Баянхонгор аймагт Хөдөө аж ахуйн биржээр дамжуулан анх удаа амьд малын арилжааг амжилттай зохион байгуулсан бөгөөд цаашдаа даваа, лхагва, баасан гараг бүр арилжаа хийж байхаар болсон. Одоогийн байдлаар тус аймагт амьд малын арилжаа хийх техникийн бэлтгэл ажил бүрэн жигдэрсэн ч мал худалдан авах захиалга ирэхгүй, үнийн хэлцэл тохирохгүй байгаа учраас дахин арилжаа хийгээгүйг Хөдөө аж ахуйн биржийн захирал Ж.Эрдэнэбат хэллээ. Тодруулбал, малчид малын амьдын жингийн нэг кг-ыг 3000 төгрөгөөр худалдана гэж байгаа нь худалдан авах хэлцэл хийх боломжгүйд хүргэж буй ажээ.
Ойрын хугацаанд ХАА-н биржээр дамжуулан Завхан аймагт амьд малын арилжаа хийх төлөвлөгөөтэй бөгөөд одоогоор бэлтгэл ажлыг хангаж байна. Цаашдаа Хөвсгөл, Увс, Хэнтий аймгууд амьд малын арилжаа зохион байгуулах хүсэлтээ Үйлдвэр, хөдөө аж ахуйн яам, ХАА-н биржид мэдэгджээ.
Сануулахад, Баянхонгор аймагт энэ сарын 6-нд Үйлдвэр, хөдөө аж ахуйн яам, Хөдөө аж ахуйн биржийнхэн очиж амьд малын арилжааг зохион байгуулсан юм. Ингэхдээ аймгийн төвөөс Улаанбаатар хотод байрлах Хөдөө аж ахуйн биржтэй цахимаар холбогдон амьд мал арилжих саналыг хүлээн авч, малын амьдын жингийн нэг кг-ыг 1850 төгрөгөөр тооцон 12 хонь арилжих хэлцэл хийсэн. Амьд малыг тус аймгийн иргэд худалдсан бол, худалдан авах саналыг Улаанбаатар хот, Дархан-Уул аймгаас ирүүлж байсан юм.
АНУ-ын Лонг-Бийч хотод энэ сарын 01,02-ны өдрүүдэд зохион байгуулагдсан Жюү-жицү бөхийн ахмад мастеруудын дэлхийн аварга шалгаруулах тэмцээн зохиогдсон байна. Тус тэмцээний +100 кг-ын жинд барилдаж аваргын алтан медаль хүртсэн ОБЕГ-ын “Аврагч” биеийн тамир, спорт хорооны дарга, онцгой байдлын хурандаа, Монгол улсын заан Ц.Баярсайханыг ОБЕГ-ын дарга, онцгой байдлын хурандаа Т.Дуламдорж болон даргын зөвлөлийн гишүүд хүлээн авч уулзан баяр хүргэсэн байна.
Монголын цагаан зээр устаж байгаатай холбогдуулан Дэлхийн байгаль хамгаалах сангийн Монгол дахь хөтөлбөрийн газраас арван нэгдүгээр сарыг цагаан зээрийг хамгаалах аяны сар болгон зарлалаа. Тус аяны хүрээнд цагаан зээр ихээр бэлчдэг Дорнод аймгийн Хөлөнбуйр суманд сүргийн нүүдлийн нутгийг тодорхойлж, зам дагуух аюулаас урьдчилан сэргийлэх зорилготой эргүүл хяналт гаргах юм. Мөн Хэнтий аймгийн Дадал, Норовлин, Батноров, Баян-Овоо, Дорнод аймгийн Цагаан-Овоо, Баян-Уул, Хөлөнбуйр, Сүхбаатар аймгийн Түмэнцогт сумын иргэдэд цагаан зээрийн ач холбогдол, үнэ цэнийг таниулах сургалт зохион байгуулах аж.
Монголын Нутгийн Удирдлагын Нийгэмлэгээс “Гэмт хэргээс урьдчилан сэргийлэх чиглэлээр нутгийн удирдлагын байгууллагуудын чадавхийг нэмэгдүүлэх асуудал” сургалт семинарыг 2014 оны 11 сарын 14, 15-ны өдөр зохион байгуулах гэж байна. Тус семинарт Нийслэлийн ИТХ-ын дарга, Монголын нутгийн удирдлагын нийгэмлэгийн удирдах зөвлөлийн дарга Д.Баттулга, Улаанбаатар хотын Цагдаагийн газрын дарга Ч.Болдбаатар, Монголын нутгийн удирдлагын нийгэмлэгийн гүйцэтгэх захирал Ц.Батгэрэл болон Улаанбаатарын Цагдаагийн газар, Замын цагдаагийн газар, дүүргүүдийн ИТХ-ын төлөөлөгч нар оролцоно. Мөн Монгол Улсын Их Сургууль, Монголын оюутны холбоо, Сурагчдын холбоо, Олон Улсын Аялал жуулчлалын төвийн төлөөлөл оролцох юм. Семинараар МУИС-ийн Хууль зүйн сургуулийн эрдэмтэн багш нар гэмт хэргээс урьдчилан сэргийлэх чиглэлээр нутгийн удирдлагын байгууллагуудын эрхзүйн чадамж, түүнийг нэмэгдүүлэх асуудлаар илтгэл тавьж, хэлэлцүүлэг өрнүүлнэ. Мөн Нийслэлийн Засаг даргын 2013-2016 оны үйл ажиллагааны хөтөлбөрийн дагуу, “Аюулгүй Улаанбаатар”-ыг бүрдүүлэх чиглэл, зорилтын хүрээнд хэрэгжүүлж буй “Student police”, ” School police” төслийн үр дүнг танилцуулж, цаашид хэрхэн сайжруулах талаар харилцан санал солилцоно. Энэ үеэр нийслэлийн Гэмт хэргээс урьдчилан сэргийлэх ажлыг зохицуулах зөвлөл, дүүргүүдийн зөвлөлөөс авч хэрэгжүүлж буй ажлаа танилцуулахаар төлөвлөжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. 
Завхан аймгийн Тэс суманд хүний боом өвчний сэжигтэй тохиолдол бүртгэгдсэнийг Эрүүл мэндийн яамны Шуурхай удирдлагын төвөөс мэдээллээ. Тус төвийн мэдээлэлд боомоор өвчилсөн байж болзошгүй өвчтөн нь 54 настай, эрэгтэй гэдгийг дурджээ. Өвчтөнөөс авсан эхний сорьцоос хүний боом өвчний төстэй нян илэрсэн байгаа бөгөөд лабораторийн шинжилгээ үргэлжилж байгаа аж.
Хүний аминд хүрсэн БНХАУ-ын иргэн Шуаншид /SHUANGXI/ холбогдох хэргийг Сум дундын 16 дугаар шүүхэд хэлэлцэн шийдвэрлэжээ. Шүүхээс шүүгдэгч Шуаншид Эрүүгийн хуулийн тусгай ангийн 91 дүгээр зүйлийн 91.1 дэх хэсэгт зааснаар 11 жилийн хугацаагаар хорих ялыг чанга дэглэмтэй эрэгтэйчүүдийн хорих ангид эдлүүлэхээр шийдвэрлэсэн байна. 
Өнөөдөр энэ жилийн хамгийн том сансрын аялалын үр дүн гарна. Учир нь, 
Нэгдүгээр курсийн оюутнууд нийтийн тээврээр зорчих виза картаа өнгөрсөн долоо хоногоос эхлэн авсан. Гэвч 
Хот доторх авто машин, сэлбэгийн худалдааны есөн зах, 34 цэгийг нэгтгэн “Авто Худалдааны Цогцолбор” руу нүүлгэн шилжүүлэхээр болсон.
Монголын Залуучуудын холбооны дэргэдэх Залуучуудын гэр бүлийн дэмжих хороо нь залуу гэр бүлийн үнэ цэнэ, үүрэг хариуцлагаа ухамсарлахад чиглэсэн сургалт, зөвлөгөө өгөх, залуу гэр бүлийг дэмжих зорилгоор “Тогтвортой гэр бүл” өдөрлөгийг 11 сарын 19-ний өдөр зохион байгуулах гэж байна. Уг өдөрлөгт Нийслэлийн зургаан дүүрэг тус бүрээс 15 гэр бүл оролцох бөгөөд “Гэр бүлийн үнэ цэнэ, үүрэг хариуцлага”, “Хэвлий дэх хүүхдийн тань хэлэх үг”, “Амаржихуйн гайхамшиг” сэдвээр сургалтад хамрагдаж, мэргэжлийн багш нараас зөвлөгөө авах боломжтой аж. Түүнчлэн оролцсон хосууддаа “Даймонд” гэрэл зургийн студи, “Мишка” орос өлгийн дэлгүүр, нярайн асаргааны зөвлөмж DVD, Хүүхдийн угаадаг даавуун живх зэргийг хөнгөлөлтэй үнээр худалдан авах эрхийн бичгүүдийг гардуулан өгөх юм байна. Анхныхаа үрээ тэврэх гэж буй залуу ээж аавууд тус өдөрлөгт идэвхитэй хамрагдахыг Монголын залуучуудын холбооноос уриаллаа.