Монголын хошин урлагийн чадварлаг жүжигчдийн нэг болох жүжигчин Аси буюу Р.Алтансүхийн бие чилээрхжээ. Тэрбээр цус харваж эмчилгээ хийлгэж байсан бөгөөд өдгөө гэрээрээ эмчилгээгээ үргэлжүүлэн хийж байгаа юм байна. Мөн тэрбээр удахгүй БНСУ руу явж, шинжилгээ өгч, эмчилгээ хийлгэх шаардлагатай байгаа аж. Тиймээс түүнд зориулан монголын хошин урлагийнхан болон дуучин Гавьяат жүжигчин, дуучин С.Жавхлан, Т.Ариунаа нар хандивын тоглолт зохион байгуулах санааг гаргаж ажил хэрэг болгож эхэлжээ.
Хандивын тоглолт энэ сарын 18-ны өдөр 19.00 цагт “UB palace”-ийн концертын их танхимд болох юм байна. Тоглолтод Монголын хошин урлагийн бүх хамтлаг, Гавьяат жүжигчин, дуучин С.Жавхлан, Т.Ариунаа нар оролцох юм байна.
Манай улсын экспортын нийт бүтээгдэхүүний 90 гаруй хувийг уул уурхайн бүтээгдэхүүн эзэлдэг. Харин үлдсэн цөөхөн хувь нь монгол хүний гараар, оюун сэтгэхүйгээр бүтээгдсэн байдаг. Экспортын барааны тоо нэмэгдэнэ гэдэг монголчуудын хувьд том баяр. Тэр тусмаа шинэ төрлийн бүтээгдэхүүнийг олон улсын зах зээлд гаргана гэдэг маш чухал зүйл юм. Эм судлалын хүрээлэнгийн эрдэмтдийн олон жилийн судалгааны үр дүнд бий болсон бөөр хамгаалах 100 хувь байгалийн гаралтай “Нефромон” бэлдмэл энэ сараас эхэлж албан ёсны эрхтэйгээр ОХУ-д борлуулагдаж эхэлжээ.
Улс төрд шинэ манлайлагч төсөлд оролцогч залуус “Тэтгэлэгтэй тамирчин” зорилтот төслийг эхлүүлээд байна. Энэхүү төслийн зорилго нь сагсан бөмбөг сонирхогч залуучуудыг их дээд сургуулиудад 4 жилийн хугацаанд 100 хувийн тэтгэлэгтэй суралцуулахад чиглэгдэж байна. Одоогийн байдлаар ХААИС, “Мандах Бүртгэл”,” Идэр”, Сан”, “Сэрүүлэг”,” Рояал академи” зэрэг сургуульд нийт 20 сагсан бөмбөг сонирхогч залуусыг хүссэн мэргэжлээр нь үнэ төлбөргүй сургахаар боллоо. Материал бүрдүүлж ирүүлсэн тамирчдын дундаас сургуулиуд өөрсдөө сонголтоо хийж тамирчдыг сонгож авах бөгөөд сонгогдсон тамирчин нь тухайн сургуульд үнэ төлбөргүй суралцахаас гадна тухайн сургуулийг төлөөлж тэмцээн уралдаануудад оролцох юм байна. Энэхүү төсөл үргэлжилж байгаа бөгөөд хамрагдах хүсэлтэй залуусын материалыг энэ сарын 30-ны өдрийг хүртэл авч байна. Хамрагдахыг хүссэн залуус дараах шаардлагыг хангасан байх юм. Үүнд: 
Увс аймгийн Улаангом сумын гуравдугаар багийн нутаг дэвсгэрт “Цагаан хөшөө трейд” ХХК-ийн барьж байгаа таван давхар орон сууцны барилгын дөрөвдүгээр давхраас нэг хүн унаж гэмтжээ. Тухайн хүн Гэмтэл согог судлалын үндэсний төвд эмчлүүлж байгаа аж. Осол гарсан барилгын ган татлагатай дүүжинт өргүүрийн өргөх, зөөх, тээвэрлэх механизмд тавигдах шаардлагыг хангаагүйгээс тулгуурын өнхрүүлэг мултарсан гэсэн урьдчилсан дүгнэлт гарсан байна. Тиймээс шаардлагыг хангах хүртэл улсын байцаагчийн акт гарган барилгын ажлыг түр хугацаагаар зогсоогоод байгаа аж.
Нийслэлийн ЗДТГ, Монголын Балетын Хөгжил Сантай хамтран зохион байгуулж байгаа “Цөмөөхэй балет” бүжгэн жүжгийг МУГЖ Д.Алтанхуягийн найрууллагаар шинэчлэн Дуурь Бүжгийн Эрдмийн театрт 2014 оны 12-р сарын 24-нөөс 28-ны өдрийн хооронд тоглох гэж байна.
Нийслэлийн Засаг Дарга бөгөөд Улаанбаатар хотын захирагч Э.Бат-Үүл “Хөрөнгө бүртгэлээс хасах тухай” А/950 дугаар захирамж гаргалаа. Захирамжаар Нийслэлийн Мэргэжлийн хяналтын газрын улсын байцаагчийн дүгнэлтийг үндэслэн 61 дүгээр сургуулийн балансад бүртгэлтэй Чингэлтэй дүүргийн 12 дугаар хороонд байрлах дунд сургуулийн нийт 69 сая 515 мянган төгрөгийн үнэ бүхий барилга байгууламж, нийтийн эзэмшлийн эд хөрөнгийг акталж, нийслэлийн өмчийн бүртгэлээс хасах юм. Данс бүртгэлээс хасагдаж байгаа хөрөнгийг батлагдсан төсөвтөө багтаан буулгахыг Чингэлтэй дүүргийн 61 дүгээр сургуульд, хоёрдогч түүхий эдийн зориулалтаар үнэлэн худалдаж, худалдсанаас орох орлогыг нийслэлийн төсөвт төвлөрүүлэх, газрын эзэмшил болон ашиглалтад хяналт тавьж ажиллахыг нийслэлийн Өмчийн харилцааны газарт, захирамжийн хэрэгжилтэд хяналт тавьж ажиллахыг Нийслэлийн Засаг даргын орлогч Н.Батаад үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Ирэх оны дөрөвдүгээр сараас автобусууд цахим картын системд шилжинэ. Тодруулбал, иргэд урьдчилан цахим карт худалдан авч нийтийн тээврээр үйлчлүүлэх юм. Одоогоор цахим картын үнэ сонголтын талаар ярилцаж байгаа аж. Цахим системд шилжүүлэх тендерт “Дата карт” консорциум шалгарсан байна. Нийтийн тээврийнхний хэлж буйгаар цахим картанд шилжүүлэх ажлыг нийт 14.2 сая доллараар хийх гэнэ.
Хууль бусаар үйл ажиллагаа явуулдаг баарны эздийг баривчилж эхэлсэн талаар Нийслэлийн цагдаагийн газраас мэдээллээ. “Доргио” хэмээх шөнийн клубын үйл ажиллагааг зогсоож,тус баарны захирлыгзахиргааны журмаар баривчилсан гэнэ.”Цагдаагийн албан хаагчийн хууль ёсны шаардлагыг биелүүлэхгүй удаа дараа зөрчил гаргаж, цаг хэтрүүлдэг, зохих байгууллагын зөвшөөрөлгүйгээр үйл ажиллагаа явуулдаг” хэмээх шалтгаанаар түүнийг буруутгажээ. “Сүүлийн үед архидан согтуурахтай холбоотой эрүүгийн нөхцөл байдал хүндрэх төлөвтэй байгаа” хэмээн нийслэл болон дүүргүүдийн цагдаагийн хэлтсүүдийн архидан согтуурахтай тэмцэх тасгаас үйл ажиллагаагаа идэвхжүүлж байгаа гэнэ. Цаашид иймэрхүү зөрчил дутагдал гаргахгүй байхыг аж ахуйн нэгж иргэдэд анхааруулж байгаа бөгөөд хяналт шалгалтаа улам сайжруулж ажиллана гэнэ шүү. 
64 дэхь удаагийн Дэлхийн мисс шалгаруулах тэмцээн ирэх арванхоёрдугаар сарын 14-нд Лондон хотноо болно. Энэ жилийн шагналтанд титмийг нь 2013 оны мисс Филиппиний Меган Янг гардуулах юм. Дэлхийн миссийн урьдчилсан шалгаруулалтыг Монголын мисс Т.Батцэцэг тэргүүлж байна. Энэхүү санал асуулгыг интернэт хэрэглэгчдийн дунд явуулсан ажээ. Та бүхэн саналаа www.ranker.com буюу энэ линкээр орж санаалаа өгнө үү. http://www.ranker.com/list/early-ranking-of-miss-world-2014-contestants/mtechman?&format=GRID
Бразилийн алдарт хөлбөмбөгчин Пелегийн бие муу байна. Тэрээр түргэн тусламжаар эмнэлэгт хүргэгдэн шинжилгээ хийлгүүлж байгаа тухай Сан-Паулу хотын захиргаанаас мэдэгджээ. Нэр хөлбөмбөгчин Альберт Эйштейны нэрэмжит эмнэлэгт байгаа гэнэ. Бразилийн зарим хэвлэлд бичсэнээр 72 настай Пелегийн ходоод нь гэнэт өвдсөн байна.