгийн дүгнэлтээр тогтоох юм. Удахгүй шинжилгээний хариу гарах гэнэ. 
Монгол Улсын Ерөнхий сайдыг огцруулсантай холбогдуулан Улсын Их Хурлаас баталсан тогтоол нь Үндсэн хуулийг зөрчсөн байж болзошгүй талаар сүүлийн үед хэвлэл мэдээллийн хэрэгслээр бичигдэх болов. Үүнтэй холбогдуулан Улсын Их Хурлын даргын зөвлөх, хуульч, эдийн засагч З.Нарантуяа дараахь тайлбарыг өглөө. 
БНХАУ-ын Бээжин хотноо болсон АПЕК буюу Ази, Номхон далайн эдийн засгийн хамтын ажиллагааны байгууллагын дээд түвшний уулзалт өндөрлөв. Энэхүү чуулганы хоёр хоногийн хэлэлцүүлэгийн үр дүн нь 24 хуудас бүхий эцсийн тунхаглал болов. Тунхаглалыг АРЕС-ийн 25 жилийн ойд зориулсан тусгай мэдэгдэл дагалдлаа.
Монгол Улсын Ерөнхий сайдыг огцорсноос хойш АН бүхэлдээ хөдөлгөөнд ороод байгаа. Тэгвэл саяхан Ардчилсан намын ҮЗХ хуралдаж тогтоол гаргаад байсан юм. Шинэчлэлийн Засгийн газрын тэргүүнтэй 50 тэрбумын зарцуулалт буруу байгаа талаар мэтгэлцэж шүүх цагдаадаа тулж хэрэгсэхгүй болсон. Тэгвэл иргэн Т.Сайнжаргал ҮЗХ-ны тогтоолын алдааг зассан нь сүүлийн үед олны анхаарлыг татаад байна. АН үнэхээр бичиг баримт боловсруулах чадвар муутай юу хэмээн твиттерчид жиргэж эхэлжээ. 
Австралийн Үндэсний их сургуульд хоёр жил тутамд зохион байгуулагддаг “Mongolia Update 2014” бага хурал 2014 оны арваннэгдүгээр сарын 10-ны өдөр хоёр дахь удаагаа Австралийн нийслэл Канберра хотноо зохион байгуулагдав. Австралийн Үндэсний их сургуулийн Ази, Номхон далайн коллежийн захирал, профессор В.Тэйлор, Монгол Улсаас Австралийн Холбооны Улсад суугаа Элчин сайд Р.Болд нар хурлыг нээв.
Монгол Улсын Ерөнхийлөгч Ц.Элбэгдорж Бээжин хотноо болсон АПЕК буюу Ази, Номхон далайн эдийн засгийн хамтын ажиллагааны байгууллагын дээд түвшний уулзалтад оролцоод өнөөдөр эх орондоо эргэн ирлээ. Монгол Улс АПЕК-ийн уулзалтад анх удаа Ерөнхийлөгчийн түвшинд, зочны хувиар оролцож байгаа юм. АПЕК-ийн энэ удаагийн хурлал нь “Ирээдүйд хандсан Ази, Номхон далайн бүсийн түншлэлийн харилцааг хамтдаа байгуулъя” гэсэн гол сэдвийн дор зохион байгуулагдлаа.
ОХУ-ын уран гулгагч Ю.Липницкая Хятадын Гранпри тэмцээний шагнал гардуулах ёслолд оролцоогүй учраас мөнгөн торгуулиар шийтгүүлэв. Сочигийн олимпийн үеэр 16 насандаа алтан медаль хүртэн од болж байсан энэ охин манай урд хөршийн нутагт болсон тэмцээний үеэр жижиг алдаа гаргасны улмаас болж хүрэл медаль дээр буусан. Үүндээ шаналсан охин буудалдаа очиж амарч байгаад шагнал гардуулах арга хэмжээнээс хоцорлоо хэмээн тайлбарлаж байна.