Нийслэлийн ИТХ-ын Тэргүүлэгчдийн ээлжит хуралдаан болж, Уламжлалт эм, эмийн ургамал компани НӨҮГ-ыг татан буулгах асуудлыг хэлэлцэж, шийдвэрлэлээ.
Хуралдаанд асуудлыг Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа танилцуулж, нийслэлийн Өмчийн харилцааны газрын дарга Ш.Төмөрбаатар, орлогч дарга Т.Батдорж нар оролцлоо.
“Уламжлалт эм эмийн ургамал компани” НӨҮГ нь анх 1974 онд байгуулагдаж байсан бөгөөд 2014 оны байдлаар 2 үндсэн, 12 гэрээт ажилтантайгаар монгол эмийн ургамлын үйлдвэрлэл явуулж байна. 2014 оны 2 дугаар улирлын балансаар 32 659,1 мянган төгрөгийн орлого олж, 45,681,6 мянган төгрөгийн зардал гарган 13 023,5 мянган төгрөгийн алдагдалтай ажилласан. 42 712,6 мянган төгрөгийн өрийн төлбөртэй, 80-аад хувь нь татварын байгууллагад төлөх шаардлагатай. Тус байгууллагын удирдлага нь Нийслэлийн Засаг даргатай Үр дүнгийн гэрээ байгуулдаггүй 2013, 2014 оны жилийн тайлан балансаа Төрийн сан болон Өмчийн харилцааны газраар баталгаажуулаагшй, 2014 оны бизнес төлөвлөгөө болон зорилтот түвшний талаар санал ирүүлж батлуулаагүй байна. Нийслэлийн Засаг даргын 2014 оны А/94 дүгээр захирамжаар нийслэлийн өмчит үйлдвэрийн газрын захиралуудтай байгуулсан 2013 оны контрактын биелэлтийг дүгнэхээр байгуулагдсан ажлын хэсгээс “Уламжлалт эм, эмийн ургамал компани” НӨҮГ-ыг татн буулгах санал гаргажээ. Өнөөдрийн байдлаар үйл ажиллагаа нь зогсонги байдалтай байгаа гэж Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа хэллээ.
Нийслэлийн ИТХ-ын Тэргүүлэгчид “Нийслэлийн өмчит үйлдвэрийн газрыг татан буулгах үндэслэл дутуу байна. Шууд татан буулгахгүйгээр менежментийн багийг өөрчлөх, шинэчлэл хийсний дараа татан буулгах ёстой” гэсэн саналыг гаргасан. Харин Нийслэлийн Өмчийн харилцааны газрын орлогч дарга Т.Батдорж “Одоогоор үйл ажиллагаа нь бүрэн зогссон, зуны улиралд хэдэн хүмүүстэй нийлж ургамал түүдгээс өөр ажил байдаггүй. Зорилго, чиглэлгүй ажиллаж байгаа” гэлээ. Нийслэлийн ИТХ-ын дарга Д.Баттулга заавал татан буулгах шаардлагатай эсэх, нийслэлийн өмч хувьчлалын жагсаалтад оруулах талаар тодруулахад Нийслэлийн Өмчийн харилцааны газраас 2015 оны Нийслэлийн өмч хувьчлалын жагсаалтад оруулахаар төлөвлөсөн гэсэн юм. Нийслэлийн ИТХ-ын Тэргүүлэгчид хэлэлцээд татан буулгах ажлыг хуулийн дагуу зохион байгуулж, 2015 оны Нийслэлийн өмч хувьчлалын жагсаалтад оруулахыг үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
УИХ-ын нэр бүхий гишүүдийн бүрэн эрхэд халдаж, тэдний гар утаснаас зүй бус мессежийг тараасан үйлдэл гарсан. Уг асуудлыг шалгаж, тодруулах үүргийг УИХ-ын дарга болон УИХ-ын Аюулгүй байдал, гадаад бодлогын байнгын хорооноос ТЕГ-т өгсөн юм. ТЕГ-аас энэ асуудлаар шалгалт хийгээд дүнг нь УИХ-ын Тусгай хяналтын дэд хороонд танилцуулсан талаар албаны эх сурвалж мэдээллээ.
Санхүүгийн зохицуулах хороо үнэт цаас, даатгал, бичил санхүүгийн салбарт үйл ажиллагаа явуулж буй байгууллагууд, мэргэжлийн холбоод болон олон улсын байгууллага, төрийн байгуулагуудын төлөөллийг оролцуулсан нэгдсэн чуулга уулзалтыг энэ сарын 20-ны өдөр зохион байгуулахаар болжээ.
Өнөөдрийн УИХ-ын чуулганы хуралдаанаар Монгол Улсын 2015 оны төсвийн тухай хуулийн төслийн гурав, дөрөв дэх хэлэлцүүлгийг хийж баталлаа. Хэлэлцэх асуудлын талаар Төсвийн байнгын хорооны танилцуулгыг Улсын Их Хурлын гишүүн Ц.Даваасүрэн танилцуулав.
Мексикийн Веракрус хотноо эхлэх гэж байгаа Төв Америкийн болон Карибын тэнгисийн улс орнуудын спортын тэмцээн уралдааны өмнөхөн Куба улсаас энэ тэмцээнд ширээний теннисний төрлөөр оролцохоор мэдүүлгээ өгсөн Сандра Мустельер тамирчдын хотхоноос оргожээ. Өдгөө 28 настай тамирчин Куба улс руу буцахгүй гэдгээ өөрийн багийн ахлагчид утсаар мэдэгдсэн байна. Ингэснээр түүний гадаад паспорт нь тэмцээнийг ахалж байгаа төлөөлөгчдөд үлдсэн байна.
Маникюр буюу хумс заслын хэрэгслээ ариутгалгүйгээр, хоёр хүнд хуваан хэрэглэснээс болж 22 настай эмэгтэй ДОХ тусчээ. Энэ хэрэг эрдэмтдийн санааг ихээр зовоож байгаа бөгөөд тэд ДОХ-ын вирус дамжих шинэ хэлбэр илэрснийг нийтэд зарлав.
Нийслэлийн мэргэжлийн хяналтын дэд дарга Ж.Бат-Эрдэнээс 2014 оны арваннэгдүгээр сарын 14-ний өдрийн 0203-3532 тоот албан бичиг ирлээ. Уг албан бичигт дурдахдаа Нийслэлийн ерөнхий төлөвлөгөөний газарт хандан Монгол Улсын хууль, тогтоомжийг зөрчин баригдаж байгаа “Астра буйлдинг” интернэйшнл компанийн “Астра буйлданг” барилгын зураг төслийг дахин хянаж, арваннэгдүгээр сарын 31-ий дотор тухайн зөрчлийг арилгуулахыг үүрэгдсэн байна. Уг шийдвэрт дурдахдаа хоёр барилгын хоорондын зай 2-4 давхар бол 14 метр зайд байна гэсэн Барилгын тухай хуулийн заалтыг зөрчин 8 метр барьсныг ноцтой зөрчил гэж үзсэн байна. Энэ зөрчлийг заасан хугацаанд арилгаж хариу мэдэгдэхийг үүрэгджээ. Үүнээс үзэхэд дараахь ажлууд хийгдэх бололтой. Барилгын зургийг дахин хийх. Барилгын зургийг дахин хийнэ гэдэг нь барилгыг зогсоож таарна. Ингэж зөрчлийг нь арилгуулж дахин барина. Тэгэхээр “Астра буйлдинг” барилгыг 17 хоногийн дотор нураана гэсэн үг юм.
Япон улсын Засгийн газрын буцалтгүй тусламжаар Монголын хүүхэд, залуучууд нийт ард иргэдийн экологийн боловсролыг дээшлүүлэх, байгаль орчны салбарын мэргэжилтнүүдийн мэдлэг, мэргэшлийг хөгжүүлэх зорилготой Цэнгэг усны нөөц байгаль хамгаалах төв байгуулагдаад хоёр жил өнгөрчээ. Энэ хугацаанд тэд нийт 55 мянга гаруй иргэнд үйлчилж, анхан шатны болон ахисан түвшний экологийн сургалтыг явуулсан байна. 
Тайланд улсын Пукет хотноо энэ сарын 14-21-нд зохион байгуулагдаж буй Азийн IV наадамд Монголын сагсчид оролцохоор боллоо. Тодорхой шалтгааны улмаас Монголын Үндэсний олимпийн хорооны зүгээс тус наадамд оролцох эрэгтэй, эмэгтэй сагсан бөмбөгийн багт хориг тавьж, спорт сонирхогчдыг багагүй бухимдуулсан юм. Тэгвэл хоёр хоногийн өмнө Монголын Үндэсний олимпийн хорооноос хоригоо цуцалжээ. Ингэснээр манай эрэгтэй, эмэгтэй сагсчид Азийн элсний IV наадамд оролцохоор болж байна. Тэд өнөөдөр Тайландын Пукет хотыг зорих аж. 
Монгол Улсын хэмжээнд нийт 11 мянга 798 га талбайг хамарсан зөвшөөрөлтэй 426 төвлөрсөн хогийн цэг байдаг байна. 2012 оны байдлаар жилд дунджаар 1.1 сая тонн хог хаягдал гарсны тэн хагас буюу 500-550 мянган тонн нь Улаанбаатар хотоос гарчээ. Нийслэлд өдөрт 246 тонн, жилд 90 шахам мянган тонн хог хаягдал зөвшөөрөлгүй газарт хаягддаг гэсэн тооцоо байдаг. Нийслэлийн Захирагчийн ажлын албаны тооцоолсноор Улаанбаатарт өвлийн улиралд өдөрт дунджаар 1237.2 тонн хог хаягдал гаргадаг.